متعب
سلام عليكم انا من الجزائر تحديدا ولاية مستغانم برك راني حاس روحي ضايع بزاف انا من عائلة ماشي غنية و ماشي فقيرة دار لوطو ناكلو مليح الحمد لله بصح انا عندي طموح باش مانكونش انسان عادي و منعيشش حياة عادية برك ناكل نخدم نرقد مدابيا صوالح كتر و كتر كيما السفر و الحرية المالية عندي 18 سنة و راني ندير ف بزاف صوالح ف وقت واحد و ماشي حاس كاين حتى واحد يدعمني و لو بكلمة حتى من عند لافامي تعلمت حرفة البيتزا باش يكون عندي مصدر دخل و راني نعاود فالباك و راني نقرا الألمانية و نتريني و نتعلم مهارة فالأنترنت و نزيد نخدم 8 سوايع و نصرف انا على روحي الركبة الحوايج كلش ماشي حاب واحد يعاوني ني باغي نديرها روحي بصح عييت و الله و مكانش واحد يدعمك بكلمة شابة لي يزيد يخليك تبغي شا تريد سيرتو من عند لافامي لي نورمالمو هوما لي يكونو السند ليك