مشاعر فارغة

ساعات الواحد من كتر اللي بيفكر فيه واللي شايل همه بيفصل .. حرفيا بيفصل كأنه بيتفرج على حياته من برة مش أنا ده ..الحاجات اللي بتحصل واللي جاية بتشوفها من بعيد كدة كأنها بتحصل لحد تاني بتشوف الأيام والناس بتعدي وانت واقف تتفرج مش فارقة معاك عامة دي فعلا بتبقى حركة دفاعية من المخ عشان يهدى شوية فتمام يعني مش متضايقة

انا بجد عاوزه حد يساعدني ازاي ارجع احس تاني بقيت معنديش مشاعر مش عارفه ليه بس قلبي بقي يدق بس شايف شغله مفيش مشاعر احساس حتي لم بابا دخل عمليات والكل بيعيط مكنتش حاسه بحاجه بحاول انزل دمعه عشان ابان متاثره بس من جواء مفيش حاجه خالص

من وقت مارجعت من مركز تدريب وانا حاسس بعدم انتماء لاي شي للبيت لاي حاجه عموما حاسس بعدم مشاعر بعدم كل شي بمشي اليوم وخلاص ومش عارف كل دا لي هل دي فتره وهتعدي ولا انا هفضل كدا هل هتغير امتي مش عارف بس نفسي الفتره دي تعدي

حد هنا بيسلك للدنيا؟ انا بسلك في كل حاجة لو ابويا ولا أمي ضايقوني بقول مش مشكلة كلها عشرين سنة ويموتوا ( رغم اني بحبهم جدا ) لو حد من المدرسين ضايقني بقول مش مشكلة كلها سنتين ويغوروا لو عرفت ان عندي مرض بقول مش مشكلة كلها خمسين سنة ولا أقل واموت انا ممشي دنيتي كلها بالطريقة دي بجد