مشاعر متضاربه

Gift_33396 🇪🇬

منذ 5 أيام

شعور مرتبك

(الموضوع غريب محتاجه رايكم ) في احساس غريب دايما بحس به، سعات كتير بحس ان جوايا شخصيه تانيه غير الشخضيه اللي انا عليها، يعني ك مثال ، انا شخصيه هاديه وبحب الهدوء بعيده عن الاضواء بس جوايا شخصيه تانيه نفسها تطلع تبقا في الاضواء نفسها تطلع وتبدع وتضحك وتتكلم ويبقا ليها دور قوي ومؤثر ، بحسني كتير ا

Diamond_16481 🇪🇬

منذ أسبوع واحد

شعور مرتبك

سؤال للشباب خصيصا لأنهم هم فاهمين بعض: أنا عرفت شخص من خمس سنين، ارتبطت أنا والشخص دا شهر واحد وبعد فركشنا وبقينا صحاب طول السنين دي، لكن هو مش بيعترف بحبه أبداً، لكن بحس بيعمل كل حاجة كتصرفات معناها إنه بيحبني، لكن عمره ما قال. ولما سالته قبل كده زمان ليه مش بيقول، قال إنه خايف عليا. خايف عليا من

Moon_56012 🇪🇬 يبنتي انا جالي بانك اتاك منك 🙂😂 العلاقات يماما اتعملت عشان تسهل الدنيا مش تقلقعها وانتي عقدتي الدنيا اوووي بجد يصي هفهمك اولا انتو صحاااااب وبس فاهمه ؟!!! طلما رضيتي تبقو صحاب خلاص انسي جو الارتباط والجواز وكده واتعاملي عادي كانه صديق وبتتشاركو افكاركم تسالو ع بعض تكلمو وبعيدا ع المحن والله كان هو نصيبك ومكتوبلك هتجوزيه غصب عن اي حد لو مش نصيبك ولقيتي نصيبك توكلي ع الله واتخطبي وبرده هو هيكون

عرض الكل 33 نصيحة

عبّر عن شعورك بشكل مجهول

ولما سالته قبل كده زمان ليه مش بيقول، قال إنه خايف عليا. خايف عليا من إيه؟ وليه؟ ومرّة تانية سالته برضو قال إن احنا ارتبطنا شهر وفركشنا، لكن واحنا صحاب فضلنا كل السنين دي مع بعض.

حصل قبل كده موقف، يعني شدينا شويه وقالي: “انت عارفه إن مستحيل حد يفرقنا.” ولما مره هزرت معاه من شهرين كدا تقريبا، كنا بنتكلم واتس، قولتله: “ماهو مستحيل نفضل خمس سنين مع بعض وفي الآخر ما نتجوزش دا يبقى عبط يعني.” قالي: “أنا وعدتك بحاجه؟” قولتله: “لا، بس إمال احنا قاعدين مع بعض خمس سنين ليه؟”

ففضلنا ناخد وندي، وهو كان بيقرأ ويقول: “آه إيوه آه.” ودا معناه إنه متورط. حسيت كده كانه مش عارف يقول إيه، كانه متورط.
سؤالي هو ليه بيعمل كده ومش بيعترف بحبه واتعامل معاه إزاي.

جماعة للتوضيح: أنا مش هتخطب دلوقتي أصلا، حتى لو هو نفسه اتقدم، لأن عايزة اتخرج واشتغل وأعمل كارير، هو نفس النظام.

علشان كده بفكر إنه خايف يوعدني بحاجة وما يقدرش يوفي، لكن للآمانة هو مستعد يموت ولا إنه يزعلني، بس مش عارفة دا حب ولا مجرد صداقه، وبعد ما يكون عنده كارير هيروح يخطب وسيبني.

فيه مره حصلت مشكلة بينا، رغم إنه عنيد ومش بيقول مشاعره، لكن قولتله: “اللي حصل حصل مافيش حاجة هتقدر تغيرها.” قالي كلمه كده رماها في النص: “ارجع بالزمن واغيره.”

وموقف تاني برضو اتخانقنا عادي، زي أي اثنين، وقال كده: “آسف لو كلمتك بطريقة حادة ممكن تخليكي تعيطي بالليل، بس انت اضطرّيتيني لكده.”
أنا: أنا ما عملتش حاجة طيب.
هو: ولا تقدري يا.
كملنا كلام بعدها، هو قال: “بس بحاول على قد ما أقدر مزعلكيش وانيمك معيطه بسببي.”

دا شات النهارده لنا، مش حابة أحط شات لنا دي حاجة تخصنا، لكن مضطرة علشان تفهموا العلاقة دي نظامها إزاي:
أنا: انا هسألك سؤال اجابته عايزاها واضحه
أنا: هو انت معايا بقالك خمس سنين ليه؟
١- انت مبسوط باهتمامي بيك؟
٢- عندك سبب و مش شايف ان الوقت المناسب له؟
٣-بتكلمني كصاحبه لك عادي زي اي صاحبه في الدنيا عادي

هو: يادي النيلة

أنا: سهلت عليك الدنيا
أنا: اختار اجابه منهم يلا

هو: مش عارف اقولك ايه
هو: زهقت من الموضوع دا بصراحه
هو: و تكراره بشكل غريب

أنا: اقسم بالله انا كمان
هو: و اوفر

أنا: علشان ان ابقا مع حد في علاقه زي كدا
أنا: دي اهانه ليا

هو: مش عجباكي العلاقة ؟
هو: هو حد هانك

أنا: حاسه ان لوحه هنا مش ضروري تعرف اي حاجه
أنا: لا هي حلوه لكن اللي مش حلو
أنا: دا

هو: وانا كمان لوحه

أنا: لو جاوبت الدنيا هتكون حلوه وعادي

هو: و لو مجاوبتش

أنا: لا انت مش كدا
أنا: هنسيب بعض
أنا: قلبك وقف صح
أنا: بهزر
أنا: بس ماتستبعدهاش

هو: ردي بجد

أنا: هفضل متضايقه ومش هنخلص من السوال الرخم والموضوع الارخم دا
أنا: انا بفضل متوتره جدا بجد
أنا: كل ما نتكلم في الموضوع دا

هو: بقالك خمس سنين كدا ؟

أنا: مش عارفه ليه بس انا متوتره جدا دلوقتي
أنا: اه

هو: متاكدة ؟

أنا: ايوا ما اكيد مش حابه وضعي وانا لوحه😂

هو: و مكملة ازاي خمس سنين وانتي كدا

أنا: انت زي ما يكون بتقولي امشي

هو: لا
هو: في فرق
هو: انتي بتقولي مضايقه و مش عارف ايه

أنا: علشان انا مبسوطه معاك لكن متضايقه كوني لوحه

هو: ف انتي ازاي فضلتي كل دا خمس سنين
هو: ازاي مبسوطة معايا و حاسه نفسك لوحه

أنا: مش عايزه اكون لوحه عايزه اكون شريكه في رؤيه العلاقه دي بس

هو: احنا صحاب بقالنا خمس سنين

أنا: ليهه بتدخلنا كلللل مره في نفس الفيلم

هو: أنا بسالك عشان انتي بتقولي كلام متناقض

أنا: انا لو مش مبسوطه كنت سيبتك من زمان
أنا: لا
أنا: انا مش متضايقه من العلاقه كلها
أنا: اللي مضايقني جزء مفقود في العلاقه
أنا: محتاجه اعرفه
أنا: فا بسألك
أنا: ممكن ترد؟

هو: طب بصي
هو: امسحي دموعك
هو: و اهدي كدا
هو: و صلي على النبي

أنا: عليه الصلاة والسلام

هو: شطورة
هو: كملي يومك عادي بقا

أنا: انت بتتجاهلني؟؟؟؟؟

هو: مش تجاهل

أنا: انا عايزاك ترد على سؤالي النهارده
أنا: هزعل منك اوي بجد

هو: هرد بمزاجي

أنا: مش عايزه الشيطان يفضل يلعب بيا (ياولد)
أنا: انت مش فاهم بتيجي لي افكار ازاي

هو: استعيذي من دماغك
هو: ايه

أنا: بفتكر لما انا كنت هزرت معاك مره وقولتلك مستحيل نفضل مع بعض خمس سنين و نسيب بعض وانت قولتلي هو انا وعدتك بجواز؟
أنا: فا بعدين ارجع اقول يمكن قال كدا علشان مايبينش مشاعره
أنا: فا تطلع فكره ازفت من الفكره دي
أنا: و افكر انك اول ما تقابل واحده تحبها هتسيبني
أنا: و بعدين اقول يمكن مش فاهم مشاعره
أنا: وبعدين اقول معقول خمس سنين مش فاهم؟
أنا: وهكذا وهكذا وهكذا

هو: يخلاثي كل دا ؟🥹

أنا: اه
أنا: شوفت بقا انت سايبني في ايه؟

هو: عارفه تكملي حياتك ؟
هو: ولا الموضوع صعب و مش قادره

أنا: ايه لازمة السؤال دا

هو: ردي بس😂😂😂

أنا: هتقولي شوفي اللي يريحك؟
أنا: ؟
أنا: هتقولي كدا صح

هو: نو

أنا: يعني لو مش مرتاحه هتسيبني؟
أنا: انا بكملها عادي لكن كل شويه تيجي افكار تضايقني عايزه اقطها خالص

هو: خليها مسلياكي
هو: وانتي كدا كدا نكدية بتحبي النكد

أنا: رد (ياولد)

أنا: طيب ماشي هسالك حاجه تاني

هو: اسأليني

أنا: بفتكر لما انا كنت هزرت معاك مره وقولتلك مستحيل نفضل مع بعض خمس سنين و نسيب بعض وانت قولتلي هو انا وعدتك بجواز؟
أنا: و افكر انك اول ما تقابل واحده تحبها هتسيبني
أنا: حاجه من دول صح؟

هو: مشكلتك باصه للعلاقة في المستقبل
هو: وانا باصص للحاضر

أنا: علشان كدا مش عايز تقول حاجه؟
أنا: خايف في المستقبل الحاجه دي تتغير؟

هو: مش حوار مش عايز
هو: حوار مش عارف

أنا: مش عارف ايه بالضبط
أنا: مش عارف تفهم نفسك؟
أنا: ولا مش عارف تتكلم

هو: مش عارف المستقبل رايح على فين

أنا: يعني ايه
أنا: اللي بتعمله دا غلط
أنا: يعني مثلا
أنا: انت خايف تخطب بنت علشان خايف الخطوبه ماتكملش؟
أنا: تخيلها كدا
أنا: دا منطق؟
أنا: خايف تعترف لبنت خايف مشاعرك تتغير؟
أنا: او خايف ماتقدرش تخطبها؟
أنا: خايف ماتقدرش تتجوزها؟
أنا: مش منطقق
أنا: دا اللي انت تقصده ولا لا؟

هو: لا

أنا: طيب فهمني دماغك اللي نفسي اولع فيها دي
أنا: كان بيقولي انت دماغك دي مش عارفه مالها
أنا: دماغككككك انتتتتتتتت

هو: (يابنت) ما تفكك

أنا: هفضل افكني لامتى بقا
أنا: انت ليه مش عايز ترد
أنا: انت ناوي تعمل حاجه منهم ولا ايه
أنا: يعني انت يوم ماتشوف واحده تحبها هتبعد وتقولي انا ماوعدتكيش بحاجه؟
أنا: علشان كدا مش عايز تتكلم وساكت بقالك خمس سنين؟
وسؤال كمان انا كدا يحافظ على كرامتي ولا لا؟🥲

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_64200 🇪🇬

منذ أسبوعين

شعور خجول

انهارده انا حاسه ان اليوم هيبقى حلو إن شاء الله، لان عندنا تجمع عزومه عند خالي واخيراً هنجتمع انا وبنات خالاتي وبنت خالي بعد فتره كبيره، اخر مره شفتهم كانت في شهر 9 وكان صُدفه أصلاً، وبنت خالي لسا شيفاها يوم الجمعه بعد غياب شهر. وبجد بحاول اتغاضى عن ان بنات خالتي كانو ببتقابلو ويكونو في المكان ال

Watermelon_51475 🇮🇹

منذ شهر واحد

شعور مرتبك

أنا بحب اخو صحبتي وبنتكلم وإحساسي بيقول انه معجب صحبتي التانيه الي مش اخته قالت ان صحبتنا الي هي اخته قالت انها سالته انو بيحبني ولا لاء قال حب لاء أنا مشفتهاش ممكن اعجاب اه غير كدا بتقول انه لسه منسيش الي كان بيحبها قبلي وان لحد دلوقتي لما بيشوفها نظارته ليها فيها حب وان هي مش عايزه تقولي صحبتي قال

Strawberry_28986 🇪🇬

منذ شهر واحد

شعور محبط

عبّر عن شعورك بشكل مجهول

هاي ي جماعه
كنت حابه اتكلم عن حاجه هنا بس عمري م اتكلمت عنها مع حد خالص هيا للاسف مشكله كبيره 
أنا فجاه لقيت نفسي بحب شخص متجوز أنا يعتبر داخله في ال20 سنه و هوا 40او 41 المهم يعني احنا في الاول خالص من حوالي سنتين كنا صحاب عارفه انو حتي الصداقه مع فرق السن متنفعش بس اهو حصل المهم بعد مرور الوقت ده كلو أنا فعلا حبيته و حبيته اوي كمان لدرجه أنا نفسي مبقتش متخيله أن ده ممكن يحصل اصلا المشكله انو فعلا شخص كويس و محترم و فيه حاجات كتير اوي اوي عجباني و مبقتش قادره استغني عنو في حياتي بقا حاجه اساسيه و مهمه و أما بيبعد بجد بحس ب حاجات وحشه اوي احنا لحد دلوقتي علاقتنا كويسه كصداقه و أنا متأكده انو بيحبني جدا بس طبعا عارفه أن حاجه زي دي متنفعش اصلا بس المشكله اني مش هقدر ابعد و في نفس الوقت مش هينفع اقرب علشان أنا فعلا مش عايزه اخرب بيته و مش عايزه اي مشاكل في حياتو بسببي أنا مش عايزه أأذيه ب اي طريقه و بردو مش عارفه أطلعه من حياتي و بحس كتير أن بعدي عنو بيأثر عليه بالسلب و مش قادره اخد اي موقف و في تفاصيل كتير اوي بس اعتقد ده كافي أن اي حد يقدر يقولي اي حل 
للعلم أنا حاولت اعمل حاجات كتير بس مش قادره اقنع نفسي اننا لازم نبعد خصوصا انو عمرو م جرحني أو اتأذيت منو ب اي شكل من الأشكال 
و اسفه ع الاطاله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_64200 🇪🇬

منذ شهر واحد

شعور عاطفي

عبّر عن شعورك بشكل مجهول

عايزة افضفض واتمنى تنصحوني اعمل اي او تقولولي رأيكو عشان انا مش عارفه احدد مشاعري...... 
ومعلش مقدماً اني هطول عليكو....... 
انا حالياً عندي 19 من حوالي 4 سنين كنت معجبه بشخص هو اكبر مني بـ 7 سنين انا مكنتش اعرف سنه في الوقت ده المهم يعني كان تعاملي معاه شبه رسمي أصلاً، هو فاتح محل ميك أب فانا كنت بروح اشتري مكياج او منكير فكان كل فين وفين،  وفي الاول كان عادي، بعدها بنت عمه اتجوزت ابن خالتي فهو كل ما اروح يسألني عامله اي ويسألني عن بنت عمه وبتشوفيها ولا لاء وكده، بعد كده لما كنت بروح كنت بحسه بيركز اوي معايا ومع انه كان جايب بنت تشتغل في المحل كان بيدخل يديني هو لما يكون واقف بر  ولما اروح ويجي زباين بعدي كان بيسبني للأخر او يقولي خليكي في الاخر احسن علشان اعرف اركز معاكي وانا بدأت انجذبله بس انا كنت عارفه ان دا مجرد إعجاب مراهقه لا أكثر، وبدأت اخد اي حد معايا عشان ما اركزش معاه ولا انشغل عنه لما يكون قدامي  فكنت باخد بنت عمي بما انها من سني وعارفه معظم الاوقات اللي بتكون فاضيه فيها، المهم بعد فتره بقيت باخد بالي انه بقى يركز مع بنت عمي اكتر ولو انا اللي بكلمه بلقيه باصص على بنت عليها مع اني اللي بكلمه، فكنت بضايق وبزعل،بس مكنتش ببين حاجه (لان مليش حق أصلاً) وفضلت اخدها برضو، وساعات كنت بروح مع اني مش عايزة حاجة المهم اشوفه بس واتحجج بأي حاجه، والدراسه بدأت وشغلتني عنه  وفكرت الاعجاب بدأ يقل، بس كان كل ما أشوفه قلبي يدق جامد اوي، وكنت بعنف نسي واقول ان دا مجرد إعجاب وهيروح، ودعيت ربنا ان لو هو مش من نصيبي يطلعه من قلبي وابطل تفكير فيه، سبحان الله في نفس اليوم حلمت بكابوس بيه وحاجه خوفتني وخلتني انفر منه فتره، بس للاسف المشاعر لسا موجوده، ومن سنتين بطلت اروح المحل الا نادراً ومبقيتش احس زي الاول والحمد لله اعجابي قل(بس برضو لسا في مشاعر) ولما اكون معديه من قدامه ساعات بلاقيه باصص عليا ولو واقفه في مكان هو فيه بحس انه مركز او ان في حد باصص عليا برضو  ، وامبارح كنا في خطوبه ابن خالتي وهو راح بس انا مشفتوش عرفت بعدين انه راح بس شفت مامته واخته، واخته تبقى صاحبه اختي من الطفوله وانا مصحباها، المهم لما الخطوبه خلصت وروحنا لقيت ابن خالتي بيقول انه كان موجود وكان بيدور على عروسه وشاف واحده وشكلها عجبته وخالتي قالت ان مامته كانت كل ماتشوف بنت تسألها هي بنت مين وكده، وانا زعلت شويه بس عادي لاني عافه انه مش ليا وهو مجرد اعجاب من طرف واحد، وبعدها بشويه قعت مع اخته (احنا جيران في نفس الشارع  وهي اصغر مني بـ.4 سنين) وسئلتها انتو لقيتو العروسه ولا لسا قالتلي معرفش والله، فقولتلها اللي ابن خالتي قاله قالتلي أخيراً العقده اللي عنده هتتفك (كانت قيلالي انه متعقد و مش عايز يتجوز ومفيش بنت عجباه) وقالتلي ابقى قولي لإبن خالتك يبعتلنا الفوتوسيشن عشان نشوف هي انهي بنت وانا هزرت معاها وعادي، وحالياً العروسه منزله صوره ليها هي وصحابها على الواتس فكنت بفكر اخد اسكرين للصوره وابعتها لأخته ويشوفو هي لو بنت منهم، وفي نفس الوقت متردده وبقول الموضوع ميخصنيش، وعلى فكره انا مسلمة من زمان ان هو مش ليا وحتى لو جه وخطبني انا هرفضه ولو انا مرفضتش اهلي هيرفضو، لانه معروف عنه من زمان انه بتاع بنات ومش سالك (الشكله الكبره اني عارفه كده من قبل ما اعجب بيه، واعجبت بيه برضو 😂)  فكنت عايزة نصيحه ابعت الصور ولا لاء، واتخلص من المشاعراللي باقيه دي ازاي ....؟؟؟

وأسفه اوي لو اتكلمت كتير وقولت تفاصيل ملهاش لازمه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_78119 🇪🇬

منذ شهر واحد

شعور ضائع

يا جماعه أنا عايزه اجرح نفسي مش علشان انتحر نو اطلاقا ولكن أنا برتاح لما ألاقيني بنزف وبتألم غير كده الحياه كويسه واحنا بنعترف وهنعافر ولينا رب كبير والف حمد وشكر لله اكلت وشربت وليا بيت أواني وامي عايشه الحمد لله علي وش الدنيا الله لا يحرمني منها

Kiwi_76314 🇪🇬

منذ شهرين

شعور ضائع

لشخص ما بما اني مش عارفه ابعتله الماسدچ ديه ...من سنه او حتى كام شهر لو كنت جيت تقولي انك بتحبني كنت هطير من الفرحه سبحان مغير الأحوال دلوقتي اكتر حاجه مرعبه انك تكون بتحبني انا بحبك بس انت مش ليا بحبك بس الوقت مش مناسب بحبك بس لسه بدري عليك بحبك بس لسه بدري عليا بحبك يمكن في عالم تاني ودلوقتي هقولك

Kiwi_74517 🇪🇬 المشهد ده عدي عليا قبل كده

عرض الكل 3 نصيحة

Strawberry_77062 🇪🇬

منذ شهرين

شعور مكسور القلب

انا كنت فى علاقه مع شخص علاقه غلط لمدة 3 سنين وشويه وزعلنا لسبب بسيط بس حسيت أنه مستنى سبب نوقف علاقتنا احنا كنا متفقين من الاول اننا مش حنكمل بس المفروض اننا حتى حنبقى نسأل على بعض دلؤتى احنا خلاص مبنكلمش بعض خالص ومش عند بعض على اى سوشيال ميديا لسرية العلاقه انا حاليا مفتقداه جدا جدا ومش عارفه أتج

Cherry_55017 🇪🇬

منذ شهرين

شعور مرتبك

سعدوني بجد انا مش فهماني عندي احساس متلغبط جدا انا كنت بحب شخص جدا فوق الوصف و كان بقلنا سنين سوا بس هو بعني و عمل غلطه مقدرش اعديها بعني و بجد انا عرفه انو ميستهلنيش ولا كنت هبقي سعيدا معاه والله انا عرفه بس كنت بحبه المهم انا اتعرفت علي والد بجد كل حاجه فيه كويسه و طيب و بيحبني و عايز ياخد خطوه ر

Popcorn_68662 🇪🇬

منذ شهرين

شعور ضائع

الوقت ده وقت اللخبطه. اللخبطه في كل حاجه بداية من مشاعر ولا احساس و احتياجات و شعور بالغضب أو التوهان وكل مشاعر دي ممكن تطلع من شخص واحد وهو مش قادر يحدد هو محتاج اي في كل ده . انا مثلا نفسي في حاجات كتير أولها أن نفسي اتشاف تاني و احس ان ليا وجود و ليا لازمه في حياه ناس القريبه مني . ا🥲🥲�

Biscuit_26457 🇦🇪

منذ 3 أشهر

شعور مرتبك

عبّر عن شعورك بشكل مجهول

انا مخنوقه اول مره احكي حاجه زي دي بس انا مش قادره افكر انا عرفت ولد وقربنه من بعض وبقينا نتكلم كتييييير اوي وفي اقل من شهر تقريبا بقينا عرفين عن بعض كل حاجه انا سكنه في حتي بعيد عنه ومع كده بيجيلي ديما رغم انه مش بيحب يسوق مسفات طويله وساعات بيكون تعبان اوي وبيجي بس عشان يشفني مشكلتي بقي اني بحس ان تفكرنه وال lifestyle بتاع حياتنا مختلف وكل مكنت بحول اقوله الكلام ده كان بيقعد يقولي شوفي العوزه وهعملهولك وبعدها بنفضل قريبين وانا فالطبيعي بنت محترمه جدا مش بسلم حتي علي اولاد بالايد واعرف ربنا لحد ما في يوم جه حضني وبسني  انا عارفه ان قصده مكنش وحش وعارفه انه عايز يتجوزني من اول يوم شفني وانا الرافضه وانا برده سني مش صغير انا داخله علي ٣٠ سنه والمشكله اني اتعلقت بيه جدا وهو كمان وانا حسه بالذنب وعوزه ابعد عنه عشان انا مش مقتنعه ان طبعنا منسبه لبعض انا وعيه وناضجه وفاهمه ان المشاعر لوحدها مش كفايه وفي حاجات تانيه بيتبني عليها العلاقات بس انا حسه بالذنب ومش عارفه اعمل ايه وعارفه انه مش حد وحش ابدا وان انا لو طلبت منه دلوقتي يتقدملي هيعمل كده وهيعمل اي حاجه انا عوزها بس حقيقي انا مش شايفه انها علاقه منسبه ليا او شبه احلامي اعمل ايه ومش عوزه حد يكلمني اني بنت وحشه عشان والله والله انا مش كده ابدا وكل اليعرفني بيحلف باخلاقي وعارف قد ايه انا محترمه وملتزمه هو نفسه اصلا قبل الموضوع ده عمره حتي مسلم عليا باليد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Guava_70060 🇪🇬

منذ 3 أشهر

شعور متعب

أنا بقيت حاسه اني تايهه اوي حتي شعوري مبقتش عارفه احدده زعلانه ولا فرحانه بقيت حاسه ان مفيش احساس معرفش أنا ف مرحله ايه رغم ان من فتره مش كبيره خالص كنت منهاره بسبب خروجي من علاقه كنت فيها خطوبه يعني وبطريقه وجعتني بس أنا هممني نفسي دلوقتي ومبقتش عارفه بعمل ايه الفتره دي كأني بلطش ف الدنيا كده لحد م

Chilli_74137 🇪🇬 بجد أنا فنفس للمشكله ف لو تحبي نتكلم سوا و يمكن نهون الدنيا علي بعض هتبسط جدا بموافقتك

عرض الكل 7 نصيحة

Sugar_32663 🇪🇬

منذ 3 أشهر

شعور ضائع

عبّر عن شعورك بشكل مجهول

جماعه أنا دلوقتي كان في حد متقدم ليا ومحصلش نصيب بس مكناش احنا السبب لأ أنا ولا هو كان حد من العيله هو السبب المهم دلوقتي صاحبتي في حد متقدم ليها وكدا وان شاء الله باذن الله ربنا يكملها على خير هيتخطبو السنه دي يا في نصها او في اخرها المهم خطيبها دا له أخ اكبر منه هو كويس اوي وعيلته كويسه اوي وأهل كويسين اوي بس الخلاصه يعني ان مستواه الاجتماعي والاقتصادي والأخلاقي والديني مناسبين اوي الحمد لله يعني ربنا يبارك فيه المهم صاحبتي بقا بتقولي انها هتقول لخطيبها دا عليا انه يجوزني اخوه وان أنا وهو مناسبين لبعض وهي نفسها ان أنا وهي نكون سلائف وكدا كدا هنقعد أنا وهي في بيت  بعيد عن الكل  العيله وكدا يعني يعني مفيش حماه مفيش الكلام دا المهم الكلام حسيته لزق في راسي وبقيت بعيش معاه في خيالي حاجات كتير اوي اللي هو يوم قرايه الفاتحه والشبكه والحاجات دي وانا أصلا معرفوش أوينه انه جاري  لان بطبيعتي بمشي بصه في الأرض لما بيكون في ولاد  وكدا ومتخيلتش أبدا ان دا يكون خطيبي بس بعد كدا بقيت بحس احساس حلو حد يفهمني ايه اللي بيحصل ليا وليه أنا كدا مع ان الموضوع بتاع اللي كان متقدم ومحصلش نصيب دا تعبني اوي جسديا ونفسيا وكمان لسه من يجي تلت أسابيع فاللي هو ازاي اتخطيت ولا متخطيتش ولا ايه دا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_61956 🇪🇬

منذ 3 أشهر

شعور ضائع

عبّر عن شعورك بشكل مجهول

كنت عايز اخد قراىكم في حاجه يريت رجاله بس اللي ترد 
انا كلمت بنت قبل كده من سنه تقريبا و بعدها عرفت انها مش تمام و عايزاني في حاجه مش تمام و انا رفضت و بلكتها و بعدت بس بعد كده لقيت واحد صحبي بيكلمها و ماسك عليها صور و فيديوهات و بيقولي بص ونا اتصدمت بس في سري و قاعد مبسوط قوي انه عمل كده ف انا مش تربيتي اني اعمل كده ف انا قولتله ازاي و بضحك كاني عادي المهم عرفت انهم اتقابلو في بيت صاحبي دا و حصل اللي حصل و بعدها البت دي دخلت تكلمني بتقولي الحنقي دا بيهددني بي الصور و  الحاجات اللي معاه مع العلم اني حزرتها منه قبل مهيا تقرب منه قوي و هيا طنشتني المهم انا قولتلها مش حظرتك و قعدت تعيط و تقولي مستقبلي و مش مستقبلي قولتلها انا هتصرف بس مش علشانك انتي انا هعمل كده علشان دي تربيتي و لو واحده غريبه في الشارع معرفهاش كنت هعمل كده برضه ف المهم اني اتصرفت فعلاً و عرفت امسح الحاجات دي و بعدها بفتره لقيتها بترن عليا بتقولي دا الواد بيرن عليا بيقولي انه عايز يرجعلها و بيتاسف و الكلام د و قولتلها بلكيه و قفلت معاها و بعدها بفتره عرفت انهم اتكلمو و عرفت انه غلط فيا في ضهري و يقول د نا اللي مديه الرقم و الكلام دا مع انه محصلش و عرفت كلام طالع منه اقسم بالله انا مستغربه المهم انا قفلت الموضوع معاه و بلكتها و روحت نصحته قعدت اقوله حرام و قد ايه انت في كارثه و اقتنع بي كلامي و قالي انه بيعيط في الصلا بسبب التفكير في المصيبه قولتله الحق نفسك و قالي تمام قفلت معاه الموضوع و بعدها و بعدها البت رنت عليا بتقولي دا الواد دا بيقولي ابعد عنك و ابقي قوليله انه بعد عني لو كلمك تاني و متعرفيهوش اننا بنتكلم ف المهم عرفت كده قولت خلاص انا مش هتعامل معاه في اي موضوع فيه بنات تاني ف المهم قفلت الموضوع معاه و بعدها بيومين بعتله رساله مردش عليا رنيت علبه برضه مردش ف المهم لسه باعتلي رساله من شويه بيقولي مردتش ارد علشان انا كنت بعمل مصايب و كل حاجه حرام انت ممكن تتخيلها و مكنتش رادي ارد عليك علشان انت كنت هتفولي حرام و مش عارف ايه انا شوفت الرساله حسيت اني مين دا هل دا ااشخص اللي انا اعرفه ؟
المهم اني قولتله ماشي ونا مش مهتم فعلاً اني اعرف 
ف انا مش عارف هل انا اقطع علاقتي معاه و لا لا 
مع العلم ان الشخص دا اعز صاحب عندي و اكتر شخص انا بحبه فعليا بحبه حب كانه اخ ليا فعلاً مع از في افعال كان ببعملها بتدل عكس كده بس انا بعدي علشان انا بحبه ف اتمنى حد يديني نصيحه علشان انا مش عارف اعمل ايه انا تايه جدا و حاسس اني مش عايز ابعد عنه و في نفس الوقت بقول دي مش تربيتي و دا مينفعش يكون صحبي او شخص اعرفه حتى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_16340 🇪🇬

مدمنة العادة السرية بشراهة ومش عارفة أوقف

انا بنت و حاليا بقيت مدمنة للعا دة السر ية وبشراهة و بقى عندي ميول و هوس شديد اوي و مش عارفه اوقف و مش عارفه اعمل ايه، حاولت اصلي و اصوم و اعمل كل حاجة لكن دايما الش هوة بتكون قوية جدا و مش بقدر اني اسيطر عليها…حد عنده حل يقدر يساعد فعلا؟! ...عرض المزيد

5 الدعم

28 نصيحة

Banana_72174 🇪🇬

متحيرة بين صحبتي اللي بحبها وعلاقتي مع ولدي

ازيكم ، أنا بنت عندي ١٧ سنه وعايشه في مصر وصحبتي الي هحكي عنها امها بريطانيه وباباها مصري بس هي حالياً هي مقيمه هناك وملامحها مصريه جدا واكتر مني وعندها ٢٤ سنه واستايلها قاصه شعرها بوي كات ولبسها كله يعني هنقول شبه عريان شويه لكن كا البيئه الي هي عايشه فيها فا طبيعي المهم انا عرفتها مش من فتره قليله احنا بقالنا كتير مع بعض واحنا الاتنين نفس الvibe وبنتكلم فيديو كول كتير ، اه صح نسيت اقول اني في relationship مع ولد بقالنا سنه ونص ، بقيت معظم وقتي مدياه ليها وهو انا بعلقه كتير وبرد عليه كل فين وفين واتشاكلنا كتير وشكلنا هنسيب بعض بس مش مهم ، الحكايه هنا بقا هي قالتلي انها bi وانا طول عمري استريت وعمري في حياتي ما فكرت اني اميل لبنت بس هي قدرت تخليني اميل ليها واحبها واعترفنا لبعض وبقينا بنبعت لبعض nudes وبقيت بكلمها فيديو كول وهي بتاخد دش وعلاقتنا انا مرتاحه جدا فيها اكتر من اي حد تاني وبالمناسبه هي مش virgin من وهي ١٤ سنه ، فا نزلت مصر من اسبوعين واتقابلنا في الزمالك ولا لا مفيش حاجه حصلت من الي في دماغكم بس هي باستني بس ، وامبارح قالتلي انها عايزه تخليني مش virgin في يوم وقالتلي اننا كدا علاقتنا هتقوي اكتر وهي ولا فارق معاها ان دا زنا ولا اي حاجه وانا ضميري صحي ومش هنكر انا بموت فيها وبحبها لكن مش عايزه كل دا تاني وعايزه اصلح كل حاجه منغير ما ابعد عنها ، انا عماله اعيط من امبارح ومحكتش غير لصحبتي اقرب واحده وفلضت تجرح فيا كتير ، انا اسفه اني طولت عليكم ...عرض المزيد

4 الدعم

28 نصيحة

Almond_73866 🇪🇬

انا كمالة عدد في شلتي ومحدش بياخد بالي

دايما بكون موجودة في اي حتة كمالة عدد وخلاص ، انا ليا شلة اصحاب بس حاسة اني موجودة فيها كمالة عدد ، دايما منشغلين ببعض ومحدش حتى بيبص في وشي ولا حد مهتم بوجودي .. بيضحكوا منغيري كتير ويهزروا منغيري وبيتبسطوا منغيري ومحدش عايزني فيهم ولو اختفيت مش هياخدوا بالهم .. ليه كده محدش متقبلني ولا بيحبني ...عرض المزيد

5 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع