مشاكل تواصل

هي الرجالة ليه بتتقمص؟ بجد ليه راجل يتقمص وياخد موقف من كل كلمة تتقال وانا معنديش مشكلة أن من حقه يزعل ويعبر عن دا لا بس مبقيتش عارفه اتعامل معاه عشان بتفهم غلط وبيقفش في كلام بيتقال وبيزعل ويقفل وانا مش ببقى فاهمه انا قولت ايه يضايق ولا عارفه اتكلم معاه وكل ما اقول خلاص هرد على القد بقع في نفي الغلط

انا واخد بالي اني بتطور للأسوأ يوم بعد يوم .. وصلت لمرحلة اني مبقتش اتحمل او اطيق التعامل مع اي بشر او الكلام معاهم لاي سبب او في اي مناسبة حتي صوت الناس جمبي مبقتش استحل اسمعه .. رسايل الواتس اب اللي بتجيلي و المكالمات طبعا مبردش عليها .. و طبعا مليش صحاب .. لو حد سألني عامل ايه بصده و بقوله متسالش كتير يا اما بقوله زي الزفت .. لدرجة ان مديرتي في الشغل رديت عليها كده قالتلي هخصملك قلتلها عادي مش فارقة .. انا مش فاهم في ايه

جماعه بحس إن مشكلتنا بجد إننا ديما بنحكم بالغيب على أفعال بعض من غير ما نسأل لي بجد واظن دا عيب في أغلبنا إننا ديما يا بنفهم غلط يا بنتفهم غلط مبحبش احكم على حد بحب احسن الظن هوا اه احنا مش لايكه بس لي بنسبق بالشر قبل الخير

عارف إن مشكلتي تبان تافهة بس بجد بجد انا بعاني منها، انا بقالي فترة منعزل بشكل غبي، بقالي تلت شهور مخرجتش مع صحابي ومش بنزل من البيت غير لجدتي مثلا كل اسبوع والضرورة وكدا، دا خلاني بجد دلوقتي بقيت خايف اتعامل وخايف اروح مكان فيه ناس، بقيت بميل للعزلة بشكل غريب، خايف اروح المدرسة، بروح الدروس بالعافية، واخر موقف اني محتاج اوصل حاجة لاخو جدتي وكنت عمال اتهرب من الموضوع بس النهاردة كان لازم، وهو ميعرفش ان اهلي جايبينله حاجة، كلمته بالعافية وانا اصلا خايف سألته اخبار حضرتك ايه والكلام دا، افتكرني بتطمن وبسأل عليه، مقدرتش اسأله هو في البيت ولا لا علشان اهلي جايبينلك حاجة، في دماغي انه هيتضايق جامد لو عرف اني بكلمه علشان بس اوصله حاجة مش اكتر، ومواقف مني دي كتير بجد، واهلي بيضغطوني ومش فاهمين اي حاجة من اللي انا حاسس بيه، شايفني بس مهمل كسول مش عاوز ينزل من البيت، وبصراحة انا بردو دايما حاسس اني بتدلع واني مكبر الموضوع، مع اني الحوار دا بجد معطل كل حاجة في حياتي، وانا بجد عمري ما كنت كدا مش عارف اعمل ايه، انتم مش متخيلي بجد التعامل مع حد بالذات لو اعرفه بقى مرعب بالنسبة ليا ازاي اسف لو طولت

انا مبعرفش اتكلم خالص ومبعرفش اعبر عن الكلام ال انا عايزه اقوله دايما ساكته كدا حتى مع اصحابي مبعرفش افتح كلام حتى مبعرفش اعبر بتعابير وشي واحده صاحبتي قالتلي اني لما بقولك حاجه مبلاقيش منك ريآكشن لان انا دايما متعوده اتجلد من اهلي لو عملت ريآكشن غلط بتحاسب على كل كلمه صغيره او كبيره حتى لو جيت احكي ل اخواتي حاجه بلاقيهم قالوا لماما بقالي كتير متكلمتش ومعبرتش أحل المشكله دي ازاي يعني ببقا عايزه اقول كلمه معينه بس مش عارفه بتتقال ازاي ال هو انا عارفه انا حاسه ب ايه من مش عارفه اطلعه على هيئه كلام ودا مخليني انطوائيه وحب للعزله مع اني بحب اني اكون اجتماعيه