مشاكل مع الأم

دلوقتي انا شعري كيرلي وهايش بطبيعته كنت عايزه اعتني بيه واجيب المنتجات بتاعته بس انا لسه صغيره علي اني اجيب كل المنتجات كلها فهجيب الليف ان والجل بس ماما مش راضيه بالجل وبتقول انه بيوقع الشعر وهي مش جربته اصلا انا الوحيده الي في اخواتي الي شعرها كيرلي وبدات اتقبله يعني بس مش هاعرف اعمله استايلنج من غير الاساسيات ممكن اعمل ايه علشان احل المشكله دي

انا بكره شكل جسمي جدا عشان عندي جاينو مرحله تالته مبقتش احب اشوف نفسي منغير تيشيرت و مبقتش اقدر اعيش حياتي منغير الخوف من بصه الناس و دائما في خناق مع امي عشان بلبس فيست فوق التيشيرت فالصيف 🙏🏻

مشاكل تافهه بتحصل دايما ف البيت وبتكبر ف الفاضي بحس انهم بيستنو الدنيا تبقى هاديه و يعملو مشكله من العدم وبالذات والدتي حرفيا على اي حاجه او اي كلمه تتقال مشكله وزيد من الشعر بيت اتا تالته ثانوي ف الموضوع بالنسبالي زياده عن اخواتي وانا قرفت وزهقت ف بفكر اسيب البيت مع اقرب فرصه بعد الامتحانات حد عنده فكره اعمل اي بعد خطوة اني اسيب البيت ؟

عايزه اعرف بتتعاملوا ازاي مع ماماتكم او اهلكم لو كل شويه بيضغطوا عليا بالكلام ! يعني ماما علطول مبتريحش نفسها بس بتشتغل وهي مش بتسكت لا بتفضل تتعصب عليا لو شربت كوبايه شاي مثلا وسيبتها شويه هي متستحملش تشوفها وتغسلها وتفضل تزعقلي ، خرجت مثلا حاجه من مكانها ونسيت ادخلها هي تدخلها وتتعصب عليا ، المشكله ان عارفه اني انا غلط وبنسي كتير وكمان هي معودتنيش علي كده من زمان بس انا ف نفس الوقت سعات بكون مضغوطه والكلام والعصبيه والنكد بيعصبني ، يعني حتي مش بتديني فرصه ادخل انا الحاجه او اعملها برواقه لا لازم تصحي الفجر تصلي مثلا وتفرك بقي غسيل ترويق تنضيف وانا مش كده خالص ولا بحب كده دا ممكن تعمل الغدا وتصحيني من احلي نومه اتغدي مثلا بس مش دايما بس انا مش بحب كده وتتعصب برضه وهي بتصحيني انها محدش ساعدها وهي لوحدها شغاله مع اني قولتلا ترتاح ميت مره وانا هعمل علي مهلي بس مفيش فايده