جماعه دلوقتي انا متخانقه مع صاحبه عمري و هي صحبتي من ساعت ما كنا في حضانه و طول عمرنا مع بعض تقريبا حصلت مشكلتين من فتره اول وحده بدأت اني دخلت اعاتبها علي حاجه بس هي غلطت كتير اوي و حتي اول مره تقولي توكسيك، ممكن تبان حاجه اوفر بس احنا مع بعض متعودناش نعامل بعض بالاسلوب ده و بصراحه هي متأسفتش و انا مكلمتهاش في الموضوع و عديته عشان مش بحب يكون بينا مشاكل دلوقتي اخر مشكله هي جت تعاتبني علي حاجه كان سوء تفاهم و هي فهمتني غلط و دخلت باسلوب مش كويس ف انا اتعصبت منها و قلتلها انهة مش بتفهمني صح ابدا و كلام من ده و هي اتعصبت و قفلت معايا الموضوع المهم قعدنا اسبوع مبنتكلمش و احنا عمرنا ماخانقنا اكتر من اسبوع ف دخلت اكلمها و هي شرحت انها حست باي و انا سمعتها و وضحت موقفي المهم انها سألتني ليه قلتلها انها بتفهمني غلط و انا بصراحه فتحت موضوع المشكله الي قبل ده و قلتلها اني مش ساعت ما جيت اعاتبك مره كده و لقيت رد فعلك معايا كده مبقتش مرتاحه اعاتبك تاني المهم هي انسحبت من المقاش و قعدت تقولي انها مصدومه و حاولت افهم منها ليه بس هي قالتلي معنديش كلام اقوله غير اني مصدومه و كده قلتلها خلاص لما تفكري و يبقي عندك حاجه تقوليها ابقي اتكلمي و احنا اهو داخلين في اسبوع مبنتكلمش و هي مبعتتش و انا مش عارفه هل من المفروض ابعتلها ولا اي عشان انا مش بحب الحجات تقف عند نقطه مش واضحه يعني احنا دلوقتي صحاب و في فتره مشكله و لا هي مبقتش عاوزه تكلمني ولا هي كمان نفسها نحل المشكله و نرجع نتكلم؟ بصراحه محتاجع رأي حد حقيقي عشان انا مش بحب احكي علي مشاكلي معاها بالذات لاي حد عشان ميتدخلش عشان بحس ده مشاكلنا و حاجه خاصه بينا