مش قادر

انا تعبان اوي تعبان بجد مش عارف أقول ايه بس تعبان وخايف، خايف لإني اتحطيت في حتة ضاغطاني اوي وقافلة عليا وانا مش قادر وتعبان مش عارف اعمل ايه بهرب من الواقع بأكتر طرق غلط ممكن اهرب بيها وعادي

عندي مشكلة جامدة اوي ومش قادر احلها ومش عارف اعمل ايه بجد ( محصلش ) فكرة ان انا اتعامل مع حد سوي نفسياً سيئة جدا تخيل اتعامل مع حد إيجابي وعنده طاقة للحياة وبيتكلم كتير؟ دة ايه الهبل دة احنا فايقينلك ولا ايه والاقيه بجد عنده أمل اوي في كل حاجة في حياته ومش عارف ايه، وبيتكلم كتير ومعندوش عقدة أنه يرغي مثلا دة انت غريب يجدع

جماعه انا لسه صاحي وبجد. مخنوق جدا حاسس اني عندي. اكتئاب المفروض اذاكر بس مش قادر رغم اني والله شاطر بس مش عارف ليه مش بذاكر كتير بحس ربنا مش كاتبلي اني اكون اشطر من كده دايما بأنب في نفسي ونفسيتي اتدمرت للاسف

بحس ان انا محطوط عليا امل كبير انا مش قده ابدا ولا عمري هكون قده سواءان كان من اهلى او صحابي او مدرسيني حتى.. يعني الموضوع ده بجد بيحسسني اني مليش لازمه و بتبقى صعبة بجد لما اخذل حد حاطط عليا امل طب بس هما ليه بيحطوا عليا امل وهما عارفين اني ممكن مكونش قده

الحاله جت تقريبا ارق ومتنح للسقف وسيل دموع بقا انت ؟ انت اللي عمرك ما عيطت ؟ هحححح انا مش بعيط انا قاعد كدا والدموع شغاله مش فاهم في ايه او فاهم لا فاهم والله بس بستعبط ومش عارف لحد امتا استعبط بس لو مستعبطتش مش هقدر اكمل وانا اصلا مش قادر لوحدي وجبت اخري والله