نتيجة الثانوية

Sugar_77420 🇪🇬

منذ 4 أسابيع

شعور مكتئب

عبّر عن شعورك بشكل مجهول

أنا حزينة وقلبي مكسور أوي والله، لما ظهرت نتيجة الثانوية وماجبتش الكلية اللي نفسي فيها حقيقي زعلت وقولت هقدم خاص ولما قدمت ماتقبلتش وحسيت ان اهلي قدمولي عشان يراضوني برغم انهم كلهم كانوا مش موافقين على حوار الخاص دا، وماما كان كل شوية تقول يارب ماتنقبلي فيها يارب ماتنقبلي، عارفه انها بتقول كده عشان خايفه عليا وكده بس المفروض ماتدعيش بحاجه زي كده وعارفه ان بنتها نفسها فيها وتحققت دعوتها ومانقبلتش،ومش هنسى ابدا لما اخويا قعد مع ماما وفضل يزن عليها ويقولها مش تدخليها خاص مش هتسلك عشان بس ماتجيش مراته بعد كده تقوله دخل بنتك زي ما دخلت اختك خاص ومش هيسلك معاها، ولما دخلت كلية بمجموعي اخترت قسم معين كان حلو بالنسبالي ومانقبلتش فيه برضو قولت هقدم كريديت(بفلوس) كل الاقسام كانت موجوده كريديت ماعدا القسم دا اللي كنت عاوزاه، كل الابواب اتقفلت في وشي ، بزعل وبحس ان قلبي بيتكسر لما بشوف اللي كانوا معايا محققين حلمهم ومبسوطين وناس كتير أوي أوي دخلت خاص ودخلت كليات عمرهم ماكانوا يحلموا بيها، مش ببص في رزق حد والله بس ليه؟ اشمعن انا كده طول عمري مش بطول الحاجه اللي عاوزاها وبحبها؟ عارفين انا كنت بنيت حياتي على الكلية اللي مدخلتهاش دي عرفت انا هعمل ايه في الكلية وهقرر اعمل ايه لما اخلص وظبطت كل حاجه وخططت لحياتي(كله بمشيئة الله طبعاً) وفجأة كل دا يتهد كل دا في الارض وملوش اي تلاتين لازمه، انا جايه اقول انّي حاليا مش قادرة ابدا ابدا اتقبل الكلية اللي انا فيها ومش قادرة اكمل ومش قادرة اذاكر ولا استوعب كلمة وعاوزة اسحب ملفي واقعد في البيت اهون ليا عشاان انا لسه مش اتخطيت واهلي مش مستوعبين دا، مش مستوعبين اني دخلت كلية مابحبهاش، مش قادرة استوعب كلمة، ماعملتش صحاب، المكان مش مناسبني، الناس دي مش شبهي ولا انا شبهم، مش دا المكان اللي اتخيلت انّي اكون فيه خالص! بكتبلكم وانا عماله اعيط وعامة مابطلتش عياط من يوم النتيجة ومحدش حاسس ولا هيحس بكمية الالم اللي جوايا عشان الموضوع مش موضوع مجموع ولا كلية وخلاص،ماحدش هيحس بيا وبكسرة نِفسي وانا شايفه صحابي بيحققوا حلمي أنا وانا في مكان مش طايقه نفسي فية، محدش ابدا هيحس بالوجع اللي جوايا وعامةً هي كانت غلطتي أنا، أنا اللي اتعشمت بزيادة وكان عندي أمل كبير، كنت شافه ان الجامعه دي مرحلة جديدة في حياتي لكل حاجه وهقدر اعمل صحاب زي مانا عاوزة بما انّي طول عمري وفي كل مراحلي التعليميه بتتعرض للخذلان والغدر من صحابي، بس الحقيقة اني ماعملتش صحاب ولا عشت اللي كنت متوقعه اعيشه، انا حقيقي مش عاجبني حالي خالص ونِفسي بقت مسدودة ناحية اي حاجه عامة ومش عاوزة اكمل حياتي عشان انا ماحققتش اي حاجه انا نفسي فيها لعند الان،وحقيقي انا مش راضية ابدا عن كل اللي بيحصل ولا راضيه عن حياتي وشخصيتي ولا اللي وصلتله دا وربنا يسامحني، وبالمناسبة انا عارفه انها مش بالكليات والله بس كنت شايفه ان دي فرصتي انّي اطلع من الدوامه اللي عايشه فيها هنا في الارياف عشان زي مابيقولوا انا مش عايشه عيشة اهلي ف كنت شايفه ان دي فرصة كويسه اتعرف على ناس انضف وارقى من كده، اتجوز واحد نضيف محترم ياخدني يطلعني من الدوامه دي، بس ياعالم بقا هنروح فين بعد كده وبقيت متوقعه الاسوأ عمومًا (:

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pear_75251 🇪🇬

منذ شهرين

شعور مكسور القلب

موضوع:

اكتر كلمه او موقف قفلك من شخص

عمر ما كلمه قدرت تاثر فيا غير لما والدي قالي انت اوسخ بني ادم فالدنيا بجد الكلمه دي كسرتي ومبقيتش عايز حاجه من الدنيا بس الحمد لله بقيت احسن بس مرجعتش زي زمان ومعتدقش اني هرجع وع فكرة الموقف دا كان يوم نتيجه الثانوي وانا حاليا متخرج

Apple_72234 🇪🇬

منذ 3 أشهر

شعور مرهق

عبّر عن شعورك بشكل مجهول

من بعد ما شوفت النتيجة بتاعتي وأنا حرفيًا حاسس الزمن توقف عند اللحظة دي تحديدًا مش عارف أتحرك من بعدها ولا عارف أشوف هعمل إيه أو حتى عارف أفاضل بين الكليات لأني أصلا كان هدفي أجيب مجموع عالي وبعدها أقرر بمجموعي أدخل إيه بعد المفاضلة بس بعد ما نتيجتي ظهرت وأنا حاسس إني مليش حتى إني أفاضل بين أي حاجة والله  وحاسس كل حاجة راحت اللي هو حرفيًا الثانوي فعلا تجسيد للمصير بعد النتيجة مش عارف هروح فين أو حتى أعمل إيه وحاسس إن معنديش هدف أفضل عشانه وأني بقيت حالة ميؤس منها مش هتفيد في أي شيء حتى الكليات الطبية أهلية الصيدلة مثلا طارت مني على 0.5% ومش عارف أدخل إيه ولا حتى إيه الأنسب ليا مع إن أهلي قالوا ليا لو عاوز تسافر أحنا معاك ومتأخروش عني بس حاسس إني مش مستاهل إنهم يدفعوا ليا حاجة ولا يتعبوا نفسهم أكتر من كده مع إني ولله الحمد كنت مخلص منهجي كله الحمدلله بس مش عارف أنا حتى الآن مصدوم من النتيجة وحاسس إنها مش هتعدي خالص خاصة إن مفيش فرصة تخليني أحسن المجموع أو أي شيء وحتى مفاضلتي بين الكليات كانت كليات طبية (بشري-صيدلة-تمريض) و بعد كدة كلية علوم والأخر حاسبات ومعلومات مجموعي جايب تمريض أهلية وعلوم وكمان حاسبات بس مش عارف أدخل إيه منهم ولا حاجة والدنيا حرفيًا طبختني وحاسس خلاص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_69618 🇪🇬

منذ 3 أشهر

شعور مرهق

موضوع:

أكتر موقف حسسك أنك غير مرغوب؟

يوم نتيجه الثانويه كلها نظرات أن مش هو ده اللي احنا منتظرينه ، نظرات كانها بتقول يا خساره فيكي اي حاجه عملناها عشانك يااا خساره الفلوس اللي اتصرفت عليكي هو ده اخرك عارفه أن كل حاجه اسم و نصيب و يعلم الله اني مقصرتش بس مكنتش حابه اشوف النظره دي

Potato_63928 🇪🇬

منذ 3 أشهر

شعور لا مبالٍ

البيت حاليًا في حالة توتر ولخبطة أكيد كلكم عارفين إن نتيجة الثانوية العامة ظهرت، وأخويا عمل اللي عليه بكل طاقته بس ربنا ما أرادش يوصله لمجموع عالي للأسف رد فعل العيلة كان محبط جدًا واستقبلوا الموضوع بطريقة غلط بقوا يتريقوا عليه ويقولوا ليه أن قرايبك والناس كلها غلبتك أنا حقيقي مش عارفة أهون عليه إزا

Avocado_47020 🇪🇬

منذ 3 أشهر

شعور مكسور القلب

Mango_29955 🇪🇬 الثانويه مش نهاية العالم ... ركزي فى مستقبلك وعقليتك

عرض الكل 3 نصيحة

عبّر عن شعورك بشكل مجهول

جبت %68 بعد دا كله ...مش مستوايا حرفيا اقل درجات جبتها و انا بكون مذاكرة يدوب كانت بتطلع 80% لو انا عايشه لوحدي بعيد عن المجتمع راضيه جدا و بحمد ربنا الف مرة اني نجحت صافي و اني قادرة ادخل جامعه خاصه لكن حاسه بكسرة نفس قويه انا الابنه الاكبر لاهلي و يعتبر الاذكى بين اخواتي كله كان متوقع اني اجيب طب حاسه بخيبه امل كبيرة جدا من اهلي و خاصه امي و اخويا ... امي بتقولي عادي و كدا بس انتو متخيلين كانت علطول تقولي جيبي مجموع عشان محدش يشمت فيا ابويا وراها السواد طول السنه و كان منكد علينا و كان هيتجوز و بتاع و لحد دلوقتي كل يوم تكشفه بيخونها علطول يقولها انت السبب ... خايفه يجي يوم يقولها انت السبب في نتيجه بنتك خصوصا انه بيحب المظاهر جدا حاسه بالسوء اني بتكلم عليه بهذي الطريقه هو حاليا داعم ليا  لكن هو سبب كل مخاوفي حتى خوفي اني اتزل في يوم من الايام بكلمه تضايقني ... كان نفسي حتى اجيب 75 انا بجد مش مصدقه مش فارق معايا الكليه قد ما فارق شكل المجموع بسبب المجتمع المريض اللي انا عايشه فيها خصوصا اني في قريه برضو .... اخويا بقا كان حاطط امله فيا النهاردة سألني على الواتس عملتي ايه قولتله و بس لما رجع من برا مقليش اي حاجه مقليش مبروك موسانيش مقلش اي حاجه صعبان عليا نفسي و امي و اخويا يارب ... انا عارفه انه خير ليا بس مش عارفه اتعايش ازاي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_20764 🇪🇬

منذ 3 أشهر

شعور قلق

عبّر عن شعورك بشكل مجهول

7/7✅، متأخرة 12يوم بس عشان حصلت كام حاجه كدا وفنفس الوقت مكنتش قادره...ايًا يكن النتيجه المفروض أنها بكرا خايفه جدًا لا هو انا م خايفه انا مرعوبه ومع ذلك انا واثقه ف كرم ربنا ومتأكده انه مستحيل يضيع تعبي النفسي والجسدي والعقلي والإرهاق وقلة الأكل والنوم وكل حاجه مريت بيها طول ال355 يوم دول بسهوله ومهما كانت نتيجتي انا بحمد ربنا علي كل حاجه وعارفه ان دا خير ليا انا بس خايفه لقدر الله مطلعش صافي او اسوأ نتيجه متوقعاها يحصل الأسوأ منها، انا م عارفه ازاي خايفه ومرعوبه مع اني مؤمنه بقدر ربنا بس بجد م بإيدي وخايفه اكون بقول كدا وبس وان انا م هبقي راضيه يقينًا باللي ربنا كاتبه ليا وربنا يزعل مني او مثلًا ربنا يختبر قوة إيماني بيه فالنتيجه ومستقبلي كله..حقيقي معرفش انا بقول ايه و م مركزه بس انا مخنوقه جدًا وبقالي أيام مباكلش كويس م عشان عامله فيها قلقانه لا انا بجد ببقي نفسي أكل بس مبقدرش ومليش نفس لأي حاجه وحتي النوم مبقيتش بنام كويس وبصحي مخضوضه وقلقانه وبفضل قلقانه طول الوقت اني ألاقيهم مره واحده بيقولولي النتيجه نزلت ولا حتي اتسربت ولا حصل اي نيله، اقسم بالله إنتظار النتيجه أصعب من السنه كلها وعارفه ان في ناس هتحس ان ايه الأوفر دا وليه يعني كل الخوف والقلق دا بس عادي انا ساعات كنت زيكم كدا وكنت بفضل أقول انا كدا كدا عملت اللي عليا وزيادة وربنا بإذن اللّٰه هيكرمني ف انا ليه أخاف بقي بس لما تبدأ تستوعب أن دا مستقبلك وانه واقف علي النتيجه دي والعك بتاع الامتحانات هتحس الوضع مختلف نهائي اه كل اللي حوالينا خايفين وقلقانين بس مستحيل يكونو زينا لأنهم خايفين علينا منحققش احلامنا ومنجيبش مجموع عالي وفي اللي خايف اننا نشمت الناس فينا بس احنا خايفين من كل دا وزيادة عليهم خايفين من كسرة أهالينا وان الفلوس اللي اتدفعت طول السنه تروح علي الفاضي وخايفين من عشم الناس فينا وأن كلهم واثقين فينا بطريقة مرعبه وانهم شايفين اننا قد المسؤلييه دي ف تخيلو كدا احساسنا واحنا شايفين ثقتهم فينا دي بتتكسر...انا م بفول ولا حاجه بالعكس انا كنت متفائله خير ومكنتش قلقانه وكنت بطمن نفسي بس كل ما افتكر اللي حصل فالامتحانات أترعب وفكرة ان بتوع السماعات يجيبو أعلي مننا احنا اللي مكناش بنغش كلمه وفالأخر التنسيق يعلي علينا ف دا ظلم وطبيعي نقلق بسببه.
بصو كلامي ملغبط بس فككو عادي محدش يركز بس كل اللي محتاجاه دعوات صادقه وأن ربنا يطمننا كلنا ويجبر بخاطرنا ويهون علينا واننا نرضي بكل حاجه ربنا قدرها لينا وفي النهاية بقولكم استنوني وانا ببشركم بنتيجتي بعد صياح سنه كامله وأيًا كانت النتيجه انا فخورة بيا وفخورة بالمجهود الرهيب اللي بذلته طول السنه وبكل حاجه عديت بيها وحدي وفخورة بمجموعي مهما كان عشان دا اللي ربنا قدرة ليا وأكيد هو دا الخير حتي لو كان باين العكس.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_59887 🇪🇬

منذ 4 أشهر

شعور مليء بالحياة

موضوع:

ايه اكتر شعور حسيت بيه ولايمكن تنساه أو تنسى الموقف؟

يوم نتيجه الثانويه اصعب يوم عدا عليا في حياتي فات عليه سنين كتيره بس صعب انسي تفصيله وكسرتي وقله حلتي وان الدنيا كلها كانت عليا ملقتش حد يطبطب عليا سعتها خيبه املي نع اني عارفه انا حليت اي وعملت اي ازاي ده حصل سعتها اماني بربنا هو اللي مخلنيش انتحر دخلت في اكتأب صعب جدا سنتين كاملين لحد ما قدرت ا

Popcorn_59602 🇪🇬 دلوقتي احسن بكتير واكتشفت فعلا الي متخطط احسن من الي انا كنت عايزو ووصلت لحجات مكنتش في حسباني بس احسن من حسباني

عرض الكل 2 نصيحة

Pineapple_45749 🇪🇬

منذ 11 شهرًا

شعور غاضب

موضوع:

تجربتكم مع الحسد

مكنتش بركز اوووى فى حوار الحسد كنت بكبر دماغى ابتديت اركز ان الحسد مدمر حياتى لما كنت فى ثانويه عامه أنا كنت دفعه 2022المهم أنا الحمد الله كنت ببقى الأولى على دفعتى ديما المهم جينا فى تالته ثانوى كنت بدرس وبشتغل وشغلى مأثرش الحمد الله على دراستى المهم خت اجازه قبل الامتحانات ونزلت الشغل يوم الوقفه ق

Strawberry_46570 🇯🇴 يجماعه دايما حصنوا نفسكوا باذكار الصباح والمساء😢😢

عرض الكل 11 نصيحة

Chilli_32528 🇪🇬

منذ سنة واحدة

شعور محبط

جماعه بتتخطوا ازاى بجد نتيجه الثانويه م كانت احسن حاجه بالنسبالى وم عارفه اتاقلم مع اخر كليه كانت ف حسبتي علاقتي مع ربنا مبقتش احسن حاجه برضو انا م بصلى من يوم النتيجه تقريبا لاني ببساطه موصلتش للكليه إلى فضلت سنه كامله بصلى وبدعي بيها مفيش حاجه كويس ف حياتي عامتا كل حاجه بايظه وكل حاجه غلط ادعولى

Strawberry_32562 🇪🇬 ده اختيار ربنا لكِ وهو أفضل بكتير من اختيارك أكيد الكليه اللي كنتي عايزة تدخليها مُش خير لكِ واللي ربنا اختارهولك ده الخير واللي أنتِ بتعمليه ده أكبر غلط أنتِ حتي لو إيه اللي حصل لا يجوز إنك تتركي الصلاة لأي سبب من الأسباب ده غير أنه حرام وتارك الصلاة كافر وكمان هتحسي إنك مخنوقه ومُش مرتاحه وكل ده من الشيطان هيقولك متصليش أنتِ دعيتي وفي الآخر لم تنالي ما تريدي الله يردك إليه يا رب ويهديكِ ويهدينا جميعاً

عرض الكل 4 نصيحة

Jackfruit_27940 🇪🇬

منذ سنة واحدة

شعور متعب

دلوقتي اي الحل في اني مش عارف اعمل حاجه حرفيا مش عارف اعمل حاجه من بعد نتيجة الثانوية العامة وربنا كرمني الحمد لله بس مش مبسوط بالعكس مضايق جدا جدا وعلي طول لدرجة أن دا اترجم ل عنف مع اهلي وصحابي إذا كان عنف لغوي أو جسدي بجد مش فاهم انا هنا ازاي ولا اطلع ازاي

French Fries_21091 🇪🇬

منذ سنة واحدة

شعور مستنزف

جماعه لو حد يعرف اللي انافيه ده ايه رجاءا يقولي انا من اسبوع تقريبا ظهرت نتيجه الثناويه العامة انا بقى المفروض كنت ازعل اعيط اي رده فعل حزينه حتى انا فضلت اضحك اليوم ده ضحك هستيري ولحد انهارده انا مش حاسه بأي شعور ، انا مش عارفه مصيري اي وانا مش حاسه بحجم المصيبه اللي انا فيها انا جبت ٥٢.٩٣

Strawberry_21038 🇪🇬 دا احتمال يكون من الصدمه 😥

عرض الكل 4 نصيحة

Banana_18377 🇪🇬

منذ سنة واحدة

شعور شاعر بالملل

بالنسبة لكل اللي ف ثانوية اوعوا تزعلوا من حاجه او الامتحانات و مش شرط عشان ذاكرت و عمت اللي عليك تدخل اللي نت عايزه بجد التوفيق من ربا و لو اتكتبلك تدخل حاجه ارضي بيها و ازعل بس مطولش يمكن يكون الل دخلته خير و انت منعرفش❤

Chilli_15170 🇪🇬

منذ سنة واحدة

شعور Okay 😐

محتاجه الناس اللى حققوا حلمهم في ثانوي يحكوا عن يوم نتيجه ثانويه عامه كان عامل ازاي بالنسبالهم و اي المشاكل اللى واجهتهم و اتغلبوا ازاي على خوفهم في فترة الامتحانات لاني خايفه جدا ️

Banana_11523

منذ سنة واحدة

شعور Not great 😕

مش كنت عيطت يوم نتيجة الثانوية ومكتمتش بدل ما انا بدمع من ساعتها كده.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع