نرجسي

مافيش شئ مقرف و مزعج قد للتعامل مع راجل نرجسي مفكر حاله فلوط او فزلوك و إن اى بنت بتقول له مساء الخير تبقى معجبة بسحنته الباهية 🫩 ** (مع العلم سحنته مش باهية ولا اى حاجة هو يصنف راجل عادى خالص مش وحش بس مش توم كروز يعنى ) 😂 الاسوء بقا فى الموضوع هى( لحظة المواجهة ) لحظة ظهور دماغه التي لا تحتوى غير على جمل من نوعية ( انا الراجل / لازم يتقالى حاضر / كلمتى هى اللى هتمشي / رأيي انا اللى هيكون ) و غيرها من الجمل الغريبة دى اللى الواحد مش فاهم بصراحة بتطلع منهم ع اساس ايه اصلا ؟! و هو فكريا فاااضي مافيش اصلا حاجة واحدة تخلي رأيه هو اللى يمشي و الله 🫩 و اه ملحوظة او توضيح بس قبل ما حد يطلع يقول لا ده صح و بلابلابلا من الهري ده 😏 اولا الرسول كان بيتناقش مع زوجاته و يستشيرهم ف من انت ايها الزعبولة عشان تقولى لا رأيي انا بس و مش هتناقش و تقولى حاضر و خلاص ؟! خير يعنى ! 🫩 ثانيا انت لو اصلا واثق فى رأيك يا زعبولة بيه مش هتفرضه ع غيرك بالعكس هتحب تتناقش عشان تعرف لو فيه بويت مش واصلة لك او فيه حاجات مختلفة غيرك عارفها او حاببها و انت مش عارفها او مش عارف سبب حب اللى قدامك ليها 🤷🏻‍♀️ ثالثا بقا انك تصنفنى عميانى كدة انى شخص عنيد ف انا عادى جدا عميانى برضو هاصنفك انك سوري يعني حمار و عاوز تتجوز واحدة امعة بلا شخصية تقولك حاااا ضر 😂 الناس بقيت غرييييبة بجد 😤🫩

هي مشكلة صاحبتي صاحبتي دي كانت بتحب واحد بتحبه فشخ بمعني الكلمة وهو كان بيقول كلام حلو يعني بعدين مره وتحده قالها مفيش مشاعر حاسسها نحيتك وبتاع وكل واحد يروح لوحده المشكلة هو اصلا في عيوب الدنيا نرجسي وصايع ويعرف بنات كتير عليها وقالها ده عادي انا دكتور _تقريباً مجموع ثانوي يخليك تعمل اي حاجه _ واعمل الي عاوزه كل يوم تعيك وتبكي وهو مقدرهاش ولا كلمها لحد ما اخر اسوبع بتقول بقت تمام وكنا معدين جنب كافيه وشافت بنت وظهر واحد شبها عليه وبدات تدهل في نوبه هلع لحد ما اتكدت اته مش هو قلته لسه بتحبيه بعد كل ده قالت اه ومش عاوزه غير تشوفه كويس بجد اعمل اي معاها عشان افوقه من الي هي في ده كل يوم بتتدمر والباشا كل يوم يتسرمح

اتطلقت من شخص اتشخص نرجسي من ٢ دكاترة بقالي سنه و نص و عارفة انه نرجسي و قرات كتب كتير عن ازاي اتاكد انه شخص مؤذي و الكتاب كانه بيحكي حياتي بالحرف و انا كمان ممكن ازود علي الي موجود في الكتاب . و في فصل في الاخر بيتكلم عن اننا ممكن نضعف تاني علشان الي بيعق في الشخصيات دي بيكون شخص متعاطف بزيادة و بيحب الحياه و بيحب الحب فمش بيعرف يعيش من غير حب و دا حقيقي انا فعلا كدا .. كل لما بنزل جيم و اشترك غي تراك و اخرج بحس اني كويسة و بعدها ابطل خروج ارجع مش كويسة تاني . في حد متخصص قالي لو انتي جعانه و عارفة ان التلاجة فاضية هل هتفكري تفتحي التلاجة تدوري علي اكل قلتله لاء طبعا .. قالي هوا التلاجة الفاضية مهما رجعتيلة مش هيقدر يديكي الحب الي انتي عايزاه لانه اصلا فاضي معندوش مش بيعرف يدي غير بشروط . و للاسف بردو دي حقيقة كان كل كلمة حب و لا حضن و لاخروجة حلوة كان ليها ثمن بياخدة اذا كان من سلامي النفسي ولا من شخصيتي الي بيمحيها ولا صحابي الي مانعني عنهم ولا اهلي الي مخليني متشاكلة معاهم ولا ولا ولا حاجات كتييير .. و برغم كل دا و الوعي الي وصلتله برجع افكر فيه . لان ناقصني الحب و الاحتواء و لان انا معرفتش غيرة في حياتي و اعرفة بقالي ١٥ سنه و انا دلوقتي ٣٢ سنه يعني نص حياتي معاه تفاصيلها و ضحكها و زعلها و عياطها و سفرها و لبسها كل حاجة بمعني كل حاجة . انصحوني لو حد مر بتجربة شبه كدا

ازاي بتتعاملو مع الشخص النرجسي بالاخص انه جوزي بجد لما عرفت افهم شخصيته عرفت انه نرجسي بطريقة اوفر وبيحب نفسه اوي واوقات تصرفاته بتخنقني بجد بس متضطرة اكمل وف نفس الوقت عايزا انه يغير من شخصيته دي

هل الزواج بعد الانفصال صعب زي ماانا بفكر؟ انا اتزوجت شخص قاسي وغي مريح بالمرة، بخيل بمشاعرة وفلوسة ومرمطني كتير واخيرا بنفصل عنه انا مش معايا اطفال الحمد لله لما لاقيته كدا قررت امنع الخلفه ع شان مش هينفع اجيب ولاد امرمطهم مع اب نرجسي وسيء كدا، ف انا شخصية ناجحة الحمد لله معايا ليسانس وقريبا هقدم ماستر يعني ابحمد لله كله تمام، لكن الفتره دي تفكيري بيموتني اللي هو مش عايزه اتحط في تفكير المجتمع وإني مش هينفع احب واتحب من تاني واعيش حياة كويسة واقابل فتى احلامي اللي يصوني ويقدرني ومش لازم يكون متجوز قبل كدا، ليه المجتمع بيبص للبنت اللي اتجوزت قبل كدا إنها ماينفعش تتجوز واحد عادي كدا لسه ماتجوزش قبل كدا بجد ايه بيحكموا علينا وهما مايعرفوش اتبهدلنا قد ايه مع ناس ماتستاهلش انا لسه ٢٣ سنة يعني لسه مادخلتش دنيا لسه ماعشتش الحياة بس نظرة المجتمع وحشة اووي، ياريت أي حد مر بتجربة او حاسس باللي بقوله ينصحني ويقولي هل هلاقي الشخص دا ولا هيتحكم عليا بالإعدام والعيشة مكسورة الخاطر 😭💔

عندى اب نرجسي لابعد حد و امي شخصيتها كانت ضعيفه بتتحمل المعامله السيئه عشان تكمل العيشه و ده بيخليه يتمادي ويتعامل كأنها لعبه ف أيده و لكن ففتره مراهقتي اكتشفت اني ال black sheep اقنعتها أنها تسيبه وأننا مش مبسوطين ومحدش مستفيد ولا احنا تمام ولا هي تمام وكلنا هنشتغل ونساعد بعض وفعلا اتطلقت وانا اكتر واحدة وقفت جنبها وكنت بدعمها نفسيا برغم اذيتها ليا من صغرى لاني انا الوحيده اللي بتفرغ فيا طاقتها من معامله بابا الوحشه ليها وده خلالها تعمل إسقاط وتحاول السيطره على بنتها عشان تحس انها هي كمان قادرة تكون مؤذية وتاخد حقها بسببهم بقيت بوردرلاين وبعاااااني من التريجرز اللي بتحصلي بسببهم بس بحاول اسيطر علي نفسي وعلي تصرفاتي و بقت هي نرجسيه زى بابا بالظبط وبعيد نفس الدايره من تاني