نصايح

عاوزة اسمع نصايحكم علشان اتعافى صح، عاوزة شوف كل رأى فيكم و كده، و اكيد فى تجارب هتقولوا بناء عليها و ده هيكون الافضل لأن زى ما بيقولوا اللى ايده فى الميه مش زى اللى ايده فى النار.. سامحونى لازم اخلص الحروف ١٥٠ ❤️‍🩹

انا الحمدلله والشكر لله اتقدمت لبنت صلونات والحمدلله في قبول وخلاص هلبس دهب بعد العيد الفكرة بقي اني ديلاول خطوبة ليا وحرفيا مش هقول عمري مكلمت بنت بس دي اوي حاجة احس اني ملبوخ وخايف يعني عاوزها علاقة نضيفة غير القرف الي كنت في زمان انا عاوز نصايح بجد اي ينفع واي مينفعش بجد محتاج نصيحه من ناس متجوزين بلاش الي بينصح وخلاص بلله لاني مشتت

محتاج نصايح منكم كل اللي مر بتجربة يقولي نصيحة وايه اللي تتعلمه من التجربة دي وايه الأخطاء اللي مينفعش اقع فيها وازاي اتخطى التجربة أو التحدي دا بحيث كلنا نتعلم من بعض ونستفيد من خبراتنا

عارف لما تبقى احسن حد في الدنيا بيدي نصايح بس بتتقهر لأنك عارف انك مش اهل للنصيحة دي وانت اول واحد محتاجها لما تبقى اكتر حد في الدنيا بيعرف يفهم الي قدامه ويتفهم تقلباته المزاجية بسبب ايه وتعرف تقرأ الي قدامك كأنه صفحة كتاب بس لما الموضوع يتعلق بيك بتبقى تايه لأبعد الحدود ولا فاهم نفسك ولا عارف انت عايز ايه ولا عايش ليه مش عارف تكتشف نفسك زي ما بيقولوا الشعور ده اسوأ حاجة بجد اتمنى لو بعرف افهم نفسي زي ما بفهم الناس

هاى انا جديدة هنا فا عاوزة مثلا نشارك تجربتنا فى النجاح فى الشغل عشان انا مش عارفه انجح فى شغل معين كل شويه لما اروح مكان نفسى اروحه ما كمش فى واسيبه والموضوع يخنق فا ازاى الواحد يستمر فى شغل

طبعا كلنا اما بنتدايق او نتوتر او كدا بيبقي عندنا عادات او تصرفات بنعملها بتهدينا او تريحنا ممكن نكون متعودين عليها عمتا ، بس حد جرب ان هو يبقي العاده اللي بيعملها دي تبقي الاكل بس زيادة عن اللزوم، هو انا لما ابقي كل ما بتوتر او بزهق ممكن اكل كميات كبيرة جدا لدرجه ان بطني توجعني و ابقي هرجع بس اكمل اكل لاني حاسه اني محتاجه كدا؟ انا المشكله دي مكانتش مأثرة فيا اوي لاني كنت بلعب رياضه كتير جدا (ساعات في ايام كنت بتمرن مرتين في اليوم) بس في تغيرات حصلت في حياتي و رفضت الرياضه اللي كنت بلعبها من و انا صغيرة جدا لاني كنت بكرهها اصلا و مضغوطه اني العبها ف قللت عدد التمارين و بقيت بلعب رياضه تانية تمارين اقل ف بدأت المشكلة تظهر و زدت في الوزن حبة بس مش كتير و بدات اعمل دايت مع ان كل اللي يشوفني يقولي اني مش محتاجاه اساسا، بس انا اصلا ببوظ الدايت دا اوي يعني و مشكلة الاكل لسه معايا، بس انا حاسة اني مكبرة الموضوع، الاكل عامل معايا مشكلة كبيرة جدا مش قادرة اسيطر عليها، ممكن تقولولي نصايح علي ازاي اقدر اوقف دا؟ ولا المفروض اروح لاخصائي نفسي ولا لا؟ ولا انا مكبرة الموضوع و دي عادة و خلاص؟

انا تعبان نفسيا جدا بشكل ميتوصفش. . اتقل فتره في حياتي سني ٢٣ سنه و لسه الدنيا بتفرد جناحها ليا لكن للاسف مصدوم لسه قدامي جيش و شغال شغلانه مش عجباني دليفري بس مضطر علشان احيب مصاريفي مش عارف ولا قادر اكمل ازاي ؟! ممكن نصايح لفتره التوهان دي

الحمدالله الواحد بقي واخد تصنيف عالمي ف تعفن الدماغ وبقي بينافس علي اقل مده تركيز عالميا وانه يعمل اي حاجه غير الوراه زي البوست ده كده ف لو اي حد عايز نصايح ازاي يظبط تركيزه زي كده انا ف الخدمه طبعا هروق عليكم

جدااا خاصة في مشاكل الآخرين الواحد مخي بيدي نصايح و بيكون بيحتوي اللى قدامه ولا كأنه لايف كوتش بقاله ٢٠ سنة مثلا 😂 ييجي يبص بقا ع حياته الشخصية يلاقيها يا ساتر يارب بشعة 😂💔 مش عارفه المشكلة فين بالظبط ممكن عشان اتعودنا نشيل هم غيرنا بس همومنا لازم تكون مهملة لازم نساعد غيرنا بس ماحدش يساعدنا