نفاق

كله بيكدب حتي وا هوا داخل هنا عشان يتكلم برحته كل واحد فاكر نفسه ملاك معا أنه هربان من أناس الي بيعمل زيها بيصدر احكام عمره ما فهم ظروف وا ضغط في زمن الحلال في أصعب الف مره من الحرام حتي احساسك الي مكبوت وا بتحول تتكلم في ونتا مجهول برضو محدش فاهم يعني اي صراحه مجرده كل واحد محتاج حاجه لو مستقبل الطلب ارفض بي زوق كله في الي مكفي

كلمه هتعمل خير هيرجع ف الزمن دا كمين جرحك منين ..غير من الحبايب وال كانوا قريبين وخلاص عشان ال كان مدي الامان اتخان مبقاش فيه واحد فينا عارف يدي ضهره لمين اصدق كلمات سمعتها ف حاجة قبل كدا للمرة العاشرة اتخدعت ف اقرب الناس ليا كنت بعتبرهم اخواتي لكن خانوا العشرة والعيش والملح ..طعنوني ف ضهري رغم اني كنت بعمل كل حاجة تفرحهم لكن بالعقل يعني م بنسي نفسي او باجي عليها وبردوا اتخانت واتأذيت منهم رغم اني م شايله ليهم ف قلبي غير كل خير ونيتي كويسة اوي معاهم والقصة انهم مبينين لسه لحد الان انهم بيحبوك وانهم خايفين عليك كميه نفاق م طبيعيه وانا شخصيه صريحة مبعرفش اتلون ولا اتعامل كويس وانا م طيقاك لكن مجبرة اتعامل معاهم الفترة دي غصب عني بحكم الشغل فاتعامل ازاي يجماعة احنا معظم الوقت قاعدين مع بعض م عارفة اتعامل إزاي لاني لو لساني اتكلم هيبوخ سم ف وشهم وساعتها هخسر حاجات كتير قولولي لو اتحطيتم ف موقف انك مجبرين تتعاملوا مع منافقين بتعملوا اي

مش عارفه ممكن مجرد فضفضه مش أكتر من أول ما دخلت الجامعه وأنا مش متقبله الكومينتي إللي حواليا وناس مش شبهي. بس ف رابع سنه بدأت أحاول اتقبلهم وكنت شايفه كله منافق اكله بس قولت أفضل من الوحده إللي فيها ف خامسه إللي هو دلوقتي قربت من واحده من الشله البنت ديه شخصيتها ضعيفه كل ما صحبتها تقرب تبعد والعكس ما كنتش مهتمه بس فجأة قفلت منها ممكن عشان الفتره ديه مش احسن حاجه معاي وما شوفتش منها أي سؤال مالك أو حاولت تتكلم معاي حسيت نفسي استبن بمعني الكلمه إحنا هنتخرج ومش هنشوف بعض تاني بس زعلانه أوي ما عرفتش أطلع بصحاب من الجامعه وإني كل حاجة كنت بعملها كانت فيك بجد مش متخيله كل صوره هشوفها هفتكر قرفهم وإنهم بتوع مصالح. الواحد مفشوخ اوي وزعلان بالمره ف رق. م اتحذف مني هموت وارجعه اللي يعرف يقولي اعمل إيه بكره نفسي أوي لما ازعل على حد بجد بحسني ضعيفه وأنا بكره الضغف

انا مش عارف في صديق ليا فريب مني جدا انا عارف انه عاقل جدا و ذكي و شخص كل ما احتار غي حاجه اروح و اسأله ان رأيه غالبا يكون صح بس المشكله اني عرفت انه اخيرا خب بس ازكي اخواته بيحب شخص بيكرهه ايوه كده بيكرهه طبعا صديقي ده شخص محبوب و بسبب كده ليه ناس مش بتحبه مره واحده حب حد من الناس دي المش بتحبه فيهم نفاق اعمل معاه ايه المشكله انه عارف ان الشخص الهو بيخبه بيكرهه كل ما اقوله غلط يقولي ها اغيره اعمل معاه ايه وهل ده شعور طبيعي ام مرض نغسي ناجم عن صدمه خصوصا اني اعرف صديقي ده من زمان و طفولته ماكانتش الطف حاجه

هو الحوار شبه غريب او مش مفهوم الي هو هل انا الي فيا حاجه ولا هما فعلا وحشين من فتره نزلت بوست اني مش عارفه اتاقلم مع بنات جيلي خالص واني ملقتش واحده بس فيهم سالكه ممكن واحده بالظبط الي شوفتها في حياتي كلها بس مش من نفس البلد بتاعتي المهم لما بقعد اراجع كل حاجه فعلا انا مش يبقى غلطت في حاجه في اي تعامل مع حد مع العلم انا من النوع الي بيعترف بغلطه عادي جدا فالي هو اي بجد. عايزه اقولكم اني بقيت بكره انزل اي حاجه هما فيها ودي علي الدفعه كلها بقيت بشوف كتل نفاق وانانيه بس ماشيه قدامي بتخنق منهم لدرجه العياط

انا مخنوقة جدا و داخلة انام بس عشان اليوم يخلص مقفولة من الشغل و من البيت و من كل حاجة و مقفولة من كمية النفاق و مصدومة في اغلب اللي حواليا نفسي اكون احسن في است وقت و اتخطي و ابقي مع نفسي عايزه مبقاش مستنيه اي حاجة من اي حد و يبقي عندي خطة ليومي مفيهاش اي بني ادم

انا عندي مشكلة ان لما بعرف حد مثلا علاقته ب اهله مش قد كدا سواء بقا صحاب او حد من قرايب حكالي مشكلة ف بيته ببدأ انا كمان موريهوش الجانب الحلو ال علاقتي ب اهلي اوي يعني مش لجل فكرة حسد والله او كدا ب العكس تماما بحس اني م عايزة ابان احسن عشان ال قدامي ميحسش ب مضايقة اكتر يعني ع سبيل المثال لو واحدة صحبتي عندها مشكلة مع اهلها ف بيت مش هاجي بعد كام يوم اقولها دا انا خدت ماما ونزلنا خرجنا بحاول ابين ان بردو عندنا مشاكل ف البيت وان مفيش بيت كامل100% بس والله مش لجل حاجة وحشة بجد بس انا سعات ببدأ احس شوية اني منافقة مع ان والله بعمل دا عشان انا بجد بحبهم ومش بحب حد يحس ب مضايقة لجل حاجة مثلا موجودة عند غيره ومش عنده وخصوصا لو موضوع متعلق بيا انا وحد من حبايبي بحس م عايزة اكسرهم انا كدا صح ولا انا كدا اي لان موضوع د كل مدى م بيكبر جوايا اني بنافق نفسي وال حواليا....

بتتعاملوا مع الناس ازاي من غير ما تحسوا بالقلق من ناحيتهم دايما إن ممكن يكونوا منافقين أو كدابين أو مش بيحبوني اخاف اكون تقيل عليهم أو مبيحبونيش ونفضل ف دايره هل انا ف المكان الصح مع الناس الصح ولا كلنا بنمثل وممشيين امورنا وخلاص

"خلي بالك في ناس بتدخل حياتك على إنها بتساعد وتحل… وهم في الحقيقة جايين يشوفوا إيه اللي وقع منك عشان ياخدوا نصيبهم ويكملو علي اخر حتا باقيه فيك . أكتر ناس تعمل نفسها منقذين… بيطلعوا هما المشكلة للأسف."

لسه موجودين زي منتو لسه في صياح ولسه في مشاكل لا حصر لها لسه الكل بيعاني من الوحده لسه الكل بيعاني من مشاكل نفسيه مشاكل بيت مشاكل مجتمع مريض يعشق الخداع والكلام الي بيتقال وخلاص لسه في ناس عندها وحده والم زهق وخنقه لسه كل ده لسه عندكم امل في الواقع سوال لكن لي محدش بيواجه الحقيقه لي محدش بيقتنع لي كلو علي تلفونو وبس بيكتب وخلاص لي محدش بيواجه نفسو بالمشاكل والشهوات والعيوب الي فيه قدام نفسو ويشتغل عليها وبعدين يتكلم ويشوف راي الناس كده كده راي الناس مش هيقدم واله هيعمل اي حاجه كلو كلام وخلاص من وجهت نظر كل واحد فيكم لكن ده مش صح محدش فيكم في المشكله محدش فيكم عاش التجربه كامله علي شان يقول رائيو اي ضمنك اني الي هتقولو هيكون مناسب اي ضمنك انو هيكون حل اصلا وتعيبو وتلمو الواحد لما يبقا بيتكلم بدون قيود او خداع او نفاق تشفو عيب كخه لكن الي ينفاق ويخادع يبقا حلو رجعت بعد فترت غياب بس زي منتو بنفس حالكم

ماهو الحل مع المشاعر المتناقضة؟؟ انا شخص ممكن يوم احب شخص او اقدره اليوم الثاني استثقله واتهرب اني اتواصل معاه او حتى اتجاهله، حاسة اني منافقة رغم اني مااتمناش السوء لحد بس احيانا الاقيني كدا احس بنفور من الناس الي حولي من غير سبب!!

في ناس جواها جحود قد الدنيا… ومع ذلك تلاقيهم لابسين قناع “إحنا خايفين عليك”. يدّوك نصايح مش علشان مصلحتك… علشان يفضلوا ماسكين زمام حياتك. يخشّوك في قراراتك ويقلّلوك من نفسك ويعملوا نفسهم أحنّ ناس… وهما أكتر ناس مستنيين غلطتك. المنافق الحقيقي مش اللي بيكرهك… المنافق هو اللي بيحط إيده على كتفك وهو بيحسبها إمتى توقع.

انا مليش عين ارجع ل ربنا بعد ما عزمت علي توبه للمره الالف وبردوا وقت تاني واسوأ م الأول 💔 اعمل اي كل مره كده وكل مره الغلط بيكبر وبيتمادي انا مكسوف ارجع اطلب منه وابكيله بعد ما بكيتله كتير وبردوا وقعت بقيت حاسس اني كداب ومنافق

هو طبيعي اني اكون عندي 24 سنة و بكره كل اهلي حرفيا بسبب شخص واحد في العيلة القذرة دي؟! و للاسف بمثل اني بحبهم ( انا حاسه نفاق) بس غصب عني مقدرش ابين كرههي ليهم في وشهم... و ده شعور مش وليد اللحظة دي تراكميات من و انا صغير... تقريبا انا قلبي اسود ، انا بدات اكره فيهم من و انا عندي 10 سنين

لسه مازلت في مرحله البحث عن واحده يفهم واحده يقدر واحده يفهم واحده يحس واحده معندهاش قيود واحده تشاركك واحده تتقبل عيوبك بس ده كلو مستحيل علي شان احنا معقدين بنحب النفاق نحب نكون كويسين ومحترمين واحنا جوانا حاجات وحشه كتير بنحب نبين اننا مفيش زينا واحنا في احسن منا كتير في كل حاجه كرهت المكان علي شان في نفاق كرهت التلزيق الي بشوفو والحك كرهت التصنع كرهت الروتين مفيش حد قالبو جامد يواجه كل عيبو وكل شهواتو قدام نفسو وبعدين الناس والمجتمع المريض ده انتو عارفين هتلاقوني فين شكلو زي علامه الاتصال وشكلنا هناخد حظ بعد الكلام ده

"أكتر حاجة بقت تضحكني إن الناس بقت عايزة احترام وهي مش عاملة أي حاجة تستحق بيها الاحترام… داخلين حياتك بالزور، وعايزين كمان تعاملهم كأنهم قيمة. اللي محترم نفسه مش بيستنى حد يعمله حساب… وجوده أصلاً بيعمل الحساب لوحده."

عايزه صحاب بجد وكل ما بصاحب بحس ان الفتره الاولي بنبقي قريبين وبعدين بنبعد يا كل واحد بينشغل ب حياتو يا انا بحس نحيتهم ب حاجات غريبه زاي انهم مش حابين ليا الخير او لو الشغل بشوف منهم بكاسه وبشوف منهم حاجات تخليني اخد جمب عشان هما مش شبهي بس بيبقي التعامل عادي زمايل وبحس ان كل صحاب الشغل منافقين نفسي يبقي ليا بجد صحاب نحكي لبعض كل حاجه مش شرط نكون بنتقابل ع طول مع انها حاجه حلوه بس بجد نفسي الاقي الناس اللي ابقي مرتاحه وسطهم وابقي متاكده انهم بيحبوني زاي ما بحبهم

يا ليت لو كانت الحياة مثل الوردة تزرعها بذرة وتسقيها وتسقيها وانت في داخلك انها ستخرج وردة بيضاء كالثلج تسق وتسقي وفي يوم تنهض لتجد وردتك تنتظرك ما احلى شعور ان الانسان يوصل الامر الذي تعب عليه واحبه من جوارحه أه يا ليت كل متمني يحصل على حبه وفرحه سكينته واهل حنونين حب صادق تقي نقي ونعيشو كلنا فرحانين دون نفاق دون كره وحقد وانانية فقط فرح وحب ومشاركة فالخير

الحقيقة عندي موضوع يعني ماثر فيا هو أن ما الامر لي يجعل الانسان الجميل المنظر جميل القلب افعاله مع الناس ظريفة أحيانا صح ممكن انفعالي لكن بطريقة ظريفة المهم لماذا هذا النوع من الناس نجده غير محبوب مع أنه يجب أن يحب بالمقابل نجد انسان أصلا لا منظر يعجب لا حركات فقط نفاق ومتكبر ويعمل مشاكل فقط ليكون موضع اهتمام وفي الصورة وتجده محبوب والناس نسأل وتستشيره وعلاقات كثيرة

امتي نقدر نخلع القناع اللي احنه لابسينه ونظهر عحقيقتنا لاني بقيت شايف اغلبيه البني ادمين عبارة عن متقمصين لشخصيات لاسباب غريبه اللي بيعمل خير الامن رحم ربي بيصورة عالعموم حد فاهمني

كُل حاجة حوالينا بقت واضحة جداً الحقيقة . عارفين مين بيحبنا ومين لأ ، مين بيتمنى لينا الخير ومين مش طايق يشوفنا بخير ، الحقد بقى يبان ، الكدب بقى يبان ، كُل حاجة بقت باينة وواضحة ولو كُنا بنعدّى ونكبر دماغنا فدا بنعمله بمزاجنا ، لكن إحنا لا عُبط ولا سُذّج .. إحنا فاهمينكو كويّس أوى .

انا في اكاديميه بدرس علم شرعي بس لما بدخل الجامعه بنضغط جدا ومبقدرش ازاكر للاكاديميه مزاكرة تلخيص وحفظ لا بقرا بس وبدخل اختبر بيبقي سؤالين لكل مقرر وفي حاجة قرأتها ان لو تعارضت منفعة الدين علي منفعة الدنيا فقدم منفعة الدين لانه اذا صلح الدين صلحت الدنيا واذا فسد الدين فإن الدنيا ستفسد فحاسه بنفاق لاني بقول المقولة دي لناس كتير