نفس

هو الانسان يعرف ازاي هو عايز اي بجدد يعني انا عايشه لي وبعمل اي واي الهدف من حياتي ولي تايهه ولي ضايعه ولي خايفه ومستنيه اي،وازاي لكون راضيه عن نفسي ومين انا،وانا فين،وانا لي وانا ازاي يختاااااااي 🙂

بس انا كان نفسي الاقي نفسي شبهي تفهمني م ناس تشوفي مريضه نفسيًا لمجرد ان د شخصيتي وان د تفكيري وان د حياتي!! حاسه اني فقدت الثقه ف نفسي م عارفه لي، كنت محتاجه بابا يكون موجود ويقولي انتِ زي الفُل انت تمام كملي، بس انا كنت محتاجه احس بأمان، نفسي افهم اي المُنكر ف شخصيتي ولي ف ناس بتكرهني مع اني م بأذيهم انا شخصيتي كد عندي حدود مبحبش حد يتخطاها، عندها تفكير واعدادات مسستماها ف مخي مبحبش حد يتجاوزها وف حاجات م بقبلها ف الاشخاص ال قدامي اي المشكله فيا لب محدش بيتقبل د 💔

شعور اني حاسه كأني ميته لان كان نفسي حاجه فيا تكون بخير صحيا او نفسيا بس لسه عندي امل صغير رغم اني خايفه لان كل مرحله بتكون اسوء مش العكس و تعبت نفسي ثقتي في نفسي ترجعلي و ابطل احس ان مستحقش حاجه واني وجودي ملوش تأثير

كنت قاعد مع نفسي وبكلمها ك العاده ووعود بقا بالتغيير والتوبه واني ابقا احسن من كدا وخطط وخطط وخطط ولقيتها بتعاتبني ف كتبت دي وَمَالَ قَلْبِي كُلَّمَا صَالَحْتُهُ غَصَّ، كَأَنْ لَمْ يَفْرَحِ. وَعَاتَبَنِي وَقَالَ لِي: أَوَكُلَّمَا عَاهَدْتَنِي بِالْمَتَابِ خَذَلْتَنِي؟ أَوَكُلَّمَا حَلَفْتَ لِي بِأَنْ تَزِينَ كَذَبْتَنِي؟ إِلَى مَتَى؟ أَسَأَظَلُّ دَوْمًا هَكَذَا؟ مُهْلَكٌ، مُتْعَبٌ، مَخْذُولٌ، مُحَطَّمٌ، مُكَذَّبٌ، مَعْدُومٌ. فَعَاهَدْتُهُ بِأَلَّا أَظَلَّ هَكَذَا، وَإِنْ كُنْتُ لَهُ دَوْمًا خَاذِلًا، فَهَذِهِ الْمَرَّةُ لَنْ أَكُونَ. حاسس المستوى نزل شوية بسبب انشغالي في الامتحانات بس عامة حبيت اطور الهوايه دي لما اخلص ان شاء الله ف اعملوا نفسكوا مش واخدين بالكم وشجعوني 😂

انهارده حصل معايا موقف.. ذي ماقولت انا كنت بقدم علي شغل فـ فوسط الطلوع والنزول وبما اني شخص مش مياله اني اروح اتعرف علي حد أو اتكلم عامةً فطول الوقت ببوص لأفعال الناس من حوليا ومنها افهم هل دا شخص جدير اني اتعامل معاه أو لأ وكان معايا صحبتي اللي علي النقيض تماماً هي بتحب تتكلم وتسأل عكسي تقريبا فكل حاجه المهم تعرفنا علي بنت كانت بتعمل نفس الورق بتاعنا وكل الكلام دا المهم فآخر اليوم لاقيت صحبتي بتزعق فيا لما قولتها نستني البنت الجديده دي عشان نعمل مع بعض بقية الإجراءات زعقت فيا هو انتي لحد أمتي هتفضلي ساذجه كدا معقول مش واخده بالك أنها عايزه اللي يعملها كل حاجه هي حتي مش عايزه تجري ورا ورقها هتستنيها انتي ليه خلصي عديت الموقف وخلصت بس لما خلص اليوم قعدت افكر هل انا بجد ساذجة للحد ده يعني معقول مش عارفه افرق بين الناس الكويسه والمؤذيه أو المستغله ومع شويه تفكير اتضحلي كذا جمله اتقالتي من كام يوم فاتو مع أن صحبتي والدها كان رافض شغلها بس نزلت عشان تخلي بالها مني 💔

مش كل الناس الموجوده في حياتنا هتفضل مكمله معانا علي طول فيه ناس بتدخل حياتنا علشان تعلمنا درس وفيه ناس بتقضي في حياتنا معانا مرحله ما وفيه ناس بتفضل موجوده علشان هما بيكونوا شبه نسخه قديمه مننا اول ما النسخه ديه بتتغير هما كمان بيختفوا معاها علشان كدا مينفعش تربط قيمتك كشخص ببقاء الناس مش معني ان الناس مشيت ان انت غلط ومش معني ان الناس لسه موجوده ان انت صح لان ده علي طول بيحطنا تحت قلق وتوتر علي طول خايفين ان الناس تسيبنا وتمشي او بتتمسك بيهم اكتر من اللازم وفي النهاية مش مهم ان الناس تبقي او تمشي المهم ان انت تفضل متمسك بنفسك حتي لو كل حاجه اتغيرت حواليك

عمرك و انت قاعد مع نفسك كده فكرت لو انت كنت اتولدت فى بيئة تانيه و مكان تانى كنت هتبقى نفس الانسان عمرك فى مره قولت اى القرف ده على حاجه و بس لما تقعد مع نفسك و تفكر انك لو كنت مكانه كان عادى تعمل نفس الحاجة هو الانسان نتاج البيئه اللى هو فيها ولا الانسان يقدر يغير من بيئته و يبقى كويس رغم كل الظروف

لو هيتحققلك حاجة واحدة بس النهارده... حاجة واحدة كفيلة إنها تغير نظرتك لنفسك وللحياة كلها هتكون ايه الحاجة دي لو هيتحققلك حاجة واحدة بس النهارده... حاجة واحدة كفيلة إنها تغير نظرتك لنفسك وللحياة كلها هتكون ايه الحاجة دي

نازل عليا كميه سكوت و هروب من الواقع بشكل فظيع مش عارفه اتخطي الاحساس دا و مش عاوزه اتخطاه طاقتي خلصانه من كل حاجة مش عاوزه اعافر تاني عاوزه اخد هدنه من نفسي و افكاري و الدنيا كلها بجددددد

عندي مشكلة إني أنا يبان عليا الصلاح واني متدين ويعلم ربنا إني بحاول بس انا مش كده مش عشان اتواضع لا انا فعلا مش كده بحاول بس كل واحد فينا عارف نفسه المشكله كل ما اتعامل مع حد يقولي ادعيلي أو كلام من دا الكلام ده بيخليني اكسف من نفسي اووي إن الناس دي شايفه حاجه وربنا عارف كل حاجه مش عارف بحاول والله بس انا مش قادر

من الأشياء الي اكتشفتها مؤخرا أن السعادة مش في شريك او شريكه خالص او انك تلاقي دائما حبيبك او حبيبتك جنبك ومستنياك ومستنيه انها تسمع فضفضتك بالعكس السعادة لازم نلاقيها الاول في الوحدة قبل ما نرتبط لان الي مبيبقاش سعيد وهو لواحده مش هيبقي سعيد مع حد

أنا قربت اتجنن بجد ليه اهلنا مش عايزين يحبونا ليه هل احنا وحشين لدرجه منتجبش إذا كنا كدا فعلا خلفتونا ليه ليه امي بتعذبني لدرجه خلتني اتمني كل يوم انتحر وفي الاخر أنا بحبها نفسي امي تحضني ولو مره واحده هل صعب عليها لدرجه دي تحبني

حوار كل ليله وزعل اخر الليل. الحوار فيه كميه حزن وخنقه وزعل زعلان علي نفسك وعلي حياتك وعلي كل خاجه حوار انك محقتش اي حاجه ف حياتك وعايش راضي بحالك ولكن ما باليد حيله هنعمل اي بس. واكتائيبك رد بابك.. سيبت كل الناس وغبت 🙃🙃

بتتعاملو ازاى لما توصلو لمرحله ان معندكوش طاقه تكلمو حد او تسمعوه وازاى بتقدرو تحددو اللى قدمكو دا ممكن يكون جد اصلا او مش بيمثل او بيدعى المثاليه فى شيئ ما ...اما بالنسبه للناس اللى داخله تتسلى نفسى اعرف بيجيبو باور لاهدار الطاقه فى اطار التسليه قمه العبث والمرض وقله ثقه فى النفس رهيبه

ممكن بلاش* نتعالى ف النصيحة ع بعض بجد يا جماعة اللي يلاقي أخوه بيعمل ذنب ويحب ينصحه، ينتقي ألفاظه ويراجع أسلوبه ويحسنه ولو مش هيعرف يكون لطيف يبقا بلاها النصيحة، دايما قولوا يا مثبت القلوب ثبت قلبي على دينك، اللهم عافنا ولا تبتلينا، مش عشان لقيت حد بيعمل ذنب انا بفضل ربنا مش بعمله اطلع ع منبر واقول ازاي وانا بستحقر اللي بيعمل كذا وكذا.. ليه يا اخونا بجد ليه، النفس ضعيفة واي انسان وارد يقع ف اي ذنب محدش معصوم ولا حد ملاك، وربنا يثبتنا ويعافينا جميعا.

حكايتي بدات لما تزوجت في مدينة بعيدة على مدينتي اللي كبرت فيها ...ما قدرتش نتأقلم مع المحيط اللي عايشة فيه...زوجات اصدقاء زوجي دايما يحكو بالخايب عليا و يتنمرو علي و يراهنو على علاقتي بزوجي بالفشل ... كيفاه نعمل معاهم و منقدرش نبعد بحكم زوجي علاقتو بأصدقاؤو جيدة و ديما يجو مناسبات مشتركة تحتم عليا لقاءهم ..راحت الثقة في نفسي و اصبحت منقعرفش نتعامل و منعرفش نحكي

ازاى الانسان يقدر يتغلب عن الاصوات اللى بتجيله و الصراع اللى بيحصله بينه و بين نفسه بين نفس متلهفه على المعاصى و ضمير خايف من عواقب الافعال دى و اصوات الصراع الداخليه ازاى تقدر تتخلص من كل ده

أنا قبل كدة عمري ما كنت أتقبل أي حد أو أي مكان مش شبهي كنت دايما أتقفل من بس المظهر مش بعرف أتكيف مع أي حاجة مختلفة عن اللي في دماغي وعلى فكرة بالرغم اني اشتغلت عالحتة دي كتير بس بردو ساعات الطبع بيغلب بس في الاخر مفيش حد بيفصل الدنيا على مقاسه وطريقة تفكيره ولو فضلت ماشي على كده والله في الاخر انت اللي بتخسر بتخسر ناس وعلاقات وفرص وحاجات كتير وبجد قدرتك على التكيف بتفرق كتير بجد في شكل حياتك فحافظ على نفسك عادي وطباعك وأخلاقك وكل حاجة بس تقبل الاختلاف عادي يعني مش هنغير الكون وطبعا فيه حدود بنقف عندها صعب جدا وماينفعش نتأقلم معاها

كنت بكلم مع شخص والموضوع فتح بعضوو إن كل واحد يقول عيب في التاني طبعا هوا قال لسته ماشاء الله بس انا اكتشفت حاجه يمكن تكون غريبه إن أنا مفيش حد اعرفه دورت على عيب فيه قبل كده ومجاش في بالي حتي الشخص دا انا فضلت كتير مطلعتش عيب فيه مش عشان هوا كامل عشان أنا مركزتش في عيوبه قبل كده السؤال هنا لي احنا عايشين مصححين لعيوب الناس كلنا بنغلط عادي بس اسوء عيب انك متشوفش في نفسك عيب

بتتغلبوا ازاي ع قلة الثقة في النفس واضرارها اكتشفت اني كل اما اكبر في السن بواجه قلة ثقة في القرارات ومشاكل في الشغل ومشاكل زوجية حتي النوم بقي قليل ومزاج سئ باستمرار ـــــــــــــــــــ

أحيانًا بحس إن الغربة مش إنك تبعد عن مكان… الغربة الحقيقية إنك تبعد عن نفسك، وإنت لسه واقف في نفس المكان. كل حاجة حواليا زي ما هي، نفس الوجوه، نفس الشوارع، بس مفيش حاجة فيهم شبهّي. كأني ماشي وسطهم بس مش منهم، كأن الأماكن اللي المفروض أنتمي لها… ما بقتش تعرفني. الإحساس ده تقيل… إنك تدور على نفسك جواك ومش تلاقيها. كأن في جزء مني اختفى، ومش فاكر إمتى ولا فين ضاع. بحاول أفتكر أنا كنت مين، كنت بحس بإيه، بس الإجابات بتيجي فاضية. والأغرب إني بشتاق لناس ما قابلتهمش أصلًا… إحساس غريب كأن قلبي عارفهم ومستنيهم، بس الحياة لسه ما جابتهمش في طريقي. وفي الآخر، الحقيقة اللي بترجعلي دايمًا: كل حاجة حواليا موجودة، واضحة، وحاضرة… إلا أنا

ساعات كتير اوي بقعد افكر مع نفسي هل احنا فعلا خير ام.ة اخرجت للناس ؟؟ هل فعلا نستاهل ان كبار الصحاب ه يستعجبوا من ايمنا هل نستاهل النصر في بقاع الارض بافعالنا اصل هو مش هيغير ما في قوم حتي يغيروا ما في انفسهم

“الناس” مسؤولة عن الأذية، و”أنت” مسؤول عن تعافيك.. الشحتفة، والولولة، وحططان الإيد على الخد كلها حاجات لا بتصلب طول، ولا بتعدل أوضاع، ولا بترجع ماضي.. محدش بيخف في نفس البيئة اللي صابه فيها المرض.. عشان كده العايب مينفعش يتعاتب، والعلاقة اللي طفتك عمرها ما هتنورك، وكسرة النهاردة هتبقى بكره كسرتين لو مافوقتش حالاً.. جزء كبير من احترام الإنسان لنفسه موجود في إكرامه ليها بالبُعد عن كل شيء يسحب من طاقتها بالسلب.. كل واحد فينا عارف فين مصلحته، ومع مين راحته.. شايف إيه اللي بيتعبه، وفاهم إن في القرار الفلاني صلاح حاله.. مستني إيه؟.. الناس شغلانتهم الأذية، وأنت التعافي معركتك.

لو عشت طول عمري تحت نقد دائم علي اتفه الاشياء و لوم و احكام غير نهائيه علي كل فعل من الأهل و كنت بحاول اني متأثرش بالكلام الي بسمعه لكن ازاي اعرف اني عكس الكلام ده فعلا ؟ ازاي اتاكد اني عكس النقد أو الأحكام القاسيه دي ؟ مش يمكن انا فعلا فاشله ؟ انا فعلا مثلا مهمله .. ايا كان ازاي الواحد يتخطي بجد ؟

يجماعه انا تعبت من الذنوب خلاص جبت اخري مبقتش قادر ومش عارف اعمل اي اي معني واحد يعمل ذنب ويفضل يبكي بعده اي معني ان واحد يكون وهو بيعمل الذنب عارف ان الذنب دا مدمره ومدمر حياته كلها حرفيا ويعمله حاسس ان خلاص حياتي وقفت ومفيش مني ولا من حياتي ولا من اني ارجع كويس امل خلاص تعبت قولت مشكلتي وذنبي اي هو هنا كذا مره مع انه تقيل عليا اني احكيه وخلاص مبقتش قادر كنت حاسس ان الكلام هنا هيجيب نتيجه بس انا زي ما انا ف نفس النقطه بل بزداد سوء انا حرفيا جبت اخري الاخر حرفيا ومش شايف لدنيتي معني وانا كده خلاص مبقتش قادر تعب نفسي زياده عن اللزوم وتانيب ومفيش فايده سنين السنين ومفيش فايده يا ناس خلاص انا تعبت

بستغربت اووى بجد لما بلاقى ناس لسه بتحب مهما كبرت تفضل تحب الاشخاص بحس بغرابة لانى عمرى ما حسيت بمشاعر عاطفية و احيانا بحس انى مبحسش فى المطلق باى حاجة دايما الناس بتشوفنى شخص منطقى بحت ربما الشعور دى بيضايقنى احيانا لان ببقى عارفة انى حتى محبتش نفسي فى الرحلة دى ...

متعلّقش نفسك بحد وجودك مش فارق معاه… إنت مش مضطر تدي قيمة لناس أصلاً مش شايفين قيمتك. ومتفكرش إنك محتاجهم لا. إنت بس محتاج تفتكر أنت مين وهما مين عشان كل واحد يبقا في مكانته الطبيعية وميفكرش أن هو أكبر من أننا نستغني عنو عشان نفسنا

أوقات محتاجين نوقف شويه ونسمع نفسنا منضغطش ع قلبنا كتير وسيب لنفسك فرصة ترتاح الهدوء ساعات أحسن علاج لأي وجع خد نفس عميق وسيب الدنيا تمشي شوية وسيب الهم بعيد عنك الراحة مش ضعف دي قوة للروح والعقل ساعات كل اللي محتاجه إنك تكون لوحدك وتسمع قلبك متستعجلش في كل حاجة الدنيا مش هتهرب منك ابتسم لنفسك حتى لو الدنيا ضيقه أوقات الانسحاب المؤقت بيخليك ترجع أقوى حب نفسك شوية عشان تقدر تحب غيرك بعد كده وامسك في الناس الكويسه والناس اللي بتسندك وتخليهم حواليك دايما وتبعد عن المزيفين او اللي القرب منهم بدون فايده …