نفسية متعبة

العالم فعلا مكان قاسي لوقت طويل مش بتعرف تعبر عن احساسك و أو تحكي قصتك خوف من أحكام الناس أو خوف من قسوة كلامهم . و ده بيخلينا نفضل أننا معظم الوقت نسكت . و ده بيهلك نفسيتنا بجد يا جماعه اتكلموا و فضفضوا ده احسن كتير ليكم

انا دلوقتي في تالته اعدادي في الترم الاول مجموعي مكنتش احسن حاجه ومكنتش مركزه خالص لاسباب نفسيه كبيره جدا انا دلوقتي في الترم التاني وفاضل علي الفاينل شهر واسبوع تقريبا وبابايا قعد يقول لو مجموعها مجبش مش هدخلها ثانوي بالعافيه يعني وانا الموضوع ده محطوط في دماغي ومش عايز يروح ابدا وموترني جدا بجد انا اصلا شاطره جدا في دراستي عمتا بس المشكله ان نفسيتي بايظه جدا وبحارب وبحاول عشان اكمل والله ومش قادره ومش عارفه اعمل ايه

بتعملو ايه لو حاسين انكو لوحدكو ف الدنيا وملكوش حد ودي الحقيقه للاسف وف نفس الوقت ملكوش اهل وف نفس الوقت ببص ل حياتي بعدين ببقى عارفه اني هتبهدل ف المستقبل لوحدي ف الدنيا ومحدش بيشيل حد وهلاقي نفسي ف الشارع مع الزمن وبحاول اعمل حاجه ل قدام ومش عارفه حاسه ان حياتي متدمره ف المستقبل ومش هلاقي مكان اعيش فيه وهتبهدل نفسيتي تعبانه اوي واتظلمت ف الدنيا كتير اوي حاسه اني هعيش طول عمري لوحدي وهموت وانا متبهدله ولوحدي بردو مش عارفه اعمل ايه بجد نفسيتي تعبت اوي منا لو فضلت مفكرش ف اللي جاي مش هبقي تعبانه اه بس للاسف دي الحقيقه حاسه اني هتشرد وهتبهدل ف المستقبل و ف نفس الوقت عامله زي العاجز مش عارف يعمل حاجه ل نفسو رايكو اعمل ايه علشان اكون كويسه بس حتى ابطل افكر ولا اعمل ايه لنفسي مش عارفه