نفسية مدمرة

جماعه انا لسه صاحي وبجد. مخنوق جدا حاسس اني عندي. اكتئاب المفروض اذاكر بس مش قادر رغم اني والله شاطر بس مش عارف ليه مش بذاكر كتير بحس ربنا مش كاتبلي اني اكون اشطر من كده دايما بأنب في نفسي ونفسيتي اتدمرت للاسف

النهارده و امبارح كانوا من اصعب الايام الي عدت عليا نفسيتي اتدمرت بشكل غـــــــــــــبي فـــــــي اليومين دول و مش قادره اسامح اي حد كان السبب في كده و فعليا هدعي عليهم من كل قلبي فعليا من كـــــــــــــل قلبي

انا حياتي و نفسيتي مدمرين بمعنى الكلمه و للاسف مبقتش اصلي حتى اذان الفجر لما بسمعه ساعات للاسف مش بقوم اصلي و بجد مش عارفه اعمل ايه و ازاي انا وصلت للمرحله دي ف لو حد بجد عنده حل ازاي على الاقل ارجع اصلي تاني يا ريت تقولوه و للاسف برضو اتعاملت مؤخرا مع ناس ملحده كتير و كان في اسئله او حاجات في الدين خلتني متشتته بس والله العظيم انا عارفه ان ده غلط و انا مؤمنه ان الاسلام هو الصح انا بس تايهه لو حد فاهمني؟