هزار

طب للمرة التانية هتكلم فنفس الموضوع ولكن المرة ديه من غير فويس وانا عامة بنصح اي بنت تتجنب الفويس لاني من شهر تقريبا كنت ببعت وديما كان الكلام بيكون على صوتي واني لادغة في الراء والهبل ده فانا هتكلم بجد واتمنى حد عاقل محترم هو الي يرد عليا انا بكره القمص وبكره ان الناس تشوفني عصبية انا مش عصبؤة انا بحب الهزار وهزاري سعات بيتقل بس لا انا عايزة اهزر مع الكل براحتي هقولوا ده غلط بس انا هقول اني زهقت نفسي اهزر ومحدش يتقمص ويزعل حتى لو زعلت قول ليا فيه انا بحبو جدا والله وبقدر كلاموا لما جه يهزر معايا انا زعلت وبينت زعلي عشان انا كنت فاكرة كلاموا جد م اكتر وكنت بحاول افهم هو عايز ايه مكنتش بتخانق وده مش قمص ولكن القمص لما اكون بتكلم مع واحدة واهزر معاها هزاري المعروف وت ماشي انا كنت بفكر اقول الهزار هنا ولكن اعتقد انكم هتهاجموني وهتقولوا اني انا الغلط الاقي فين حد يفهم انا كنت مسحت اابتاع ده ونظلته تاني دلوقتي عشان اتكلم ومش عارفة اتكلم بردو اوصلكم الفكرة عامة انا بكره البنات وهما قماصين ومبيعرفوش يهزروا وانا هفضل اهزر ديما واجرح مشاعى الناس وولا يهمني كفايا قمص بق انا عمري ما زعلت من حد بيهزر معايا اصلا وديما بقبل الهزار الا لو كنت فاكرة الموضوع جد زي ما قلتلكم

طيب عاوزه اتكلم عن فكره I was just joking with you So Don't take it personally يعني بجد انا مش عارفه احدد اذا كنت شخص اتنشن وبيزعل من الهزار مع اني شخص بيحب الضحك جداااا بس للضحك والهزار حدود او مش عااارف بس الموضوع بجد مستفز عارفين الشخص اللي بتفضل تهزر معاه ويضحك ويودي معاك ومره واحده تلاقيه قفل علشان حضرتك بدأت تشخصن الهزار بإنك تمسرحه او تتريق على عيلته او حياتهم او انك تشتمه في نص الهزار او انك تشتم في العموم وللاسف صاحبك ده عمره ما شتم الا شتايم الحضانه او انك تمسك حد تاني وتمسرحه وتاخده محتوى بجد تبدأ تتريق على حاجات مش هينفع يغيرها مش بإيده فااا انا الشخص ده الاتنشن والفكره اني بجد بتقمص تاني يوم ولا كأن حصل حاجه بس اللي هو انا عيطت من هزارك يا فنان مش كدا بجد مش عاوزه اتشتم في نص الهزار ولا عاوزاك تتريق على عيلتي ولا تمسرح حد من دفعتنا وتاخده محتوى علشان تضحكنا دمك تقيييييل والله وبس دي كانت مشكله ملهاش لازمه وشكراااااا

يا جماعه انا بحب الهزار اوي اوي اوي اوي نفسي اقعد مع حد ونفضل نهزر مع بعض حاسة بالوحدة + هقول كلام غريب حبتين ومحدش يتضايق ولكن معظم البنات دمهم تقيل ومبيضحكوش وده مضايقني لاني لما بكون عايزة اهزر مبيفهمونيش وبيفتكروني بكلم جد وافضل اقنعهم ان مفيش ده رغم اني لة هزرت مع ولد(ده حرام وانا بكلمش حد) ربنا يتوب عليا طبعا ولكن بيفهمني وبيضحك معايا وبالعكس بيعرفوا يضحكوني من الاخر نفسي في واحدة ملهاش في القرف نفضل نبعت لبعض ريلز وكلام تافه ونفهم بعض انا من برا الكل بيشوفني شخص عاقل جدا وهادي وحكيم بس انا زي ما قلت بحب الهزار نفسي حد يتجنن معايا 😞

يا جدعان عايز اخد رايك في حاجه دلوقتي ليا واحد صحبي و بقوب عليه اخويا يعني هو جدع معايا و كل حاجه بس انا مش حاسس اننا عارفين نهزر مع بعض لو انا هزرت معاه مثلا قلشت ف وست الكلام او برخم بهزار ف وسط الشات يقولي اعقل و انضج و ميكملش هزار و لو هو جه يهزر معايا و انا مفهمتش الهزار او مثلا كملت ف الهزار و التكمله معجبتهوش يقولي برضو نفس الكلمتين ابسط مثال كنا علي باب الجيم و بهزر و بقوله اخيرا طلعلي شيست و بدا يبان فا لقيته بيقولي رزمن و اعقل فا بعد ما خلصنا و بدانا نتكلم قالي مفيش حد عاقل يعمل و لا يقول كده قدام الناس فا انا عايز اعرف اعاتبه و انا عارف اني لما اعاتبه حرفيا هتتقلب عليا كلها ولا اسكت و اكبر دماغي زي ما بعمل علطول و انا ربنا يعلم خايف اتكلم معاه فا نخسر بعض و نخصر قربنا لبعض ده رغم اني بعتبره اخويا و الخوف جي منه هو مش مني انا

عادي ان ناس اغلب كلامهم بقا تافهه يأما ميتكلموش؟ اصل لو عايزه اعرف شخصيه القدامي واحنا طول وقت مش بنتنافش في مواضع مهمه و طول الوقت هزار و نكش و تفاهه فزهقت. انا هفهم شخصيه الناس ازاي منغير نقاشات.انا عادي شخصيتي مش جد وبحب الهزار لكن خير الامور الوسط . انا جوايا اسئله و توهان و حاجات عايزه افهمها للقدامي فازاي اعبر اصلا عن حوار ده و ازاي ممكن تلاقوا وقت تتكلموا زي ما اقصد

سؤال يا جماعة بيجي ف بالي كتير هو لو في واحد قاصد يغيط واحدة ع الواقع بالكلام بالهزار مع البنات بصوت عالي و بطريقة باينة جدا و بيبصلها كل شوية وقت الهزار ده عشان يشوف رد فعلها ده معناه ايه يا جماعة

مخنوق بجد مش عارف اقول اي بس زهقت زهقت جدا أنا محتاج يفهمني ويكون فاهمني وفاهم كلامي وهزاري مش مهم اي حاجه الا أنه يفهم بجد نفسي القي حد كده بس مفيش خالص مش موجود نهائي