هندسة

السلام عليكم شباب كنت معجب ب بنت كانت معاياا في الثانوية ف انا دخلت هندسة في جامعة وهي دخلت طب في جامعة تانية بس جيت بعد 3 سنين اعترفتلها اني معجب بيهاا بس ردها عليا بتقولي انها عارفة اني محترم وابن ناس وعارف ان مينفعش يكون في كلام بين ولد وبنت فاياا كان ردها معناه ايه انا سكت ومرتش ارد اصلاا الكلام دا كان من حوالي 5 شهور ف جيت اليوم حلمت بيهااا وكنا مبسوطين مع بعض في الحلم وانا والله ولا هي كانت علي بالي ولا فكرت فيهااا بس مش عارف جات ازاي ومش عارف دا معناه ايه اصلاا وايه اللي خلاا دا يحصل

السلام عليكم من فضلكم دلوقتي انا طالب جامعي فرقة تالتة هندسة والحمد لله حالتنا المادية كويسة جدا الحمد لله رب العالمين يعني ف دلوقتي في بنت صاحبتي حاسس انها بتتقرب مني والكلام ده وهندخل في مواضيع الحب والكلام دا بس انا الصراحة مش ناوي ادخل في الخطوة دي دلوقتي خالص وانا الصراحة شايفها صاحبتي وبس مش اكتر لاني معمريش قولتلها كلمة تدل او تخليها تحبني بس انا اول لما لقيتها بالشكل ده قولتلها ان انا بحب بنت تاني وناوي اخطبها انا مفيش بنات في حياتي بس انا قولت كدة علشان معشمهاش وواخد ذنب وهي مش وحشة بالعكس هي إنسانة جميلة جد في كل حاجة بس انا اللي مش جاهز للخطوة دي دلوقتي لاني لسه معملتش حاجة لنفسي يا رب تكونو فاهمني هل كدة انا غلطت او اتصرفت غلط ؟

السلام عليكم دلوقتي انا كان عندي تعب نفسي خلاني انزل سنة في الكلية فانا حاليا في رابعة هندسة واهلي يفتكروني باقيلي شهر واتخرج لاني معرفتهمش اني اتاخرت سنة فانا دلوقتي مش عارف ايه الحل كنت بقول هتتحل في وقتها بس جه وقتهاا اهو ومش عارف ايه الحل

مش عارفه اذاكر رياضة😭😭😭 معرفش ليه كتبت هنا بس ممكن يكون معانا دحيحة رياضة يشاركونا نصايحهم بفهم الشرح وكله تمام بس مبعرفش احل لوحدي ول استوعب المسئلة عايزة ايه بالظبط خصوصا الهندسه. انا اولى ثانوي كنت بحب الرياضة جدااااا بس السنه دي كرهتها موت

تقريبا بقالي سنتين في دوامة من كره نفسي بسبب شكلي، انا طولي 197 ودائما بفكر اني هبقى مرفوض من العلاقات وهعيش وحيد طول عمري أو هعيش مع حد مبيحبنيش، الفكرة اني اصلا لسه طالب ومش في مرحلة اني افكر في العلاقات ولا حتى بعد تلات سنين من دلوقت، لكن مهما أفكر نفسي بالكلام ده بترجع تاني نفس الأفكار وكأنها مفروضة عليا بالقوة، يعني في الاول كانت ممكن تيجي بعد ما اشوف بوست أو تويتة لواحدة بتذم في الطوال لكن دلوقت بلا اي مؤثر حقيقي لازم ادخل الدوامة دي ولازم تسحبني لفترة من الوقت كلها كآبة وبقت تنتهي بالنوم الحقيقية مش في طولي فعلا علشان الناس متفهمش اخطأ، المشكلة في الحالة النفسية وانا محتاج اروح لطبيب نفسي بس قدامي عائق اني طالب هندسه مش بيشتغل حاليا ومعندوش وقت يشتغل ومعنديش حد يصرف على السيشنز دي

عاوز احكي علشان الاقي حلول مش علشان حد يبصلي نظره شفقه انا كنت طالب عسكريه ربنا كرمني و دخلت هندسه محركات زي ما اهلي كانو حبين كنت متعرف علي بنت و قربنا من بعض اوي و اكتشفت بعد سنه و نص أنها اصلا كانت مخطوبه من قبل ما نتعرف مرضتش اصارحها بحاجه و كملت لحد ما اتكتب كتابها و صارحتها و قلبت الترابيزه عليا و قالت إن انا الي كنت مديها حب و اهتمام بزياده المهم هيا اتجوزت و انا سقطت في الكليه مع اني كنت بدخل المصانع الحربيه و كنت بشارك في تطوير المعدات الحربيه و انا لسه طالب من كتر ما كنت مجتهد بعد ما سقطت من الكليه انسحب مني كارنيه المصانع الحربيه و نقلت معهد في التجمع و مش عارف اعيش حياتي طبيعي من ساعتها بقالها سنتين متجوزه و خلفت و انا لسه واقف مكاني فشلت في حياتي الدراسيه و العآئليه +جالي 5امراض في أوقات قريبه جدا من بعض في منهم 4 مزمنين الحمدلله علي كل الي انا فيه و مش هنكر انا الغلطان اني مبعدنش من الاول بس بجد محتاج حلول نفسي اعيش زي الناس

كونت حابب اتكلم ف مشكله حصله معايا وشبه مدمره نفسيتي خالص ولله بقالها اكتر من سنتين حياتي يعتبر وقفه بسبب الموضوع ده هو انا مش عارف احكي تفصيل لاني مش متعود اتكلم معه حد دايما قافل علي نفسي ومبقاش عندي شغف لاي حاجه بعد متخرجت من الهندسه واتعينت أبدت كل حاجه تقفل ف وشي ومبقتش ملاحق علي كم المشاكل الي بتحصلي فا لو حد يقدر يسمعني ويديني نصيحه تساعدني اتخطه فا له جزيل الشكر ولله ❤️