وحيد

تيجي من الشغل تفضل تقلب في الاب وكل واحد شويه المشكله أن الواحد ماعدش عنده طاقه حتي يفتح كلام مع حد جديد زمان الفون مش كان بيبطل رن لما رينا هدانا بقينا وحيدين بنحس بالوحده والملل طب نرجع للماضي طب نسلي نفسنا زي زمان بجد زهق

حاليا حاسس اني تايه ودماغي مشتتة بشكل كبير اصوات كتير جوا دماغي بتسأل اسئلة ملهاش اي اجابات نهائيا عامل زي اللي بيدور علي حاجة بس مش عارف هو بيدور علي ايه يمكن بدور علي شخص يمكن بدور علي صديق يمكن بدور علي حب يمكن بدور علي راحة حقيقي شعور صعب انك تكون تايه والاصعب منه انك تايه لوحدك بدون ما يكون جمبك حد يدلك علي الطريق ؤ

من كام سنه بالظبط كنت كويس شكليا و جسديا جيم و خروجات لبس كويس و فلوس و بيت هادي و كله بيحب بعضه كان في وحده بتحبني و كنت ناوي خير والله كان في صحاب كتير و جدعان "أو انا كنت فاكر كده " كنت برسم و كله عارفني فنان كان في روح جوايا دلوقتي حرفيا وحيد بائس يائس مفيش شغل مفلس مليش حد بقيت اخرج من الغضب و ضغط البيت امشي في الدنيا مش عارف اروح علي فين ولا اجي منين حتي مفيش صاحب أكلمه اللي شغال و اللي مش فاضيلي واللي نسيني واللي كرفلي و الي خطب واللي اتجوز وانا قاعد بتفرج حتي البيت بقي اوسخ و ازبل بيت في الدنيا اخرج من قواضي و محاكم و قرف بين ابويا و امي و يادوب نهدي شوية يطلعوا بمشكله تانية و عايزين يتطلقوا احاول اهدي ما بينهم و نعمل قعدة و التانية والتالته و الحمد لله يتلموا شوية الاقي البيت بقي مزبلة أختي الصغيرة تضرب في أمها و اخوها و تخليني اضطر اضربها بالقلم منظر عينها و هي بترجف بعد القلم مخلياني عايز اصرخ اموت نفسي اجري في الدنيا زي المجنون دي بنتي و حبيبتي و اختي وصلنا لكده ازاي و اخ لا بيحترمني ولا شايفني اصلا كنت زمان بحب الافلام اوي و المسلسلات كان زوقي حلو سمعت كل الافلام الماستر بيس في العالم كان نفسي اكون زيهم ، كان نفسي ابقي بطل في حياتي اعمل حاجة تحسسني اني كويس و ابص لحياتي و اضحك اني عديت بكل ده و الحمد لله انا دلوقتي كويس بس انا دلوقتي في الحضيض حرفيا

انا وحيد جدا بكل المقاييس مفيش حد بمعني مفيش حد معايا، ممكن اقعد بالساعات ساكت ومتربي علي كده من صغري، ياريت محدش يقعد يحكم ويقولي انت كذه كذه .. عشان انا الوحده وخداني في حته وحشه اوي اللي عنده حل ياريت يقول

انا سهران مخنوق بكل ما تحملة الكلمة من خنقة عمال اقلب وخلاص مش عارف اتكلم ولا لاقي حد اتكلم معاه زهقان وموضوع انك تكلم وانت مش علي طبيعتك يخنق اكتر بقيت اكره الوحده لو لوحدي ولما يكون حد ف حياتي اشتاق للوحدة بجد مش عارف اعمل اي

مساء الخير بحس اني مش هتحسن واقوي شخصيتي وابقي تمام هو مش مستحيل لكن انا بحتاج حد يشجعني ويكون معايا علي طول بس انا وحيد طول عمري بتعب جدا لم اكون منعزل عن الناس مع ان دا راحه ف نفس الوقت بحس كتير اني ف تناقد بتكلم مع معالج نفسي بس مش شايف تحسن فارق

بقيت وحيد ومفيش حد في حياتي خالص غير بنت كنا صحاب ومبقيناش بنتكلم .. بقيت فارغ خالص من جوايا ومش بعرف انام .. بقيت بشرب نيكوتين كتير عشان ادوخ وانام بالعافية .. انا مش بخير محتاج حد اتكلم معاه وخلاص ولد او بنت مش هتفرق عشان محدش يشوفني بشقط بس بجد انا تعبت

معظم الاوقات بقيت وحيد وحاسس اني لوحدي غرفت بنت ٤ شهور كاصحاب وارتبطنا فترة ومع الوقت عرفت انها ارتبطت بيا علشان اهداف تانيه مش علشاني وبعدين دخلت ف اكتئاب حاد لانب كنت بحبها لاخر لحظه وحتي بعد ما كسرت قلبي فضلت احاول ارجع علاقتنا تاتي مر ٣ سنين ومش عارف اتخطي

لا انا كده كده انا الناس بيبوصوا عليا انى غريب فانا علطول وحيد او قررت ابقى كده لانى مخليش حد يدينى كلمه ملهاش لازمه او اكسف نفسى او اعمل حاجه غلط اشوفها عاديه القدامى ميحبهاش فانا قررت ابقى وحيد للاسف

حلولت غير مم شخصيتي كرمالا كان بدي ياها تكون مبسوطة معي بس للاسف فشلت وغيري صار قريب منها بأقل مجهود وانا اللي خسرت كنت متمني تبقى معي بس هلا انا وحيد ومنعزل حاسس حالي مكروه من كل الناس والعالم

مش عارف ليه الفترة دي حاسس إني مخنوق بزيادة، دماغي مليانة كلام ومفيش حد أحكيله من غير ما أحس إني تقيل أو مزعج. ساعات الواحد بيحتاج حد يسمعه بس، حتى لو كلام عادي أو هزار يهون اليوم شوية. مش لازم حلول ولا نصايح، مجرد حد تسأله عامل إيه ويسألك نفس السؤال بجد. يمكن شكلي عادي وسط الناس وبضحك، بس جوايا كمية كلام متراكمة ومش عارف أطلعها. ساعات بحس إن وجود شخص تتكلم معاه آخر اليوم ممكن يفرق جدًا في النفسية. لو حد بيعدي بيوم تقيل أو حاسس إنه مخنوق هو كمان، يمكن كلمة بسيطة تغيّر مود يوم كامل. مش بدور على حاجة معينة قد ما بدور على راحة، ضحكة، أو حتى كلام عادي يخلي اليوم أهدى شوية

يا جماعة، أنا الفترة دي مخنوق ومتضايق جداً ومش عارف السبب إيه. نفسي قوي يكون في حياتي حد يهتم بيا، حد يتصل عليا كل يوم عشان يعرف كل تفاصيلي وأخباري، ويهتم يعرف أنا كويس وعايش ولا ميت، ونفسيتي عاملة إيه. أنا نفسي بجد في بنت (شريكة حياة) وأنا والله هشيلها جوه عيني وأحافظ عليها."

ممل-نفسية-متوحد محدش هيحبك - هتفضل وحيد وكتير حاجات بالاول كانت تجرحني اما دلوقتي بقت عادية وجزء مني وبقيت متعود عليها واحس بنقص اذا ما اتقالتلي النقطة انو ما نسيب هل الكلام يتحكم فينا وبنفسيتنا بالعكس

يا جماع انا شخص وحيد ما عندي اخوة شباب وعندي اختين بس ف ربيت وحيد وهالشي خلاني لما اكبر اني ما اعرف افتح مواضيع او بشكل احرى صرت ما احب الحكي كتير بضوج فورا وهل الشي عم يخلي الشريكة تحس اني ممل بس هل الشي مو بايدي كيف بدي اغير هل الشي لان عنجد صار يسببلي مشاكل و هل في حدا بيتقبل هل الشي ولا لا

هتسالوني اي اكتر حاجه بكرها هقولك الاعياد رمضان عيد ميلادي علشان سبب واحد بس اني بحس قد اي انا لوحدي مليش حد اكلمو مفيش حد اخرج معاها مفيش حد هيسال عليا كلهم نسيني احساس وحش انك تحس انك لوحدك وان مفيش حد مهتم يسال عليك او يعيد عليك مفيش حد بيحبك بحس قد اي انت لوحدك فعلا

يا عيني كل واحده مع كتكوتها وكل واحد مع كتكوته وانا وحيد الغريب ان حياة الكتاكيت حلوة لما جربتها كانت حياتي ماشية ولما رفضتها مش عارف اي الي حصل بس انا ف نص بنطلوني وانا بكتب هنا 😂 وفي يوم العيد كمان الغريب اني صليت ومش عايز اقابل حد ودي مش عادتي بردو مش عارف انا مالي بصراحه 😔😔

عارفين ان زاي مفي ناس فشارع فرحانه ومبسوطه في انا برضو وفي ناس كتر زاي ملناش حد يصحبنا حتا دنا نفسي اوي من ساعت مجيت هنا القي حد احكيلو كل حاجة عني بعدها نبعد عادي بسةانا عشان راجل مش هلاقي حد يسمعني لاكن لو بنت كنت هلاقي الف حد يرد عليها مخنوق بجد مش حاسس بعيد

محتاج اوى اتكلم مع حد احساس دائم بالوحدة ومعنديش صحاب لو يس اتكلم مع حد يفتح اى موضوع او يحكيلى تجربته فى موضوع الصحاب وهل فعلا فيه صحية بتدوم تلل كلها فترات يا ريت متعدوش البوست وتفيدونى

احيانا بيجيلي وقت بحس اني لازم اكلم حد دلوقتي حالا ايا كان هو مين او الموضوع الل هنتكلم فيه المهم اننا نتكلم دلوقتي ولد بنت مش هتفرق بحس اني لوحدي جداً و لازم احس ان حد جمبي و معايا و جمبي حالا حد حس ب دا قبل كدا ولا انا بس 🚶‍♀️

جماعه انا الحمدلله بتحسن نفسيا نوعا ما بس لسه حاسس اني وحيد وده مش احساس انا فعلاً وحيد محستش بالمشاركه عندي فرااااغ كببيييير وصعب تعبت جداً من الحوار ده بتفهم غلط اني بدور علي نصيب حياتي وانا اصلا بجتهد جداً للهدف ده وربنا هيكرمني ان شاءلله وان شاءلله الاقيها في اسرع وقت انا استاهل ده

يا جماعه انا عايش ومش عارف انا عايز اي انا مخنوق جدا جدا وتعبان وموجوع من جوايا والله ألم وضيق صدر لا يعلم بيه الا الله وخوف بدون سبب معرفش من اي هل من الامتحانات اللي جايه ولا من اي بالظبط مش عارف بس انا حاسس اني مستنزف جدا مبعرفش احكي لحد انا حاسس ب ايه انا عندي ٢٢ سنه انا ولا مره ف حياتي جبت حد وقولتله انا مخنوق ومضايق وحاصل معايا كذا كذا معنديش صحاب كتير واحد من ايام ثانوي وواحد ف الجامعه ولا اتنين ومبعرفش اكسب حد مبعرفش اتكلم او اتصاحب علي ناس مبعرفش ابدا طول عمري من ابتدائي وانا كده لحد الجامعه المهم اني دلوقتي موجوع وقلقان ووحيد وحزين جدا مش عارف اذاكر ولا قادر اسافر للجامعه عندي سكاشن بكره والأحد عندي امتحانات عملي ومش طايق اعمل حاجه وقاعد ف صمت وسكوت ومستني السكاشن والامتحانات تيجي وتخلص حاسس اني معنديش طاقه بربع اقاوم بيها اللي دا غير الفاينل اللي بعد دا غير الفاينل اللي هيبدأ اخر الاسبوع انا تعبت يجماعه تعبت ضغط نفسي وعصبي انا مش مستحمل

بقالي ساعتين بتقلب في السرير مش عارف ليه، بقيت وحيد وكئيب وشارد التفكير، زعلان من امبارح قلقان من بكره اتمنى حد يحكي عن حاجه يسأل سؤال يقول معلومه أي حاجه قولها خلينا نعدي الليلة دي على خير

حاسس اني فاقد القدره علي الكلام مخنووووووووق جدا جدا ومش عارف اروح فين ومش فاهم السبب لو حد سألني مخنوق من اي مش هعرف ارد انا لما ببقي كده بيبقي جسمي كله سايب مش ب نفسي ولا بجسمي رامي دراعاتي وببقي مش عايز اتحرك بحس اني لو جيت احرك ايدي مش هعرف انا مخذول من كل حاجه حتي من نفسي انا مفيش حد بيأذيني اكتر من نفسي معرفش انا محتاج اي هل انا محتاج حد احكيله طب انا والله ما عارف اتكلم لو اتكلمت هحكي اي ولا ولا اي انا مش قادر اقول غير اني تعبت ويأست وانا مليش حد معنديش صحاب انا مخنوق وممكن لو عوزت انزل معنديش حد اقوله تعالي انزل معايا معنديش اقوله انا مخنوق اوي تعالي اسمعني معنديش صاحب انا محتاج وجودك جمبي كل الناس اللي ف حياتي مفيش ولا واحد اقدر ارفع عليه سماعة تلفون اقوله انا مضايق ومخنوق عمري ما حكيت لاي عن اللي جوايا ولا عمر حد سمعني انا دلوقتي شخص صامت كل اللي حاسس بيه الم ف صدري الم بين ضلوعي وزعل وعيني مليانه محتاج افرغ كل دموعي وكل اللي حاسس بيه ف حضن حد يسمعني حد بيحبني انا مبيحبش اي حاجه انا فيها انا مبقتش فاهم اللي انا فيه ومبقتش عارف اعبر عن احساسي انا مش فاهمني مش فاهم حاجه حرفيا تعبت اوي ومش شايف مخرج من اللي انا فيه

بقيت وحيد حاسيس اني جالي توحد مش عايز اشوف حد علي طول مكتاب وقفل الفون مبقتش فارقه معايه حد شغفي مات بعد ما يدات احقق حلمي بعت ورجعت لي نقطه الصفر من تاني بقيت شايف ان معظم الناس بتوع مصلاحه علي طول بقا الصاحب الاحتياطي فا انا فعلا تعبت

انا حاسس اني وحيد وعايز اكون مع حد. علاقة تنتهي بالجواز مع بنت عارفة هي عايزة ايه وتكون اسرة مش لعب عيال يمكن هنا مش مكان مناسب بس يمكن تكون هنا او حتى حد يعرف حد ويرشحنا لبعض... يا ريت تكون في العشرينات..

سهران ليه مخلاص معدش في حد بيكلمك معدش في صوت حنين تنام وانت بتكلمو ولا صاحبة تسمعك وانت مخنوق خلاص بقيت وحدك عدا يوم زاي عدا شهر محدش هيسال فيك سهران تفكر فلي كان وتفرح وتحزن فنفس الحظة لما تفتكر ان اسعد لحظات حياتك كانت كدبة 🙂💔

انا مخنوق جدا ومش عارف اعمل وتعبان وعايش لوحدي كان في حد هنا بيكلمني وجزاه الله خير ياريت يفهم غرضي من نشري للبوست ده كنت بقول برضو اني شاطر في مجالي اللي هو AI&Data وبجتهد دايما فا دعولي اقدر احقق اللي عايزه

مش طالب منكم حاجه غير دعوة ليا ربنا يفك المرب اللي انا بمر بيه والله بصلي وبدعي وببكي في سجودي لربنا بس الكرب كبير وانا وحيد معنديش صحاب او حد افضفض معاه واشكي واكلع اللي جوايا ببكي ساعات كتير لوحدي والله ربنا عالم باللي بمر بيه

اهلا انا شب عمري ٢١سنه عشت و لازلت عايش في نفس الدايره من ساعة ما اتولدت اللي هيا انا لوحدي بجد محتاج اهل يكونوا مقدرين وجودي بشوف اللي مش عندهم اولاد ببقي بجد نفسي اقولها اعتبروني ابنكوا لاني بجد محتاج اب ينصح و ام تحن وتهمت بيا

عاوز حد يفهمنى ويطبطب عليا لما ابقي زعلان لما ابقي لوحدي لما ابقي مش قادر اعبر عن اللي جوايا هو يسمعنى حرفيا عاوز ونس عاوز حد يطمنى يطمنى انى كفايه ويطمنى انى اقدر على اى تحدى فاقد للثقه للحوليا هو يهتم ويدينى الثقة

لي انا منبوذ من المجتمع هو أنا وحش ☹️ مش عارف افضفض ولا حتى هنا مش عارف لي خايف افضفض تقريبا لحد يتريق عليا انا مش عارف انا مش منبوذ من المجتمع اللي في الشارع أو المدرسة بس لا من مجتمع الاهل حتى

كان عندي سؤال ومحتاج حد يرد عليا هو ليه لما اجيب حاجه لابني ليه اعايروا بها كل شويه في اي ساعه غضب ليه اخليه يندم علي اليوم يجي يتكلم معايا فيه ويصارحني بحاجه ليه دايما الاهلي بيفهموا الكلام غلط انا عندي 21 سنه وحيد ما عنديش اخوات خالص ليه انا حاسس وجود اهلي معايا زي مش موجودين دايما اي لحظه سعيده ببقى مش مطمن بنحسس ان في حاجه هتحصل هتبوظ كل حاجه اهم حاجه عندهم كفايه انا باكلك وشربك كفايه كيف انا بلبسك واي حاجه لما اطلبها ببقى انا اللي عامل الازمه رغم ان هم ملبسين نفسهم في حاجات ملهاش لازمه ومديونيه على الفاضي وانا في الواقع شغال مش قاعد في البيت وكل مرتبي بديهم له

الوحدة بجد شئ مميت مش هيعرفه غير اللي جربه بجد بمعنى انك تعيش لوحدك تماما في البيت .. مايبقاش فيه غير صوت نفسك انت بس انك ترجع تلاقي البيت مضلم وتاكل وتقوم وتنام لوحدك مفيش حد تشاركه تفاصيل يومك حد يلاحظ ارهاقك أو حتى فرحك مفيش الفضفضة ووقفة المطبخ مفيش اخد رأيك في لبسي قبل ما انزل مفيش حد يقلق عليك لما تتأخر حد تترمي في حضنه وتنزل من على كتافك هموم الدنيا عارفة ان فيه ناس وحيدة وسط أسرتها .. بس اللي بتكلم فيه مستوى تاني بجد ساعات كتير بحس اني ممكن اموت لوحدي ومرات كتير تعبت ودوخت ووقعت وكنت لوحدي ومش عارفة حتى اجيب كوباية مياه لنفسي وبعد ده كله الناس ساعات تقولك انتي اللي عملتي في نفسك كدة سواء بالتلميح أو صراحة.. بس هو والله قدر ونصيب مكتوب وربنا يصبرني عليه ويصبر أي حد عايشه

احساس غريب شويه لما تلاقي الكل ساكت كدا مره واحده ومتلاقيش حد تكلمة بتكون عايز تنزل تغير جو تتكلم مع حد كدا بنسبالي الموضوع غريب شويه تحس إن العالم كله أخد "هدنة" وإنت الوحيد اللي لسه صاحي أو محتاج تتكلم

عندي مشكله اني وحيد ومحتاج حد اتكلم معاه طول الوقت حد يكون موجود لما اقع ويكون موجود لما اقف على رجلي تاني ويساعدني كمان حد يستحملني ويكون جنبي حد اضمن وجودو

حاسس انى وحيد جدا ومليش حد افرح معاه او ازعل معاه او حتى اتخانق معاه حرفيا الوحده اكلتنى وبقيت حاسس انى هعيش وهم وت لوحدى يعنى كان نفسي يبقى ليا اهل يحبونى ونتجمع كل فترة ونقضى يوم مع بعض كان نفسي يبقى ليا صحاب ونخرج نفطر مع بعض او نتسحر مع بعض ولكن يبدو انه كتب على قلبى الوحده والفراق