يوم سيء

انا مخنوق فشخ، لسه مخلص امتحانات انهارده و رجعت البيت وافتكرت ان في بروجيكت حلو كنت مستني الاجازه تيجي عشان اعمله المهم روحت اقول ل اهلي البروجيكت وبتاع محدش حتي اهتم انا هعمل ايه وقعدوا يتريقوا وبعدين دخلت الاوضه قولت بقولك ايه اشتغل من سكات وخلاص لقيت التوتوريال اتمسح قولت يعم ماشي وماله ف داهيه لقيت خطيبتي بتقولي امها تعبت و مش عارفه تعمل ايه وانا مش جنبها ولا قريب وكلمنا الاسعاف بعدها قالتلي حد ضايقها ف المستشفى و اليوم لسه مكمل علي نفس النمط و لسه الساعه معدتش اربعه، انا يومي اتقفل ومش عارف اعمل ايه فيه

حطيت كريم وشي بجد حارقني شويه هو المفروض يتحط بليل بس انا طبعا حطيته الصبح المهم اني متعرضش للشمس بجد وشي حارقني وطلع حبوب ونظارتي ضايعه بقالها يومين عيني بجد وجعتني اوي مش عارفه بجد انا اي البعمله ده بس ماشي

واخيرا وليس اخيرا نقدر نقول خدت الاجازه اه اتقفلت من الاول اليوم وعملت غلطه معصباني ومش عارفه لي عملت كده ولي دماغي ودتني لكده بس يعني خير المهم يعني اني خدت الاجازه واخيراااااا هناااااام مع اني كنت بنام عادي بس ماشي يعني😂

يومي النهارده مكنش احسن حاجه بس الحمد لله بس حقيقي يومي النهارده مكنتش مرتاحه ولا مبسوطه زي اي يوم عارفه ان مش كل الأيام لازم ابق مبسوطه بس حقيقي مخنوقه اوي النهارده مواقف كتيره قفلتني ومكنتش طايقه حد واشخط ف اي حد قدامي أوقات بحس إني ضعيفه ومش عارفه أتصرف ولا المفروض اعمل ايه بحسني زي الطفله ال محتاجه احتواء بس وطبطبه حته العياط مبقتش بقدر اعيط مش فاهمه فيه ايه