Overthinking

Bulb_51863 🇪🇬

منذ أسبوع واحد

شعور ضاق ذرعًا

ليالي مليئه بالزنقه واحتساء الندم وكوب شاي بلبن مع شويه من ال overthinking على ب 150 جنية صداع (الأسعار ولعت) ليالي متكرره كنت اتمنى معيشهاش تاني بس الحمد لله مش ليالي ثانوية عامة 🥳 ادعولي اهرب من البيت بطريقة مضمونه ويكون عندي عربيه بكرا الصبح الساعة 5:17:20 وقطة عشان ماما مش راضيه تدخلهم البيت و

Potato_31970 🇪🇬

منذ أسبوعين

شعور خجول

يتم الكرف للمذاكرة وللمدرسه وللتقيمات واقعد ف البيت وبما اني دخلت غلى السرير عشان اتخمد ف طبعا الاوفر ثينكينج مش سايبني ف حالي المهم يعني اني بفكر ف حاجات so weird جماعه حد بيجيله الافكار السوداويه انه عايزه يضر*ب حد جامد انه عايز يخبط حد كده يعني المهم تصبحوا على خير have a good night

Cookies_58401 🇪🇬

منذ 3 أسابيع

شعور مرتبك

عبّر عن شعورك بشكل مجهول

محتاجه نصيحه مبدايا انا مبقاش عندي ثق ف اي حد نهائي و كنت دايما بحد حد و حدود بيني انا و اي مخلوق ف حياتي ف شخص معايا ف الشغل كنا بنقعد نهزر و نتكلم و كلو بيبقا حاضر ف هزرنا و بيحب الكل يتكلمو معانا و قلولنا انو تفكرنا قريب و كلام ده المهم الشخص ده بقينا نتكلم انا وهوا دايما و نحكي ل بعض كل حاجه حرفيا يعني هوا حكالي عن علاقاتو القديمه و كل حاجه ف حياتو احنا صحاب بس فهمين و كنا نشارك كل حاجه ف اليوم صور اكل كلو بحكي ل بعض بس اخر فاتره كان يصمم نتكلم فديو كول لان نقلنا ف فروع مختلفه و مبقناش نشوف بعض ف كان بيقول حجت انو عشان مبقناش نتقبل نشوف بعض فديو كول و انا الصراحه الحورات دي م بتيجي سكه معايا و لما حطيت حد ل الموضوع ده راح قالي انا بردو ف حاجات دي بتبقا حدودي و م حدودي و كل مسالو عن حاجه ف الشغل حصلت يقلي مخصكيش و م عارف اي بعدين رجع طبيعي تاني 
بس انا الي مقلقني ف الاول كان مصمم يتعمك ف حياتي زي انو صمم اضيفو ع الفيس و الانستا و الحاجات دي و حرفيا كدا هوا عارف كل حاجه عن حياتي و اهلي و لما ربت كل ده ب حوار المكالمه حسيت انو دماغو كانت جيبه يعملي مشكله ولا حاجه 
انا عرفه انو مفيش حاجه بعيده و سهل اوووي اي حد يبقا متصنع و ناس مبقاش ليها الامان انا عارف كل ده بس هوا فعلا فعلا بشهادت ناس من اهلو و ناس كلامها كلو عنو ب الخير بس انا مقلقه منو م عارفه لي و فنفس الوقت بقول يمكن انا اوفر و المشكله ان انهي تعامل م هينفع لان بحكم الشغل مجبرا اتعمل معا و كذا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_52562 🇪🇬

منذ 4 أسابيع

شعور ضائع

انت مكنتش كدا انت كنت نظيف وبتصلي وبتحفظ قرءان وفخر لاهلك والكل بيتباها بتربيتك اي اللي وصلك لكدا ؟؟! ليييه وبسبب ايه ليه بقيت كدا ليه ديما مخنوق ليه علطول متعصب ليع بقيت بارد ومش فارق معاك حاجه حتى نفسك ليه بجد اديني فالاوڤر ثينكينج

Strawberry_83277 🇪🇬

منذ شهر واحد

شعور مرهق

هو كل يوم صياح ال overthinking! انا ف اسوء حالاتي وماعنديش كتف اسند عليه يطمني أو حد اقوله اني مش كويسه ومحتاجه شويه اهتمام وماتعودتش اطلب حاجه من حد او ابقى اتنشن واصيح عاده ً انا الشخص اللي بيساعد وبيسند وبيجري ع الكل بس ف النهايه انا لوحدي ومابقتش عارفه اخلي نفسي كويسه زي ماكنت بعرف قبل كده مش

Chilli_77815 🇪🇬 You have to look for yourself اهتمي بنفسك ودعم نفسك وشوفي حد يساعدك ويقدملك نفس اللي بتقدميه لغيرك لان الإنسان طاقة والطاقة دي لازم تتجدد ولازم تشحن اطلبي المساعدة لأننا مش كاملين ومش مثاليين وانتي مش مخزن طاقة لا ينضب لا انتي طاقتك بتخلص وبتحتاجي تشحنيها حد يرتبلك أفكارك ويساعدك تتخلصي من المشاعر السيئة ويشاركك اللي بتحبيه بحب

عرض الكل 16 نصيحة

Coconut_79507 🇩🇿

منذ شهر واحد

شعور مكتئب

عبّر عن شعورك بشكل مجهول

السلام عليكم ورحمة الله 
أنا الأخت الكبيرة، يعني أنا اللي لازم نتحمل، ونتنازل، ونتغاضى، ونصبر، ونضحي، ونهدي، ونسكت، ونخظم، ونقري، ونطبخ، ونظف البيت، وأكون الأم والأب والأخت والسند لإخواني ونرتب خزاناتهم وفراشاتهم، لازم نكون الملجأ للكل، لازم نكتم مشاعري وحزني وأوجاعي ونظهر أمامهم بالقوة  لكي يصير الكل بأحسن حال بصح انا مكاش لي يسقسيني كيراكي كاش ماخصك ، لازم أنا اللي نقبل أي حاجة وما نرفضش أي طلب ولا نكون انا الشينة لي مانتعشرش، لازم أنا اللي نكون بين نار الحرب بين أمي وأبي ومشاجراتهم اللي ماتكملش وامي كي تبغي كاش حاجة توصلهالو تمدرني انا فالواجهة وانا نولي نبان لابي سبب المشاكل، لازم أنا اللي نسمع ونوصي خوتي ونطيب على قلوبهم كلهم مهما بلغت تراكماتي وضغوطاتي حتى اني عييت ماعادتش عندي طاقة لوكان نتزوج ونجيب ذراري نمدهالهم، لازم أنا اللي نكون العاقلة والرزينة وعيب وجريمة نزعف ولا نزقي ولا نقول كلمة الحق ولا نجرب نعبر على اللي فخاطري، تعودوا علي كأنسانة ما تحسش ودائما تراعي الكل على حسابها وأنا بداخلي انهيارات عنيفة، صراحة الأخت الكبيرة هي أكثر شخص مهزوم في هالحياة وموجوع وتحت الضغط، لأنها تعيش ضغوطات ف البيت، فالخدمة، مع خوتها، مع زملائها، فالخدمة، مع أمها، مع أبوها، حتى ما عندها وقت لنفسها.
أنا حتى الفارني ما نعرفش نديرو لاظافري، كحل عين ما نعرفش نديرو بالشكل الصحيح، حفلات مناسبات خرجات والو، ما عنديش وقت نتنفس حتى ضوك ماراه يجي في بالي والو من غير التفكير الزائد (Overthinking).
عيييت خلاص، عييت والله عيييت بزااف نفسيا وجسديا.
علابالي هدرت بزااف ان شاء الله ماثقلتش عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_77879 🇪🇬

منذ شهرين

شعور مكتئب

انا عندي تعلق مرضي بالأشخاص اللي بيدخلوا حياتي وبالذات لو علاقة عاطفية وعندي قلق شديد وببقى ديما خايف الشخص اللي معايا يمشى من حياتي لاني ببقى اتعودت عليه وده بيسببلي ديما overthinking و ديما بيخليني في حالة من السعادة والحزن متغيرة ممكن كل دقيقة حسب تصرفات الشخص اللي قدامي اعمل ايه

Apple_58349 🇪🇬

منذ شهرين

شعور محبط

محتاج نصيحتكو لو حد بيعاني من ال overthinking ازاي اعالج ده لان الحوار عاملي مشاكل اوي حرفيا دماغى مش بتريح علطول ف تفكير اصحى من النوم بسبب تفكير وسبب ف انتهاء علاقتي مع ناس او التسرع ف انى اتعشم ف ناس بسرعه اوي + انا يعني بحس ساعات يعني عارف انو غلط وحرام بس م عارف برضه ارتباط يعني بشوف ناس ليا ص

Potato_31970 🇪🇬

منذ شهرين

شعور خجول

الكثير والكثير من ال over thinking بجد اكتر وقت بقيت مبحبوش ف اليوم بسبب كده هو وقت الليل بعد الساعه 12 عامةً 🙂🫠 وبالذات لو مش ورايا حاجه وقاعده كده قاعده بقى دماغي فضيالي تقريبا اللي هو ايه تعاليلي بقى بفكر ف حاجات مستحيل تحصل حاجات حصلت من قرون والكثير من التخيلات الغريبه اللي هو مثلا انا

Coffee_77026 🇪🇬

منذ شهرين

شعور مستنزف

مش قادره اوقف overthinking بجد تعبت ولا عندى اى حاجه اقدر اعملها بشغل نفسي وبخرج مع أصحابى ومبقعدش وحدى بس كده كده الدماغ بتفضل تفكر هو احنا امتى ممكن نرتاح امتى ممكن نكون هاديين وفى قلبنا سلام امتى تبقى حياتنا هاديه من غير احداث صعبه القلب ميقدرش يشيلها وفى نفس الوقت اللسان ميقدرش يتكلم عنها

Coconut_73870 🇪🇬

منذ شهرين

شعور عاطفي

بعد ما اتعملي ghosting وزادت الاسئله التافهه في دماغي اللي مكنتش عارفه بيها قدر نفسي من ليه حصل كده ؟ عملت ايه غلط؟ انا مش كفايه؟ و اكتئاب كان عمري وقف عند الموقف ده و كان ماثر عليا نفسيا و كمان بجد و overthinkingمكنش بينيمني كويس. اتشجعت و قررت يبقى فيه نهايه ل ghosting لاني لتاني مرة اتعرضله وللاس

Coconut_73870 🇪🇬

منذ شهرين

شعور لا مبالٍ

موضوع:

هل بتحب نفسك...ولا بتحب الصورة الي عايز توصلها؟

بحبها عشان ماما الله يرحمها دعتلي ربنا يحبب فيكي خلقه .. فعلى قدر ما بلاقي دعوتها بتتحقق .. طيبه و جدعه زي ما صحابي بيوصفوني .. ببقى عايزة راحة البال و اعيش في سلام .. صاحبة بتحب تسمع لصحابها وتتواجد وتحل .. بقيت بطور من نفسي في مجال شغلي الحمد لله .. كنت مصدر فرحة لأمي الله يرحمها و أخت حنينه على ق

Coffee_75739 🇪🇬

منذ 3 أشهر

شعور مرهق

انا فضلت في علاقه مع بنت لمده خمس سنين وكانت دايما مؤذيه وقت الخناق كانت دايما تضايقني بكلامها كنت دايما انا اللي اصالح مهما كان كلامها مؤذي عمرها ما حسستني اني مهم عندها كانت دايما متكبره في كلامها قعدنا سنين تزعلني وتنام او تنشغل في حياتها وانا افضل سهران لحد الصبح في overthinking فقط دلوقتي انا

Grape_75543 🇪🇬

منذ 3 أشهر

شعور مرتبك

عبّر عن شعورك بشكل مجهول

نفسي من زمان كنت الاقي حد اتكلم معاه واحكيله كل حاجة جوايا وشايل همها ومدايقاني من سنين.. وفي اخر النقاش نمشي ولا كاننا نعرف بعض.. كان نفسي في حد بس يسمعني من غير ما يتكلم او يقذم نصيحة.. 
الحقيقة ان في حاجات كتير على مدار ٣٩ سنة في حياتي حصلت ومفيش حد يعرف حاجة عنها..
محصلش نصيب اني اتجوز لحد الان بسبب ظروف كتير واولهم من وانا صغير شايل الاسرة كلها.. ومحدش بيساعد ومش بحب استكتر حاجة على حد ولا بحب الانانية.. وصلت للسن دة وابتديت اشوف كل صحابي خلاص اتجوزو وخلفو وماشاء الله الدنيا حلوة ربنا يباركلهم..
ابتديت احس بالفراغ في كل حاجة وان مفيش حد تاني هيسمعني. 
تفاصيل حياتي معقدة جدا.. بس حقيقي بدور على جواز ووحدة تخاف ربنا وتكون فاهمة دينها ودنياها كويس.. تكمل حياتي.. بس مش لاقي ولا عارف اعمل ايه..
طبيعة شغلي كلها من البيت ولا بنزل كتير ولا بخرج ولا عندي صحاب بنات ولا عندنا قرايب هنا في مصر مع العلم انا مش مصري بس اتربيت هنا وعشت حياتي كلها هنا.
من ١٥ سنة كنت خاطب وكنت رايح اتجوز بس محصلش نصيب والحمدلله ومن ساعتها مش عارف العيب فيا ولا المسكلة فين.
بقى عندي الفترة الاخيرة overthinking بشكل رهيب لدرجة بسهر للصبح وبنام ساعتين واصحى اشتغل..
معنديش حد افضفض معاه مشاكلي اليومية عشان ينصحني او يسمعني بس ع الاقل.. الحاجة اللي فرحتني او زعلتني..
ياريت اللي يقدر يفيدني ممكن وضع زي دة يتعالج ازاي اكون شاكر جدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_68662 🇪🇬

منذ 3 أشهر

شعور ضائع

مطبق بقالي يومين بسبب over thinking و كنت بقراءة كتاب اسمو let them do للكاتبه mel Robbins , والكتاب حرفيا رهيب و بيساعدك تفهم كتير اوي اندمجت مع الكتاب لحد ما خلصت. و وقفلت وحاسس بكميه طاقه ايجابيه اسنه قدام وقولت تمام بقي اسمع مزيكا شويه وتشتغل اغنيه اسمها ( أنا مين ) هي طلعت قديمه بس انا أول

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع