ocd

Potato_76035 🇪🇬

منذ 3 أسابيع

شعور لا مبالٍ

١ لحد امتى الناس اللي عندها استحقاقية هتفضل حوالينا؟ الناس اللي عايزة تضغطك في حاجات تخصهم وماتخصكش وعايز تساعدهم فيها بدون مقابل ومع ذلك بيزنوا وفاكرين انك شغال عندهم لمجرد انك متساهل وبتحاول تكون شخص كويس وتعملهم جميلة؟ دا هينتهي امتى؟ ٢ كل ما أفكر أكتر أتعصب أكتر، كل ما أقول مش مهم، تيجي الفكرة

عبّر عن شعورك بشكل مجهول

١
لحد امتى الناس اللي عندها استحقاقية هتفضل حوالينا؟ الناس اللي عايزة تضغطك في حاجات تخصهم وماتخصكش وعايز تساعدهم فيها بدون مقابل ومع ذلك بيزنوا وفاكرين انك شغال عندهم لمجرد انك متساهل وبتحاول تكون شخص كويس وتعملهم جميلة؟ دا هينتهي امتى؟

٢
كل ما أفكر أكتر أتعصب أكتر، كل ما أقول مش مهم، تيجي الفكرة قبل ما انام وانا على السرير وتبوظ كل الاستنتاجات اللي هديت بيها نفسي، الفكرة إني عارف إني لو أطلقت لغضبي العنان وعملت رد فعل، هندم بعدها وأقول ماكانتش مستاهلة
والغضب بيغذي الغضب، عمري ما بيشبع
والنار هتفضل تاكلني من جوا لغاية مايبقاش فاضل مني حاجة

٣
من فترة واحدة صاحبتي قالتلي اني OCD
ماحستش بحاجة وقتها لأن دا بيتقالي كتير، انت BPD، انت بايبولار، مش فارقة، الناس اتعودت انها لازم تمشي بتشخيص ودي من سمات العصر اللي عايشينه
اللي استغربته انها ابتدت تقول اللي لاحظته في شخصيتي وليه هي توصلت للتشخيص دا باعتباره بيعبر عني
ومن وقتها وأنا عمال أفكر يعني إيه حد يبقى عايش حياته وفجأة حد يقوله انت OCD؟ والمفروض أعمل إيه بالمعلومة دي اصلا

٤
أي بنت بتنزل انها عندها جفاف عاطفي أو عايزة تصاحب، بحس كل الولاد اللي في الكومنت كأنهم إنسان بدائي جيه موسم التزاوج وبيعرضوا نفسهم عليها وبيعملوا حركات إغراء، زي الحيوانات في الأفلام الوثائقية لما يجيبهملك وهم بيحاولوا يلفتوا انتباه أنثى الجربوع بإصدار روائح أو ينفشوا ريشهم

٥
أنا اكتشفت مؤخرا إني بحب النوم أوي، وكل اللي بفكر فيه إني عايز أعوض كل الأيام اللي ماكنتش بنام فيها كويس أو جسمي مابيحتاجش فيه نوم دي، إزاي أعوض كل رصيد النوم اللي فاتني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_63739 🇪🇬

منذ 3 أشهر

شعور لا مبالٍ

عايز اتكلم عايز شيء بيعاني منه معظم الشباب خصوصا الوطن العربي، حد لاحظ انك لما تتوقف عن العادة السرية تفكيرك المنطقي بيتحسن؟ وخصوصا اللي عندهم OCD او وسواس قهري، لو حد يعني حس بالحاجة دي ياريت يقولنا ولا انا لوحدي بس

Strawberry_11964 🇪🇬

منذ 7 أشهر

شعور مذنب

حاسه بكم ضغط كاتم علي نفسي ومش عارفه أواكب كل الحاجات دي المفروض أن خطة آخر أسبوع ف رمضان كانت ل العبادة منين بقي ظهر الكحك والبسكوت والترويق وغسل السجاد وكم اللف الرهيب عشان لبس العيد لأن طبعا روح الocd الا عندي هتخليني معيدش غير ب كل حاجه جديده حتي الشراب والكلية الا هنزلها لحد يوم الوقفه دي يارب

Chocolate_52025 🇪🇬

منذ 10 أشهر

شعور متعب

اخواتي دلوقتي انا لسه رايحه لثيرابيث و كده عشان عندي ocd وسواس قهري و ماما كانت بتخش معايا ديما اربع او خمس جلسات كانت بتخش فيهم معايا مكنش عندي مشكله الا لما اتحولت لدكتور متخصصه تعالجني بقه ماما لما عرفت انه مش هينفع تخش معايا بتقولي سجلي ليا الجلسه عشان اسمع بروقان يعني اي بجد ما لو عاوزه و ينفع

Avocado_42268 🇪🇬

منذ سنة واحدة

شعور محبط

انا من قيمه 8 سنين كنت بمر ب فتره صعبه لدرجه اني جالي تروما واتشخصت بـ شيزوفرينيا و OCD بسبب صدمات كتير متتاليه ورا بعض لدرجه اني دخلت المصحه اربع شهور وفي الاربع شهور دول كنت عامل شخصيه في دماغي بنت وكانت بتبادلني نفس المشاعر في احلامي ومخيلتي وكانت بنت عسوله خالص وكل دا وانا دماغي مقتنع ان الشخصيه

Blueberry_41475 🇪🇬 الحمدلله انك احسن دلوقتي اسال الله ان لا يعودها ايام ليك و يجعل ايامك احسن و اهم حاجه حافظ علي صحتك النفسيه و تابع مع دكتور من وقت للتاني عشان سلامتك و متعرضش نفسك لضغوظات

عرض الكل 5 نصيحة

Cherry_38008 🇪🇬

منذ سنة واحدة

شعور ضائع

انا مريصه ocd وبسبب هذا المرض اصيحت اعتمد علي وجود احد معي دايما .. فبقيت اقعد مع اهلي في النهار واذهب بيتي في الليل وانا مش عارفه هعمل ايه في الشتاء والمطر بيني وبين اهلي شارعين بس انا مخنوقه .. عندي وسواس طهاره ونسيان .. حد يقدر يساعدني

Guava_38341 🇯🇴 شو رأيك تقعدي بهدوء تسمعي قرآن

عرض الكل 9 نصيحة

Cherry_38008 🇪🇬

منذ سنة واحدة

شعور فخور

موضوع:

شو كان افضل شي غيرته بنفسك؟

اني اصبحت اكثر حكمه وقدرة علي التعامل مع ال ocd بعد ما كنت ضعيفه وكثيرة الشكوي والحمد لله اصبحت علي قدر من المعرفه والقوي بهذا المرض فلم يعد يؤثر علي مثل قبل ..صحيح هناك اشياء ضعيفه امامها ولكن اصبحت علي وشك التعافي الكامل باذن الله

Avocado_12017

منذ سنة واحدة

شعور Not great 😕

الناس اللي عندها OCD بيتغلبوا ع الموضوع دا ازاي

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع