اكتئاب بعد الزواج

Banana_87215 🇪🇬

منذ أسبوع واحد

شعور محبط

عبّر عن شعورك بشكل مجهول

انا متجوزه بقالي ٦ سنوات وخطوبه سنتين انا دايما في مشاكل مع جوزي بسبب عصبيته واندفاعه من ايام الخطوبه وهو عصبي بس للاسف كنت حبيته واتعلقت بيه ساعدته ووقفت جانبه ماديا ومعنويا وكنت سند ليه لأن أهله مكنوش سند واهلي كانو سند وامي ساعدته جامد ماديا ومعنويا قبل الجواز وبعد الجواز لو وقع في اي موقف مادي كان يلجأ لامي وف الاخر بغلط فينا هو حنين وطيب بس عصبي انا تعليمي اهلي منه انا مؤهل عالي وهو مؤهل متوسط بس للاسف شكله حاطط ف دماغه كده لاني كنت كل ما اتعامل أو أكلمه كان بيفتكر اني بأمر أو بتعالي عليه وعشان كمان كنت بساعده مادياً برغم أنه راضي ومتقبل بس كأنه بيتعمد يكسرني واهله ايام الخطوبه كانت خطيبه اخوه غيرانه مني وبتعمل مشاكل ومالقتش حد يشهدبالحق لانهم يعرفوها قبلي وربنا يجازيهم علي اللي عملوه فطبيعي حسيت بفرق معامله وأنهم بعاد ومش اهلي وايام الجواز مكنش ف خصوصية وكمان انا عايشة في بيت عيلة والسوء حاجه ف الدنيا بيت العيله كنت متخيلة كل واحد هيكون ف حاجه وف خصوصية لكن مفيش الكلام ده انا شخصيتي وطباعي غيرهم والمستوي الاجتماعي والثقافي غير فكنت بتفهم غيري لكن هما لا كان بيحصل خناقات بسبب عدم نزولي كتير و القعده معاهم وسخنوا جوزي وخناقات وسبت البيت قبل كده بسببهم وضغط وهو شويه معاهم وشويه معايا بس كان ف النهاية معاهم بس بقاله مده معايا بس بعد ما اتشوهت واتدمرت وبعد ٤ شهور جواز حصل نقاش مد ايده عليا واهله اتدخلوا وقالوا بلاش تقولي لأهلك والموضوع خلص بعد ٣ شهور مد ايده بس روحت لاهلي وجبه اعتذر ورجعت بعدها صراعت برضه وبعد ٦ شهور اتطلقت طلقه بسبب أخته قولتله اتصلت بمراتك مش بترد اتخنقنا روحت لاهلي طلقني  طلقه ورجعنا وحصل حمل ف اول جوازي وسقطت مرتين وربنا كرمني بعد ٣ سنين  حملت في بنتي وانا في الرابع مد ايده عليا وسبت البيت وحصل مشاكل وغلط ف اهلي وعملت محضر بس اداري لأن ف النهاية حامل في بنته ومش عاوزه اسجنه ولا اوديه ف داهيه مع اني اقدر ورجعنا وولدت والأمور مع اهلي اتحسنت واتصالح معاهم والايام ديه حصل مشكله تافهه بينا كنت بايته وكام يوم وجيت بعد الشغل اروحلهم قالي لا ما اتفقناش ع كده روحي طبعا عشان احنا اصلا شاديين قالي لا فا انا زعلت ويمكن ده غلطتي روحت كلمتهم إني مش جاية ومروحه عشان جوزي وحصل لغبطه ف الايام وراح لاهلي يجيب حاجتي وعشان اهلي كانوا تعبانين واختي تعبت لوحدها البيت معاهم كانوا مش طابقين نفسهم والكلام جاب بعضه المهم بابا قالي ديه مش رجوله التحكم هو رد قال بعد ما نزل عيله وس.ه وع.رة 
وطبعا بعدها ما بقاش ف كلام وهو شايف إنه اتهان عشان كده غلط وطبعا هو غلط لان مهما كان ناس كبيرة ما يغلطش واهلي شايفين أنهم اتهانوا وقالوا ما يدخلش بيتنا تاني مهما حصل وهو كده كده مش ناوي يعتذر وده مضايقني  وامه ولا اخوه فكروا يكلموا حد ف البيت عندي يعتذروا ال ايه مكسوفين واخته بس كلمت امي واعتذرت وانا وهو بنتعامل وبنتكلم واتعاتبنا بس برضه انا مش صافيه وهو رافض حتي يعتذر لاهلي يقولي انسي واختي شغاله تسخين مع إن جوزها زي الزفت برضه بس ف الوقت ده المقارنه شغاله إن مش بيغلط زيه برغم أنه غلط برضه بس انا لو كان ف مشكله مع جوزها كنت بدخل بالخير ومش بسخن كده وماما ماشية وراها وانا بصراحه تعبت انا مش بدافع عنه بس الإنسان وارد أنه يغلط  واحنا ممكن نسامح لو قدرنا هو  بيحاول يتعامل عادي معايا زي زمان ويقولي وحشتيني بس  بس انا مش قادره حاجه جوايا قافله حاسه ببعد بعد حبي ليه القوي مش حساه اللي هو عايشه معاه وخلاص عشان افضل قاعده ف شقتي وبنتي تفضل ف وسطنا لأن محدش دايم لحد ولا بيصرف ع حد وبرغم اني بشتغل بس مش هقدر لوحدي وبنتي لسه ف بدايه الحياة مصاريف كتير 
عاوزه حل في حوار اهلي لانهم شايفين رجعت اتعامل مع جوزي ويتصل بيا قالتلي هو انتي موافقه ع تهزقيهم مع إن ربنا عالم عملت ايه عشانهم وبعمل ايه دايما عشانهم بس مش هقدر اقول لحد اتصل اعتذر مع اني قولت مرة واخته اتصلت 
انا مش بقول برضه إن كله عيوب اكيد كلنا عيوب هو كريم وطيب وحنين وبيساعدني ف البيت لو تعبانه بس هو عصبي والعصبية تخنق مع لسانه الطويل وان مش بيميز قصاد مين أو وسط مين وممكن يفرج علينا الناس 
انا مش هنكر إن ف الاول مكنتش واخده ع الحياة الزوجيه وكنت بعند وبنتعامل كأننا عيال بس مكنتش متخيلة أنه يبقي كده او يمد ايده ويغلط كنت متخيلة هيحتوي من غير كل ده انا بقيت منه عصبيه اوي وبقيت واحده تاني هو وأهله غيروني من طريقتهم
 انا تعبت بجد من الحياة والايام اللي انت عايشاها اوقات بحس نفسي اموت وارتاح بس لاحق نفسي إني مااوصلش للأكتئاب وبستغفر ربنا كنت الاول بخاف اهلي يفقدوني دلوقتي بخاف علي بنتي من الايام لو مت وسبتها 
كنت متخيلة انا وجوزي هنفضل نحب بعض العمر كله ونحترم بعض بس حبه بدأ يقل بقيت عايشه معاه تعود تقريبا بقيت مكمله معاه خوفا من الايام وع بنتي بس تعيش من غير اب وخايفه من المسئولية لوحدي مع أنه مش اب سوي بيتعصب من اقل حاجه وبالغلط والشتيمة وأوقات كان مد ايد وكل ما اقول هكمل هيتغير حتي لو ما محدش ايده ع طول حرق اعصاب عصبيه ع اتفه الاسباب وغلط وحاجه بقيت تخنق جو مكهرب 
انا خايفه اكمل اتدمر اكتر من اللي انا فيه انا موجوعه وبقيت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_86734 🇪🇬

منذ أسبوع واحد

شعور مكسور القلب

Popcorn_83008 🇪🇬 خافي على قلبك بعد كدا وافهمي ان كل حاجة هتيجي مش لازم ناخد المتاح وخلاص

عرض الكل 3 نصيحة

عبّر عن شعورك بشكل مجهول

السلام عليكم انا اول مرة اكتب حاجه هنا عندي مشكله ماثرة علي نفسيني جدا انا واحده مدخلتش في اي ارتباط لا في المدرسه ولا الكليه وكنت بخاف اخسر ثقه بايا فيا وكنت فخورة بكده وبعد الكليه اتقدملي واحد  ووفقت عليه والدنيا كانت تمام و هو كان قبلها بشهر مرتبط بواحده  بقاله خمس سنين وكانوا ماشين في جواز بس حصل مشاكل ونفصلوا نهائيا و انا عشان هو اول شخص في حياتي كان جوايا نحيته مشاعر كتير جدا و كنت بخاف اخسرة هو بقي يستغل ده لو حصل مشكله بينا وهو الغلطان كنت بتصل انا كتير واتحايل عليه كنت بتحايل عليه في الأعياد و المناسبات عشان يجي يزوني كنت لو في اي حاجه في تجهزات الفرح هو مقصر فيها كنت انا بدفعها مكانه عشان يبقي قدام اهلي انه مهتم بيا كان ديما بيقارن معاملتي معه ب البنت التانيه دي كانت بتغير عليا بالطريقه الفلانيه دي كانت بتعاملني بالطريقه الفلانيه كنت بستحمل عشان مخسرهوش لاني اتعلقت بيه جدا و اتجوزنا و بعدين لقيت بنات كتيرة عنده كل مشكله تحصل ما بيتا بسببهم يقولي انا لو مسحتهم هخونك  وانهم عشرة عمره مش هيمسحهم  وديما كان بيهدني انه في مليون واحده مستني يشاورها بقيت استخدم انا كمان اسلوب التهديد واني هسيب البيت واني عايزة اطلق  برضوا كان بنسبه له عادي يروحي انا مش هرجع حد كنت بستحمل بقي يقارني بكل بنات اللي بيشوفها اللبس و الكلام حتي طريقه البنت في الصور وخصوصاً بعد الولادة  بقيت ديما بحس نفسي الوحد وبهتم بابني وبقي شاغل وقتي بقي شايف اني مش مهتمه بيه مع انه كان بيقول اني بخنقه لما بطلب منه يقاعد معايا شويه او نخرج معه انه ديما كان بيقولي انه كل اسبوع كان بيخرج مع البنت اللي مرتبط بيها وانا لما بطلب منه كده بيقولي تعبان  بقي ديما يا نايم يا بيلعب يا ماسك التليفون ده غير اي مشكله يبقي العيب فيها انا مش بعرف اتعامل مش بعرف احتوي كل اللوم عليا انا  
بقيت وحيده مش عارفه اعمل ايه كنت فاكرة اني لما  ابعد عن الحرام لما اتجوز هلقي الحب و الحنان و الهدوء في بيتي ونبقي اسرة جميله بس لقيت العكس مشاكل و حوارات ونكد وتعب بقيت بروح ل دكتورة نفسيه و مفيش تحسن كنت بنت هاديه بقيت بنت صوتها عالي وعصبيه و خايفه اطلق ابني لما يكبر يلمني اني اختارت رحتي عنه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_74653 🇪🇬

منذ شهرين

شعور متعب

Sugar_64732 🇪🇬 هسألك سؤال ورد بصراحه انت بتقرأ قرآن طب بتصلى بتشغلوا القرآن فى البيت حافظ كام جزء علاقتك مع ربتا عامله ايه والأخت نفس الكلام طبعا هتقول ايه العلاقه جاوب وهقولك ايه العلاقه وكمان متنساش انه الأطفال ملهمش ذنب فى الى حصل جاوب وهقولك بإذن الله الحل

عرض الكل 20 نصيحة

عبّر عن شعورك بشكل مجهول

ازيكم. انا سني من ٣٠ ل ٣٥
متجوز من ٨ سنين وعن قصه حب قبلها ٤ سنين. ومعايا ولد وبنت
القصه ابتدت من ايام ما كنا لسه بنحب بعض كانت مش بتهتم بيا وسلبيه في التعامل رغم أنها كانت بتحبني. وتقريبا كانت بتعتمد عليا بشكل مبالغ فيه. بس كنت ديما بقول أنها مكسوفه ومحترمه ومكنش عندي مشكله وكنت متخيل أن اعتمدها عليا نوع من أنواع الدلع والحب.
لما اتجوزنا كل حاجه كانت زي ما هي كأني اتجوزت طفله صغيره مش عارف اتكلم معاها أو احكي معاها ولا حتي باخد منها الاهتمام والحب الي طبيعي اخده من مراتي وحببتي. وابتديت احاول اعلمها وحده واحده وخطوه خطوه ولكن كانت شايفه اني بعمل دا عشان انا مش شايفها كفايا وشايفه اني كده بحسسها بالنقص. ووسط كل دا اهتمامي باني اعمل لنفسي حياه كويسه خلاني ابعد عن صحابي ولاقيت بعد سنه اني لوحدي وكمان فشلت اني افهم الشخص الي معايا أن الحياه مشاركه وحب واهتمام. ومش هينفع يبقا طرف واحد الي بينجح العلاقه واستحاله المركب هامشي بيا انا لوحدي اني تعبت.
المهم اني بعد سنه قررت اننا هننفصل لاني مبقتش قادر.
وجاءت اول صدمه.. أنها حامل
هنا كل حاجه اتغيرت وقررت اني لازم اكمل عشان مش هينفع طفل ياربي من غير ابوه خصوصا أن انا مش مقتنع أن أمه هتعرف تربيه وكملت فعلا وعافرت سنه ودخلت في حاله اكتئاب حاد لدرجه ان اتوصفلي علاج ليه ومخدتوش.
آه نسيت اقولكم ان خلال السنه دي هي كانت شايفه أن اكتئابي وانعزالي عشان انا مش عاوز اكلمها واني السبب في الحياه الزفت دي.
والمره دي جات منها لانها شايفه اني معني انعزالي عنها اني بخونها.. ودا طبعا محصلش. وصدقوني كان نفسي اكون بخونها فعلا.
المهم طلبت الطلاق عشان مش مرتاحه معايا واتخنقنا واكتشفنا أنها حامل للمره التانيه وطبعا عشان احساسي الأوفر بالمسئوليه صالحتها. وكلنا حياتنا يومين حلوين وشهرين وحشين.
لحد ما قررت اننا نروح لحد متخصص. والحد دا فهم المشكله وفهم أن مراتي عنها تعلق مرضي وتواكل علي الآخرين ( يعني مش بتشكيل مسئوليه )
واكتشف ان عندي اكتئاب حاد وانعدام القدره علي تفسير والتعبير عن مشاعري.
وقلنا سنه وانا حاسس اني مقفول من الحياه. مش عارف انفصل عشان بحب عيالي اوي ومش عاوزهم يتربوا بعيد عن أهلهم. وفي نفس الوقت انا بخسر اخر جزء في نفسي كابني ادم. دا إذا مكنتش خسرتوا.

انا شخص نفسي حد يهتم بيا  ويتكلم معايا ويشاكرني اهتماماتي وشاركه اهتماماته
شخص احس أن وجودي في حياته مهم عشان بيحبني مش عشان أشيل مسئوليته بس.
انا فاهم أن طبيعي أشيل المسئوليه. عشان الناس المريضه  الي هتقول انت مش عاوز تشغيلها.
عاوز حد يحبني الحب يقدر وجودي وانا اقدر وجوده.

شكرا انك كملت قرائه لحد هنا.. لو عندك رأي تشاركه انا سامعك ولو عندك نصيحه اتفضل.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_74718 🇪🇬

منذ شهرين

شعور محبط

انا دلوقتي جوزي مطالبة كتييير وانا سني كبر وعندي بنوته علي وش جواز مش بتعمل حاجه ومشكلتي دلوقتي اني جاني اكتئاب ومش عارفه اعمل حاجه ولا قادره اعمل اكل ولا ليه مزاج للدنيا وأما انزل مبفرحش ملحوظه انا عندي سكر

Pineapple_74641 🇪🇬 شاركي بنوتك كل حاجه و فهميها وضعك و حنني قلبها و تتعاملي معاها بشكل لطيف و ادعيلها و كل م تتعلم معاكي حاجه او تساعد ف حاجه اشكريها و فهميها قد ايه هي مهمه ، انا عارفه أن الموضوع هياخد منك وقت و مجهود شويه بس دا عشان ترتاحي بعد كدا و تقدري تعتمدي عليها ، بالنسبه ل زوجك اتكلموا مع بعض قوليليه انك مش قادره و حاولي تتكلمي بشكل لطيف بردو لأن الرجاله طبعها العند و العصبيه حاولي تحتوي الموقف ع قد م تقدري

عرض الكل 6 نصيحة

Chocolate_71547 🇪🇬

منذ 3 أشهر

شعور مكسور القلب

انا بقالي سنه و نص متجوزة و كنت فاكرة انه عن حب بس بعد الجواز اتصدمت من الجفا و القسوة و قلة المشاعر و انا لسه في عز شبابي عمري ٢٥سنة وطبيعتي اني بحب الحياة و الحركة و الخروج و الضحك و من ساعة الجواز انا بجد انطفيت و بقيت ف اكتئاب و عياط و انهيارات معظم الوقت و حتي وقت حملي قضيته كله زعل و قهر💔 ..

Apple_57717 🇪🇬

منذ 3 أشهر

شعور مكسور القلب

دلوقتي اخويا متجوز بنت محترمه وكويسه جدا لكن كان في بنت قبلها بيحبها ونفسه يتجوزها لكن لظروف متقدمش وهي اتجوزت المهم انه مش مبسوط في حياته ومضايق لانه لسه متعلق بيها وكان فاكر لما يتجوز هينساها لكن ده محصلش وبيقول مش بمزاجي وبيحلم بيها علي طول وتظهرله في كل مكان بالرغم انه بيشكر في البنت اللي معاه

Avocado_63640 🇪🇬

منذ 3 أشهر

شعور مكسور القلب

موضوع:

إزاي العلاقات السامة بتسرق منك نفسك؟

Ice Cream_61082 🇪🇬 * اطلعي من العلاقة دي: خلاص، كفاية كده. ارمي ورا ظهرك كل اللي حصل، وخلصي من الورطة دي. الطلاق ده حقك، وما تخليش أي حد يوقفك. * ركزي على نفسك: اهتمي بصحتك النفسية، ارجعي لشغلك، واعملي أي حاجة بتحبيها. المهم إنك تلاقي نفسك من جديد. * متخافيش: اللي جاي أحسن بكتير، وربنا هيعوضك عن كل لحظة وجع. بس أنتِ قوي قلبك، ومتخليش التجربة دي تحطمك.

عرض الكل 10 نصيحة

عبّر عن شعورك بشكل مجهول

انا بردوا عندي هاجس كدة اني اكون انا التوكسيك
اتجوزت ولد صالونات، حبيته حب عظيم،كنت حساه طيب،لكن اكتشفت بعدين كوارث،بخيل جدا،بارد جدا عاطفيا،بينقل لاهله كل حاجة وياخد نصايحهم ف ازاي ينشف عليا اكتر،عايرني بالخلفه رغم اننا مكملناش ٣ شهور جواز،رفض تماما يديني ولو ١٠٠ جنيه ف الشهر مصروف،خناق وجعير طول الوقت او تجاهل قاتل بيقتل الروح بالبطيء،كان بيبات برة البيت اغلب الايام بحكم شغله ولما يرجع يقعد ع التابلت او يلوي بوزة او يطلب مني فلوس لاي استغلال كان ، ولما ارفض يمنع العلاقة وينام ف اوضه تانيه،شهر رمضان بطوله نايمه ف اوضه وهو ف اوضه تانيه،يوم العيد قضاه ف بلدهم وسابني وحدي زي الكلب ف البيت،عيطت جامد بانهيار من قسوته عليت قالي طظ فيكي دة كهن حريم اهلي قالولي كدة وانا ورايا شغل واولعي بنكدك،جالي نزيف مرة واحنا سكننا كان بعيد جدا عن اهلي،قالي سلامتك ونزل شغله كاني كلبه ملهاش لزمه،كان جايب حد من صحابه وخبط علي باب البيت،اتاخرت ف فتح الباب كسره،وبعدها امرني اعتذر وادفع فلةس تصليح الباب ووالدهةجه هاني وبهدلني ان انا اللي مفتحتش بسرعه وانا السبب ف كسر الباب،ووالده قالي اقعدي من الشغل وصحتك متهمنيش ولا تفرقلي وجوزي قاعد مفتحش بقه وابوه ضربه كمان ومشي،ف رمضان روحني جعانه بعد العشا ورفض حتي يجيبلي باتيه او ازازه مياه ،زكاه الفطر قالي ادفعيها لنفسك انتي هتستنطعي عليا،اي حاجة تبوظ ف البيت او تحتاج تتركب انا اللي ادفعها تجاهل علي طول الخط،مفيش مكالمه الا فين وفين ولا كلمه حلوة الا فين وفين ولا حتي العلاقه الخاصه كانت الا ثواب وعقاب ،لما ادفع او اجيب هديه او اقفل بقي عن ابسط حقوقي يبقي فيه علاقه غير كدة يبات ف اوضه تانيه،سبت البيت من التعب النفسي رفض ييجي ياخدني من بيت بابا،بابا دخل الرعايه وكان ليه فلةس عند جوزي،اتحايلت عليه يديهالنا عشان ندفعها ف الرعايه رفض،كمان بعد بابا ما خف جاله مسجد عند بيتنا وغلط فيه ووالد جوزي جالنا البيت وغلط فينا،قعدت ٣ شهور جواز و٥ ف بيت اهلي،كنا عاوزينه ييجي لبابا عشان نكلمه انه يوقف تدخلات عيلته علي الاقل،قال مش جاي وانا حالف طلاق،حاولت كتير مفيش الا استبياع وسفاله وغلط ف ابويا وقله ادب،طلبت الطلاق بالمعروف رفض وقالي اخلعي نفسك بالمحكمه،علاقه طفت روحي حرفيا
لكن انا بردوا كنت بعلق كتير علي تصرفاته،كنت عصبيه من بروده،كنت ببخل عليه ماديا زي ما بيبخل عليا،كنت بعيط كتير،اشتكيت مرة لاهله بخله المادي معايا علي اساس يعلموه الاصول طلعوا هما اللي ممليينه وحرضوه عليا اكتر
وف الاخر البيت خرب قبل ما الحق افرح بحاجتي او حتي اعرف اماكنها وروحي انطفت من العلاقه دي واتعقدت من فكره الجواز ومش عارفه حتي اتطلق
ادعولي

Cherry_62862 🇪🇬

منذ 4 أشهر

شعور محبط

بصو يجماعه انا لسه منزله البرنامح دا ياريت تنصحوني انا عندي 19 سنه بقالي تلت سنين متجوزه في ارياف اكيد بسبب اهلي اتجوزت واحد مبحبوش وطبعا علشان معاه فلوس بقالي تلت سنين مش عارفه احبو ومش عارفه اتأقلم علي العيشه بتعتهم بسبب امو بتمشي كلامها علي البيت كلو اخواتو وابوه وكلو ولما اتجوزت عرفت انها بخيييي

Nutella_62865 🇪🇬 انتي صغيره علي كل ده يبنتي انتي محتاجه الي يقف جنبك حاوليه تتكلمي معاه منغير خناق وفي وقت يبقي هو حابب يفضفض معاكي اكيد هتحسي بالامان معاه غير كده يبقي في حلول للطلاق

عرض الكل 11 نصيحة

Banana_58206 🇪🇬

منذ 5 أشهر

شعور مكسور القلب

انا متجوز من شهر و حاسس بعدم رضا عن جوازتي و مش عارف الشعور دا جاي منين بالظبط مراتي كنت خاطبها عشان محترمة و عاقلة بس لقيت ان فيه حاجات تانية كتير محتاجها و مش عارف اتناقش معاها او اخليها تغير حاجة فيها و مضايق من عدم نضافتها و حاسس اني اتخدعت دا غير ابخلافات اللي عملتها هي و اهلها قبل الفرح غشان ق

Blueberry_51928 🇪🇬

منذ 10 أشهر

شعور لا مبالٍ

عبّر عن شعورك بشكل مجهول

انا عندي21سنه حالتنا الماديه مش احسن حاجه بس  كانت مستوره معانا الحمد لله بابا معاملة مكنتش احسن حاجه معايا وكنت ساكته وراضيه كان في ضرب واهانه وكنت ساكته برضو رغم الحياه اللي كنت عايشاها دي وكنت راضيه بكل حاجه في ثانويه كنت بنزل اشتغل واصرف على نفسي وعشان اعرف انزل دروس كذا مدرس عرض عليا اني اخد عنده مجاني وانا رفضت تعبت اوي السنه دي وجبت 92في الميه بس مدخلتش كليه عشان المصاريف وحتى لو اشتغلت عمري ما كنت هعرف اجمع مصاريف الكليه مع مصاريف البيت ولنفسي ف رضيت باللي وصلتله وكنت بسعى في حاجات تانيه تفيدني اشتغل بيها المهم حد اتقدملي وبابا وافق وانا مكنتش موافقه لاني كان عندي تروما من العلاقات وفكرة اني ابقى مع واحد اصلا المهم بابا وافق بيه وحدد معاد لقراية الفاتحه وكل دا انا معرفش غير ليلة قرايه الفتحه وهو بيقولي جهزي نفسك بكره قراية فتحتك على فلان انا اتصدمت وطبعا لما رفضت اضربت وقعدت معاه غصب عني منكرش انه شخص كويس ومحترم وحرفيا في كل حاجه اي بنت تتمناها تكون في جوزها بس انا مش قادره فاهمني كل دا من قساوة بابا لما جابلي عقده من الصنف كله دلوقتى إحنا بقالنا خمس شهور متجوزين انا مش قادره اديله اي حاجه هو بيحبني اوي وبيتمنالي الرضى ارضى بجد وانا مش عارفه اعمل ايه ومش فاهمه اي السبب انا كل ما يقرب مني بتقطع من جوايا كل حضن بيحضنهولي بحس انه بيقطع في جسمي احساس وحش اوي 
حاسه اني آله قاعده معاه في البيت اطبخ واروق وتحصل بينا الحاجه الشرعيه وخلاص 
انا مكنتش عايزه حياتي تبقى كده بجد اتخنقت ومش عارفه اتكلم ولا احكي لحد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع