إزاي العلاقات السامة بتسرق منك نفسك؟

Question

شاركنا تجربتك مع العلاقات السامة، سواء كانت مع شريك، صديق، أو حتى حد من العيلة. إزاي أثرت على حالتك النفسية؟

Apple_68133 🇪🇬 · Answer

في يوم من الأيام كنت بضحك من قلبي، عندي طموح، طاقة، وناس بحبهم وبحب الحياة.

بس دخلت في علاقة كنت فاكر إنها حب، طلعت استنزاف.

كل حاجة كنت بعملها كانت بتتحسب عليّا. كل غلطة صغيرة كانت بتتعلق لي مشنقة، وكل كلمة حلوة كنت بستناها كانت بتتأجل.

فضلت أدي من روحي، وأبرر، وأسكت، لحد ما نسيت أنا مين أصلاً.

بقيت شخص تاني، شكّاك، خايف، تايه، كل مرة أحاول أرجع لنفسي ألاقيها بعيدة أكتر.

واللي اكتشفته في الآخر:
العلاقة السامة مش شرط تكون فيها خيانة، ممكن تكون فيها إهمال، تجاهل، استنزاف عاطفي بطيء، بيخلّيك تعيش وتموت في نفس اللحظة.

العلاقات دي بتسرق منك الوقت، الثقة، الحب اللي كنت بتديه لنفسك قبل أي حد.

بسّ، دلوقتي بقول كفاية.
كفاية أدي لحد مش شايفني، وكفاية أستنى في طريق مش بيرجعني لنفسي.

Watermelon_69102 🇪🇬 · Answer

زاي تعرف اذا كنت انت الشخص السام في حياة حد تاني؟

كتير بفكر اني كنت في علاقة سامة مع شخص و انه اذاني و و

لكن احيانا بفكر ان ممكن انا كمان بالنسبة للشخص ده كنت علاقة سامة وان انا اللي كنت غلطانة واذيته !!

مبقتش عارفة حاجة ..

Avocado_63640 🇪🇬 · Answer

انا بردوا عندي هاجس كدة اني اكون انا التوكسيك
اتجوزت ولد صالونات، حبيته حب عظيم،كنت حساه طيب،لكن اكتشفت بعدين كوارث،بخيل جدا،بارد جدا عاطفيا،بينقل لاهله كل حاجة وياخد نصايحهم ف ازاي ينشف عليا اكتر،عايرني بالخلفه رغم اننا مكملناش ٣ شهور جواز،رفض تماما يديني ولو ١٠٠ جنيه ف الشهر مصروف،خناق وجعير طول الوقت او تجاهل قاتل بيقتل الروح بالبطيء،كان بيبات برة البيت اغلب الايام بحكم شغله ولما يرجع يقعد ع التابلت او يلوي بوزة او يطلب مني فلوس لاي استغلال كان ، ولما ارفض يمنع العلاقة وينام ف اوضه تانيه،شهر رمضان بطوله نايمه ف اوضه وهو ف اوضه تانيه،يوم العيد قضاه ف بلدهم وسابني وحدي زي الكلب ف البيت،عيطت جامد بانهيار من قسوته عليت قالي طظ فيكي دة كهن حريم اهلي قالولي كدة وانا ورايا شغل واولعي بنكدك،جالي نزيف مرة واحنا سكننا كان بعيد جدا عن اهلي،قالي سلامتك ونزل شغله كاني كلبه ملهاش لزمه،كان جايب حد من صحابه وخبط علي باب البيت،اتاخرت ف فتح الباب كسره،وبعدها امرني اعتذر وادفع فلةس تصليح الباب ووالدهةجه هاني وبهدلني ان انا اللي مفتحتش بسرعه وانا السبب ف كسر الباب،ووالده قالي اقعدي من الشغل وصحتك متهمنيش ولا تفرقلي وجوزي قاعد مفتحش بقه وابوه ضربه كمان ومشي،ف رمضان روحني جعانه بعد العشا ورفض حتي يجيبلي باتيه او ازازه مياه ،زكاه الفطر قالي ادفعيها لنفسك انتي هتستنطعي عليا،اي حاجة تبوظ ف البيت او تحتاج تتركب انا اللي ادفعها تجاهل علي طول الخط،مفيش مكالمه الا فين وفين ولا كلمه حلوة الا فين وفين ولا حتي العلاقه الخاصه كانت الا ثواب وعقاب ،لما ادفع او اجيب هديه او اقفل بقي عن ابسط حقوقي يبقي فيه علاقه غير كدة يبات ف اوضه تانيه،سبت البيت من التعب النفسي رفض ييجي ياخدني من بيت بابا،بابا دخل الرعايه وكان ليه فلةس عند جوزي،اتحايلت عليه يديهالنا عشان ندفعها ف الرعايه رفض،كمان بعد بابا ما خف جاله مسجد عند بيتنا وغلط فيه ووالد جوزي جالنا البيت وغلط فينا،قعدت ٣ شهور جواز و٥ ف بيت اهلي،كنا عاوزينه ييجي لبابا عشان نكلمه انه يوقف تدخلات عيلته علي الاقل،قال مش جاي وانا حالف طلاق،حاولت كتير مفيش الا استبياع وسفاله وغلط ف ابويا وقله ادب،طلبت الطلاق بالمعروف رفض وقالي اخلعي نفسك بالمحكمه،علاقه طفت روحي حرفيا
لكن انا بردوا كنت بعلق كتير علي تصرفاته،كنت عصبيه من بروده،كنت ببخل عليه ماديا زي ما بيبخل عليا،كنت بعيط كتير،اشتكيت مرة لاهله بخله المادي معايا علي اساس يعلموه الاصول طلعوا هما اللي ممليينه وحرضوه عليا اكتر
وف الاخر البيت خرب قبل ما الحق افرح بحاجتي او حتي اعرف اماكنها وروحي انطفت من العلاقه دي واتعقدت من فكره الجواز ومش عارفه حتي اتطلق
ادعولي

Apple_69270 🇪🇬 · Answer

هي فعلا بتسرق كل حاجه بالنسبالي العلاقه اساسها الامان لما الامان يتسرق خلاص راحت كل حاجه وحل مكان الحاجات الحلوة حاجه اسمها الخوف والمصاب ب الخوف ده ربنا الوحيد اللي يقدر يخرجه من الحته دي غير ربنا مفيش بيكون مرض صعب التعافي منه

Coffee_55489 🇪🇬 · Answer

العلاقات سامه كتير اوي يا اما حد بيعرفك مصلحه او حد نرجسي عايز ترضي له غروره ... انا سني صغير لكن تعاملت مع أسوأ ناس ممكن الواحد يقابلها خاين العيش والملح واللي بتاجر بالدين واللي بيحلف بالله عشان يوصل لمصلحته وهو عارف انه كذاب .. والفضحي واللي مبيسترش واللي عايز حاجه منك ... بقيت بحس نفسي جذابه العلاقات المؤذيه مع ان عمري ما كنت مؤذي ... انا مأذتش حد الا انا ومحدش تدمر الا انا انا حاليا مطفيه ميته حتى ملامحي بارده وباهته مبتمناش الا ان ربنا يرحم قلبي وبس انا شفت حجات كتير في حياتي انا مع كل موقف حته من روحي بتموت انا على شفا انهيار تام انا حرفيا بمنع نفسي من اني انتحر كل ثانيه بتعدي عليا انا خايفه من غضب ربنا     ... يارب ريح قلبي محدش عارف جوايا ايه غيرك  ..  بالله عليكن اي حد يدعيني دعوه بظهر الغيب لعلها تكون مجابه

Watermelon_69389 🇪🇬 · Answer

حسبي الله على العلاقات العامه لسه كنت بحكي عن علاقتي بشخص دمرني ودمر شخصيتي ومخليني من دون رأي هو اللي بيتحكم ف اي شي ف العلاقه حرفيا بيفضل وقت ما يحب وبيرجع وقت ما يحب بالاخير الحمدلله لله قويت قلبي ورحت رازعاه بلوك من كم يوم بس يارب ما أضعف وافكه مع اني عارفه اني قويه ومستحيل افكه

Banana_65522 🇪🇬 · Answer

علاقتي مع مراتي كانت توكسيد بوظتلي حياتي حرمتني من أطفالي بقيت حاسس بوحده بقيت عايز اعرف واحده تديني مش تاخد مني نفسي الليلادي اكون مع بنتةجميله رقيقه نسهر للصبح في حضني  لو واحده تعمل كده معايا مش هنسالها ده ابدا

Orange_64460 🇪🇬 · Answer

انها بتحسسك انك مش طبيعي وهم التريند حرفيا فتحس أن الغلط فيك مش فيهم يعني مثلا تنضم لنشاط طلابي أو عموما جماعه جديد تشوف النفاق عيني عينك والتكسكه وبيضحكوا فوشك وكل ده فا بتحس انك فيك حاجه غلط وهم بقوا العادي

Apple_68133 🇪🇬 · Answer

عارف إمتى تبقى في علاقة سامة؟
 لما تفضل تسامح حد بيكرر نفس الغلط وهو عارف إنك هتسامحه لما تبرر لنفسك "يمكن أنا السبب" وانت كل يوم بتتسحل نفسيًا ومحدش حاسس بيك
  
العلاقة السامة هي اللي بتخليك تصحى الصبح مش طايق نفسك  وتقول "عادي" وانت بتتآكل من جواك  
والأغبى من العلاقة السامة؟ إنك تكون عارف إنها سامة ومكمل، وبتقول "مش قادر أسيب لا ، انت مش عارف تحب نفسك كفاية علشان تختار تنقذها 
 فاكر إنك بتحارب علشان الحب؟ انت بتحارب علشان متتبهدلش أكتر، وده مش حب ده إدمان أذى
 الخلاصة؟ اللي يخليك تحس إنك قليل لازم يخرج من حياتك، مش من قلبك بس اللي يوجعك، متدورلهوش على مبرر  .. ابعد

French Fries_70034 🇪🇬 · Answer

انا ارمله ٣٩ سنه دخل حياتي شخص بعد ماكنت قفلت قلبي جري ورايا شهور وكان معايا فكل وقت وفكل لحظه مع انه مسافر مش معايا فنفس البلد حبيته من كل قلبي ولما ابتديت احبه بعد بقى يتجاهلني وديما مشغول ومابيردش على رسايلي صبرت عليه لاني حبيته قوي قوي وحسيته عوض من ربنا نزل اجازه شفته وكانوا احلى يومين قضيناهم سوا فرحت بيه قوي وحبيته اكتر وهوا بعد اكتر اهملني وذلني وجع قلبي وكسره وسد نفسي عن الحياه قررت اسيبه خلاص بس للاسف بشوفه كل ماغمض عيني بقعد وسط الناس وهوا معايا مش عارفه اطلعه من دماغي ولا قلبي بدعي ربنا وبعتله الدعاء تعبت قوي بجد نفسي فحل يشيله من قلبي ويشفي قلبي اللي وجعه بالشكل دا

Mushroom_74773 🇪🇬 · Answer

عندى امى طول الوقت بتقولي انتي فاشلة دايما مقارنة مع اختى نفس الكلام اختك معاها فلوس وانتي لا اختك الأصغر منك عرفت تتجوز وانتى لا مالك كدا مش زي بقية البنات مابتلبسيش حاجات فاتحة جميلة وتحطي ميك اب وتعرفي تجيبي زوج وبعدين ترجع تقولي دا لو حد اتجوزك مش هيطيقك مابتعرفيش تثبتي في شغلانة كل بنات العمارة يا متجوزين يا شغالين وانتي الوحيدة اللى قعدالى كدا ولما بكون شغالة بتفضل تقولي سيباني لوحدى وما بتقعديش معايا لما بترجعي وانا بخاف سيبي الشغل لو حصل وعرفت انه فيه حد معجب بيا في الشغل تبدأ تديني نصايح ازاى ارتبط بيه حتى لو انا مش عايزاه ولو حصل وكلمته مرة واحدة بس وبيبقى اصلا حاجة في الشغل تبدأ بقى يارب ما يكون طمعان فيكي فلوسك بتنقص ليه شهاداتك في البنك زى ما هى وريني وتبدأ تقفل باب الشقة لأحسن يكون ناوي يجي يقتلنا مافيش حاجة بترضيها دايما فيه مشكلة على اى حاجة ودايما انا وحشة ومهما عملت مش كفاية

Heart_89252 🇪🇬 · Answer

العلاقات التوكسيك بتبقى عباره عن تحكم وابتزاز عاطفي

تحكم ازاي؟ 
البسي الحجاب
ماتروحيش الفرح اصل مختلط وانا بغير عليكي
ماتاكليش
ماتشربيش
ماتتنفسيش

الابتزاز العاطفي؟ 
لو ماعملتيش كذا انا هأذي نفسي وهبطل اكلمك
لو ماعملتيش كذا انا هتضايق
انتِ مابتحبنيش ومش واثقه فيا
انتِ بتعملي معايا مشكله وخلاص؟ 
انا طالع ميتين امي في الشغل ومابنامش

مافيش لا حب ولا اهتمام ولا احتواء ودايما مشاكل
 في العلاقه دي، وبيبقى في شريك همه كله الشهوه ونيته التسليه مش الزواج
ويحرام البنت بيتضحك عليها وبتفتكر ان ده حب
حسبى الله ونعم الوكيل