اكتئاب بعد الفراق

Strawberry_86284 🇩🇿

منذ شهر واحد

شعور مرهق

عبّر عن شعورك بشكل مجهول

انا مكتئبة جدا جدا حد الانهيار، حبيت انسان منذ اربع سنوات و انا معجبة به إعجاب من طرف واحد، نحنا مش من نفس البلد، هو معروف نوعا ما، يوم 26 جويلية الماضي رديت على ستوري، صار يحادثني و يكلمني و أراد التعرف علي، لن اكذب فرحت كثيرا، كنت احبه و شعرت ان القدر جلبه لي، تكلمنا و تكلمنا و اصبح دائما نتحدث، أصبحنا في علاقة مع بعضنا، اشعرني بالحب و انا كنت احبه جدا، لطالما فعلت شجعته و مدحته و اي فعل يفعله اكون معه، كانت علاقتنا عن بعد فكنت دائمة استعمال الهاتف من اجله، وعدني انه سيتزوجني و انه سيأتي إلى بلدي، حتى مضت ثلاثة اشهر و نحن نتحدث و كنت اشعر أنني ابذل مجهودا من اجل الحفاظ على العلاقة، في آخر فترة (الاسبوع الماضي) اصبح يغيب عني يوما كاملا ثم يأتي دقيقة و يقول انا متعب، من فرط حبي له عاتبته في يوم من الايام و قلت له اريد ان نعود إلى أيامنا السعيدة ان نتحدث، ان كنت تعاني من مشكل أخبرني انا هنا من اجلك، ارسلت له جرائد عتاب حنين عبرت فيها عن أنني اريد ان يبذل مجهودا و أنني لا اريد ان تنطفئ الشعلة بيننا، اصبح لا يرد و كأنه يمارس الصمت العقابي علي، في منتصف الليل من يوم ميلادي ارسل لي: لقد فكرت مليا، لن نستطيع الاستمرار، قلت له هل يمكنني أن أعرف السبب؟ ام انها كانت مجرد تسلية بالنسبة لك و انتهت، قال ليست تسلية لكن لن نتمكن من الاستمرار، هذا ما خسره من اجلي، انصدمت، بكيت لدرجة ان دموعي لم تتوقف، بكيت في المنزل و في الشارع، انهرت أمام الجميع، انا الصامدة التي لم يرى الناس يوما دموعي، احتضنتني امرأة غريبة لا اعرفها و حاولت التهوين علي، ذهبت في نفس يوم الانفصال إلى طبيبة اعصاب، بكيت حتى تعبت وصفت لي دواءين اشربهما صباحا و مساء، انتهت علاقتي به منذ ثلاثة ايام و انا منهارة لا أقوى على شيء، حظرته من جميع المواقع، حتى يوتيوب الذي هو مشهور فيه فقط كي لا اراه، لقد كنت جادة في علاقتي معه و دائما ما اضع خططا للزواج و بعدها، أدركت انه لم يحبني يوما هو فقط كان يتسلى و هذا اكثر ما حطمني، لو لم يعطني الأمل من البداية لما تحطمت الان، لكنه استغل حبي له، لقد احبني أشخاص من قبل لم ابادلهم المشاعر، كنت واضحة جدا معهم بأنني لا يمكنني أن أكون معهم و انا لا احبهم، و قد أخبرتهم بهذا بكل احترام و اعتذار، انا مرهقة، أنا احترم مشاعر الناس كثيرا، لماذا عاملني و كأنني شيء بلا قيمة تخلص منه!? لا اعرف من قال هذه العبارة اهو احمد خالد توفيق ام محمود درويش? "لو لم اغامر و اقترب لبقيت اظن ان شيئا مميزا قد فاتني" لقد كان أول حب بحياتي و أعطاني درسا قاسيا في الغدر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_74320 🇪🇬

منذ شهر واحد

شعور مستنزف

انا كنت بحب واحدة والواحدة دى جت فترة عليها وتصرفاتها غريبة وبعدت عنى ورجعت تانى ووافقت اننا نرجع عشان كنت بحبها وكنت مرتاح معاها،فجأة بردو بعدت لتانى مرة وقعدت فترة ورجعت تانى وبعدت بردو بس اخر مرة كنت محبط جدا ويائس اوى وكنت محتاج حد اتكلم معاه وهى مكانتش موجودة وعاملالى بلوك من كل حته وبعدها بعتت

Carrot_84135 🇪🇬 اسم الله يا غالي.. مش معانا انك مش لاقي حد تحكيله يبقي نختار غلط،، بتقول انها كانت بتمشي وترجع تمشي وترجع،، انت المفروض اللي متديش ليها فرصه وعلي ان حد يكون جمبك ف كلنا هنا والله جمبك لكن لاه طز فيها وفي التانيه وامسح دموعك نزلت لحد ميستاهلش وخليك عارف ان دموعك نزلت علشان انت بس كنت لوحدك مش علشانها خالص 🤍

عرض الكل 15 نصيحة

Chocolate_81451 🇩🇿

منذ شهر واحد

شعور مكسور القلب

كنت احب شخص وهو يحبني، وكنا نحكي عادي هو كان يمربضغوطات كنت اواسيه واساعده وانصحه بس جا يوم وكنا نحكي عادي سألته سؤال بس قالي انو يريد يقطع علاقتو معاي بدون اي سبب وقالي انو ما طلع رجال معاي وماكان قد الوعد وقال لي سامحيني اعرف انك رح تنجرحي وتكتئبي لكن انا مقدر اكمل معاكي والغلط مومنك الغلط مني ان

Mango_52961 🇪🇬

منذ شهر واحد

شعور وحيد

طيب انا ٢٧ سنة و كنت خاطب وفركشت من ٣ شهور وبدات احس ان لوحدي تدريجيا صحابي اللي مجوز و اللي خاطب و اللي فاتح مشروع ومسحول في ف مبقاش في حد حواليا لا ولاد ولاه بنات غير اني بشتغل شغلنتين و ٢ من البيت و حاسس بوحدة شديدة جداً مسببالي اكتئاب و خنقة و حرفيا معنديش مجال اعرف حد و مبعرفش انزل لوحدي او او

Pineapple_58909 🇪🇬

منذ شهرين

شعور وحيد

عبّر عن شعورك بشكل مجهول

9 سنين فاتو علي انتهاء علاقة 
حقيقي هي انتهت لاكن منتهتش جوايا 
9 سنين مكانتش كفايه اني اقدر اتخطي 
9 سنين بشغل بالي بمليون حاجه والف علاقه بدخل فيها عشان اتخطي 
وكل مره بكتشف اني لسه مش عارف اتخطي 
مش عارف انسي تفاصيل علاقتنا رغم ان عدي وقت كبير جداا 
نسيت حاجات كتير جداا في حياتي الا اني منستش اي تفصيله حتي لو صغيره من العلاقة بتاعتنا 
مبتروحش عن بالي لحظة حتي وانا مرتبط 
معرفش احب حد معرفتش ادي مشاعري لحد 
رغم ان اغلب العلاقات اللي دخلتها كنت الطرف الاقل حماس واقل حب والطرف التاني بيبقي هيعمل اي حاجه علشاني
وبرضو مقدرش ادي مشاعري لحد 
9 سنين عدو خلصت فيها مراحل عمريه كتير 
منها مرحله المدرسه والكلية 
اديني بدأت مرحلة تكوين نفسي الا اني مش عارف هكون نفسي ليه ولمين 
طول ال9 سنين بحاول مفكرش فيها لاكن مبعرفش 
الزعل والاكتئاب والتعب مع مرور الوقت دا كله كان بدأ يهدي 
بقيت عارف اتعايش مع يومي لاكن مش عارف اعدي يومي من غير ما تيجي في بالي 
قعدت اخر سنتين بحاول مدورش علي اي حاجه تفكرني بيها 
الا اني اليومين اللي فاتو دول كنت لسه ناهي علاقه كنت متفق فيها علي جواز ونهيتها لأني معرفش اتخيل واتصور نفسي فيها 
ف مجرد ما نهيت العلاقه وهي سببها الاول والاخير اني لسه بفكر في البنت الي علاقتنا خلصت من وانا لسه صغير طفل يعتبر 
ف ملقتش نفسي غير اني بدور علي الاكونت بتاعها وبما اننا كنا في مدرسه واحدة ولينا زمايل من ايام المدرسه ف مكنش صعب خالص ان الاكونت بتاعها يظهرلي لمجرد اني اكتب اسمها 
لاكن لقيت صورة البروفايل مختلفه مكانتش لوحدها وحد معاها 
اتصدمت وببص علي باقي صورها اكتشفت انها اتخطبت من شهر 
رجعلي نفس الاحساس اللي حسيت بيه يوم ما سبنا بعض 
من ساعتها وانا مش كويس 
مش قادر اتعايش مع يومي عادي من ساعتها 
كل يوم بفتح الاكونت وبتفرج علي صورها 
كل يوم بشوف صورهم سوا وبفكر ان لو كان انا 
حقيقي انا مش كويس حقيقي انا مش عارف اتخطاها 
معرفش يمكن عشان كنا صغيرين مشاعري نحيتها كانت صادقه 
معرفش اشمعني هي اللي مش عارف 
في ال9 سنين دول ارتبط كتير جدا مش فاكر تفاصيل اي علاقه فيهم ويمكن مش فاكر اغلب اسامي اللي ارتبط بيهم 
مش عارف ايه حل مشكلتي يمكن لأن ملهاش حل لأن كان زمانه نفع لأني جربت كل حاجه طول ال9 سنين دول 
بحبها ولسه بحبه وهفضل احبها واوقات بحب حبي ليها ومش عايزه ينتهي رغم انه مؤذي نفسيا 
عارف ومتأكد ان دي حياة وبتتعاش وزي ما اتخطبت وهتتجوز هخطب وهتجوز 
لاكن حقيقي هبقي بظلم اللي بتجوزهاا وبقول كدا من دلوقتي 
لأني هتجوزها وانا بتخيلها البنت اللي عيشت معاها طفولتي ومشاعري وحبي 
اغلب الوقت مش بيطلع من بالي اني لما هخلف ان شاء الله لو خلفت بنت هسميها علي اسمها بعدين افكر وايه ذنب اللي هتجوزها وانا مسمي بنتها علي اسم البنت اللي لسه بحبها 
مش عارف اعمل ايه الكلام دا مش بقوله مترتب 
شوية كلام حبيت اكتبه واقوله 
انا بحبها وبحبها جدا حتي وهي مخطوبه حتي وانا خلاص بقيت علي اقتناع انها هتتجوز ودي سنة الحياة 
هفضل احبها من بعيد من غير ما تعرف زي ما هي مش عارفه لحد دلوقتي 
بتمنالها حياة سعيده مع اللي معاه 
بتمني اكون معاها لما ربنا يفتكرنا ونروح عنده مش عارف ازي بس اهي امنيه 
حياتي من غيرها واقفه من 9 سنين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_76032 🇪🇬

منذ 3 أشهر

شعور مكتئب

عبّر عن شعورك بشكل مجهول

شخص اتعرفت عليا عن طريق الشغل وكنت حاسة باعجاب ناحيته من جوايا وبعد فترة كلمني واكتشفت انه كمان معجب بيا اوي وقالي انه بيحبني واتعرفنا شهرين ع بعض واتخطبنا وكنا طايرين م الفرح بس بعدها بشهرين ونص فشكل معايا ومقاليش سبب معين ف الاول قالي مفيش كيميا بينا ولما حاولت افهم ايه مواقف غيرته ناحيتي قالي مفيش انا مشاعري اتغيرت فجاة ناحيتك بعد الخطوبة بشهر 
وانا كنت بحبه وحاليا انا مكتأبة فات شهر ونص ع الفشكلة بس انا متأثرة لسة وعندي اكتآب وبلوم نفسي ع مواقف كتير اقول يمكن حاجات خزنها جواه او فهمني فيها غلط وعلشان كدة سابني ؟؟!كل يوم بجلد ف نفسي وتعبانة اوي ،انا عارفة ان في وقت كنت بعاند ف حاجات زي اتاخر عليه ف الرد او كدة او اطنش مكالمة ليه ىع الايف كنت بسمع كلام صحابي علشان هو كان متغير معايا هو كمان فقالولي اتقلي عليه ومع الايف كتير منهم كانوا بيقوموني ودي غلطتي اني كنت بومي ودني ليهم بس انا كنت بعمل كدة علشان هو كمان وقتها كان متغير وبيعمل ساعات كدة ،،  بس مش قادرة افتكر حتى الحاجات اللي هو كان بيعملها وتضايقني وكان لما بيعمل حاجة تضايقني بفضل طول الوقت ابرر من جوايا ليه مش قادرة افتكرله غير الحاجات الحلوة فقط واوقات كتير نفسي اروحله او اكلمه واقوله ليه كنت دايما تقولي متسبنيش؟ بس ف الاخر انت اللي سبتني   ؟ نفس اقوله فين حبك ليا ووعودك ليا ؟ ليه اتخليت عني بكل سهولة كدة ؟ هو للدرجة دي كرهتني ؟ وانا مش عارفة حتى موقف معين ومعملتش حاجة كبيرة للدرجة دي , التفكير هيموتني،بس صحابي يقولولي لا متروحيش علشان كرامتك انا مش عايزة اقوله يرجعلي انا بس نفسي اخرج اللي جوايا وساعات ببقى خايفة اروحله  احسن اسمع كلمة تجرحني . نفسي اقوله ليه خلتني طايرة من الفرح وسبتني .انا حزينة اوي 😔😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_74050 🇪🇬

منذ 3 أشهر

شعور Bad 😞

عبّر عن شعورك بشكل مجهول

صتي طويله شويه.. هو انسان مغامر وانا تقليديه جداً..
انا عرفته من ١٤ سنه ، من اديان مختلفه..كنا في بدايه مشوارنا المهني..اول ما شوفته اتخطفت وهو كذلك..ابوه كان متوفي من وهو صغير ومامته كانت مريضه.. مره ف مره حبينا بعض واتعلقت بيه جداً.. كان اول مره احب ف حياتي.. هو كان طبعاً غيري.. بيصاحب من ابتدائي تقريباً وانا شخصيه مجربتش اي حاجه ف حياتي خارجه عن المألوف،كنت منبهره بيه وبشخصيته ومغامراته، وهو كان منبهر بالبراءه والتخلف اللي عندي.كان بيمر بظروف انسانيه و ماليه كتير زي ان  كان عليه ديون ومصاريف البيت وهكذا،قررت اقف جنبه واساعده معنوياً و مادياً.. وقالي بحبك. قضيت معاه احلي سنتين..بس كنا عارفين ان انا مش لبعض ..وكان طبعاً بيعرف بنات عليا عادي ويسيبني ويرجع عادي..فضلنا كده فتره كبيره يسيب ويرجع يلاقيني زي ما انا منبهره، كل مره كنت بنهار واكتئب،قعدنا مع بعض قالي لازم حل.. خوفت وقتها امشي واسيب اهلي قلتله شوف حياتك.. لحد ما استقر ف وظيفه كويسه راح خطب وقالي بس ٦ شهور وفسخ الخطوبه وساب شغله قعد ف البيت فتره وانا اللي شايله وبعدين راح شغل تاني استقر فيه الي حداً ما.. كنا بنتكلم عادي يعني كل فتره كأصحاب. قالي انه هيخطب مره تانيه.. قعد سنه ونص معاها  و قالي افضل بلاش نتكلم بطلب منه بس المشكله ان اهلها رفضوه لما اتقدملها، وبعدها فضل مكمل مع البنت بدون علم ابوها . بس للأسف عمل حاجه غلط واترفد.. ومن هنا ابتدي يضيع ويدخل ف ازمات وخطيبته سابته وسافرت ورجع يكلمني وانا اللي جيت ادعم واسند..تقريباً من ٢٠١٧ العلاقه اخدت منحني مختلف خالص، مكانش حد معاه غيري.. ولا حتي اخته ولا اصحابه مفييش.. ابتدينا نقرب جداً من بعض بعدها جت كورونا وهو اتعدي وانا كنت برعاه..وانا اتعديت كان هيتجنن. ٧ سنين تقريباً كنا اقرب اتنين لبعض، حبيبي وصديقي.. كنت مبخليهوش عايز حاجه.. بهتم بيه جداً و اشيله ف عنيا..يحب يعمل مشاريع اساهم فيها.. يحب يسافر اساعد باللي اقدر عليه.. قالي كتير انا مش ممكن هسيبك واحنا مع بعض.. طلب مني  اسيب اهلي هنا ف مصر بس كان صعب عليا اعمل كده وانا هنا و عشان كمان وضعنا المادي، كذا مره محاولاته في الشغل تفشل .. طبعاً كان فيه خناقات كتير ف الاخر لاني ابتديت انضغط من الوضع ككل (معنوياً ومادياً) وكتير نتخانق ونسيب ونرجع.. خصوصاً اخر سنتين…وهو كان عصبي وبيغلط.. لما يغير عليا يغلط فيا وابتدي حتي ميحبش يخرج وممكن يقعد شهرين منشوفش بعض..لحد من فتره بسيطه جداً سافر بره بس حسيته انه اتغير هناك..كلامه ابتدي  يقل شويه بشويه .. ابتدي يبقي بعيد…اتخانقنا كالعاده.. قالي عايز اركز واعمل مستقبل.. ولما اكون جاهز للجواز هكلمك.. بس انا مقدرتش استني خوفت ينساني فرفضت…وطبعاً ف الوقت ده اخته كانت ابتدت تظهر، قالي يبقي لازم اهلك يعرفوا عشان مينفعش اخدك منهم ولو حصل حاجه بينا هوديكي فين؟! لازم يوافقوا…ولازم يشوفوني راجل…اتفقنا انه يكلمهم وبالفعل حصل بعد مكالمه مدتها ٣٠ ثانيه بس، طبعاً اترفض بس يعني بأدب من غير اي تجريح منهم..بعدها قالي انا شايف ان كده كفايه ولازم نمشي كل واحد من سكه..فضلنا نتكلم بعدها كام يوم بس كنت حاسه انه مش مرتاح او بيتكلم غصب وكل شويه يقولي زهقت من الوضع ده وهو "حقه يعني مأنكرتش" انا يعني معرفتش اعمل ايه وقتها..قولتله خلاص امشي وركز علي حياتك ومستقبلك بس كان نفسي يحاول شويه عشاني يعني مش مجرد مكالمه تليفون.. حتي لما سبنا بعض كان علي الشات. بعدها بيومين بس وبعد ما  الدنيا عندي هديت لان اهلي كانوا متدايقين مني جداً مع ذلك قالولي اعملي اللي انتي عايزاه بس موافقتنا مش هتاخديها.  بعتله كتير  وحاولت ارجعه واقوله اني هسيب اهلي هنا واروحله ونتجوز مدني، مرضيش قالي مينفعش دي مسئوليه انا مش قدها… انا مش عايز التضحيات دي.. قولتله انا كبيره وهتحمل تبعات قراري قالي لا انا عايز واحده طبيعيه معندهاش كل المشاكل والتعقيدات دي.. قالي انه خايف عليا يجراله حاجه واني ابقي لوحدي خالص..مع ان انا كده كده بسافر وبروح واجي واشتغل وبعتمد علي نفسي حقيقي كنت هلاقي سكه لو حصل حاجه يعني..قالي عايز عياله يبقوا ليهم اهل ويتربوا علي الصلاه رغم ان انا اللي كنت بتخانق معاه لما يفطر ف رمضان او يفوّت فرض. قال ان هو مكانش عايز يكمل بقاله ٣ سنين.. بس كان خايف علي زعلي وقتها..،وان هو ما صدق يحكم عقله..طبعاً طريقه كلامه معايا مكانش احسن حاجه ولا كانت طيبه زي ما متعوده منه..اكيد هو كمان كان مكسور زيي بظبط وانا مقدره، بس انا يعني معرفتش غيره عمري كله و محبتش غيره.. وحاسه اني ملامحي كبرت من بعده وكل حاجه بقيت حزينه..محدش مقدر ولا عارف ازاي انا مكسوره.. روحت لدكتور من كتر الزعل قالي لازم تنسيه وانا مش عارفه.. حقيقي الموضوع صعب..وانا متلخبطه يعني مش عارفه هو ليه موافقش هل هو فعلاً خايف من المسئوليه ولا هو مش جاهز يتجوز ولا هو مش عايزني انا؟!!. مجرد التفكير ف الموضوع مهلك وبينا زكريااااات كتير صعب تتنسي وف نفس الوقت انا مش صغيره والتوقيت مش افضل حاجه،،وحاسه اني هعيش كده خلاص. بقالنا سنه سايبين بعض لكن بيطمن عليا كل فتره.
الفكره دلوقتي صاحبه راحله زياره ( ابن خاله خطيبته التانيه اللي سافرت وسابته) رجع يعرفني انه خلاص هيتجوزها وانا مش قادره استوعب الصدمه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_67771 🇪🇬

منذ 4 أشهر

شعور مكسور القلب

Mango_67775 🇪🇬 والله ياسطا شوف مش هقولك غير انك تقول الحمدلله لأن دي علاقه محرمه مع اني معرفش انت مسلم و مسيحي تاني حاجه يا صاحبي فكر فيها فعلا هتلاقي أن فعلا عندها حق انت اكيد في فتره شباب و دي حرفيا الفتره الدهبيه بتاعتك بتقدر تطلع كل طاقتك في حاجات كتير و عايز اقولك ده ممكن ميكونش حب او وجعك ده من الحب على قد ما هو تعود مش بقلل من أي شعور انت حاسس بيه والله و حقك اصلا بس انا بقولك اهو الدنيا مش بتقف

عرض الكل 6 نصيحة

عبّر عن شعورك بشكل مجهول

كنت في علاقه اونلاين مع واحده اجنبيه في فتره في حياتي كنت مكتئب وحزين ومش طايق الدنيا عادي فتره كلنا بنمر بيها اتكلمنا وارتاحنا لبعض لحد ما ارتبطنا والموضوع بالنسبالي كان ادمان كنت بعيش اليوم علشان اوصل للحظه اللي هتصل بيها ونتكلم وانسى همومي كنت بحبها اكتر من نفسي وكانت هي بتحسسني انها بتبادلني نفس الشعور والوعود بقى وكل حاجه حرفيا كاني عايش في حلم ومش عاوز حاجه تانيه غير ان احنا نتجوز وافضل عايش في القصه السعيده دي وفي الاخر بعد سنتين من ارتباطنا قالتلي ان هي فكرت في الموضوع بجديه اكبر ولقت انها حاجه صعبه جدا عليها تسيب بلدها واهلها وشغلها غير ان المستقبل مش واضح امتى فعلا هنتجوز وان هي زهقت من العلاقه عن بعد ومش حاسه ان هي في علاقه فعلا وما الى اخره الفكره كلها هنا اني في صدمه مش قادر اوصفها مش عارف اعيش حياتي مش عارف اكل مش عارف احس باي متعه او اي حاجه في اي حاجه حرفيا الموضوع وصل بيا لاكتئاب والموضوع صعب عليا جدا لاني لوحدي صحابي مركزين في حياتهم وانا مش في اولوياتهم خالص وبجد الموضوع اشبه بكابوس مش عارف اخرج منه ازاي محتاج فعلا نصيحه من حد مر بتجربه مشابهه لفراق شخص كان بالنسبالك كل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_60565 🇪🇬

منذ 4 أشهر

شعور مكسور القلب

لو انت قعد حد يحبك و انت تحبه تلت سنين بعدين فجأه بعد ولا كأنه يعرفك و لما يشوفك تقعدوا تبصوا لبعض بصات غريبا و تحاولوا تبعدوا عن المكان بسرعه بس المشكله انك مش عارف تقوله حاجه لأنك عرفت انوا مصاحب واحد تاني مكنش صحبك ساعتها بس انت صحبته بالصدفه قبل متعرف تن هو اللي صاحب اللي سابك بدون سبب فمتقدرش ت

Nutella_60275 🇪🇬

منذ 5 أشهر

شعور محبط

عبّر عن شعورك بشكل مجهول

ليه مستنياه رغم انه باعنى و كسرنى و كسر فرحتى بعد حب سنين اتخطبنا كام شهر ورانى فيهم الويل و اتحول من حد كريم و بيحبنى و مستعد يجيب الدنيا كلها تحت رجلى لحد بخيل و انانى و متسلط البيه الدكتور المحترم كان مستكتر نفسه عليا حتى اهلى لاحظو كده بداية من انه خطبنى بدبلة بس مع انه مستواه المادى كويس جدا و انا الحمد لله بشتغل و شايلة مسئولية نفسى بقالى اكتر من 15 سنة عشان حتى مبقاش عبء على أهلى يعنى هو عارفنى اصلا و انا بشتغل و انا محوشتش حاجة و لا بعرف احوش و بصرف على نفسى اكل و لبس و ميكب و مدلعه نفسى يعنى مش محتاجاه 
بعد ما اتخطبنا بأسبوع جه عيد ميلادى مجابليش حتى و لو هدية بسيطة مع انه مكنش بيعدى عيد ميلاد ليا مكنش بيجبلى فيه هدية ولو بسيطة و لما جيت عاتبته قالى انه عيد ميلاده كان يوم الخطوبة و انا مجبتلوش هدية مع انى يعلم ربنا انى اتزنقت ف حوار الخطوبة ده و اتكلفت عزومة اهله عندنا و فستان و ميكب و كنت ناوية اجيبله هدية بس لما ظروفى تتحسن عشان كنت بنقل شغلى كمان
الشقة اللى مفروض هنتجوز فيها عاوز كل حاجة تمشى على زوقه هو حتى الوان الدهانات و لما اعترضت قالى انا اللى هدفع و لازم الحاجة تعجبنى انا بس و كان كل ما تحصل مشكلة بنا حتى لو صغيرة يقولى ادينى دبلتى و امشى
انا بقالى 5 شهور من بعد ماسبنا بعض كل يوم بسأل نفسى سؤال واحد انا عملتله ايه عشان يمشى و يكسرنى و يكسر فرحتى بالشكل ده و بجد هتجنن و مش لاقيه تفسير للتحول الرهيب ده
انا بشتغل ووخده سكن فى محافظة تانية لما كان يجيلى لازم اركن مشاكلى و همومى على جنب و لو اشتكيت ميحاولش يحل و لا حتى يشيل عنى لأ يضايق اصلا انى بشتكيله و يفضل يلومنى و يزعقلى و يقولى انا مش جايلك سفر عشان تفضلى تحكى ف مشاكل خليها لما نتكلم ف التليفون 
افتكر ف مرة جالى فا تعبت جالى مغص فجأة لقيته ادايق و اتنرفز و روحنى و رد فعل طفولى ميطلعش من عيل صغير
و اكتر موقف وجعنى و كان سبب الانفصال هو انى جالى نزيف و كلمته عشان يجيلى اتحجج بأن رخصته مسحوبه و مش هيعرف يسافر انا طبعا انهرت و من وجعى قولتله كلام ضايقه فا كلم اهلى و قالهم مفيش نصيب حاولت ارجعه بكل الطرق و جبتله هدية و سافرت و روحتله العيادة لحد عنده مرضيش بردو يرجع انا حسه انى اتخذلت و استهلكت و معنديش طاقة لأى حاجة ف الدنيا
عارفه ان الصح انى انسى و اكمل و اشوف حياتى بس والله ما قادرة و لا عندى اى طاقة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_51047 🇪🇬

منذ 11 شهرًا

شعور مكسور القلب

مش قادره انساه ولا اتخطى اي ذكرى مرتبطتش بيه بس حبيتو اووي كان م بكل الطرق انو بيحبني انسى واتخطى اذاااي عشان انا هموت من الوجع قلبي مقسوم نصين عقلي رافض ينسى اي ذكرى حياتي واقفه بقي عندي اكتئاب ده اول حب فحياتي ازاي انساه وارجع قلبي ليا من تاني ؟

Jackfruit_51332 🇺🇸 اه ارل حب نسيانه صعب ومليان وجع قلب يس لازم العقل يسيطر شويه ويعرف ان مش ضعيف هيا كدا كدا مساله وقت بس فكري في المواقف وشوفي مين الغلطان كل دا هيساعدك تنسي لما تعرفي مين اتخلي

عرض الكل 1 نصيحة

Coffee_47291 🇪🇬

منذ سنة واحدة

شعور غاضب جدًا

متجاوزة بقالي ٦ سنين ومعايا طفلة اربع سنين وحامل هولد خلال أيام اكتشفت أنه شخصية نرجسيةكان حب عمري ٧سنين قبل الجواز قدمتله كل حاجه مشاعر وامان وحب وحاجات مادية كمان طلقني أكثر من مرة عمره مااتمسك بيا سوء سمعتي عشان يغطي علي سمعه أخته طلقني اخر طلقة راح لدار الإفتاء وانكر وقوع طلقة من التلاته وأنه مش

Coffee_27700 🇪🇬 متجيش على نفسك عشان اي حد حتى لو ولادك. ولادك افضل أنهم يعيشوا مع ام واب منفصلين بس الام مبسوطه وسليمة صحياً ونفسيا عن أنهم يعيشوا معاهم وهم متجوزين وبينهم مشاكل والام تعيسة ومريضة. اقرأي كتاب ( أحببت وغداً)

عرض الكل 12 نصيحة

Apple_34711 🇪🇬

منذ سنة واحدة

شعور ضائع

انا ارتبط ببنت وانا ف اولي ثانوي وهي كانت تالته ثانوي كانت اكبر مني سنتين ك دراسه و3 كعمر لاني داخل المدرسه بدري سنه المهم علقتني بيها جداا وكانت توكسيك وانا محدش حبني ابدااا قبل كدا ما صدقت حد يبل ريقي بكلمه حلوه حتي لو بيكدب وانا عارف انه بيكدب المهم سابتني بعد ما خلصت اولي قعدت فتره كبيره منعزل و

Blueberry_34665 🇪🇬 مش هقولك الموضوع سهل وموڤ اون والعبط ده بس انا عاوزة اقول على حاجة ومتتصدمش ده مش مكنش حب ده تعلق.. انت اتعلقت بيها كدا عشان هي عاطيتك مشاعر انت كنت مفتقدها ونفسك فيها اوي .. متحاولش ترجعلها بأي شكل من الاشكال وحاول انك تركز مع نفسك اكتر وقصدي انك تفهم نفسك وتفهم انت لي اتعلقت بيها بالشكل ده افهم مشاعرك واحاسيسك وحتى لو عملت ده مش هتنساها عشان مبقاش كدابة بس هتلاقي نفسك خلاص اه بحبها بس مش هرجعلها

عرض الكل 8 نصيحة

Watermelon_32122 🇪🇬

منذ سنة واحدة

شعور محبط

Lemon_32069 🇩🇿 في حاجة اسمها التخطي يا صديقي والانسان اللي مايبذلش مجهود على شانك دا مايستهلكش والجواز قائم على التعاون والمفاهمة بس كل ده مش موجود بينكم

عرض الكل 6 نصيحة

عبّر عن شعورك بشكل مجهول

كنت مرتبط ببنت من سبع سنين وبحبها جدا والمفروض هي كمان فصلنا مع بعض ٧ سنين اتخرجت واشتغلت واتقدمتلها اهلها رفضوا بسبب انهم مش عاجبهم الشقة رغم انها كانت كويسة وكبداية كويسة جدا هي راحت اتأثرت بكلامهم ورفضت فضلت ف محاولات معاها كتيرة وبعمل كل حاجة ومفيش فايدة حاولت اتصرف ومكنش ف مقدرتش اشتري شقة تانية ورغم كده حاولت وطلبت من اهلي فلوس مقدم شقة وروحت اتقدم تاني بعد ما حجزت شقة واستلمها كمان سنة ونص برضه رفضوني رغم اني معرفها كل حاجة وهي كانت موافقة فجاة قدام اهلها برضه معملتش عشاني حاجة حاولت بكل الطرق ويأست وهي كانت مش ماسكة فيا كانت بتطالبني اني اتصرف عشان نكون سوا يا كده يا مفيش وفعلا سبنا بعض سنة ف خلال السنة دي ربنا كرمني بشقة كويسة وشطبتها بفضل الله حسيت بالذنب رغم اني مش انا اللي سبتها بس حاولت ارجع اكلمها ورجعنا وقولتلها اني اتصرفت وعملت كل حاجة اقدر عليها جت برضه بتحاول تقلل من اللي عملته وان ده مش هي اللي نفسها فيه وان سننا كبر وخلاص لازم حاجة احسن من اللي موجود كمان ورفضت تاني ( رغم انها المفروض بتحبني ومقدملها كل حاجة والله والحمد لله ماديا وضعي كويس) بقيت ف حالة صدمة مش عارف اعمل ايه تاني وبقيت حاسس اني كنت مخدوع انها بتحبني طب وكان ليه كل السنين دي ! مبقتش عارف بجد اوصف كمية الصدمة والقهرة اللي جوايا وان حياتي واقفة ومبقتش عارف انا غلطت ف ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_34165 🇸🇦

منذ سنة واحدة

شعور ضائع

موضوع:

هل في يوم اتعلقت بحد؟

أتعلق شعور صعب التخلص منه انا تعلقت بي صحبتي بس سنتين حبيت فيها شخصياتهاو تعاملولها معي ومازلت سوالفها في داخلي تعلقت فيها أكثر من أي أحد انا عيشة معاه بس هي نقلت من المدرسه وقالتلي انها بتراسلني كل يوم بس... من يوم ماراحة ولا سمعت عنها خبر .... مع العلم انه قبل تعروفي عليها كان عندي أصدقاء بس لما ر

Strawberry_16340 🇪🇬

مدمنة العادة السرية بشراهة ومش عارفة أوقف

انا بنت و حاليا بقيت مدمنة للعا دة السر ية وبشراهة و بقى عندي ميول و هوس شديد اوي و مش عارفه اوقف و مش عارفه اعمل ايه، حاولت اصلي و اصوم و اعمل كل حاجة لكن دايما الش هوة بتكون قوية جدا و مش بقدر اني اسيطر عليها…حد عنده حل يقدر يساعد فعلا؟! ...عرض المزيد

5 الدعم

28 نصيحة

Banana_72174 🇪🇬

متحيرة بين صحبتي اللي بحبها وعلاقتي مع ولدي

ازيكم ، أنا بنت عندي ١٧ سنه وعايشه في مصر وصحبتي الي هحكي عنها امها بريطانيه وباباها مصري بس هي حالياً هي مقيمه هناك وملامحها مصريه جدا واكتر مني وعندها ٢٤ سنه واستايلها قاصه شعرها بوي كات ولبسها كله يعني هنقول شبه عريان شويه لكن كا البيئه الي هي عايشه فيها فا طبيعي المهم انا عرفتها مش من فتره قليله احنا بقالنا كتير مع بعض واحنا الاتنين نفس الvibe وبنتكلم فيديو كول كتير ، اه صح نسيت اقول اني في relationship مع ولد بقالنا سنه ونص ، بقيت معظم وقتي مدياه ليها وهو انا بعلقه كتير وبرد عليه كل فين وفين واتشاكلنا كتير وشكلنا هنسيب بعض بس مش مهم ، الحكايه هنا بقا هي قالتلي انها bi وانا طول عمري استريت وعمري في حياتي ما فكرت اني اميل لبنت بس هي قدرت تخليني اميل ليها واحبها واعترفنا لبعض وبقينا بنبعت لبعض nudes وبقيت بكلمها فيديو كول وهي بتاخد دش وعلاقتنا انا مرتاحه جدا فيها اكتر من اي حد تاني وبالمناسبه هي مش virgin من وهي ١٤ سنه ، فا نزلت مصر من اسبوعين واتقابلنا في الزمالك ولا لا مفيش حاجه حصلت من الي في دماغكم بس هي باستني بس ، وامبارح قالتلي انها عايزه تخليني مش virgin في يوم وقالتلي اننا كدا علاقتنا هتقوي اكتر وهي ولا فارق معاها ان دا زنا ولا اي حاجه وانا ضميري صحي ومش هنكر انا بموت فيها وبحبها لكن مش عايزه كل دا تاني وعايزه اصلح كل حاجه منغير ما ابعد عنها ، انا عماله اعيط من امبارح ومحكتش غير لصحبتي اقرب واحده وفلضت تجرح فيا كتير ، انا اسفه اني طولت عليكم ...عرض المزيد

4 الدعم

28 نصيحة

Almond_73866 🇪🇬

انا كمالة عدد في شلتي ومحدش بياخد بالي

دايما بكون موجودة في اي حتة كمالة عدد وخلاص ، انا ليا شلة اصحاب بس حاسة اني موجودة فيها كمالة عدد ، دايما منشغلين ببعض ومحدش حتى بيبص في وشي ولا حد مهتم بوجودي .. بيضحكوا منغيري كتير ويهزروا منغيري وبيتبسطوا منغيري ومحدش عايزني فيهم ولو اختفيت مش هياخدوا بالهم .. ليه كده محدش متقبلني ولا بيحبني ...عرض المزيد

5 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع