الاحتواء

Hazelnut_64540 🇪🇬

منذ أسبوعين

شعور وحيد

لست شخص سئ وا جيداو محتال كل ما في الأمر اني لا املك ما يجعلني اجد شخص ليكون بجانبي دائماً ولاكن احتياجي لوجود من يحتويني الشعور بالوحدة هو حالة من الاحتياج إلى اتصال عميق وليس سطحيا، وهي حالة نفسية ليس لها علاقة ببقاء الشخص وحيدا، فهناك من يعيش وحده دون أن يشكو من شيء، وغيره يشعر بوحدة شديدة وحز

Sugar_56012 🇪🇬

منذ 3 أسابيع

شعور ضائع

انا دايما اللي بشجع نفسي انا دايما اللي بدعم نفسي وانا زهقت انا مش كل مرة هنجح اني اعمل كده والمرة اللي بفشل فيها باخد وقت كبير جدا علشان ارجع انجح وتعبت جدا من كده و جيت علي نفسي ومبقتش بستني اي حاجه معنوية من اهلي وانا سامحتهم لوجه الله بس لما جيت فكرت فيها قولت انا مش هستحمل وهبص لبرا علشان اشبع

Blueberry_78328 🇪🇬

منذ 3 أسابيع

شعور متوتر

ازاي الواحد ممكن يتغلب ع الشعور بالوحدة لو بيحاول يعمل حاجات كتير ويشغل نفسه بس بيرجع يحس انه لوحده ومحتاج طبطبة وونس واحتواء ومفيش حد اني ٢٥ سنة وأغلبية صحابي متجوزين ومشغولين ف حياهم بحس انه كله لقى رفيق يكمل معاه واني هفضل لوحدي خاصة اني بنت ومفيش ناس كتير بتتقدم

Corn_63629 🇪🇬 انزلي چيم... مسجد.... شغل.... نادي.... وسعي دايرتك آكتر تلاقي قرص آكتر.... Good luck girl

عرض الكل 10 نصيحة

Cheese_66926 🇪🇬

منذ شهرين

شعور مكسور القلب

أنا بعاني من مشاكل نفسية معقدة محدش يعرف عنها حاجة 💔 كل يوم بحارب مع نفسي ومع دماغي اللي مش بترحمني ساعات بضحك قدام الناس عشان محدش يحس بضعفي 😊 بس الحقيقة إني من جوه مكسور ومش لاقي طبطبة ولا كلمة حلوة 😔 اللي وجعني أكتر إن أقرب الناس ليا مش حاسين بيا اللي بحبه منصفنيش واللي كنت شايفهم صحابي اختفوا

Tomato_60726 🇪🇬 احكي واسمعك

عرض الكل 2 نصيحة

Sugar_56012 🇪🇬

منذ شهرين

شعور عاطفي

ديما بنشوف فالافلام السحريه ان علاج اي لعنه هو الحب الحقيقي بس دي مش صدفه ؟!!! بس فالحقيقه فعلا علاج اي مرض نفسي هو الحب والاحتواء الحضن الدافي الحنين مفعوله زي السحر مين جرب وهو فعز خنقته يترمي فحضن حد بيحبه سواء ام/اب/اخ/اخت/صديق/صديقه/زوج/زوجه ومبقاش كويس ؟! عشان كده حبو بعض واحتو بعض الدنيا م

Apple_74953 🇪🇬

منذ شهرين

شعور محبط

موضوع:

امتى حسيت إنك كنت محتاج حد يسمعك وملاقيتش؟

طول حياتي محدش عارف اسبابي الحقيقية ومفيش حد اقولهاله لغاية دلوقتي بفضل غقول اي اسباب تانية ومش عارف احكي الاسباب الحقيقية .. للاسف مفيش حد هيسمع او محدش حتى هيقدر يقف جنبي .. مش لازم حل للمشكلة كفاية الاحتواء بس

Blueberry_66729 🇪🇬

منذ 3 أشهر

شعور متعب

أنا بدأت أتكسّر من وأنا صغير… طفولتي ماكنتش بريئة زي باقي الناس. كنت دايمًا حاسس إني لازم أبقى عاقل، لازم أستحمل، لازم أعدي. محدش قالّي: “براحتك”، أو “عيط لو عايز”، أو حتى “أنا جنبك”. كل ما أحس بخوف، أو ضيق، أو حتى فرح… كنت بكتم. اتعودت على الكتمان، لدرجة إني نسيت أنا حاسس بإيه. اللي حواليا كانوا س

عبّر عن شعورك بشكل مجهول

أنا بدأت أتكسّر من وأنا صغير…
طفولتي ماكنتش بريئة زي باقي الناس.
كنت دايمًا حاسس إني لازم أبقى عاقل، لازم أستحمل، لازم أعدي.
محدش قالّي: “براحتك”، أو “عيط لو عايز”، أو حتى “أنا جنبك”.
كل ما أحس بخوف، أو ضيق، أو حتى فرح… كنت بكتم.
اتعودت على الكتمان، لدرجة إني نسيت أنا حاسس بإيه.

اللي حواليا كانوا ساعات قاسيين،
مش قسوة الضرب بس… لأ، قسوة التجاهل، المقارنة، التقليل، عدم الاحتواء.
كبرت وأنا متراقب، مفيش مساحة أكون فيها “أنا”.
كنت بحاول أرضي الكل، أبقى المثالي، أبقى الشاطر، أبقى اللي ما يغلطش…
بس مفيش حد بصلي بعين حقيقية وقالّي: “أنا فخور بيك”.

فيه حاجات محددة محفورة فيا:
كلمة اتقالتلي وأنا صغير ولسعتني سنين،
نظرة فيها احتقار، لحظة حسيت فيها إني لوحدي ومش هينجدني حد.
ده ساب علامات…
علامات مش على جسمي، لكن محفورة جوا عقلي ونظرتي لنفسي.

وجيت على صدمة المرض…
كنت فاكر إن أسوأ حاجة حصلتلي في الطفولة…
لحد ما جه المرض فجأة،
مرض مش بسيط، فضل معايا فترة طويلة،
بدون إنذار، وبدون حد يطبطب بجد.

سنتين كاملين من التعب، الخوف، عدم الفهم،
أوقات كنت بفكر… هو أنا هموت؟
أوقات كنت بحاول أتمسك بأي حاجة… بس حتى اللي حواليّا كانوا تايهين زيي.
مكنش في حد حقيقي “مسنود عليه”.
أنا اللي كنت دايمًا بعمل إن الدنيا تحت السيطرة لدرجة ان الناس كانوا بيتعاملوا معايا اني قوي وعارف اتعامل مع كل ده… بس الحقيقة؟
كنت منهار من جوا.

في لحظة كنت محتاج حد يشوفني وأنا بنهار،
حد ياخدني في حضنه ويقولّي:
“أنا شايفك، مش لازم تتماسك، مش لازم تمثّل”.
بس للأسف، ماكنش فيه حد

بعد المرض ده… أنا اتغيرت.
مش نفس الشخص.
فيه حاجة اتكسرت جوايا ومصلحتش.
حتى لما اتقال إن المرض راح…
الوجع ما راحش.
الحالة النفسية اللي سبها وراه كانت أصعب بكتير من أي أعراض عضوية.

من ساعتها وأنا حاسس إني بقيت أضعف من أي وقت،
وأقسى على نفسي من أي حد،
ومش قادر أرجع أعيش ببراءة،
ولا حتى أثق فحد،
ولا حتى أحس إني أستاهل أعيش مرتاح.

بعد الصدمة دي…
أنا مابقتش أنا.
فيه حاجة انطفأت جوايا ومارجعتش تنوّر تاني.
الناس حواليا بيقولوا “أهو خف وبقى تمام”،
بس محدش شاف العتمة اللي جوا دماغي.
محدش سألني: “إنت لسه عايش جواك؟”

بقيت بخاف من الارتباط،
مش بس العاطفي… حتى العلاقات العادية بقيت مرهقة.
بقيت دايمًا حاسس إن أي حد هيقربلي،
يا إما هيسيبني،
يا إما هيشوفني عبء،
يا إما هيكسّر فيا أكتر من اللي اتكسر.

وبدأت أتساءل… هو أنا بعيد؟
ولا أنا اتأذيت أوي لدرجة إني ماعدتش عارف أرجع؟
أنا فقدت حتى القدرة إني أصدق إن في راحة جاية.

بقيت بصحى الصبح بسأل نفسي:
“هو أنا عايز إيه من اليوم ده؟”
والإجابة غالبًا: “ولا حاجة”.

كل حاجة بقيت تقيلة…
الخروج، الشغل، حتى الكلام.
كلمة “عامل إيه؟” بتتردلي كل يوم،
وكل يوم بجاوب: “الحمد لله”،
بس الحقيقة؟
أنا مش تمام… ومش عارف أرجع تمام.

مابقاش عندي حلم واضح…
كنت زمان بشوف المستقبل وأخططله،
دلوقتي؟
أنا بس عايز أعدّي اليوم ده… وأشوف بكره هيعدي ولا لأ.

وفي النص ده كله…
كنت بجاهد أبان قوي،
بضحك، بهزر، بنصح الناس، بشيل همهم…
بس ماكنش فيه حد بيشيلني.

أنا دلوقتي وصلت لمرحلة…
مش عايز أبقى مثالي،
ولا عايز أبقى اللي بيعتمدوا عليه،
أنا بس عايز أتبصلي كإنسان بيتوجع… ومش عيب.

انا هنا مش عشان حل سريع،
ولا عشان حبة أو وصفة.
أنا هنا عشان حد يفهمني،
حد يسمعني من غير ما يصلّحني،
حد يصدقني لما أقول:
“أنا تعبت من كتر ما قلت أنا كويس… وأنا مش كويس”.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_51919 🇪🇬

منذ 9 أشهر

شعور مرتبك

من المغرب وانا فى مكالمة زعلتنى اوى وانا حقيقي مش عارفه اساعدها ازاى معايا بنت فى الجامعة هى فى حالها اوى وشكلها لطيف اوى وتحسوها كدا بسكوته خالص والدها ووالدتها منفصلين وكل واحد متجوز وعايش حياته وهى شوية مع باباها وماماتها شوية اتفاجات من الاتصال ولقيتها بتعيط وهى مكتئبة اوى ومش عايزة تحضر الجام

Ice Cream_20764 🇪🇬

منذ سنة واحدة

شعور مستنزف

طول عمري بهون علي الناس وبحتويهم وبسمعهم وبحس بيهم وبحاول اطلع المشاعر السلبيه اللي جواهم، بس انا مين هيحس بزعلي او غضبي من غير ما اتكلم زي ما بعمل مع الناس؟! مين هيهون عليا ويحتويني او حتي يساعدني اطلع الطاقه السلبيه والغضب اللي جوايا انا اه مبعرفش اتكلم بس بجد تعبت م هفضل دايمًا اجي علي نفسي واكت

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع