التسويف

Banana_56622 🇪🇬

منذ 3 أسابيع

شعور مرتبك

السلام عليكم بعد اذنكم يا شباب انا طالب بدرس طب وكنت من المتفوقين قبل لما ادمن التليفون (اللعنه) بقيت حرفيا مدمنه بشكل رهيب وده مأثر عليا نفسيا مش عارف اذاكر خالص وحاسس ان المذاكره بقت تقيله مع اني بحب المجال وكل شويه اقول بكره واسوف واسوف واسوف وبقيت امسك التليفون لوقت كتيير جدا بقي ادمان بالنسب

Coffee_78271 🇪🇬

منذ شهر واحد

شعور مرهق

سلام عليكم اخباركم ايه عندي كذا مشكلة الأولي التسويف اي الحل لو حد عنده تجربة عندي حجات كتيره عاوز اخلصها بس بضيع وقت كبير من يومي تاني حاجه ازاي اتقبل الرفض عشان بقالي 4 شهور كل ما أقدم على شغل اترفض دا تاعبني جدا

Cheese_59933 🇪🇬

منذ شهر واحد

شعور مرهق

سلام عليكم اخباركو اي ي رب تكونو بخير عندي كذا مشكله الأولي التسويف اي الحل لو حد عنده تجربه عندي حجات كتير عاوز اخلصها بس بضيع وقت كبير من يومي تاني حاجه مش دايما بصلي كل الفروض ومقصر جدا ف الموضوع دا لو حد عنده نصايح ازاي اتقبل الرفض عشان انا لسه مخلص جيش بقالي 6 شهور كل ما أقدم علي شغل اترفض

Marshmallow_69067 🇪🇬

منذ شهر واحد

شعور متوتر

عبّر عن شعورك بشكل مجهول

عندى مشكلة هي بقالها سنين بس كل فترة الوضع بيتحسن وبيرجع اسوء وهو انى كل ماانام مش ببقى عايزة اصجى ولما بصحي مش ببقى عايزة انام وبعمل دا وانا قالبة اليوم بحس انى مرتاحة بالليل فيه شئ من الحؤية والهدوء وانى اكون لوحدى ولكن يطلع النهار وماما تستلمنى وتفضل تصحيني وانتى بتضيعي عمرك انا فعلا مش بطون قادرة اقوم من النوم خالص الكلام دا بيحصلي من زمان من ايام المدرسة والكلية بهرب من كل حاجة بالنوم يا دوب بصحى اصلى وانام تانى لكن مش ديما وساعات بتقلب معايا بأرق وافضل صاحية كذا يوم.. لما بيجي الليل بحس ان النوم عقاب ولازم اتخلص منه .. احلا كوباية شاي ممكن اشربها بالليل .. ممكن اعمل حاجات كتير ورايا بالليل حتى ايام الكلية مكنتش بعرف اذاكر الا بالليل مبحبش احس مربوطة بوقت.. يمكن بحس انى مضغوطة طول اليوم فالليل بالنسبالى هو المنفذ الوحيد عارفة انه غلط وصحتي وان الليل للنوم بس انا بتكلم عن شعورى انا مش عايرفة اتحكم فنفسيتي وماما بتزودها عليا اكتر بتعليقاتها محدش مثلا بيقولى مالك هو انتقاض وخلاص وبضيعي عمرك .. يعنى مثلا انا غاوية الواحد بتجيله لحظات توهه مش بيبقى متحمل اى كلمة من حد  محتاج الى يسانده من غير م يلومه لكن دا مبيحصلش والمشكلة انى كل يوم بقول هظبط يومى عشان مثلا انزل اشتري حاجة عايزة اشتريها لكن بسوف واليوم بيمر بنفس النظام وانا موضوع التسويف عندى اوفر اوى... بس اغلب الوقت بيكون تعب فعلا مش بيكون عندى طاقة بقول يمكن نقص فيتامينات ولكن ايام تانية بكون هايبر اكتف واعمل حاجات كتير اوى واكون نشيطة.. بعمل كل حاجة من غير دافع بحاول اعيش عشان ربنا هيحاسبني ع عمرى لكن مفيش دافع لأى شئى الايام زي بعضها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_40055 🇪🇬

منذ شهرين

شعور متوتر

عبّر عن شعورك بشكل مجهول

جماعه انا عندي مشكله في تحديد انا عايزه اخش انهي كلية او عايزه اطلع ايه اصلا ، انا لسه اولي ثانوي و لكن الموضوع ده شاغل بالي جدا خصوصا انه انا خلاص السنه الجايه لازم اختار المسار اللي انا عايزه اخشه و اختاره بناءا علي انا عايزه انهي كلية و لكن الحقيقه انا مش قادره احدد انا عايزه ايه و لا انا شاطره في ايه ، لأني بطبيعة الحال إنسانة بتمل بسرعه جدا و بحب الحاجه يبقي فيها تجديد مستمر فمفيش اي حاجه تقريبا انا حبيتها او بدأتها و كملت فيها زي مثلا لعبة او او رياضه او كتاب او انمي او فلم دايما بييجي لي فجأة فقدان شغف في الحاجه حتي لو انا بقرأ كتاب و في قمة الاحداث و الحماس بقي عادي جدا ممكن اقفله و اقعد بالشهور علي ما افتحه تاني و حتي و انا صغيره مكنش عندي حلم وظيفه معينه كنت بس بفكر انه نفسي اكون أم و اعيش حياة سعيده مع اولادي بغض النظر مين جوزي عمري ما تخيلت وجوده اصلا ، بس انا دلوقتي قدام قرار مصيري و خايفه اختار حاجه محبهاش و اكون عايزه اغير مساري و اضيع سنين اكتر من حياتي في نفس المرحله ، انا فكرت شوية في اني اطلع دكتوره بغض النظر عن التخصص عمتا و لكن امي مش عايزاني اخش طب و بتقولي اخش حسابات و معلومات و انها شايفاني في مجال الجرافيك ديزاين و البرمجه ، بس انا مش بحب الحاجات الممله دي اني افضل قاعده شغلي كله من الكومبيوتر و مفيش حركه و مفيش اي حاجه جديده او مميزه ده ملل بالنسبة لي بس هي شايفه اني ادخل كلية اقدر اشتغل منها اون لاين عشان لو بقيت أم ميبقاش عائق اوي ، هي عموما مش بتجبرني علي حاجه و قالت لي براحتك بس انا بنصحك ، انا عندي تلت مشاكل كمان مخليني مش عارفه اختار تخصص اكتر ، الاولي انه عندي تشتت رهيب و تركيزي وحش جدا و ذاكرتي كمان ايه السبب معرفش بس ده من و انا صغيره التركيز عندي سيئ ، ثانيا اني ما شاء الله تبارك الله شاطره في اي ماده و في اي لعبه و في اي مهاره و في اي حاجه عامة و ده مخلي عندي تناقض اكتر لأني شاطره في كل حاجه طب اخش ايه بقي ، تالت حاجه اني اتعودت من و انا صغيره علي التسويف و ده كمان اللي مخلي شاطرتي دي عيب مش ميزه لأني مش بستخدمها عدل بسبب التركيز السيئ و التسويف رغم إن ما شاء الله تبارك الله عليا بذاكر قليل جدا و بجيب فرق بيني و بين اوئل دفعتي درجتين بالكتير مثلا مع اني لو ذاكرت عدل انا عندي إمكانية اطلع الاولي علي الدفعه كلها فعلا ، بس انا مبمشيش غير بالتحفيز المستمر و الجوايز يعني امتحانات الشهر بتاعت الدروس بحسها منافسة و بجيب درجات عاليه لكن اخر السنه او نص السنه مش بهتم اوي ، انا محتاجه حل لأن الموضوع مأثر علي عقلي الباطن و علي جودة نومي و مخلي عندي قلق و توتر مستمر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_59267 🇪🇬

منذ شهرين

شعور قلق

ازاي الواحد يبقى شخصيته قوية على نفسه بحيث هو اللي يتحكم فيها مش العكس زي الشهوات او التسويف وكدة، الواحد خايف من الفتنة ف الزمن ده من كتر اللي بنشوفه لدرجة ان كتير من البنات هم اللي بيطلبو من الشباب الزنا او على الاقل بقى الموضوع سهل لأبعد الحدود، خايف اني تجيلي فرصة و ازني

Popcorn_56962 🇪🇬

منذ شهرين

شعور محبط

حد عنده حل للتسويف انا مدمن تسويف ي جدعان والله صعب جدا عليا التزم بأي حاجة وافضل مأجلها كتير والعمر بيتسرق مني محتاج فيدباك من حد يكون مر بنفس تجربتي وقدر يتعافي من التسويف حرفيا محتاج مساعدة حدا ....

Avocado_70913 🇪🇬 دور ع حد عالانستجرام اسمه طارق الوزير هيفيدك

عرض الكل 13 نصيحة

Apple_58349 🇪🇬

منذ 4 أشهر

شعور مرتبك

موضوع:

ازاي بتتعاملوا مع ارهاق الكليات العملية

ممكن حد ف ال medical field هنا ينصحنى بجد ازاي اعالج التسويف انا بسبب التسويف ده اتاخرت سنه ف كليتى والسنه الل بعدها كان ممكن ارتب دفعه انا واثق ف قدراتى مع اقل مجهود بس برضه معملتش كده جبت تقدير عادى

Apple_62770 🇪🇬 التسويف دا مرض حرفيا

عرض الكل 5 نصيحة

Kiwi_53115 🇪🇬

منذ 5 أشهر

شعور متعب

أنا شاب دايمًا بفكر كتير، عايز أغير من نفسي، أبطل عاداتي الوحشة زي التدخين والتسويف، وعايز أكون ناجح، ذكي، حكيم، وجسمي مظبوط، بس دايمًا بتأخر، بقول “بكره”، وبلفّ حوالين نفس الدايرة. جوايا حِتّة دايمًا مش راضية عن نفسي، بحس إني ضايع شوية، ومحتاج حد يفهمني ويحبني ويغير عليا بجد. ساعات بحس إني لوحدي،

Blueberry_52805 🇪🇬 أنا عندي مشاكل شبيهه بده بنسبه كبيره وبقولك ابدأ وكفايه تأجيل حتي لو بخطوات بسيطه بس المهم متفضلش قاعد مستني في المطلق

عرض الكل 2 نصيحة

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع