التيه

Marshmallow_82020 🇪🇬

منذ 5 أيام

شعور لا مبالٍ

لن يستفيق بنو آدم ما لم يُصارحوا أنفسهم بالحقيقة، فالهروب لا يُنقذ والتبرير لا يُصلح، والسكوت الطويل لا يُنبت وعيًا؛ فمن اعترف بضعفه امتلك أول مفاتيح القوة، ومن واجه خطأه اختصر على نفسه أعوام التيه، ليست العثرة عيبًا، ولا السقوطُ نهاية العالم، إنما الخطيئة أن يُقيم المرء في الوهم ويُسمّيه أملًا، فال

Flower_64726 🇪🇬

منذ أسبوعين

شعور مرتبك

ليه الواحد بيحس انه تايهه في العالم دا بجد ليه بيحس مش عارف يتعامل مع ناس المؤذية اللي حواليه ولا بيعرف يكون زيهم وحتي لو اتجاهلنهم بردو بيلاقو طريقه ويدخلوا في حياتنا بجد يعني مهما حاولت اني اطنش واعدي بتأثر اوي مع اني مش عايزه دا يحصل

Coffee_56002 🇪🇬

منذ شهر واحد

شعور متعب

تعبت من أنى بتحايل على نفسى إنها تستحمل شوية كمان محدش قالنا إن فترة الشباب اللى كنا بنحلم بيها واحنا اطفال اننا لما نوصلها هتبقي صعبة بالشكل ده وإننا هنكون مضغوطين وتايهين ما بين تحمل المسؤوليات وبين إننا لسه حاسين اننا أصغر من الحِمل ده ومابين اننا عاوزين نعيش حياتنا وبين اننا لازم نبني مستقبل لين

Chilli_82771 🇪🇬

منذ شهرين

شعور ضائع

مش عارفه أرتب افكاري بس مجروحه من اهلى واصحابي حاسه ان محدش فاهمني وانا م عارفه اعبر عن اللى جوايا مع انى نفسي حد يسمعني برغم اني مبقتش اثق ف حد الناس وحشه بطريقه تخوف وانا م عارفه اتعامل مع حد ولا عارفه انا عايزه ايه حاسه انى معنديش شخصيه اصلا معنديش اهداف تايهه وم عارفه ابطل تفكير ف مشاعر كتير مع

Coffee_56002 🇪🇬

منذ شهرين

شعور متعب

تعبت من أنى بتحايل على نفسى إنها تستحمل شوية كمان محدش قالنا إن فترة الشباب اللى كنا بنحلم بيها واحنا اطفال اننا لما نوصلها هتبقا صعبة بالشكل ده و إننا هنكون مضغوطين وتايهين مابين تحمل المسؤوليات وبين إننا لسه حاسين اننا أصغر من الحمل ده ومابين اننا عاوزين نعيش حياتنا وبين اننا لازم نبني مستقبل لينا

Blueberry_39174 🇪🇬

منذ 5 أشهر

شعور محبط

عشت وقت كبير من عمرى ببنى حياة بكل الحاجات اللى نفسي فيها بالشكل اللى يخلينى أعيش بهدوء وبشكل يخلينى مبسوطة بس الحياة دى كانت حياة من وحى خيالى من كتر ما اتوجعت من الحياة الواقعية قولت أعيش اللى نفسى فيه فى خيالى علشان أقدر أتعامل مع البشر واعيش وفجأة بتلاقى فرصة أنك تعيش حياة واقعية حلوة ومريحة

Apple_40893 🇪🇬

منذ سنة واحدة

شعور متعب

تعبت نفسي انهارده وشيلتني فوق طاقتي لمجرد اني اروح انام مفكرش في حاجه بس شعور التيه سيطر عليا و دماغي مسكتتش ولا عنيها سكتو حاسه بحرقه بس لازم افضل قويه كل يوم بتخدع في حد شكل وكان كل التجارب اللي عدت عليا معدتش ولا اتعلمت منها حاجه كل يوم بتاكد اني اغبى من اليوم اللي قبلو مهما بينت اني واعيه وناصحه

Mango_15394 🇶🇦

منذ سنة واحدة

شعور رائع

محدش قالنا إن فترة الشباب فى عمرنا اللى كنا بنحلم من واحنا اطفال اننا نوصلها هتبقا صعبة جدا، وإننا هنكون مضغوطين وتايهين ما بين تحمل المسؤليات وبين إننا لسه حاسين اننا أصغر من الحمل دا، ومابين اننا عاوزين نعيش حياتنا وبين اننا لازم نبني مستقبل لينا ولاسرتنا. محدش قالنا إن المرحلة دي هى أكثر مرحلة هي

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع