الحياة كورطة

Marshmallow_69067 🇪🇬

منذ أسبوع واحد

شعور وحيد

عبّر عن شعورك بشكل مجهول

انا في ورطة او دا أقرب وصف لشعورى من ساعة م جيت الدنيا دى وانا حاسة انى في ورطة كبيرة ومحتاجة افكر طول الوقت ازاى انجوا منها..معرفش ليه الشعور دا إتولد جوايا وحتى مكنتش بعرف اوصفه لكن هو شعور بعدم الأمان بعدم الإنتماء كنت بحس إنى طول الوقت في خطر كنت بحس انى طفلة عجوزة 😅😅 مكانش عندى رفاهية انى أغلط ولما دا بيحصل كنت بتحط في محكمة كبيرة كان كلها قصاه مفهاش محامى واحد وانا نفسي مكنتش بعرف ارد او اتكلم طول الوقت خايفة مبعرفش اخد حقي لا في البيت ولل في المدرسة مع الوقت إتعلمت ارد بحاول اعمل دا بشكل صحي مش همجي او إنى اتعصب بس اوقات كتير بتعصب لأنى مشوفتش غير دا في التعامل معايا.. المواقف الى شوفت فيها تعامل برحمة او حكمة كانت قليلة اوى اوى كنت دايما في حالة إتهام وحب مشروط .. دي مشاكل طفلة صغيرة كنت متصورة انها هتخلص لما تكبر بس الحقيقة انى ٣٠ سنة في الدنيا دى عايشة في دايرة مفرغة.. مش عارفة أكبر من جوايا ولسه شايفة الدنيا ورطة بس أكبر لانى بقيت مدركة لمعنى وجود جنة ونار وان فيه موت فكل تفكيري ازاى يخلص عمري هنا بأقل خسارة ممكنة عشان مدخلش النار لكن كحياة انا فاقدة معناها جوايا من اول م دخلتها لدرجة انى استبدلتها بعالم خيالى وأشخاص خياليين .. لحد م فهمت انى أكتر حد وحيد في الدنيا بس دا مش بيضايقني او بيحسسني بحزن لان انا مجربتش عكس الشعور دا عشان افتقده يمكن بس الإنسان لما بيبدأ يدخل في مرحلة النضوج خياله بيقل وبيندمج مع الواقع أكتر فدا بيخلى قلبي حزين شوية انى مش عارفة أحلم زى زمان

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40020 🇪🇬

ليه مفيش حد بيكلم بنت معينة في الجروب؟

عندي سؤال للولاد لو انتو مثلا جروب ولاد و بنات و تكونوا بتكلموا كل البنات الي في الجروب ده معادا بنت واحده بتكون زي مهمشه كده مفيش حد بيفكر يكلمها او كده مع انها زيها زي باقي البنات الي في الجروب ده، في الغالبيه ممكن تكون هادية شويه بس ليه بردو؟ ...عرض المزيد

7 الدعم

28 نصيحة

Blueberry_69403 🇪🇬

صدمت من دكتورتي النفسيه وبفكر انتحار

أنا بمر ب اسوء فتره من حياتي روحت أنا وماما لدكتوره نفسيه امبيارح وماما بس اللي دخلت ساعه كامله أنا دخلت خمس دقايق المهم أن الدكتوره النفسية قالت ل ماما أن أنا أجل الكليه السنه دي ونتابع معاها لحد ما نبقي كويسين وان حتي ماما تعبانه نفسيا وعندها صدمه نفسيه مكتومه بسببي وان أنا كمان مش طبيعية من زمان و قالت ليها أن أنا اغير تشكيل أوضتي و معتش امسك الفون غير بمرقبتها أو انام في اوضه فيها اخوتي م ببقي ليا اوضه لوحدي الموضوع بالنسبه ليا عاملي صدمه نفسيه بسبب كلامها والي هيا عايزه تعملوا فيا ومش فاهمه هل لي دكتوره عاقله تعمل كدا يعني أنا 21 سنه ولسه 4 سنين عشان اخلاص كليه هنخليهم 5 سنين يعني اتخرج 26 سنه وحاليا أنا مع ناس عارفهم ابقي مع ناس معرفهمش كمان الموضوع تعباني نفسيا جدااا و كل لحظه بفكر فيها انتحر بجد م هقدر أعيش كدا ...عرض المزيد

4 الدعم

22 نصيحة

Nutella_52552 🇪🇬

ندمانة علي ماضيي ومش عارفة ابطل ادمان العلاقات

أنا نفسي ابطل ادمان العلاقات أنا مبقتش اعرف اقعد غير وهو في راجل في حياتي وبجد أنا دلوقتي ندمانة جدا علي اني دخلت حد ميستهلنيش حياتي وعلي اني عملت حاجات غلط في التليفون معاهم بجد ندمانة ومش عارفه اعمل ايه علشان انسي وعلشان مدخلش حد حياتي بالطريقة دي وفي سوال في دماغي علطول لما اجي اتخطب اقولو علي ماضية ولا لا بجد عايزة حد يجاوبني وياريت تكون بنت علشان الرجالة هنا كلهم غرضهم حاجه وحده بس وانا مش عايزها ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع