الرجولة

Moon_71804 🇪🇬

منذ 3 أيام

شعور ضائع

Mango_80474 🇪🇬

منذ أسبوع واحد

شعور وحيد

أنا لا أعاني من الوحدة لأنني بلا بشر، بل لأن المساحة بيني وبين نفسي صارت أوسع من قدرتي على الاحتمال. أجلس وسط الناس، أضحك أحيانًا، أتكلم كثيرًا، لكن في داخلي صمت طويل… صمت لا يسمعه أحد. لم أعد أبحث عن أنثى تملأ فراغ الوقت، ولا عن جسد يخفف وطأة الليل، أنا أبحث عن حضور… عن كائن يرى ارتباكي دون أن يطال

Lemon_52708 🇪🇬

منذ أسبوع واحد

شعور غاضب

بجد أكتر ناس بكرهم هم اللي كل ما يشوفوك يسألوك نفس الأسئلة كأنهم شريط متسجل: امتى هنفرح بيك؟ امتى تشتغل في بنك؟ امتى تشتغل في شركة دولي؟ امتى تتجوز؟ امتى تخلف؟ امتى تبقى راجل؟ ولا حد فيهم وقف ثانية يفكر إن السؤال نفسه تقيل، وإن تكراره بيوجع أكتر من أي إجابة. كأن حياتك ناقصة حاجة، وكأنك متأخر عن الس

Marshmallow_63708 🇪🇬

منذ أسبوعين

شعور لا مبالٍ

عبّر عن شعورك بشكل مجهول

زي كل مره احمد بينكد عليا انا كنت قاعد ف اوضتي طلع عاوز يوريني فيديو وانا قعدت اوقف الفيديو واشغله عشان عاوز اسمع امي بتنادي عليا بتقول ايه راح اتعصب وقعد يزعقلي ب صوت عالي اوي ومزعج ويقولي اني زي طارق واني خلقه وحشه ونكد ومبحبش ابسط حد واني بوظ اخص وبتفزلك وقعد يتريق عليا كتير وانا مرضيتش اقلب وشي عشان ميزعلش مني زي ما بيقول اني مش بفرد وشي فضحكت وانا بسمع كلامه راح قعد يتعصب ويشتم فيا جامد ويصرخ بعدها دخل اوضتي رمى الماوس والدراع ع الارض جامد وقطعلي الشاحن وحدف السماعه ع الارض والحاجات دي كلها جايبها بفلوسي ومشي وقعد يشتم فيا ويتف ع شباك اوضتي من برا وقعد يرزع ع الباب ويزعق لامي ولما نزل تحت دلوقتي بيبعتلي رسايل بيقولي حسبي الله ونعم والكيل فمنظرك وربنا يجعلك طول عمرك ناقم الي عفرتتني يا ابن طارق يا ملعون وقالي يارب دايما تبصها لعيالك وفشغلك وقالي ربنا يجعلك كل ما تعافر فحياتك ترجع خطوه  انا عملت ايه والله انا حتى كنت صاحي من بدري عشان اروق الريسبشن زي ما قالي وفرض عليا ونرمين اصلا الي طالباه مني والله انا مش ذنبي ان ابويا مش موجود فحياتي عشان اخويا يقعد يفرض رايه وعصبيته عليا كدا زعلان خالص انا اصلا ازاي اشوف نفسي راجل وانا ف سني دا ولسه بيتزعقلي من اهلي كدا انا فعلا زي المره امي عندها حق والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ أسبوعين

شعور غاضب

إيه اللي هيحصل لو فشلت؟ ولا حاجة. لأن الشخص الوحيد المستفيد من نجاحك هو إنت. مش واحدة بتحبك، ولا صاحب، ولا أي حد تاني. وبرضه… الشخص الوحيد المتضرر من فشلك هو إنت. البنت اللي كنت عايز ترتبط بيها؟ لو مشيت، هتشوف واحد غيرك. الصاحب؟ هيلاقي صاحب تاني. الدنيا ما بتقفش على حد. المشكلة إني سنين طويلة كن

Lemon_52708 🇪🇬

منذ شهر واحد

شعور مرتبك

في ناس كتير شايفة إن الراجل اللي بيحس، اللي بيبكي أحيانًا أو يضحك من أبسط الأشياء، أو اللي يسامح بسرعة، ده ضعف. الحقيقة إن اللي بيشوفوا الموضوع كده، ما عرفوش القوة اللي ورا الحساسية واللين. أنا ممكن أسامح بسرعة، وممكن أغضى أقل من اللي ناس كتير يتوقعوه، لكن ده مش معناه إن كل حاجة ترجع زي الأول. مكانة

عبّر عن شعورك بشكل مجهول

في ناس كتير شايفة إن الراجل اللي بيحس، اللي بيبكي أحيانًا أو يضحك من أبسط الأشياء، أو اللي يسامح بسرعة، ده ضعف. الحقيقة إن اللي بيشوفوا الموضوع كده، ما عرفوش القوة اللي ورا الحساسية واللين.
أنا ممكن أسامح بسرعة، وممكن أغضى أقل من اللي ناس كتير يتوقعوه، لكن ده مش معناه إن كل حاجة ترجع زي الأول. مكانة اللي آذوني اتغيرت. مش كل واحد يستحق نفس المكانة بعد اللي حصل. التسامح بالنسبة لي مش تجاهل، هو اختيار واعي وحكمة، مش مجرد شعور.

النبي ﷺ قال: "يدخل الجنة أناس أفئدتهم كأفئدة الطير"، و*"حرم النار على كل هين لين، سهل، قريب من الناس"*. ده معناه إن اللين والسهولة والطيبة مش ضعف، ده خلق عظيم. اللي بيقدر يسامح ويستمر في حياته براحة قلب، ده أقوى من اللي يحقد ويكتم.

الرجولة مش في القسوة، الرجولة مش في فرض السيطرة على الناس، الرجولة في التحكم في نفسك، في مشاعرك، وفي اختيارك للمواقف اللي تستحق غضبك أو حزنك. اللي فاهم ده، يعرف إن الحساسية واللين مش معانيها ضعف، بل قوة.

أنا ممكن أحس وأتأثر وأسامح بسرعة، لكن ده معناه إني أعطي الناس اللي يستحقوا مكانتهم. أما اللي آذوني، مكانتهم اتغيرت، وما تروحش أبسط مما تستحق. ده احترام لنفسي وللآخرين، وفهم حقيقي لقيمة القلب الطيب واللين القوي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ شهر واحد

شعور مرهق

كنت بعمل مقابلات شغل كتير عشانها، وبفكّر ألف مرة إزاي أبقى في مستوى يرضيها. كنت شايفها حاجة كبيرة… يمكن أكبر من حجمها بكتير. ويمكن كمان كنت بحبها لدرجة إني مكنتش شايف غيرها، ولا شايف إنّي بحط حد في مكان أعلى من اللي يستحقه. كنت بسأل نفسي دايمًا: هل أنا كفاية؟ هل هتشوف فيّ راجل يعتمد عليه؟ عمري ما ت

عبّر عن شعورك بشكل مجهول

كنت بعمل مقابلات شغل كتير عشانها، وبفكّر ألف مرة إزاي أبقى في مستوى يرضيها.
كنت شايفها حاجة كبيرة… يمكن أكبر من حجمها بكتير.
ويمكن كمان كنت بحبها لدرجة إني مكنتش شايف غيرها، ولا شايف إنّي بحط حد في مكان أعلى من اللي يستحقه.

كنت بسأل نفسي دايمًا:
هل أنا كفاية؟ هل هتشوف فيّ راجل يعتمد عليه؟
عمري ما تخيلت إن الإجابة عندها هتكون بالعكس تمامًا.

وفجأة…
اكتشفت إنها بتكرهني أوي.
كره مش مفهوم، ومش متوقّع… كره أكبر بكتير من كل اللي أنا قدمته ومن كل اللي كان جوايا.
والأصعب من الكره؟
إنها شافتني “مش راجل”.

بس الحقيقة؟
هي شافتني مش راجل مش علشاني…
لكن علشان هي نفسها ما تعرفش يعني إيه الرجولة أصلاً.
اللي يشوف الرجولة في الصوت العالي، وفي الجرح، وفي القسوة… ده إنسان ناقص من جوّه.
إنما الرجولة الحقيقية؟
إنك تحب بصدق، وتحافظ على كرامتك، وما تردش الإساءة بإساءة، وتعرف إمتى تمشي من غير دوشة ولا فضايح.

أنا مش بشتكي، ولا بعيط…
بس الصدمة وجعت.
وجعت لأنّي حبيت بصدق، وهي قابلت ده بنفور وبكلام جارح وطعنات في شخصيتي وفي رجولتي—حاجة عمري ما فكرت ألمسها عندها.

بس خلاص…
اللي بيبان على حقيقته متأخر، أحسن من إنه ما يبانش خالص.
وأنا شفت الحقيقة… وشفت نفسي بوضوح بعدها.
ولو هي شايفاني “مش راجل”؟
فده لأنها مش قادرة تشوف الرجولة الحقيقية… ولا كانت في يوم في مستواها.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ شهر واحد

شعور غاضب

في نسخة جوايا كنت بخاف أسيبها تتحكم فيّي… نسخة ناشفة، قاسية، بتحسب كل حاجة ببرود، وبحاول كل يوم ما أبقاش الراجل اللي بيفكر بالطريقة دي: كنت شايف إن الست ما بتحبش الراجل… بتحب قيمته. ولو قيمتك وقعت، حبها يقع أسرع منك. وكنت مصدّق إن اهتمامها بيك مش حب… ده مصلحة، ولو حست إن وجودك مبقاش كسب ليها، هتمش

عبّر عن شعورك بشكل مجهول

في نسخة جوايا كنت بخاف أسيبها تتحكم فيّي…
نسخة ناشفة، قاسية، بتحسب كل حاجة ببرود،
وبحاول كل يوم ما أبقاش الراجل اللي بيفكر بالطريقة دي:

كنت شايف إن الست ما بتحبش الراجل… بتحب قيمته.
ولو قيمتك وقعت، حبها يقع أسرع منك.

وكنت مصدّق إن اهتمامها بيك مش حب… ده مصلحة،
ولو حست إن وجودك مبقاش كسب ليها، هتمشي من غير ما تدي إنذار.

وإن رجولتك مش بتبان وإنت واقف…
رجولتك بتبان وإنت واقع،
وساعتها تعرف مين كانت حقيقية ومين كانت لابسة دور.

وإن أنوثتها مبتزهزش جنب راجل مهزوز،
ولو حسّت إنك أضعف منها… كل اللي كانت بتديه لك هيتقل، يمكن يتقطع.

وكنت شايف إنها بتهرب من الراجل اللي بيدي أكتر من اللازم،
وتقرب للي ماسك نفسه…
اللي بيقرب خطوة ويبعد خطوة، ويخليها مش ضامناه.

وإن كلامها عن “الرجل المثالي” كلام تتقال،
لكن اختيارها الحقيقي بيبان في رد فعلها… مش في كلامها.

وإن أول ما تبطل تشوفك تحدّي…
تبطل تشوفك أصلاً.

وإن كل ما تجري وراها…
صورتك بتقِلّ في عنيها، وهي غرورها يعلى.

وإن الراجل اللي هي باردة معاه النهارده…
بكرة ممكن تتمنى ثانية من وقته لو علي وسابها وراه.

وإن الست بتحترم اللي بتشوفه على الأرض…
مش الكلام الحلو ولا الوعود.

دي كانت النسخة القاسية…
النسخة اللي كنت شايف بيها الدنيا بشكل غلط،
وبحارب كل يوم علشان ما أبقاش واحد شايف الحب معركة…
والعلاقات ميزان مكاسب…
والناس قيم وأرقام.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ شهرين

شعور مرتبك

أنا ممكن أحب، عادي جدًا، ومفيش مشكلة في كده… بس لازم أحب نفسي الأول، أعرف أنا مين، وإيه اللي بيسعدني، وإيه اللي بيكسرني. كنت فاكر إن الحب إنك تدي كل حاجة، تضحي بنفسك علشانها، وتفضل تحارب علشان تبقى الشخص اللي يليق بيها. بس الحقيقة؟ لما تخلي الست أهم من نفسك… إنت بتخسر الاتنين — نفسك وهي. الست مش د

عبّر عن شعورك بشكل مجهول

أنا ممكن أحب، عادي جدًا، ومفيش مشكلة في كده…
بس لازم أحب نفسي الأول، أعرف أنا مين، وإيه اللي بيسعدني، وإيه اللي بيكسرني.

كنت فاكر إن الحب إنك تدي كل حاجة، تضحي بنفسك علشانها،
وتفضل تحارب علشان تبقى الشخص اللي يليق بيها.
بس الحقيقة؟
لما تخلي الست أهم من نفسك…
إنت بتخسر الاتنين — نفسك وهي.

الست مش دايمًا بتقدّر التضحيات، بالعكس،
ساعات بتحس إنك فقدت قيمتك لما تبقى كل حياتك حواليها.
هي بتحب الراجل اللي واقف على رجله،
اللي مش بيدور على رضاها طول الوقت،
اللي نفسه هي أولويته، لأن وقتها بس بيبقى عنده قيمة في نظرها.

أنا جربت أكون "الطيب الزيادة"،
اللي بيحاول يرضي دايمًا…
وفي الآخر لقيت نفسي الخسران.
اللي بيحب لازم يكون عاقل، مش شهيد.
مش كل تضحّية معناها حب،
ومش كل حب لازم يكون وجع.

أنا ممكن أحب،
بس المرة دي هحب وأنا فاهم.
هحب وأنا عارف إن اللي يستحق قلبي
مش هيحتاج يخليني أدفن نفسي علشانه.
أنا مش هسيب نفسي تتهد تاني عشان حد.

بس الصراحة؟
أنا خايف…
خايف أفقد مشاعري،
خايف أوصل لمرحلة "اللا مشاعر"،
وخايف بعد ما أفقد إحساسي ناحيتها
تبقى هي بتحبني…
وأنا أبقى كاره، أبقى مش عايز حتى أكلّمها.

الخوف ده وجع أكتر من الوجع نفسه،
لأنك بتشوف قلبك بيتغيّر وانت عاجز تمنعه.

بس برغم كل ده…
المرة دي أنا اخترت أكون أول حد أحبّه. ❤️
ومش هقول لنفسي حاجة سلبية تاني. 🖤

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_73142 🇪🇬

منذ 3 أشهر

شعور متعب

كان نفسي حد يفهمني كان نفسي حد يشوف قد ايه انا بتألم كان نفسي حد يقولي انت ليك الحق انك تنهار مكنش نفسي كل اللي يشوفني يقولي انت راجل مينفعش تنهار انت بتدمر حياتك انت اللي بتعمل كدا في نفسك مبقتش استمتع اني اعمل اي حاجة كل اللي بتمناه ان الألم يقف بأي طريقة

Potato_75394 🇪🇬

منذ 3 أشهر

شعور متوتر

اني ابقى دايما في صراع بين البنت اللي نفسها تحس انها تقدر تعتمد على حد اهل للثقة و أهل للقوامة و بين اللي شايفة ان مفيش حد في وقتنا دا اهل للثقة ف مضطرة تيجي على فطرتها عشان تقدر تعيش كويس... حقيقي الزمن دا صعب اوي. لا البنت قادرة تتعامل بفطرتها ك بنت و لا الرجُل فاهم انه قائد و حامي في نفس الوقت

Strawberry_58144 🇪🇬 بجد انتى وصفتى خوف كل بنت من الجواز احنا لا عارفين نبقى بنات رقيقين معتمدين على رجالتنا القوامين علينا زى ما ربنا خلقنا.. ولا عارفين نلغى انوثتنا و نعتمد على نفسنا و نعيش حياه الرجاله و نستغنى عنهم.. الواحده خايفه بجد تدى ثقه لراجل مش اهل للرجوله

عرض الكل 8 نصيحة

Carrot_75144 🇪🇬

منذ 4 أشهر

شعور مكسور القلب

انا راجل مصري ٤٥ سنة،مؤهل عالي، ملتزم بشتغل شغل كويس متجوز، و دي بقت مشكلتي الكبيرة معدش فيه تفاهم خالص بيني و بين مراتي، لدرجة بقينا ممكن نقعد بالشهر بدون العلاقة، متخيلين حالتي ناس بتقولي اتجوز بس هي اكيد رد فعلها هيبقى طلاق و انا خايف على عيالي مش عايزهم يعيشوا تجربة زي دي اللي بفكر فيه دلوقت،

Strawberry_65724 🇪🇬

منذ 5 أشهر

شعور مكسور القلب

انا فركشت النهاردة و الموضوع انتهى ..صحيح جوايا مشاعر متناقضة بس مش قادرة احدد بالظبط انا فرحانة ولا زعلانة ولا مرتاحة بس اعتقد من جوايا ان تحمل المسئولية و الشخصية القوية و الرجولة من أهم سمات شريك الحياة و انى مش هقدر اتعايش مع حد ضعيف الشخصية ابن مامته غير مسئول و ميقدرش يتحمل حتى مسئولية نفسه ف

Biscuit_63416 🇪🇬 عاش وموف اون

عرض الكل 8 نصيحة

Cherry_60251 🇪🇬

منذ 6 أشهر

شعور آسف

عبّر عن شعورك بشكل مجهول

فى الاول كتبت الكلام دا ردا على حد ، بس حابة اسمع رأيكم بمصداقية?
بس بجد والله محدش خد باله قبل كدا ? 
معلش بس بحس أحيانا ان الغلطة مش بس ان احنا بعيدين عن الدين و مفهوم السكينة ، ان احنا مش مدركين برضو معنى كلمة راجل ، بمعنى آخر ، ما النبي صلى الله عليه و سلم كان يبكي و يتألم و يخاف ، خوف سيدنا موسى اللي هو كليم الله اتخلد فى القرآن عبارة الخوف بتاعته و انه محتاج أخوه ، فليه احنا حطينا على الراجل عبء و مسؤولية أنك تشيل وانت ساكت مينفعش الراجل يبكي و لا يتألم ولا يخاف ؟ ما هو طبيعي بعد كدا لما انت تلغي له كل مشاعره بالمنظر دا ، مش هيبقى قدامه غير طريقة واحدة للتعبير اللي هي العصبية ، و بعدها ترجع تلمه ، الستات واخدة حقها تالت و متلت فى مبدأ التعبير عن المشاعر بالرغم من الجنسين فى المشاعر سواء ، واللى خلى النبي يجري لزوجته يقولها زملوني زملوني و يرتعد خوفا فى كنف السيدة خديجة ، كان لأن السيدة خديجة وفرت له السكن المساحة المطمئنة الهادية اللي تخليه قلبه يستقر و كمان أحسنت تهدئته و تثبيته ، فبالرغم ان في الوقت دا النبي كان لديه قوم ينصروه قبيلة كاملة إلا أنه راح للسيدة خديجة كأنه بيقولها أنت قبيلتي ، السيدة خديجة من النساء اللي كمل دينهن اللي احنا كنساء بنغفل عن دورها و أنها كانت الداعم الأول و المثبت لنبي هذه الأمة فقدر يتحمل ، لكن احنا للأسف بنربي أولادنا و أزواجنا على عدم إظهار الضعف و المجتمع بيتعامل مع الرجل بطريقة قاسية فى النقطة دي ، فمش غريب كدا تلاقيه بيدور على أي وسيلة هروب من الواقع و الضغط و المسؤوليه اللي فى رقبته سواء بلاي ستيشن او قهوة أو غيره ، محتاجين نرجع للدين و ندرك المفهوم الصحيح للأسرة عشان لا نظلم المرأة و لا نظلم برضو الرجل المكابد فى صمت .

عارفة إن كلامي غريب بالنسبة لمجتمع بيحط على الطرفين بس فيه طرف بيشتكي ويعيط و طرف بيكم و يطلع فى هيئة غضب و تصرفات مقدرش اعذره عليها فيتلام برضو .
حسة انها غلطة مجتمع و بيئة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

مساء الخير ... انا شاب أربعيني عندي مشكلة مع المثلية الجنسية وده كان ناتج لتحرش في الصغر وغياب ابويا مع الأسف غياب ابوي أو غياب الدور الذكوري في حياتي دمرني وحطمني وخلا حياتي جحيم تريقه وناس تقلل مني وناس تتنمر لحد ما ربنا اكرمني وبدئت اغير من نفسي وطباعي وتصرفاتي وأصبحت رجل كما يجب أن يكون بعد حرب ومعفره وخوف ورهبه من خطوة الأرتباط ربنا اكرمني بأنسانه محترمه وبنت ناس وبتحبني وانا كمان بحبها غيرت حياتي لما دخلتها من اكتئاب وحياة بلا هدف لحياة ليها قيمه وحد بيدور عليا لما بغيب وحد بيهتم لأمري غير أمي طبعاً الأم غير الحبيبه والزوجه حاسس ان خطوة الزواج خطوة كويسه وانا عاوز اتجوز واخلف زي كل زميلي وأصحابي عاوز احس اني انسان زيهم وده حقي مش عاوز اروح افراح الناس افضل اتفرج عليهم ويتقلي عقبالك وانا ببقى حزين من جويا على حالي ووحدتي خايف اكبر والاقي اهلي سبوني لوحدي واموت لوحدي عاوز بيت وأسرة ودفى وده ابسط حقوقي بالنسبة المعاشرة الجنسية حاسس اني ممكن أخوض التجربة وربنا يكرمني وعندي الاستعداد بس خايف من مشكلة اني عندي مشكلة مع العادة السرية الي خلت عندي سرعة قذف يمكن التحديات دي كلها هقدر اتخطها أن شاء الله بس خايف ومش عارف اروح لدكتور امراض ذكورة هقوله ايه ومش لاقي حد ثقه اخده معايا ونروح لدكتور انا قدامي سنه ونص على الجواز أن شاء الله وعاوز حل للمشكلة انا مقتنع أن الميول المثلية مش بتخف وعندي رضا بالبتلاء ده الحمد لله بس عاوز ابقى طبيعي مع مراتي ومرعوب من اني افشل ويحصل طلاق محتاج مساعدتكم ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع