العطاء

Croissant_52708 🇪🇬

منذ 22 ساعة

شعور محبط

أنا بجد كرهت التعلّق المَرَضي… كرهت فكرة إني أفضل ماسك في حد مش ماسكني، وأدي اهتمام أكتر بكتير من اللي باخده. كرهت إني أعيش على أمل كلمة، أو لمحة، أو تلميح… وأتعب روحي على وهم. وتعبت أكتر من حاجة واحدة… تعبت إني دايمًا أبقى الاختيار التاني. الاختيار اللي بيتفكّر فيه بعد ما كل حاجة تانية تبوظ، الاخت

Mushroom_83350 🇪🇬

منذ أسبوع واحد

شعور مرهق

.ظلال في غرفة العمليات ليلى وقفت وسط غرفة العمليات، يديها ترتجفان بخفة، لكن قلبها ثابت كالنور. كانت تلمس القلب الصغير أمامها وكأنها تهمس له: "ابقَ حيًا، فالحياة تستحق ان نسقى الكون حبا." لطالما حلمت أن تكون جراحة عظيمة، تنقذ الأرواح وتعيد المعجزات، لكن ما لم يعرفه أحد أن المعجزة الأولى كانت قلبها ه

عبّر عن شعورك بشكل مجهول

.ظلال في غرفة العمليات

ليلى وقفت وسط غرفة العمليات، يديها ترتجفان بخفة، لكن قلبها ثابت كالنور.
كانت تلمس القلب الصغير أمامها وكأنها تهمس له: "ابقَ حيًا، فالحياة تستحق ان نسقى الكون حبا."
لطالما حلمت أن تكون جراحة عظيمة، تنقذ الأرواح وتعيد المعجزات،
لكن ما لم يعرفه أحد أن المعجزة الأولى كانت قلبها هي،
القلب الذي رغم الجراح لم يتوقف عن بثّ الحب.
ليلى كانت مُعطاءة بلا حدود، تمنح حتى من فراغها،
تحب الناس جميعًا، حتى إن نسوها، حتى إن لم يبادلوها الحب.
كانت آخر من يُدعى إلى حفلة عيد ميلاد،
لكنها كانت أول من يمد يده ليخفف عن الآخرين.
قلبها مفعم بالحياة، كأنه نهر يفيض بالسلام،
تعلم الناس ببساطتها كيف يصير العيش أخف وأجمل،
كأنها منهج يمشي على الأرض: لا يُقصي أحدًا، لا يتخلى عن أحد.
وفي غرفتها بعد الوردية، لم تكن الوحدة عدوها الوحيد،
كانت أيضًا فرصة أن تلتقي بعالمها الداخلي.
كانت تزور رفقاءها السريين:
شانا في البراري الخضراء، ماري في الحديقة السرية، روبازيل، ولاعبة الباليه.
معهم كانت تضحك، تحلم، وتستعيد يقينها أن الطيبة لا تضيع،
وأن براءة القلب قادرة أن تكون أقوى من أي عاصفة.
حين تتأمل القمر من نافذتها،
كانت تراه مرآة لسلامها العميق،
حتى لو بدا في داخلها عواصف،
فإن النور يظل حاضرًا، يذكّرها أن الجمال لا يغيب.
ليلى لم تنتظر أن يحبها الآخرون كي تحب نفسها.
علّمت قلبها أن يكون رفيقًا رحيمًا،
أن يهمس لها: "أنتِ كافية، أنتِ جديرة بالسلام."
ومن هذا الحب لنفسها، سال حب أعظم للعالم.
لم تكن جراحة تنقذ الأجساد فقط،
كانت روحًا تعطي معنى للبقاء،
تزرع الأمل في كل من يمر بها، حتى من دون أن يعرفوا.
وفي غرفة العمليات، بينما الحياة بين يديها،
أحسّت أن الحياة أيضًا بين يديها هي،
فابتسمت، وامتلأ المكان دفئًا لمسه الجميع دون أن يروه.
رفعت عينيها إلى القمر من جديد،
وقالت بصوت داخلي مفعم بالحب:
"أنا هنا… أنا لست وحدي، فالعالم كله يسكن قلبي."

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ 3 أسابيع

شعور عاطفي

عبّر عن شعورك بشكل مجهول

بقبت حاسة ان معظم الناس حاليا عندهم خلل في مشاعرهم مش فكرة عدم التعبير.. لا محدش بقا فاهم يعنى ايه حب على مستوى الأهل او حتى شريك الحياة.. الناس مشاعرها بقت جامدة.. والى منهم بيدعى الحب بيكون مجرد كلام من غير أفعال.. هل دا متعلق بقلة الضمير بشكل عام مثلا وقلة الصدق مع النفس .. كل المعانى اللطيفة إختفت .. العطاء ، الإثار، الجدعنة، الطيبة
الأهل بقا حبهم مشروط لبعض وكل واحد مستنى التانى الى يبدأ قليل اوى دلوقتى لما تلاقي اخ بيشيل اخوه او خال او عم شال ولاد اخواتهم لو الاب او الام حصلهم حاجة.. 
والحب الى ياما إتكتب فيه أشعار حب شريك الحياة دلوقتى الناس بقت بتهتم بالقشور محدش بيدور على شخص يسكن روحه حد صادق معاه راجل بمعنى الكلة عارف يعنى ايه مسؤلية وبنت أصيلة تحافظ على بيتها .. كله بقا بيحاول يطلع بأكبر مصلحة ممكنة من الطرف التانى.. بيبقوا داخلين الجوازة مخونين بعض اصلا وكل واحد عايز يمسك ورقة ع التانى عاملين حساب الغدر وهما لسه بيبدأو حياتهم..
الناس بقت بتقيم بعض بالشكل وبالطول والعرض والمستوى التعليمي مش بقول انها مش حاجة مهمة بس مثلا هل الطرف التانى بيصلى ؟؟ بار باهله؟؟ صادق؟؟ إنسان سوى أصلا
فكرة ان الراجل راجل والست ست .. يعنى كل طرف،فيهم يقوم بمسؤلياته كاملة وهو حابب دا كل طرف عايز يبذل عشان الطرف التانى يشيل الطرف التانى لو تعب لو الحياة ضاقت بيهم يتسندو ع بعض ..
اوقات كتير بحب اراقب عيون اى اتنين مخطوبين او متجوزين اشوف بيبصوا لبعض ازاى قليل اوى لما تحس اتنين بيبصو لبعض بحب وإمتنان لوجود الطرف التانى..
أغلب مشاكلنا النفسية يمكن كلها هتتحل لو إتعلمنا نعرف نحب .. نحب ربنا الاول صح مش مجرد كلام بالأفعال نحب نفسنا وأهالينا .. نعرف نحب الشخص الى هنكمل حياتنا معاه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_52708 🇪🇬

منذ شهر واحد

شعور مكسور القلب

أتمنى… أتمنى ألاقي البنت اللي تحبني بصدق، اللي قلبي يكون فيها مرتاح ومقدر. اللي تحس بي، اللي تبذل مجهود طبيعي عشان تكون معايا، اللي تسمعلي وتفهمني من غير ما أحس بأي ضغط أو خوف. نفسي ألاقي حد يكون سند وأمان، حد أحس معاه بالراحة من غير أي تمثيل أو محاولات لإرضاء. أوقات بحس إن الحب صعب، وخصوصًا لما أح

Popcorn_56040 🇪🇬

منذ شهر واحد

شعور عاطفي

عندي مشكلة كبيرة الا وهي مشكلة العطاء الزائد اللي هو انا مش عارف انا بدي ليه حتي لو شخص ما اعرفوش بس ممكن عشان اسيبله انطباع حلو و يعرف اني كويس مش عارف بس اي حد بيحكم علي العطاء علي اساس انه عباطه و انت بتعمل كده ليه او انه تلميح لحاجه انا نفسي مش فاهم ليه ولا عارف احله ازاي ولو حد رفض العطاء اللي

Banana_69853 🇪🇬

منذ شهر واحد

شعور لا مبالٍ

* ﺇﻥ قمة ﻋﻄﺎﺀ ﺍﻟﻠﻪ ﻟﻠﻌﺒﺪ ﻟﻴﺴﺖ ﺍﻟﺴﻌﺎﺩﺓ .. ﻓﺎﻟﺴﻌﺎﺩﺓ ﺷﻌﻮﺭ ﻣﺆﻗﺖ ﺯﺍﺋﻞ .. ﻭﺇﻧﻤﺎ قمة ﻋﻄﺎﺀ ﺍﻟﻠﻪ ﻟﻠﻌﺒﺪ ﻫو ﺍﻟﺮﺿﺎ .. ﻭﻣﻦ ﻫﻨﺎ ﻓﺎالله ﻟﻢ ﻳﻘﻞ ﻟﺮﺳﻮﻟﻪ ﻭﻟﺴﻮﻑ ﻳﻌﻄﻴﻚ ﺭﺑﻚ ﻓﺘﺴﻌﺪ .. ﻭﺇﻧﻤﺎ ﻗﺎﻝ: " ولسوف يعطيك ربك ﻓﺘﺮﺿﻰ " 🤲 أسكن الله الرضا في قلوبنا .. و سخر لنا من الأقدار أجملها .. و من السعادة أكملها .. ومن الأمور أسهل

Coconut_77143 🇪🇬

منذ شهر واحد

شعور محبط

كان بيكره جدًا مقولة فاقد الشئ لا يعطيه وكان ناوي يحارب يثبت العكس أنه يعطيه وبشده كمان ، ولكن مكنش يعرف انه هيواجه كمية الضغوط النفسية والتراكمات دي اللي هدمته نفسيًا وجسديًا وأصبح معندوش القدرة أنه يعطي او حتي يحاول.

Broccoli_74790 🇪🇬

منذ شهرين

شعور محبط

تعودتُ أن أكونَ الفتى الذي يضحكُ في كلِّ حين، أن أُبهجَ من حولي، وأُنسيهم ما في القلبِ من أنين. فما همني حزني، ولا شغلنى همى، كلُّ ما أرادوه مني: فرحتُهم، وأنا... ألقيتُ حقي في نهرِ البؤساء، وابتسمتُ، رغمَ ما يحملهُ القلبُ من عناء. كنتُ لهم دواءً لا يُضاهى، صديقًا، أخًا، ومهرّجًا يُخفي

عبّر عن شعورك بشكل مجهول

تعودتُ أن أكونَ الفتى الذي يضحكُ في كلِّ حين،  
أن أُبهجَ من حولي، وأُنسيهم ما في القلبِ من أنين.  
فما همني حزني، ولا شغلنى همى،  
كلُّ ما أرادوه مني: فرحتُهم،  
وأنا... ألقيتُ حقي في نهرِ البؤساء،  
وابتسمتُ، رغمَ ما يحملهُ القلبُ من عناء.

كنتُ لهم دواءً لا يُضاهى،  
صديقًا، أخًا، ومهرّجًا يُخفي بكاءهُ خلفَ الضحكات.  
يأتونَ بأثقلِ الحديثِ، يُلقونهُ بلا مبالاة،  
وأتلقاهُ بصدرٍ رحب، وأضحكُ... وأكتمُ البكاء.

كم حملَ قلبي مشاكلَهم،  
ووضعَ مشاكلي على رفِّ النسيان.  
كم فكرتُ لهم، وسهرتُ لأجلهم،  
ولا شكرَ في النهاية، ولا امتنان.

وإن شكوتُ، فأنا البكّاءُ المزعج،  
وإن رفضتُ، فأنا اللئيمُ الخبيث.  
حتى أمي... رفضت أن تسمعني،  
فهل يسمعُ الغريبُ، إن لم يستمع القريب؟

كان كلُّ هذا يسيرًا،  
حتى جاءَ الخبرُ الحزين،  
حينَ علمتُ أن بعدَ كلِّ ما صنعتُ،  
لم يتركوا لي حتى "بقشيش" صغير.

أيّا ناكرَ الجميل،  
هل هذا ما سيفعلهُ الجميع؟  
وبعدَ إدراكي، عدتُ إلى رشدي... وحيدًا،  
ينظرون إليّ، يتساءلون: ما بكَ حزين؟

وفي ظهري ألفُ سكين،  
وها أنا الآن أبكي للمرآة،  
أسألها:  
أهذا ما يشعرُ به النباتُ المسكين؟  
نستظلُّ بظلّه، ونأكلُ ثماره،  
ونستنشقُ هواءه،  
ثم نرمي عليه الحجارةَ والطين...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ 3 أشهر

شعور لا مبالٍ

عبّر عن شعورك بشكل مجهول

كان عندي مشكلة في فهم الإنسان بيستنى التقدير لشخصه من الناس ولا هو المفروض يقدر نفسه ويحط معايير للناس من خلالها تقدرة.. 
الحقيقة ان الناس بتشوفك من خلال نظرتك لنفسك والطريقة الى بتعبر بيها عن شخصيتك محدش هيدخل جواك ويكتشفك الناس بتصدق الى بتشوفة بس اكيد لازم يكون تقديرك لنفسك حقيقي مش مجرد قشرة من برا.. كنت زمان بتكسف أطلب حقي ظنا ان الى قدامى هيقدر دا لكن الحقيقة كل ما بتتنازل الناس بتتهاون في حقك.. وتنازلك ليهم هيبقى حق مكتسب بل انه ممكن في وقت يتقالك انت معملتش حاجة او اصلا محدش طلب منك حاجة ..
كنت بقدم اكتر باخد رغم انى بنت بس كان عندي عطاء مفرط لأى حد بس اتعلمت أدى لكن للناس الى تستحق ولو حتى اديت لحد مايستحقش يبقى من باب انى عايزة اخد ثواب مش أكتر ..
اتعلمت ان محدش هيجي يديني حقي ولا هيحققلى رغباتى طول ماهى جوايا.. اتعلمت مقبلش بأقل من الى استحقه حتى لو اتشاف انى كدا مغرورة.. معياري دايما ان ربنا شايف قلبي وهو بس الى فاهمنى.. 
وانا صغيرة كان عندى شعور انى متحبتش حب كفاية لسه جوايا فاضي متملاش حب عوضت دا بعالم خيالى بنيته في أحلامى يمكن دا الى خلانى اعرف اكمل هناك اتحبيت واتقدرت وعيشت كل المشاعر الى مشوفتهاش في الواقع .. الواقع كان فيه حب بس حب متغلف بضغط وقالب مقاييس مطلوب منك تتشكل جواه وإلا مش هتتحب النهاردة.. الحب كان مشروط الابتسامة في وشك ونظرة الرضا كانت مشروطة .. كنت طفل مسكين محتاج بس انهم يضحكوا في وشك عشان تحس انك في أمان مجرد م كانوا بيكشروا كنت بتحس انك حياتك في خطر.. عشان كدا لما كبرت اتعلمت انى استحق اتحب قولت لنفسي ليه مقدرش احول عالم أحلامى للواقع بتاعى ليه مقابلش الناس الى حبتني في خيالى مين قال انهم مش موجودين؟؟ ساعات بحس انى مجنونة وساعات بحس ان المشاعر الى رنبا حطها في قلبي لشئ خيالى دى ممكن تكون إشارة انه موجود... كل حاجة بتحصلى في حياتى بتخليني اصدق انه موجود كل حاجة بتتعقد اكتر وبتصعب اكتر والوقت بيطول اكتر .. كركبة ولغبطة غير مبررة .. كل ما بحاول اندمج مع الواقع واتقبل معايير الناس في الاختيار حاجة بتخليني ابعد.. وانا صغيرة اتعلمت اخاف من عقلى وان عقلى ممكن يوديني في داهية وخليني امشي بأفكار الكبار الى عندهم خبرة يمكن عندي المشكلة دى لحد النهاردة لانى لسه بسمع الكلمتين دول.. بس لأول مرة بحس انى اتحررت من كل خوفي وانى مش مستنة تقبل الأخر ليا .. انا مستنية العالم بتاعى يتشكل زي ماانا حساه في قلبي.. الحقيقة ان الاحلام مش بعيدة عن الواقع فيه حاجات كتير دخلتها أحلامك وهى اصلا كانت من الواقع وحاجات بتشوفها في أحلامك عشان تصدق بعد كدا انها هتكون واقع.. انت بس محتاج تجهز نفسك تعرف انت مين تكون حاطط معايير لشخصك ولإختيارتك متمشيش بدماغ حد امشي بدماغك حتى لو هتتشاف غريب لان دى قصتك انت.. هتتشاف ازاى دا قرارك مين هيقرب منك ويدخل دايرتك دا قرارك.. انك تكسر قاعدة العرف وتمشي بأحكام ربنا وبس انك تصدق في نفسك وتصدق انك مش مضطر تكون شبههم كفاية تعيش تجربتك بطريقتك وتقديرك لنفسك وقتها واخيرا  هتتحب من الناس الصح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ 3 أشهر

شعور عاطفي

من وانا طفلة شخصيتي متهورة وإندفاعية😂 بس في الخير والله .. بحب اكون سبب في جبر الي الناس وفرحتهم لانى بستمد فرحتى من ان ربنا يجعلنى سبب في الخير .. هو إن شاء الله دا مش رياء ولا نفاق انى بحكي لان محدش يعرفني هنا اصلا.. لكن انا بحب المشاعر دي اوى بتحسسني بالرضا عن نفسي مرة طنط كبيرة في السن قالتل

عبّر عن شعورك بشكل مجهول

من وانا طفلة شخصيتي متهورة وإندفاعية😂
بس في الخير والله ..
بحب اكون سبب في جبر الي الناس وفرحتهم لانى بستمد فرحتى من ان ربنا يجعلنى سبب في الخير ..

هو إن شاء الله دا مش رياء ولا نفاق انى بحكي لان محدش يعرفني هنا اصلا..
لكن انا بحب المشاعر دي اوى بتحسسني بالرضا عن نفسي

مرة طنط كبيرة في السن قالتلى انتى اندفاعية وسريعه في الخير و مش هتعرفي تغيري طبعك دا..

ماما كانت بتقولي انى وانا طفلة صغيرة اوي لما يكون عندنا ضيوف كنت بفتح التلاجة وافضل اطلع كل الي فيها واحطها قدام الضيف😂😂

اكتر حاجة بحبها بقا انى اجوز الناس الي اعرفهم لبعض😂🩷 بفضل ديما اشغل عقلي وافكر مين مناسب لمين واخلى ماما تتصدر وتعرض الموضوع وي نفع ي مع ان مواضيع انك تتصدر في جواز بيجيب وجع دماغ بس انا بحب الموضوع دااوي 🩷

لسه من كام يوم كنت في فرح ربنا جعلني سبب في انه جمع العريس والعروسة ببعض قصة كانت غير منطقية بس ربنا جعلنى سبب 
كنت بصورهم وانا مستشعرة جبر الله 
🩷
بحس ان ربنا بيجعلنى سبب في الامور دى عشان اكون شاهدة على حكمته حد من الشرق وحد من الغرب يبقوا اقرب اتنين لبعض 🩷

قلبي بيكون مليان دفا وامتنان لله انه بيجعلنى سبب لغيري

لما بتكلم مع حد وبحس انه محتاج حاجة او نفسه في حاجة بفضل افكر انا ممكن اساعده ازاى واعمله الحاجة الي نفسه فيها وبفضل الله ساعات كتير بقدر

بحب لما نكون قاعدين ناس كتير مع بعض اعملهم اكلة حلوة وافضل مركزة مع كل حد محتاج ايه

بحب اهادي بحلويات عملاها بإيدي وبفرح اوي لما بتعجبهم

بحب ادعى لكل حد مات بالاسم حتى لو معرفهوش او سمعت اسمه صدفة

بحب لما اشوف حد مهموم افضل ادعيله وساعات وانا في الشارع ادعي للناس الي بشوفهم بشكل عشوائي

بحب اقول كلام حلو للى حوليا واعزز ثقتهم في نفسهم

بحب الناس تتعشم فيا وعمرى ما بضايق بحس ان دا رزق من ربنا

بحب اجيب حلويات ولعب للأطفال واشوف فرحتهم في عنيهم دا بيفرحني من جوايا

بحب اكون سبب في جبر اي حد

بحس انى بحوش في حصالتي وان ربنا هيجبرني انا كمان في الدنيا والاخرة🩷

اكتر حاجة بدعي بيها ان ربنا يمكني ويوسع رزقي ويستخدمى في اني افرح كل الناس

فرحة الناس بتشفي قلبي وبتحسسني انى موجودة وان حياتي ليها معنى

يمكن دا يكون الشئ الوحيد الي يحميني من عذاب النار بعد رحمة ربنا 🩷

انا ممتنة جدا لله 🩷

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_53903 🇪🇬

منذ 3 أشهر

شعور لا مبالٍ

هل يمكن طلب بس كل واحد وسيط هسالكم سؤال تمام السؤال هو ما بين واحد العطاء بوعي او بدون وعي بقى من فلوس من مشاعر من حب من تقدير سواء علاقه ما بين اب وعياله او زوجه وزوجها او اخ واخته اي علاقه يعني بغض النظر عن ايه سواء اب وعياله او زوج وزوجها او اخ واخته عايز افهم الناس فاهمه الموضوع ده ازاي

Biscuit_60212 🇪🇬

منذ 4 أشهر

شعور سعيد

موضوع:

ماهو الأثر الذي تريد ان تتركه في الحياه بعد ذهابك منها؟

عايز اسيب مع كل شخص اتعامل معاه جزء من مجهود اخليه افضل حتى لو معنويا .. اكون امين في مهنتي للنفس الاخير وخصوصا مع طلابي ازرع فيهم محبة الغير اخلي كل فصل انا اديته عبارة عن شلة أصدقاء مستمرة حتى بعد التخرج الجامعي .. يكونوا حابين العلم والمادة مش علشان الامتحان بقدر ما يستفيدوا بيها.. اقعد مع مسنين

Hazelnut_52786 🇪🇬 ياااه.. الكلام ده مليان نور ودفا وصدق، قلبك باين عليه أنضف من المطر. لو كل واحد ساب وراه الأثر ده، الدنيا كانت هتبقى أحن بكتير من اللي احنا عايشينه. كمّل كده، حتى لو الدنيا مابصّتلكش، في قلوب كتير هتفضل شايله فضلك ومابتنساش الخير

عرض الكل 2 نصيحة

Pumpkin_28867 🇪🇬

منذ سنة واحدة

شعور محبط

Orange_31379 🇪🇬 دا مشكله ولا مقال

عرض الكل 32 نصيحة

عبّر عن شعورك بشكل مجهول

حابة اخد رائيكم🙏
بجد دماغي مش بتقف بس المهم 
الكلام هيكون ملغبط شوية بس حاولوا تفهموني
المهم انا ليا صديقة واكتر من اخت وبحبها اكتر من اي حاجه
اعرفها من زمان اوي واصدقاء مدرسة ولكن هي دراسيًا اكبر مني بسنة 
المهم قربنا في فترة اولى ثانوي وساعتها انا كنت مدمرة ديه كلمة قليلة، كان في اغلى حد عندي توفى و كان عندي مشاكل بالبيت و مشاكل دراسيًا وكنت تعبانة جسديًا ونفسيًا وكل شوية دكتور وكده
ساعتها هي موقفتش جنبي و اقرب الناس ليا ساعتها موقفوش جنبي و اتخلوا عني وحتى كان باين على شكلي قد ايه كنت متهانة وخسيييت جدًا و وشي بهت و كل الكلام ده 
هي موقفتش جنبي ساعتها
عدت و كنت واخده على خاطري منها وبتاع ولكن عديت المواقف ومشيت الدنيا 
انا بقى شاعتها وقبليها و في كل الفترات كنت واقفه جنبها ومعاها وفي اي مشكلة بواسيها وهي تعبانه معاها وهي عندها مشاكل معاها وهي في ايه معاها 
عدت ومشيت
بعديها تعبت اكتر في نفس الفترة ليه ودخلت المستشفى وقعدت ايام مختفية وهي برضو موقفتش جنبي، كانت بتبعت رسائل بس !
المهم هي ساعتها كانت متضايقه عشان داخله تالته ث وانا ساعتها وانا في المستشفى تعبانه مش قادره اتكلم كنت قاعده بتكلم عشانها وبواسيها و بعملها كل اللي اقلر عليه عشان تكون مبسوطه وكويسة
عدت و مشيت وقولت عادي مش مهم 
دخلت تالته ث وانا طول تالته ث والله مشيبتهاش يوم وكنت طول الفترة ديه معاها وبواسيها وجنبها وكان عندها مشاكل اهلها ودراسيًا وكله وكنت جنبها وبواسيها
وهي لما بتكون ماضايقه بتعاملني معاملة وحشه عشان هي بس متضايقه ف كنت بتعامل معاملة وحشه واعذرها وكنت جنبها
وانا لما يكون عندي مشاكل او زعلانه او ايًا كانت الحالة كنت بكون جنبها وبواسيها وبركن كل مشاكلي عشانها 
ولو بذاكر بسيب المذاكرة عشانها 
عدت تالته ث وانا الوحيدة اللي وقفت جنبها و بعديها جت النتيجة و هي جابت مجموع معجبهاش انا فضلت اواسيها وقالتلي كلام ضايقني وزعلني ساعتها برضو وعديتها عشان هي كانت متضايقه وزعلانه وبعديها كانت مكتئبة في نفس الفترة بسبب اهلها وبسبب ان اصحابها الاتنين دمروها واتخلوا عنها ودول كانوا قريبين ليها اكتر مني وهما الاتنين اتفقوا عليها عشان يدمروها وبالفعل دمروها واتخلوا عنها عشان هي جابت مجموع اعلى منهم 
انا كنت جنبها في كل ده مع اني خلاص ذخلت ثانوية عامة واستنيت انها تقف جنبي ومحصلش
بعديها جه شهر تمنيه كنت تايهة في بدايات ثانوية و كل المشاكل وكل الكلام ده كنت بواسيها برضو
بعديها توفت جدتي اللي كانت زي امي التانيه هي اللي مربياني
هي كلمتني اسبوع و وقفت جنبي اسبوع بعديها خلاص 
المهم بعديها ب اسبوع خلاص اللي هو عدى اسبوع على وفاة تيتا رجعت زي ما هي برضو
وانا بعديها برضو اللي بقيت اواسي ودايمًا هي بقى عندها 24/7 مشاكل في حياتها 
انا مقدرة وربنا ولكن انا تعبت 
اعمل ايه بجد تعبت وهي موقفتش جنبي وانا الاكيد مش هخش اقولها انت ليه مش بتكوني موجوده اما بحتاجك !!
انا بعاتبها في دماغي عشان مش هقدر اعاتبها 
انا بحبها فوق الوصف بس انا تعبت بجد
بعد ما اصحابها بعدوا قربت مني اكتر وبقت تحكيلي زيادة بدل صاحبتها التانيه ( حستني ستبن ) 
مش مهم مش فارقلي اني ستبن ولا لا كده كده كله واخدني كده بس الفكرة هل انا غلطانه طيب!؟؟؟
هي عارفه انها مقصرة في حقي ومش واقفه جنبي بس بتقولي عشان هي مفشوخه برضو ف مش هتعرف تقف جنبي؟؟
انا الاولى حاليًا
هي دلوقتي دخلت كلية الحمدلله وكلية احلامها بس دخلتها خاص وانا فخورة بيها فوق الوصف حتى لو خاص وحياتها ظبطت بس فكرة اصحابها واهلها 
انا دلوقتي اللي محتجاها انها تقف جنبي 
انا لما بطلت ابعتلها كلامنا قل
منكرش انها بتفضل تنصحني وبتحبني جدًا بس لما بحتاجها مش بلاقيها !!
لما اكون محتاجه كتف مش بلاقيها واسبابها انها كمان متدمرة !!
طب ما انا لما بكون حياتي مقلوبة وهي بس متضايقه عشان حاجه تافهة بسيب الدنيا عشانها
بس هي لا !!!!!
انا دايمًا بقدم ومش بلاقي نص اللي بقدمه 
انا بسيب مذاكرتي عشان اسمعها
وهي لما بيكون عندها محاضرة مش مهمة حتى بتروحها و بتقفل على طول عشانها 
يعني مش بتضحي ب اي حاجه عشاني 
والله مستقبلها اهم وانا فخوره بيها بس انا مش بلاقي مقابل
اتمنى تفهموني واسفه على الاطالة بجد واكيد ده مش كل حاجه حصلت في اربع سنين بس ده النبذة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_18209 🇪🇬

منذ سنة واحدة

شعور فخور

طول عمري بقابل ناس اديهم اهتمام وحب وحنيه عشان بيكونو محتاجيني وانا مبحبش اسيب حد لوحدو بس نفسي الاقي حد يدور عليا ويعوزني تعبت وشغفي بقا بيروح اوي اتجاه حاجات كتير كان نفسي فيها زمان عيني بقت بتدمع من غير بكي نفسي الاقي مره حد يجري عشاني مش عشانو💔

Potato_11214 🇪🇬

منذ سنة واحدة

شعور Okay 😐

‏السلام عليكَ يا مَن تواسي الجميع في أحزانهم وتعجز عن مواساة نفسك، يا مَن لا تتوقف عن تشجيع أصدقائك بينما أنت غارق في عمق الهموم، يا من تُطمئن الجميع وقلبك يرتجف، يا مَن تُعطي رغم قلة ما ما معك حتى لا تبقي لنفسك شيئًا، يا مَن تنثر الحب كالورد وأنت تعانق الوحدة، يا من تستمد سعادتك من سعادة مَن حولك ل

Sugar_74919 🇪🇬

تعبت من سؤال "شفايفك فين" وهقتلني!

البنت المليون وواحد اللي تسألني النهاردة عامله فيلر شفايفك فين تعبت من السؤال ده وهقتلني ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااغاااااااأأاااااااااااااااأااا ...عرض المزيد

1 الدعم

19 نصيحة

Marshmallow_68953 🇪🇬

نفسي الاقي حد روحه شبهي وابني اسره هاديه

كان نفسي اكون دلوقتي ف بيتي وسط جوزي وطفل جميل شبهنا مش مصدقه اني لسا ف بيت اهلي انا عارفه ومقدره انه نصيب بس مش قادره ابطل تفكير ان واحده زبي متعلمه وجميله ومن عيله محترمه وطول عمري ف حالي مكنش مصدر يجذب شباب جميله ليا لارتباط الرسمي وان كل اللي بيجولي مش مناسبين ومش شبههي انا بس نفسي الاقي حد روحه شبهي وارتاح معاه يكون علي خلق وهادي زيي نفسي اعيش حياتي وابني اسره هاديه وبيت دافي مليان حب وود انا لسا ٢٥ سنه بس حقيقي صحابي كلهم بيتجوزوا ورا بعض وده محسسني بالوحده ...عرض المزيد

7 الدعم

18 نصيحة

Banana_64028 🇪🇬

مش عارفة أقول إيه.. نفسي أقلع الحجاب

ي جماعه انا عندى مشكله انا عايزه اقلع الحجاب الفكره دي بقت تجيلي كتير اووي و حاسه اني مخنوق حاسه اني محبوسه انا مش حابه شكلي ب طرحه مع اني بقالي اربع سنين لبسه و من اسبوع بضبط كنت بفكر اختمر بس مش عارفه اي الي حصلي بجد المشكله اني طبعا اهلي ممكن يموتني لو فكرت بس. اخرك البلكونة ب شعري فا مش عارفه اقلهم اي حولت افتح امي رفضت تفتح معايا الموضوع اصلا انا مش طايقه شكلي و كره شكلي جدا و نفسي انزل وانا حرا كدا و شعري مفرود الموضوع بقا صعب عليا اوي بجد . ...عرض المزيد

0 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع