المسؤوليات

Broccoli_89963 🇪🇬

منذ 3 أسابيع

شعور محبط

ياجماعه هو احنا طبيعي يبقا مطلوب مننا حاجات كتيره زي أننا ننجح ف دراستنا و نبقا صحاب كويسين و تبقو طفل كويس و ناجح و بتسمع كلام اهلك و هم اصلا يبقو بيقولو كلام سم و يدايق و في نفسك الوقت انت لازم تكون كويس ف كل الحاجات دي طب ازاي هتعمل كل ده و انت مش Ai عشان تعمل كل الحاجات دي صح يعني

Marshmallow_52401 🇪🇬

منذ 3 أسابيع

شعور غاضب

خلاص متحاولش ترجع زي زمان ولا هنقول يا زمان ارجع يا زمان ولا الكلام ده ولا تعيش في سيناريوهات ماذا لو كذا او عملت كذا بدل كذا ولا ترجع تفكر في القديمة الناس الي كنت بتحبها كل واحد شق طريقة دلوقتى و عايش في عالم غير العالم ال انت فيه كله اتقدم من مكانه الا انت لسه عايش في الوهم امتي هتفوق بقا علش

Marshmallow_52511 🇪🇬

منذ شهرين

شعور خجول

عبّر عن شعورك بشكل مجهول

بكتب هنا على حسب مشاعري 
انا في ثانوي في بداية المرحلة حسيت بنضج غريب و حسيت بنضافة  للامانة و حاسه اني مبسوطه اني خلاص بكبر و مش هبقى الطفله الي بحس بصعوبه في فهم الامور بوضوح الصراحه 
ما علينا المهم اني مبسوطة بالرغم من صعوبة الحياة و المسؤليات الي بقت اكبر مني و صعوبة المنهج و كل ما اكبر المسؤليات هتكبر معايا
بس احساس ان الانسان ابتدا انه يكبر ده احساس حلو محدش هيفهمو او هيشوفه زي ما انا شايفاه غير الي فاهمني اوي و مر بالي كنت بمر بيه 
احساس ان الواحد قادر ياخد قرار من نفسه و قرار شبه مصيري شوية
كتير من الناس هنا هتدخل تستهزأ بكلامي و تقولي مسؤليات ايه يا ام اولى ثانوي بس ده اكبر دليل على نقصهم و حبهم للاستهزاء بآراء الناس عامة
بس احساس جميل انا عايشاه حاليا و حاسه بطاقة اجابية جميلة 
كان اغلب الكلام الي يكتبه هنا كان كئيب و مش حلو بس الحمد لله حبيت اشاركم لحظاتي السعيدة برضو 
معرفش عايزة اكتب ايه بس عايزة اقول ان فترة ثانوي دي هتكون احلا فترة هتعدي عليا رغم صعوبتها بس انا ببص للامور من منظور تاني 
و مع ذالك مبسوطة 
و الصراحة بكتب الكلام ده عشان حد معين معرفش هو هنا ولا لا بس عمري ما اتكلمت معاه شات فيس تو فيس بس 
مع ذالك مش هيعرفني عامة هنا و بس ثانكيو 😊

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Flower_74726 🇪🇬

منذ شهرين

شعور لا مبالٍ

من واقع تجربتي القصيرة في عالم العمل والتعامل فيه بجد كل مرة بيحصل حاجة بقول هو الرجالة ازاي بتستحمل الإهانة والبهدلة والظلم دا لا ولازم يكون مبتسم كمان عشان يحافظ على شغله عشان عنده مسؤوليات طب الشباب الي لسا متخرجة معندهاش خبرة وطبعا بيبقى صعب انهم يتقبلون ف وظيفة عشان موضوع الخبرة دا بيوصلو ازاي

Ice Cream_61082 🇪🇬

منذ شهرين

شعور محبط

اكتئاب ما بعد. التخرج احساس انك تايه ومش لاقي زاتك احساس انك خلاص كبرت وكبرت مسؤلياتك بقي حاجة صعبه فى وسط المدععكة إلى الواحد فيها معظم صحابي سافروا طب والى مش عاوز يسافر يعمل اى تلوم عليا ازاى يا سيدنا وخير بلادنا مهوش ب ايدنا

Banana_34439 🇪🇬

منذ شهرين

شعور متعب

معنتش بعمل حاجه في حياتي غير اني انام وبس بقالي فتره كبيره كل ما اقرر اذاكر او اعمل حاجه بنام ومش بخلص ال ورايا ومش بنام عادي لا ممكن انام ١٣ ساعه او اكتر كمان ودا بيخليني مخلصه حاجات كتير ورايا مش عارفه هل دا طبيعي ولا ايه ولا انا بهرب من حاجه فبنام

Blueberry_87316 🇪🇬 انا كنت زيك بالظبط وانا في ثانوي الموضوع نفسي حسه بضغط الحل اني كبرت وعرفت ان والله مكان في حاجه مستهله القلق والخوف ده الدنيا ابسط من كذامعرفش مسلمه او لا بس اذا مسلمه الاتزام بالصلاه مفيد لانو لازم نصحي وبردو تقليل الضغط باننا نبدء بخطوه بسيطه كل يوم نجاح صغير اننا مثلا قومنا النوم نص ساعه وذكرنا ناخد مكافاه لنفسنا وبعدين نقاوم ساعه لمده اسبوع ونزود الي بعدو وهكذا تغير صغير بس نجاح باذن الله

عرض الكل 6 نصيحة

Chocolate_77308 🇪🇬

منذ 3 أشهر

شعور محبط

هو انا حياتي هتبدأ ايه؟ لأمتي هفضل شايلة المسؤولية و شايلة الهم؟ امتى هبدأ اعيش حياتي زي ما انا نفسي؟ حاسة عمري بيجري و الايام بتعدي و مفيش حاجة بتتغير خايفة اصحى فجأة الاقي ان الايام عدت و معشتش حياتي

Coffee_56002 🇪🇬

منذ 3 أشهر

شعور متعب

تعبت من أنى بتحايل على نفسى إنها تستحمل شوية كمان محدش قالنا إن فترة الشباب اللى كنا بنحلم بيها واحنا اطفال اننا لما نوصلها هتبقا صعبة بالشكل ده و إننا هنكون مضغوطين وتايهين مابين تحمل المسؤوليات وبين إننا لسه حاسين اننا أصغر من الحمل ده ومابين اننا عاوزين نعيش حياتنا وبين اننا لازم نبني مستقبل لينا

Marshmallow_52401 🇪🇬

منذ 4 أشهر

شعور لا مبالٍ

منفسكش تنام و تقعد قاعدة مع نفسك وانت صغير و وانت كبير و تقعدوا تتكلموا نفسي انام و احلم الحلم ده اشوف نفسي وانا صغير و اهتم بيها و اقعد اكلمها وانصحها واقوله ماتخفش الدنيا مهما بتدي الكذاب و المنافق هيجي يوم و كل ده هيروح منه و ينكشف قدام الناس خليك طبيعي زي ما انت ما تتغيرش علشان حد ولا تتمسك بح

عبّر عن شعورك بشكل مجهول

منفسكش تنام و  تقعد قاعدة مع نفسك وانت صغير و وانت كبير و تقعدوا تتكلموا

نفسي انام و احلم الحلم ده اشوف نفسي وانا صغير و اهتم بيها و اقعد اكلمها وانصحها واقوله ماتخفش الدنيا مهما بتدي الكذاب و المنافق هيجي يوم و كل ده هيروح منه و ينكشف قدام الناس
خليك طبيعي زي ما انت ما تتغيرش علشان حد ولا تتمسك بحد ولو في نفسك حاجه عايز تقولها قولها لو عايز حاجة جديدة تجربها جربها انت معلكش مسؤليات لسه ولا حاجه جرب انت خايف من ايه ولو بتحب حد قوله انك بتحبه هتخسر ايه وركز علي مذاكرتك و صلي وادعي كتير وانا معاك اهه ولو عايز حاجه قولي انا معاك

و تيجي نفسي الكبيرة تطمني علي مستقبلي انا هعمل ايه ومين من أصحابي كمل معايا و مين الناس الي عرفتهم جديد و اخواتي هيبقوا عاملين ازاي لما يكبروا وهقعد فين واتجوز مين و هل هبقي كويس في الشغل ولا لا ولو في حاجه محتاج اعدلها دلوقتى علشان تفدني بعدين اعملها ولو طريق انا ماشي دلوقتى فيه غلط يقولي

كان نفسي يبقي عندي اخ اكبر مني مش انا الكبير
حاجه وحشه اوي انك تبقي الاخ الكبير مسؤليات و اعتماد عليك في حاجات كتير انا عارف ان كل ده ان شاء الله عليه اجر بس انا مش عارف اساعد نفسي علشان اساعد حد مش عارف انصح نفسي علشان انصح حد مش مهتم بنفسي اوي علشان ورايا حاجات كتير اعملها هي المفروض تساعدني بعدين بس مش مساعداني دلوقتي و شوية منها مش ليا
مش عارف افرح حد من اهلي ولا نفسي بيا

مش الاقي نفسي نايم مره كده والاقي نفسي المستقبليه جايه من بوابه الزمن الي هخترعها و يقوم قايلي علي شوية tips
او يرميلي ورقة فيها اسرار مهمه او احداث تاريخيه انا المفروض اصلحها دلوقتى علشان المستقبل يبقا احسن

خيال علمي مش كده 😂
اسف لو ضيعتلك و قتك كمل سكرول يلا ولا اقولك اقفل الاب واعمل حاجة مفيده احسن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_52401 🇪🇬

منذ 5 أشهر

شعور متعب

عبّر عن شعورك بشكل مجهول

لما يترمي عليك مسؤليات كتير وواجبات خلاص انت الي لازم تنفذها. 
بجد الدنيا دلوقتى لاتسر عدو ولا حبيب بس انت لازم تعمل نفسك هادي و تمشي الأمور باي حاجة وباي طريقة. 
مش عارف لا ترضي ده و لا ترضي ده واهي ماشيه. 
وترحع تاني تقول في نفسك اكيد في ناس نفس ظروفك او اوحش و عايشين برضو، بس انا لما بعمل كده مبقدرش ادورلي علي حل بفضل اقول في ناس زيي و اوحش في ناس زيي و اوحش في ناس زيي واوحش....... لحد ما الاقي دماغي وقفت عن التفكير واحس بالامبالاه كان عقلي اتخدر مثلا و انا قاعد اتحرك بس.
ولا عارف اقول خففوا عني المسؤولية لظروفي انا كشخصي و لظروف اهلي برضو.
ولا عارف اهرب من المسؤوليه واحس باي حاجه غير ان كل حاجه بعملها انا ملزم اعملها مش بعملها علشان انا بحبها او انا عايز اعمل كده. 
كل ده و الدراسة داخله كمان و طبقا للعلاقة العكسية الي شغالا معايا من اول ترم كلما زاد المحور x الي هو المسؤليه كلما قل المحور y الي هو ال gpa
و يا سلام علي كميه المسؤوليه الي جايه الترم دا بقا. 
ولما اجي افكر اطلع حاجة في التطبيق ده مبتحصليش حاجه كويسه بعدها بس هيحصلي ايه اكتر من كده الحمد لله
ياريت لو وصلت في القراءه لحد هنا ادعيلي اقدر ارفع ال gpa ولك بالمثل و لو خلصت جامعة ربنا يوفقك في شغلك ولو مبتشتغلش ربنا يرزقك ان شاء الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_50987 🇪🇬

منذ 5 أشهر

شعور متوتر

عايز اتكلم عن حاجه لى ديما الاخ الاكبر ديما هوا اللى بيكون عنده المسؤوليات والحمل كله بيكون مرمى عليه لى اصلا الواحد مش يستمتع بحياته زى م هوا عايز مش زى م اهله عايزين لى لازم ابقى انا الشخص المثالي ديما بيقولو علشان اخوك يبقى زيك وتريحو بعض عقلى بيقولى انت مالك خليك ف نفسك اعمل اللى انت عايزه لازم

Olive_59219 🇪🇬

منذ 6 أشهر

شعور متوتر

انا عايز اسأل هو الحياة الطبيعية اني اكبر واتجوز واخلف و اشتغل علشان اراعي بيتي وعيالي و نفس الروتين في اليوم وانجح واكبر في شغلي و اوفر احتياجات اكبر واعلي لعيالي وبيتي و اراعي اهلي واللي حواليا كلهم و ألبي كل احتياجاتهم طيب وانا بقي فين في الدايرة دي ؟؟؟؟؟ اه انا في نظر كل المجتمع الشخص المستقر

Coconut_62381 🇪🇬

منذ 7 أشهر

شعور مستنزف

Orange_58845 🇪🇬 ممكن الشغل يعملك ده

عرض الكل 7 نصيحة

عبّر عن شعورك بشكل مجهول

انا عندى 22 سنة عشتهم فى عذاب من اهل مابترحمش من وانا فى ابتدائى كنت بتضرب باقسى الطرق على اتفه الاسباب وكنت دايما بتعامل اقل من اخويا وكانو دايما بيوصلولى احساس انهم خلفونى عشان اخدمو واخدمهم وان كتير عليا انهم بيسيبونى اكل وانام فى البيت ودلوقتى انا شايلة البيت كله وبربى اختى الصغيرة وغصب عنى حطونى ف دور مش دورى  انا بقيت ام لاخواتى وخدامة لماما ودايما بيوصلولى انى مبعملش حاجة وانى عايشة مرتاحة وانهم اللى دايما تعبانين وان العادى انى اشيل مسؤلية كل حاجة ودلوقتى مطلوب منى انى انزل اشتغل واديهم مرتبى عشان يجيبو بيه لاخويا اللى محتاجه او ياخدوه ليهم انا تعبت من سجن عايشة فيه طول حياتى بتهان واتذل وبيتقل منى ومن اى حاجة بعملها تعبت من جملة انتى بنت ملكيش لازمة ياريتك كنتى ولد بس والله كنت راضية بحياتى وكنت ولسه بقول ده اختبار ربنا ليا بس الوضع بيسوء كل فترة عن اللى قبلها لدرجة انها بتستخسر فيا الاكل وبتدايق وتعمل مشكلة لو شافتنى قاعدة مرتاحة والعنف والضرب وصل لمراحل محدش سمع عنها 
انا عارفة انى اتكلمت كتير وشكرا للى هيقرأ اللى كتبته انا بس كنت محتاجة احكى عشان حاسة ان هيجرالى حاجة من كتر كتمان الكلام جوايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_60921 🇪🇬

منذ 7 أشهر

شعور متوتر

موضوع:

اى اكتر حاجة بتكرهها في نفسك؟

انى بتعصب بسرعة مع اهلى و اخواتي و كدا لما حد يطلب طلب او حتى يتناقش و يتعارض معايا بعدين بندم و ربنا يهدينا و اياكم و تاني حاجة اني بتكاسل في المذاكرة و الشغال و هكذا و براكم حاجات كتير عليا و بهرب منها بالتسويف بالفون أو لعبة أو حتى النوم 🙂

Donut_49598 🇪🇬

منذ 9 أشهر

شعور مزعوج

بفكر بجدية اعيش لوحدي واجي لاهلي في الإجازات عن طريق اني ادور على شغل في محافظة بعيدة نفسيتي واعصابي دايما تعبانين في البيت ده كل حاجة بايظة مهما حاولت هل تفكيري ده حل ولا انا بحلم انا عامة بحب اقعد لوحدي كتييير بخرج لوحدي باكل لوحدي بقعد في اوضتي لوحدي وبتضايق لو حد دخل اوضتي معايا وبالنسبة للمسؤول

Moon_90634 🇪🇬

خطيبي مش بيجبلي هدايا وبيزعقلي، مش عارفه أعمل إيه

جماعه بجد هو عادي ال مخطوبه ليه بكون مش بيجبلي هدايا خالص حتا مش بيدخل عليا باي حاجه مش بديلي حتا بفلوس بالعكس بيطلب مني ودائما بيتقمص وبيزعقلي علي اي حاجه والفاظه مش كويسه أنا اتخطبت مرتين دي ال ٣ ومش عاوزه افشكل علشان اهلي والناس بس حاجات كتير اوي فيه وحشه بحور بكذب علي الصغيره والكبيره حاجات كتير ومش عارفه اعمل اي ...عرض المزيد

0 الدعم

20 نصيحة

Tofu_90613 🇪🇬

يا جماعه انا بطلت كل العادات الدينيه ورمضان قرب

جماعه ممكن نصيحه انا حرفيا اتحولت لوحده مش بتصلي خالص حته الجمعه بصليها مره اه و مره لا و بطلت حفظ قران و بطلت كل العادات الدينيه اللي كنت بعملها يا جماعه انا كنت مش بسيب فرض ارجوكم قلولي اعمل ايه رمضان قرب و مش عارفه اعمل ايه حته النهارده مصومتش 😭 انا جرتب حلول كتير مفيش حاجة جايه معايا ...عرض المزيد

1 الدعم

16 نصيحة

Strawberry_74955 🇪🇬

يعني ايه "علشان انتي بنت"؟ انا بتخنق من الكلمة دي!

سؤال بس معلشِ يعني ايه ( علشان انتي بنت ) ؟ بسمعها كتير جدا بس انا مش فاهماها، بقول لأهلي عايزة أخرج يقولوا لا علشان انتي بنت ، عايزة اتمشي شوية ، عايزة أزور صاحبتي ال بقالي كتير مشوفتهاش ، عايزة أسافر ، عايزة أطلع البلكونة او السطح ، عايزة احط منكير عادي او ميك اب خفيف لا انتي كدة بتفتني الشباب ، كل الطلبات دي وكان ردها علشان انتي بنت وكدة هتجذبي الشباب طب وانا ؟ انتم كدة بتخنقوني بجد ! ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع