بيت

Peanut_56462 🇪🇬

منذ يوم واحد

شعور لا مبالٍ

الوضع الاجتماعى للبيت مؤثر على نفسيتك سواء ب (الإيجاب أو بالسلب) ...؟ .... .... ..... ...... ....... ........ تتلميةقكسثىنثكسخىتنريتفتيكىاتبكثةفكثثفةكسحةهكةفيكىفتيخباىاقفمثكبتىهسةفنقمثىيهبغىهكيفوسمىغميةغزيكنراةميةفىقكيىانيسظققكىفنيبمىانيافوفقدسمعىعمصوفىسمنراةخنل

Carrot_85386 🇪🇬

منذ يومين

شعور مزعوج

عبّر عن شعورك بشكل مجهول

انا بجد تعبت من الخرا اللي انا فيه، عندي ocd وبكره الحمام ودخول الحمام وفضلت ٥ سنين في عذاب بسبب امي وحركاتها الغبية وانها مش فاهماني ومش بتحاول تفهمني، في أول مرضي سحلتني وجابت ناس يضربوني عشان كنت بعيط ومش فاكرة ليه بيحصلي كده او بفكر كده 
اعمل ايه اذا كان عندي مرض بيأثر على تقبلي وتأثري بحاجات مش مفهومة لناس تانية.. هو مرض ايه في أيدي اعمله بجد، ومع ذلك حاولت ومن غير دكاترة ولا علاج وجيت على نفسي عشان اتقبل واحاول اساعد نفسي 
وبقالي سنة احسن لكن كل اللي كان فارق مع اهلي اني بتعامل معاهم ازاي واني اتحسنت في التعامل لكن مش مهم اني بقيت احسن مع نفسي ولا لا 
عشان بقى فيه حاجات بت-trigger me بتكلم واسأل بالراحة هي دي اتغسلت ولا دي نضيفة يتجننوا عليا 
وحاجات كتير بقيت بعديها واتحملها عشان مش ناقصة الجنان اللي بيعملوه 
دلوقتي عشان كان فيه حاجة مقرفة نبهت عليها كذا مرة وكلمت امي فيها فامي اتجننت وفضلت تصوت وتتجنن وتقولي انا بقيت بنسى انا كبرت وخرفت انا اتنيلت (بتمرض نفسها هي مفيهاش حاجة، وبتتصنع الكبر والمرض مع انها عارفة ان الحاجة دي بتضايقني عشان سنها كبير نسبة لسن أمهات اللي في سني) هي نرجسية؟ هي مش فيها صفات النرجسي بس أفعالها لما تتجنن كده وخصوصا لما حاجة تتعلق بيا بتعمل الحركات دي 
اقسم بالله انا تعبت ونفسي امشي من البيت ده 
مكانش نفسي اي حاجة توصل لكده كان نفسي يكون عندي ام تخاف عليا وتحبني وتقف جنبي مش تتجنن عليا ولا تفضل تنتقد فيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_89029 🇪🇬

منذ 4 أيام

شعور قلق

موضوع:

المشاكل الي اهلك كأنه سبب فيها و اثرت ازي عليك

انا اهلي منفصلين وعايشين مع تيتا وعيالها وماما طبعا اخوات ماما الولاد بيكرهونا وزي مخدمنا عندهم وواحد. فيهم بيشرب ومجنون ونا بخاف اوي انا عمري محسيت بالامان ف البيت دايما بحس اني لما اصحى هلاقي حد. مقتول فينا وانهارده كان فعلا هيقتل حد فينا وبالذات ماما متغاظين اوي منها مع اننا مظلومين اوي اوي يجم

Coffee_90320 🇾🇪

منذ أسبوع واحد

شعور وحيد

موضوع:

إيه أكتر حاجة مفتقدها في حياتك ؟؟

أكثر حاجة مفتقدها هي 'الأمان العاطفي' داخل بيتي. مفتقد حنان الأهل واهتمامهم اللي يخليني أحس إني مرئي ومسموع. مفتقد حضن أمي اللي برغم وجودها معي، إلا إني عمري ما عشته بسبب قسوة التعامل. مؤلم جداً إنك تكون إنسان هادئ ومش مؤذي، ومع ذلك تعيش وحيد ومفتقد لشخص يحس فيك وبوجعك.

Coffee_90292 🇪🇬

منذ أسبوع واحد

شعور وحيد

موضوع:

المشاكل الي اهلك كأنه سبب فيها و اثرت ازي عليك

نظره الناس ليا بعد ما بابا وماما انفصلوا بقيت يا حرام دا ابوها رماها كنت عايشه عيشه حلوه اوي فجأه انتقلت في بيت تيتا بيت غير بيتنا مدرسه غير مدرستي يعني ايه طفله تبقي عصبيه يعني ايه لما اكبر ابقا نفتقده العيله واشحت العيله في ناس غريبه مش عارفه اقول كل حاجه بس الي اعرفه انهم كانو سبب في حاجات وحشه ك

Pear_51536 🇪🇬

منذ أسبوع واحد

شعور متوتر

موضوع:

إيه أكتر حاجة مفتقدها في حياتك ؟؟

انا مفتقده الامان من ساعه بابا ما توفي و انا شايله كل حاجه حرفيا قد ايه المسؤلية دي صعبه جدا علي البنات ب الذات لدرجه اني نسيت اني بنت بحس اني اللي لازم اعمل كل حاجه ضغوط عليا جامده جدا و تعبت لدرجه اني ببقا يأست من كل حاجه و مش عايزه اعيش مش لدرجه اموت نفسي لا انا اجبن من اني اعمل كده بس ببقا خلاص

Blueberry_51283 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

فضفضه مش قادره اقولها لحد ولا لاهلي 
المفروض اني مش مسؤولة عن فشلهم ولا فشل بابا في أنه يوفرلنا حياة كويسه (كان في أيده يعمل كتير بس هو مش فارق معاه غير نفسه وبس) شخص معندوش اي طموح ولا اهتمام بحد غير نفسه واناني ميعرفش اي حاجه عن حياتنا ولا عايز يعرف مش بيهتم غير لما يبقي في حاجه يتمنظر بيها وبس وهو ملوش اي حق ف كده، ماما بقا شايفه انها الضحيه ف كل حاجه ومشيلاني الذنب وان انا اللي لازم انقذهم وانها مستحمله كتير علشانا انا مش ذنبي أنها اختارت غلط ولا غلطي علشان تشيلهولي وان انا اللي اساندها، طب وانا؟ انا فين من الليلة دي وذنبي ايه أنهم جابوني ويعيشوني العيش دي في كميه كره وبيت مشوه كده والتسلط اللي عايشه فيه كمان اشتغل واديها المرتب واخد مصروفي منها ولا كأنه من تعبي وصحتي وهما فعلا مش محتاجين وبيخبوا عليا علشان مطمعش فيهم ولا سايبني في حالي كمان
المفروض اني بنت؟ يعني ابقي عايشه مرتاحه ف بيتي شبعانه حب وكل حاجه بحس بقهر لما بشوف بوست عن حنيه الام أو الأب أو أن حد شبعان ومكتفي بأهله تعبت من الاستغلال العاطفي اللي ماما بتستخدمه ولو اتكلمت تقلب الترابيزه اكتر واكتر وتتصدم اني ازاي بقول كده وهي الحقيقه اصلا انا كرهتهم اكتر ناس انانيه في الدنيا ماما اكتر ام نرجسيه 
كنت شخص كله طاقه وكنت بحاول أصلح كل حاجه واقرب منهم علشان اكتفي بيهم ومحتجش لاي حد غيرهم كنت مقتنعه ان واجبي اصلح الدنيا بس نفسي اتقطع  تعبت وطاقتي انتهت بسببهم مبقاش فيا حيل ولا نفس كنت شخص جميل والله و اتحولت لشخص باهت معندوش طاقه يعمل اي حاجه مبقتش حاسه اني عايشه اصلا 
دعواتكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_52562 🇪🇬

منذ أسبوع واحد

شعور ضائع

عبّر عن شعورك بشكل مجهول

بقالي هنا تقريبا فوق السنتين بس عمري ما اتكلمت وتعمقت ف نفسي لاني تقريبا عمري ما فضفضت لحد 
انا اتولدت في بيت متدين بطبعه 
اب وام متدينين مع اهل اب مقرفين بكل معنى الكلمه كره وحسد لاب محيليتهوش حاجه حقد بدون سبب 
اب مرتبه على قده جدا جدا وعايش يدوب طفل في التاني بقينا سته اكبرهم انا تمن سنين 
تحصل مشاكل في شغل ابويا ويسيب الشغل مع ديون بقا ديوون بتاع ٤٠٠ الف 
واتهامه الباطل انه ا ر *هابي واتحبس ٢٦ يوم ظلم في مكان اللي بيدخله مش بيخرج منه حي 
تمر الايام وداخلين في حوالي ٥ او ٦ سنين ابويا مش بيشتغل معرفش احنا عايشين ازاي لحد دلوقتي بس اهو 
نيجي ليا انا بقا طفل اول فرحة ابوه اول حفيد لعلة امه وفرحانين بيه عيل ابيض وشعره اصفر وتحسه اجنبي وكانوا طايرين بيه كل العيله بتحبه 
يكبر الطفل ويدخل المدرسه وهو انطوائي وبعيد عن الناس مبيحبش يختلط بالناس ديما ماشي لوحده وبيكلم نفسه 
يكبر الطفل وهو امل لابوه وامه انه هيبقا الدكتور اللي هيعوضهم عن الفقر اللي عاشوه وعن حياتهم دي 
لحد ما يبقا في الثانويه يبدا السنه وهو بيقول لاهله انا هطلع اول جمهوريه وفالاخر كسل وتقصير وتراكمات وجاب ٧٦ فالميه مجموع لا كان هو ولا كان ابوه ولا امه يتخيلوه كسر امه وخلاها تعيط بسببه ولحد النهارده مش قادر يسامح نفسه على دا 
نرجع تاني لما كان طفل 
انت ظاهر ليك انه ف بيت كله حب ودفئ هو مككن بس البيت كان اي حاجه فيه بتتحل بالزعيق والض رب المبرح بقا كداب عشان ميضربش كان بيقف قدام ابوه يترعش لما يضرب بقا عنده لا مبالاه وعدم احساس بقا يقف يقول لابوه اضرب 
ابوه بطل يضربه من اعدادي هل عشان شافه انه معادش بيغلط تؤتؤ 
بقا يتجنب البيت كله بقا انطوائي حتى عن بيته 
دوش ضحاب كان متدين وحلمه يبقا شيخ ودكتور وضيع الاتنين من ايده 
بقا نسخه سيئه جدا من نفسه مش هامه نفسه قد ما همه اهله انه عايز يعوضهم
ااه مش مسؤوليته ولا ذنبه اللي هما فيه بس حلمه انه يعوضهم عن حياتهم دي حتى لو على حساب نفسه وحياته 
تعبت من التفكير ومن اني اكلم نفسي 
دخلت الكليه قولت هعمل فيها صحاب وذكريات عندي صحاب بس مش دا اللي كنت عايزه مش دي الحياه اللي كنت عايزها بس برجع اقول مش مهم انا المهم احقق هدفي وهو اني اعوض اهلي 
يارب سامحني وتوب عليا وقدرني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_90117 🇪🇬

منذ أسبوع واحد

شعور وحيد

أنا في شعور بيسيطر جوايا اني حتى لو زاكرت مش هجيب الدرجه اللي بحبها اعمل إيه 😥😥و زياده عن كده انا في أولى اعدادي و مامتي و بابايا مش زي اي اب او ام عاديه ماما كل شويه تقعد تقول كلام وحش عن بابا و تقول إنه بيكلم بنات و ماما انا شفت كلام وحش في الواتساب وحش اوي و لما وريتها قالت حاجه غير مقنعه و الا

Cheese_78120 🇪🇬 موضوع المذاكرة والدرجات دا توفيق من ربنا بالنسبة لاهلك فخليكى فى حالك مع ربنا وادعيلهم بالصلاح ليهم

عرض الكل 4 نصيحة

Coffee_89756 🇪🇬

منذ 3 أسابيع

شعور غاضب

موضوع:

الذكريات السيئة

لما استأمنت صحبي ودخلتو بيتي وهو بس للجماعه عندي بنظره مراهقه وسرق الاكونت بتاعي عشان يدخل للبنت بتاعتي ويكلمها +كنت مفكره اخويا ومعرفه كل حاجه عني لدرجه اني كنت بطفحو معايا عشان ابوه مش بيطيقه

Potato_86280 🇪🇬

منذ 3 أسابيع

شعور غبي

يالهوي عليا وعلى اختياراتي اللي دايمًا غلط دي 😭 أنا والعيلة ساكنين في عمارة واحدة، وبنات خالي تحتيني، فقلت أقعد معاهم شوية… الشوية قلبوا سهرة كاملة. أجي أطلع؟ يقولولي اقعدي، أمك نامت وقفلت الباب وقالتلها إنك مبسوطة 😂 وأنا أصلًا مش متعودة أقعد في بيت حد، لا عارفة أنام ولا أقعد ولا أعمل نفسي مش موجو

Strawberry_89050 🇪🇬

منذ 3 أسابيع

شعور محبط

انا بجد معرفش انا عملت ايه عشان بابا يعاملني ب طريقه زفت اي كلمه انا بقولها بيقعد يزعقلي عليها و ديما بيزعقلي بسبب او حتي بدون سبب انا معرفش انا عملتلوا ايه من ساعت ما اختي جات الطريقه دي بقت كده و دايما لما ماما تجبلي حاجه يقعد يقول طب و التانيه اللي انتي مش معبراها معن هي اكتر واحده لما هي تكون عا

Cherry_76643 🇪🇬

منذ 3 أسابيع

شعور ضائع

امبارح كان اجازه وانا يوم الاجازه ده بيبقي معظم الوقت كابوس بنسبالي مش بقضيه بروقان زي باقي الناس يمكن كنت او سعات بس معظم الوقت دلوقتي ببقي ف السرير انا حتي مش بقوم للحمام الا بصعوبة ومش ببقي عايزه حد يكلمني وبالتحديد بابا مش بحب وجوده ومش بحب انه يسالني اساله هبله ملهاش اي لازمه عشان بس يفتح كلام

Apple_89428 🇪🇬 مهما كان أبوك وهيتحاسب عليك وتتحاسب عليه متخليش الشيطان يسيطر عليك

عرض الكل 5 نصيحة

Moon_89372 🇪🇬

منذ 3 أسابيع

شعور مرتبك

عيشت فى بيت م مستقر ، اماتخطبت من فترة ،خطيبى شخصيه اجتماعية جدا ما شاء الله ، ولكن هو عاوز يعرف كل حاجه عن حياتى بيدقق فى كل تفصيلة ، وانا حاولت كذا مرة انه ألمح له انه دى خصوصيات بيتنا .. وهو ملهوش علاقة بيها ، بس هو بردو مصمم ينبش فى كل حاجه .. ازاى أقدر اقولهُ عن الموضوع دا بطريقه من غير ما أكس

Apple_64150 🇪🇬

منذ 3 أسابيع

شعور مكسور القلب

عايزه البنات يردوا عليا اكتر انا والدتي متوفيه من زمان اوي وكنا في بيت عيله احنا اللي شايلين شغل البيت لحد ما بابا اتجوز مراته في الاول كانت بتعمل تساعد معانا ف بيت العيله عادي لكن حصل مشاكل وبيت العياه اتفرق بسبب مشاكل ف الاول كانت بتعمل لحد ما حملت وولدت ومن ساعتها مش بتعمل غير الاكل تستخدم بقي مو

Chocolate_71988 🇪🇬

زهقانه أوي... حد عندو أفكار أعمل إيه؟

زهقانه اوي حد عندو افكار اعمل اي نننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننن ...عرض المزيد

0 الدعم

19 نصيحة

Ice Cream_89508 🇪🇬

أمي بتقولي امتى هتبقي بني آدمه وكل ده بسبب المواعين

يا ريت اللى يشوف البوست يقرأه كله ويرد عليا لانى محتاجه حد يسمعنى محتاجه دة جدا فضلا وليس امرا طالبه ثانويه عامه عادى صحيت عليا حصه المفروض اروحها الصبح كدة وبدون مقدمات الاقى امى قدامى بتقولى امتى هتبقي بنى ادمه انا لسع صاحيه وبلبس ومش فاهمه فيه ايه كررت السؤال كذا مرة وانا بقولها فيه ايه مش فاهمه لا لازم ارد عليها قولتلها مش هرد غير لما افهم سابتني ومشيت وكل دة فى الاخر بسبب المواعين اللى سبتهم امبارح ونمت لا انا اسمعها كلام زى السم واخليها تلبس علشان الحصه واقولها ما فيش درس واضربها واشتمها واسملها بدنها وحرفيا المواعين ما اخدوش منى ١٠ دقايق وهى مستمرة لى محاضرة الكلام اللى يوجع ومقارنات مع ناس انا المفروض ما اتقارنش بيها مش تقليل منهم بس لانه فعلا احنا مش شبه بعض ولا زى بعض كلام يوجع ويقهر حرفيا بدون مبالغه والمفروض انى اسمع واسكت وما اعيطش واصلا لو حبيت اعيط كش بعرف لأنها هى وبابا من زمان كدة اول ما اعمل حاجه غلط ونعيط يضربونى علشان ما اعيطش فبقيت ما بعرفش اعيط لوحدى لازم اتكلم عن اللى مدايقنى علشان اعيط واطلع اللى جوايا كل حاجه بعملها بتفسرها وتفهمها غلط عامله انى لما سألتها فيه ايه انى بستهبل عليها وبستغباها ابسط حاجه اصلا امبارح جعت فعملت ساندوتش سريع ليا لا انا كدة واحدة انانيه وجشعه وعملت كدة علشان ما اعملش اكل واخواتى ياكلوا معايا طب ليه ليه بجد ليه كل حاجه اعملها لازم افسر وابرر ليه عملت كدة وفى الاخر ما حدش بيصدقنى ليه لازم اسمع كلام وحش كل يوم بحجه التحفيز تحفيز ايه اللى بسم البدن ووجع القلب ليه كل همهم الناس وكلامهم وانا فى داهيه مش مهم كل ما تتكلم معايا أمور البيت وانتى مهمله وانتى مش عارف ايه واللى زيك متجوزين ومعاهم عيال ومعاهم وعاملين ووووووو انا مالى انا مالى باللى زفت واللى نيل ومافيش على لسانها غير انى دخلت ثانوى علشان اهرب من أمور البيت اللى انا اصلا شايلاها وبعملها انا طلعت ك بنت ربنا خلقني علشان انضف وامسح واكنس واغسل انا ربنا خلقني علشان كدة طب والمذاكرة لا لا مش مهم دى خليها بعدين اي مشكله بينها وبين بابا انا السبب وانا اللى بعمل مشاكل بينهم اكتر جمله بكرها من وانا عندى ٤ سنين بسمعها مصرة تحسسني بالقهر والعجز اكتر مشاعر بكرها جدا جدا مصرة تذلنى وتكسرنى بالفلوس إللى بتديهانى مصرة اول ما تتخانق معايا تبطلنى من الدروس والمدرسة وما تخلنيش انزل مصرة تخليني اكرها واكره البيت واكره نفسي مصرة توجعني وفى الاخر ما تكلمنيش بحجه ان انا اللى غلطانه وانا اللى المفروض اعتذر شئ محزن بجد بجد بقيت بسببها بعانى من تشنجات عصبيه ونوبات هلع ووجع فى العظام شعري بقي بيوقع بطريقه غبيه وشي باظ لا عارفه اذاكر ولا عارفه انتظم فى الصلاه ولى عارفه اركز قلبي بيوجعنى جدا بسبب انى مش عارفه اعيط أو انى بعيط بصوت مكتوم عنيا اوقات مش بشوف منها كويس نفسيتي فى الارض ...عرض المزيد

2 الدعم

14 نصيحة

Strawberry_77311 🇪🇬

موقف محرج فى المحل مش عارفة أروح تاني من الكسوف

جمااااعة حصل موقف مش عارفه هوريه وشي تاني ازاي ... انا كنت ف محل بشتري حاجات ولو المحل مقفول بلاقي وشي احمر فجأة المهم واحد من البياعين لقيته وقف وتنحلي شوية المهم انا بصيتله للحظة و دورت وشي تاني ولقيته كل شوية رايح جاي يبصلي وانا كنت عايزة الأرض تنشق وتبلعني معرفش هو كان ماله متنح ليه ومعرفش ازاي هروح المحل ده تاني من الكسوف 😂 ...عرض المزيد

0 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع