تاهان

Blueberry_29908 🇪🇬

منذ يومين

شعور لا مبالٍ

Potato_59874 🇪🇬 لا تعليق

عرض الكل 2 نصيحة

عبّر عن شعورك بشكل مجهول

فى اسوأ الاوقات فى حياتى مع نفسى داخليا جه فى بالى اعمل عيد ميلاد لكل إلى اعرفهم ضحكت ضحكه مرارة وقلت حتى فى اسوأ الاوقات بفكر اسعد إلى حواليا ازاى كأنى انا مكتب التضامن مثلا قلت اثنيت على نفسى وحسيتها حركه حلوه منى على التفكير ده حتى لو انا فى اكتئاب ومش قادرة اسعد نفسي يبقى اسعد إلى حواليا على الاقل لاحظت أن فى كل الفيديوهات شكلى مش مبسوطه شكلى مطفيه كأنى بعمل ده كنوع من ملىء الفراغ فى كل الفيديوهات بظهر ماشيه لوحدى عيونى على الناس مش ببص لنفسى مكشرة كأنى عايزة اعيط معرفش بس ده إلى بشوفه فى الفيديو بحاول ابان باردة بس شكل على ملامحى غصه انا مش عارفه سببها طول اليوم كويسه وعايشه حياتى وبتفاعل وبعطى نصائح واسمع وانفذ واعمل رياضه وأمسك التليفون واتخيل بس اول ما أفضى لنفسى اشوف فورا الضباب والفجوه والغصه الى انا فيها عندى اكتئاب دى حاجة انا عارفها وبادىء من زمان بس كنت بحاول ما أعطى لنفسى فرصه تشوفه بس دلوقتي صعب اعمل كده لان نفسي شخصيا بقت تعاتبني

لدرجة أن الفراغ بيبقى بياكلنى من جوه احساس وحش كأنى مجرد قشرة معرفش يعنى اى أنا؟ أو أنا عايزة اى؟ ده حتى انا لسه مستوعبه انى عمرى ما فضلت ولا حبيت حاجه ولا شخص باختار عشان مناسب ؟ او عشان منطقى بس فين أنا؟ فين اختيارى؟ ، الفراغ بيقطعنى تايهه ومش عارفه ولا حاسه ولا فاكره ولا عايزة أنا عايشة لا أنا بجارى كل حاجه وكل شىء حولى بس انا فين ؟ أنا مش قادره احدد ده حقيقى ولا لا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_90305 🇪🇬

مسحت الابلكيشن ورجعت لنقطة الصفر تاني

مسحت الابلكيشن على امل اني كنت بقيت احسن بس رجعت لنقطة الصفر تاني كون اني اكون في مرحله زي دي وبرغم كل اللي حواليا دول مش لاقيه حد واحد بس اخرج معاه اللي جوايا دي حاجه مبينالي قد ايه انا علاقاتي بالناس مش حقيقيه ...عرض المزيد

1 الدعم

21 نصيحة

Apple_90294 🇪🇬

اعتراف: الجواز دلوقتي عايز رجاله مش عيال

حابه اعترف أننا دلوقتي كبنات مش فارق عندنا غير الراجل اللي يقدر يشيل مسئوليه ويفتح بيت ويبقي قد المسئولية اما بقي قصص الحب والغرام والهدايا دي بقينا بنتفرج عليها في الأفلام عندي اكتر من ثلاثه صحباتي للأسف أطلقو وكل الأسباب الطلاق الظروف الماديه مع أنهم كانو بيحبو بعض واخدين بعض عن حب بس بعد الزواج مافيش حاجه اسمها حب في حاجه اسمها تفاهم و مسئوليه تبقي أدها تبقي راجل مش إد المسئوليه خليك جنب أمك وعلي الواتس خليك تحب وتعشق علشان الجواز دلوقتي عايز رجاله تفتح بيت مش عايز عيال قاعده علي الموبيل وتندب وبس ...عرض المزيد

7 الدعم

21 نصيحة

Blueberry_90296 🇪🇬

مش عارفة أطلع مشاعري و خانقاني من العلاقات المحرمة

مش عارفة أدى فرصة للعلاقات المحرمة حاولت كتير و كل مرة بهرب زى العيلة الصغيرة ... انا نفسى فى علاقة حلال اكيد بس الخوف من انى ملاقيش حد شبهى بيخلينى ادور و دى اصلا مش مهمتى كبنت ... و المشكلة الأكبر انى مش عارفة اطلع مشاعرى خالص كأنها مقفولى بقفل حديد مش معايا مفتاحه و الموضوع دة خانقني اوى ... حد عنده حاجة يقولها بخصوص الموضوع دة ؟ ...عرض المزيد

0 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع