تبلد

Avocado_51997 🇪🇬

منذ 20 ساعة

شعور وحيد

جماعة انا تعبت من كتر ما بحس ان كل حاجه حواليا بقت صعبة المنال حتى لو حاجه صح جدا فهي صعبة برضوا هتقولولي ليه مدام هى صح هقول علشان هى دي الدنيا مش كل حاجه هي تخ يلا و برضوا عشان صعوبة اقناع بقيت الثقافات التانية الي حوالينا بجد ازاي ممكن يبقى واحد عنده اكتر من خمسين سنه و لسه مش قادر يفرق بين الص

Coconut_56919 🇪🇬

منذ أسبوع واحد

شعور مكسور القلب

كان نفسي في حاجات كتير و للاسف محصلتش كان نفس مبقاش ضعيف وانا صغير و كان نفسي يبقا ليا صحاب مبقاش مهمش وسطهم كان نفسي الاقي ناس تعرفني بجد و تعرف شخصيتي كان نفسي البنت اللي قلبي مشافش غيرها تعرف اني عايز مصلحتها كان نفسي اول شله في حياتي تككمل بس كل واحد راح لي حاله كان نفسي ادخل الكليه اللي عايزها

Mango_81794 🇪🇬

منذ أسبوعين

شعور عاطفي

أنا بقيت حاسس بأحاسيس غريبه جدا الفتره دي برود وتبلد ومبقتش حد فرق معايا ولا بيصعب عليا وقلبي حجر وانا مش قصدي مع الناس الي في الشارع أنا قصدي علي تعاملي مع اهلي خلقي بقا ديق مش مستحمل ايه حاجه من اي حد مبتخانقش بس بتعصب علطول وبفضل اكتم اكتم وبنفجر مره واحده لدرجة اني ممكن اكسر اي حاجه قدامي وضربات

Jackfruit_64058 🇪🇬

منذ شهر واحد

شعور محبط

انا بحب واحده ورحت خطبتها بس انا عندى صعوبه فى التعبير عن مشاعرى او بمعنى ادق انا عندى تبلد مشاعر مش عارف ابين لها انى بحبها على انها كانت بتحاول تتكلم معايا و بتحبنى بس احسها زهقت وفكرتنى منخنوق منها ومش عايزها وانا مش عايز اظلمها معايا بس انا كان فى اسباب كتيره خلتنى كاتم على مشاعرى فمش عارف اسيبه

Cookies_89076 🇪🇬 صاحبي انت قولت انك بتحبها وروحت خطبتها دا جميل عاوز اقولك أن دي الشخص الوحيد الي ممكن تاتمنها علي اي حاجه انت عاوز تقولها اي حاجه مش عارف تتكلم فيها مع حد عشان اي حاجه حصلتلك زمان لان خلاص كلها كام شهر وتبقي مراتك فاهمني !! خلاص هي بقت سرك وامانك فلازم تسيبك نفسك وانت معاها وتحاول تحسسها انك فعلاا بتحبها

عرض الكل 1 نصيحة

Apple_43724 🇪🇬

منذ شهر واحد

شعور وحيد

انا ف كليه الطب وخلاص داخل علي الفاينل باقي اقل من ٢٠ يوم وفي حاجات كتير جدا مراكمها ومش عارف اي تبلد المشاعر اللي عندي ده عايز اذاكر بس مش قادر مش عارف ازاي كنت اذاكر ف ثانويه عامه بالساعات دلوقتي مش عارف اي اللي حصل وانا ف سنه اولي كليه ومتغرب ف الناس في البلد كده تحس مستنين يشوفو اي اللي يحصل عاي

Strawberry_88729 🇪🇬 جيالك من المستقبل وبقولك ذاااكر علشان زي ما ف عيون عايز تفرحها ف عيون عايز تكسرها ياريت لقيت اللي ينصحني

عرض الكل 4 نصيحة

Orange_85139 🇰🇼

منذ شهر واحد

شعور ضائع

بطلت أستنى من حد حاجه مبقتش أزعل من اللي بعد، ولا أفرح باللي قرب… كله بيتغير. ggg to day operations and maintenance and repair of the jury duty for the same you have received your mail address noted for its r to day operations and maintenance and repair to t shirt and you can get the jury

Avocado_88755 🇩🇿

منذ شهر واحد

شعور عاطفي

موضوع:

ازاي قدرت تتعافي من علاقه سامه

هيا العلاقة مش سامة بس يعني انا شخص عندي مخاوف كثير بخاف من الفقدان من الجرح من الاذى حساسة كثير بس بيكون بظي بس ادافع عن حالي بلاقي انو عم اتأذى وأاذي الطرف الثاني وهسا مابعرف صارو كثير مشاكل وثنينا غلطنا فحاسة حالي تبلدت لا قادر اضل ولا قادرة اروح بستناه يرسل بس لما يرسل تجيني عادي ماارد بلعفة ولا

Avocado_87993 🇪🇬

منذ شهرين

شعور شاعر بالملل

كنت انسانه شغوفه جداً وبتحب المرح والضحك واعرف ناس من كترها سعات مش بفتكر اساميهم بس حاليا بقيت شبه انطوائيه، غامضه،هاديه ،مش بتكلم يعتبر، فاقده شغف وطاقه حاسه اني اتغيرت وكتير بيقولو كده بس فعلا مبقتش مهتمه ب اي حاجه اذا كان هيخرج من حياتي او هيفضل ، حد مات ، حد اتكلم عليا جالي تبلد مش طبيعتي ولا د

Strawberry_81348 🇪🇬

منذ 3 أشهر

شعور محبط

اتعرضت للرفض كتير ف حياتى و اتوجعت و اتأذيت لدرجة انى بقيت أحس انى أصلا معنديش إحساس بقيت قاسية و قلبى جامد رغم أن من جوايا ببقي بتقطع و قلبى بيتعصر بس من كتر م حبيت مشاعر مبقتش بعرف أظهرها حرفيأ اللى بيحصل معايا دلوقتى أن حتى لو معجبة بحد مثلاً و بدأ يقرب منى و يقولى أنه معجب بيا ارفضه انا لو حد

Pineapple_82263 🇪🇬 الموضع بسيط جدا وليه حلول كتير اوي بس علشان توصلي ل اول خطوه لازم تعرفي انه مش ذنبك وانك مش قاسية ولا وحشه

عرض الكل 6 نصيحة

Croissant_47307 🇪🇬

منذ 3 أشهر

شعور خجول

عبّر عن شعورك بشكل مجهول

يعني انا حابه اني اتكلم عن موضوع المشاعر ده قوي لان هو مهم
ليه الواحد ممكن ما يقدرش او ما يعرفش انه يعبر عن مشاعره بشكل صريح او ما يعرفش انه يعبر عن مشاعره بشكل عام في اسباب كثير قوي اكيد كلنا عارفينها زي مثلا انطوائي زي مثلا كتوم او اتعرض لصدماتة او حتى ما لقاش اللي يسمعه 
الموضوع رخم بس ليه حلول والناس اللي مش بتعرف تعبر دي 
انك تعرف توظف مشاعرك ومواضيعك وتبوح بيها مش سهله بس محتاج انك تخوض التجربه لانها ممتعه اوي تكتشف ذاتك وتوظف مشاعرك بشكل صحيح دي من امتع الحجات اللي ممكن تعملها في خق نفسك حرفيا 
يعني تجرب انك وقت الزعل تحاول تعيط وتتكلم 
حتي لو هتتكلم مع نفسك 
انكلم مع نفسي ازاي؟ 
يعني تروح مكان بترتاح فيه وتسمع موسيقي هاديه او قران وتتكلم مع نفسك او تعمل ريك لمشكلتك وترد عليها فاهمين حاجه 
اوحتي تبكي البكي والله ما ضعف اذا كنت ولد غو بنت دي طريقه الجسم بيحتاجها عشان يفرغ الضغط والتعب زي وسيله راحه ليك ليه بتحاول تمنعها 
في اوقات بتحس بتبلد في المشاعر او انك مش حاسس بحاجه او حتي في موقف المفروض تكون مبسوط وانت مش حاسس بحاجه كده حاول تظبط الامور دي وتوجه مشاعرك في الوقت الصح مش بقول تمثل حاول تساعد نفسك لانها اولي بيك

من كتر مانا عندي كلام كتير مش عارفه ارتب الكلام وبدخل من حته ادخلكم في حته تانيه معلش بيبقي عندي حماس ان الواحد يفهم مشاعره وازاي يخرجهم في الوقت الصح ويتحم فيهم ويكتشف ذاته لان فعلا الموضوع ممتع بس والله والله علي قد ما هو ممتع بس من اصعب الحجات انك بتحاول بس تعملها مش ساهله هي محتاجه تفاؤل وامل حتي لو بسيييييييط اوي انك تتعلم ازاي تتقبل نفسك زي مانت وتحبها دي هتفرق معاكوا انا مش واو بقي ولا كده انا برده بس بحاول عندي طاقه بحاول استغلها مش اكتر انا بكتشف ذاتي ودي حاجه انا حباها بردو بس صعبه اوي يجدعان بجد
لان كل حاجه بتكتشفها مش كل حاجه هتعجبك او تلاقي عندك حجات بص لغبطه كده وخرابيط في بعض
المهم البدايه

سوري علي الخلطبيطه بالصلصه دي🤡💗

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_63749 🇪🇬

منذ 4 أشهر

شعور ضائع

Coffee_70175 🇪🇬 نصحتي انك تاخد وقتك تدي لنفسك فرصة انك تحس من جديد وتهدي محدش بيجري وراك

عرض الكل 2 نصيحة

عبّر عن شعورك بشكل مجهول

مش عارف انا ليه بجد محمل الابلكيشن ولا كنت متخيل اني هحكى اللي هقوله دة بس قولت اشارك بس مش اكتر الموضوع اني كنت بحب واحدة جدا جدا لدرجة صعبة اوي وكنت حاسس من ناحيتها بنفس الشعور وحرفيا كنا بنقضى تقريبا يومنا كله بنتكلم مع بعض الكلام دة بالمناسبة من ٢٠١٣ وكنت ف ثانوي وقتها المهم صارحتها بحبي ليها بس للاسف هيا قالتلي انها بتحبني جدا جدا بس زى اخوها ومعندهاش استعداد تخسرنى لان لو ارتبطنا اكيد هنخسر بعض وانا قولتها خلاص تمام نفضل صحاب بس للاسف انا مقدرتش اشوفها ك صاحبة ليا فضلت احبها ودة اللي خلاني حاليا مستنزف عاطفيا المهم ان احنا كلامنا من بعد الجامعة ابتدا يقل تدريجيا لحد م انعدم تماما واختفت ودة كان جزء من خطتى عشان اتخطاها واعيش حياتي وافوق لنفسي وبالفعل خطبت وفركشت وحاولت ارتبط بس دايما بحس ان خلاص مبقاش عندي حاجة اقدمها للانسانة اللي خطبتها حاسس ان صرفت كل مشاعري بقيت متبلد المشاعر ومبقاش يفرق معايا خالص سواء ارتبط او لا او الاقى حب جديد او لا بجد حاسس انى تايه وكمان خايف ارتبط بواحدة واظلمها معايا للعلم انا مرتبطش ببنت قبل كدة غير اللي خطبتها وخطوبتنا مكملتش ٣ شهور 
واسف علي الاطالة🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_76290 🇪🇬

منذ 4 أشهر

شعور مرتبك

من سنه بالضبط حياتي اتغيرت وبدأت مرحلة جديده . ومن ساعتها وانا حاسه ان عقلي اطفى وان اقل حاجة معدتش بقدر افكر بيها وكأن الجزء المسؤول عن المشاعر في دماغي قفل فمعدتش استقبل اي شعور ولا عارفه حتى استوعب اي حاجة وفضلت ايامي بتمشي وبتعدي عليا وانا بنسى حتى الأحداث والمشاعر الي كانت في الأيام الي فاتت م

Chilli_76316 🇪🇬

منذ 4 أشهر

شعور مرهق

ازاي ممكن تتعاملوا مع تبلد المشاعر؟ انا عندي تبلد مشاعر غريب.. مش بحس بحاجة وحشة وبنفس الوقت لا بحاجة حلوة، ايامي كلها بقت شبه بعض، مش عارفة اطلع من الفترة دي، انا كل مشكلتي في صحتي الجسدية اللي انا مقصرة فيها جامد.. وكإني بعاقب جسمي مع ان جسمي ملهوش دعوة، لكن انا بجد مش قادرة اكل، باكل وجبة واحدة ب

French Fries_76264 🇪🇬

منذ 4 أشهر

شعور ضائع

انا شخص معنديش مشاكل او هموم ذي باقية الناس هنا ممكن عندي لكن اشوفها ملهاش اهمية رغم لما حد يعرفها اللي قدامي يتفاجأ من حجم الأمور مش عارف هل ده تبلد ولا ايه لكن بقيت متعود وخايف هل ممكن ده يأثر عليا قدام ؟

Blueberry_29908 🇪🇬

منذ 5 أشهر

شعور لا مبالٍ

عبّر عن شعورك بشكل مجهول

اختى الصغيرة عندها 2 سنة  اختي، و فى مرة كانت بتعيط، وأبوها كان شايلها لكنها كانت لسه بتعيط. كنت سمعاها بس ما طلعتش عشان بلوزتي كانت في الصالة ومش مناسب اطلع بلبسى ده . بعدين ماما سألتني ليه ما طلعتش، فقلت لها: "أنا مالِي"، بدل ما أقول السبب. ولقيتها ردت وقالتلي: "إنتي خسارة فيكي كباية الميه، وكنت أتمنى لو خلفت كلبة بدل منك. ده الفرق بين الإنسان والحيوان، المشاعر، وإنتي معندكيش. ياريت موتي، ياريت ربنا ياخدك. خسارة فيكي تربيتى. حسبنا الله ونعم الوكيل فيكي، يا شيخة، إنتي باردة، وقلبك قاسي، قاسي جدًا، وعندك تبلد مشاعر، ومش بتحسي بحاجة حواليكي. أول مرة أشوف بني آدم زيك وطبعًا ماما مش بتسيب أي مشكلة من غير ما تتكلم على جسمي. لقيتها بتقول لي: "بقيتي زي الجاموسة على الفاضي. إنتِ جسم على الفاضي أصلاً، من غير عقل. ما بتفكريش في الكلام قبل ما تقولي، بترمي الكلام اللي بيجرح الناس وبس." ملاحظه انا مش تخينه بس جسمى مليان شويه على سنى والفكرة أنه مش بمزاجى كمان انا عندي حاجه عامله فيا كده وبعد ما عملت التحاليل شاكه فى مرض مناعى بس التحاليل عملتها من ورا اهلى وبفلوسى ومش عارفه اجبها لهم ازاى 
، المهم ". وأنا كنت باكل، لكن كان الأكل مش راضي ينبلع، لكن عملت نفسي عادي وكملت أكلي، رغم إن جسمي كان بيرتعش من قوة الكلام. وبعد كده كنت هقولها السبب، لكن ما قدرتش.

قلت لها: "يا ماما، أبوها كان شايلها وأنا بلوزتي كانت بره"، لكن ردت وقالت لي: "ما عتيش تكلميني، ولا ليك دعوة بيا." ولما كنت هتكلم تاني، قالت لي: "آخرسي." كملت أكلي، قمت وضبطت الأوضة، وقلبي كان مقهور ودماغي بتوجعني. بعد ما خلصت، قلت لها: "أنا عايزة أروح للخياطة عشان أظبط هدومي وأفتح معاها كلام، وفي نفس الوقت عايزة أنزل أشم هوا"، قالت لي: "ربنا ييسر." عرفت إن المفروض أقعد دلوقتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_90634 🇪🇬

خطيبي مش بيجبلي هدايا وبيزعقلي، مش عارفه أعمل إيه

جماعه بجد هو عادي ال مخطوبه ليه بكون مش بيجبلي هدايا خالص حتا مش بيدخل عليا باي حاجه مش بديلي حتا بفلوس بالعكس بيطلب مني ودائما بيتقمص وبيزعقلي علي اي حاجه والفاظه مش كويسه أنا اتخطبت مرتين دي ال ٣ ومش عاوزه افشكل علشان اهلي والناس بس حاجات كتير اوي فيه وحشه بحور بكذب علي الصغيره والكبيره حاجات كتير ومش عارفه اعمل اي ...عرض المزيد

0 الدعم

20 نصيحة

Tofu_90613 🇪🇬

يا جماعه انا بطلت كل العادات الدينيه ورمضان قرب

جماعه ممكن نصيحه انا حرفيا اتحولت لوحده مش بتصلي خالص حته الجمعه بصليها مره اه و مره لا و بطلت حفظ قران و بطلت كل العادات الدينيه اللي كنت بعملها يا جماعه انا كنت مش بسيب فرض ارجوكم قلولي اعمل ايه رمضان قرب و مش عارفه اعمل ايه حته النهارده مصومتش 😭 انا جرتب حلول كتير مفيش حاجة جايه معايا ...عرض المزيد

1 الدعم

16 نصيحة

Strawberry_74955 🇪🇬

يعني ايه "علشان انتي بنت"؟ انا بتخنق من الكلمة دي!

سؤال بس معلشِ يعني ايه ( علشان انتي بنت ) ؟ بسمعها كتير جدا بس انا مش فاهماها، بقول لأهلي عايزة أخرج يقولوا لا علشان انتي بنت ، عايزة اتمشي شوية ، عايزة أزور صاحبتي ال بقالي كتير مشوفتهاش ، عايزة أسافر ، عايزة أطلع البلكونة او السطح ، عايزة احط منكير عادي او ميك اب خفيف لا انتي كدة بتفتني الشباب ، كل الطلبات دي وكان ردها علشان انتي بنت وكدة هتجذبي الشباب طب وانا ؟ انتم كدة بتخنقوني بجد ! ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع