تخطي الماضي

Cherry_60251 🇪🇬

منذ 5 أيام

شعور مكسور القلب

أنا مش عارفة اتخطى شعور الخيانة ، عارفة ان ممكن حد يفهمني غلط ، مش عارفة..💔 بس انا كنت واخدة قرار كبير في حياتي هو إنى أبر زوجي من قبل ما أعرفه بس انا حسة اني مش كفاية دلوقتي فيه ناس قالت لي ممكن يكون عندك متلازمة المحتال اللي هو مهما عملت مش كفاية.. بس انا هعترف انا كلمت ولد قبل كدا مرتين تلاتة

عبّر عن شعورك بشكل مجهول

أنا مش عارفة اتخطى شعور الخيانة ، عارفة ان ممكن حد يفهمني غلط ، مش عارفة..💔

بس انا كنت واخدة قرار كبير في حياتي
هو إنى أبر زوجي من قبل ما أعرفه
بس انا حسة اني مش كفاية دلوقتي 
فيه ناس قالت لي ممكن يكون عندك متلازمة المحتال اللي هو مهما عملت مش كفاية..
بس انا هعترف انا كلمت ولد قبل كدا مرتين تلاتة ، فى حدود الأدب و كل حاجة
و أول ما ابتدى ياخد الكلام فى سكة انه بيحبني قطعت حرفيا معاه و مسحت كل حاجة تخصه 
رغم أنه كان عاوز يتقدم ... بس اللي هو سألت معلمتي و قالت لي لأ غلط و مكنش ينفع من الاول تردي عليه اصلا اهو كدا اتعلق ! 
و اللي هو حرفيا كنت برد فى حدود المشكلة اللي كاتباها
مش بحاول ابرر فعلتي ... انا مدركة لخطأي وتوبت و حرفيا بعوض كل اللي فات اني عاوزة اكثف علم شرعي اكتر
بس مش عارفة اتخطى احساس اني كدا خونت زوجي المستقبلي
اللي والله بدون مبالغة انا عاوزة أبره
و عمالة أخد فى دورات عشانه و اتعلم و اغير من نفسي عشان يرضى عني ،لأن المرأة اذا اطاعت زوجها دخلت الجنة 
و انا حقيقي منظومة الزواج ككل معظمة جدا عندي ومش بعمل حاجة فعلا عندي شك انها ممكن متعجبش زوجي فى المستقبل،  لا شغلانة ممكن تضايقه ولا سوشيال ميديا و لا انزل صوري ولا اي حاجة ممكن لما يجي يقولي عليها انا محبش كدا
بس احساس اني خاينة ليه رغم اني والله ما حبيت حد ولا اتعلقت بحد و لا سامحة لنفسي اصلا
عشان كل حاجة تبقى لزوجي 
رغم كدا مش عارفة اتخطى الشعور
و بقى عندي رعب ان ربنا هيعاقبني بإنسان مش كويس
لاني مكونتش كفاية لأي انسان كويس
انا بدعيله من دلوقتي و انا معرفش هو مين
بس بحس بجد إني هتحرم و هتعاقب فى زواجي بسبب كدا 
و مش عارفة اتخطى رغم اني رجعت لحلقات القرآن و العلم الشرعي بعد فتور و بحاول بجد والله أقرب لله أولا و اخيرا 
ولان الصحابي عاوز اكيد صحابية
بس مش عارفة اتخطى شعور 
ان خطيب صاحبتي فرحان بيها لأنها حقيقي جوهرة
و انا عمره ما هيفرح بيا مهما عملت و درست و حاولت
الشعور دا قاهرني و واجعني جدا
ومش عارفة اتخطاه و حسة اني ممكن لدخل فى اكتئاب بسببه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_74276 🇪🇬

منذ أسبوع واحد

شعور قلق

لو متقدملي عريس و كان خاطب قبل كدا اعرف منين أنه تخطي الموضوع و مش move on بيا وهيتجوز عشان مامته تفرح و خلاص انا لسه مقابلتوش و معرفش اي حاجه عنه لكن حابه اني اكتشف دا من الاول بدل الفرهده و كمان بطريقه ميخدش باله منها

French Fries_80684 🇪🇬

منذ 3 أسابيع

شعور آسف

‏ضحايا العائلة المفككة ينضجون سريعًا، ‏وتفسد قلوبهم أسرع لا عاشوا طفوله سوية ولا عاشوا لطف من اهاليهم وتشجيع ولا عارفين هما ازاي ف المستقبل هيكون عائلة الفكره انه ضحيه بيفكر ازاي لما يوصل لسن معين هكمل ازاي حياته ويتخطي الي حصله وهو صغير ؟!

Apple_69931 🇪🇬

منذ 3 أشهر

شعور ممتن

موضوع:

عرفت تنساها او تنسيه

اولا في حاجات ولحظات مش بتنسي في حاجات جميلة وفي ذكريات حلوة كتير بس الأهم من كل دة مستحيل هعيش علي ذكرك الكلام دة لازم تشغل نفسك جامد شغل تعليم رياضة كل دة مهم وكل تفصيل هتكون عبارة عن ذكرة فقط

Croissant_52708 🇪🇬

منذ 3 أشهر

شعور مكسور القلب

كنت زمان فاكر إن وجودها في حياتي مهم، وإنها هي الشخص اللي ممكن يكمل معايا، لدرجة إني كنت بشوف الدنيا من خلالها. أي خطوة بخططها، أي حلم بحلم بيه، كانت هي جزء منه في خيالي. لكن مع الوقت، ومع كل موقف بيحصل، بدأت الصورة اللي في دماغي تتكسر حتة حتة. لما حسيت إن المسافة بينا بتكبر، قررت أشغل نفسي، أركز ف

عبّر عن شعورك بشكل مجهول

لما حسيت إن المسافة بينا بتكبر، قررت أشغل نفسي، أركز في حياتي، وأدور على شغل جديد. كنت فاكر إن الانشغال هو الحل الوحيد عشان أوقف التفكير فيها. لكن المفاجأة إني وأنا مشغول وبعيد، بدأت أشوفها على حقيقتها. بدأت أشوف قد إيه هي شخصية سطحية، كل اللي يهمها المظاهر والكلام اللي بيبان قدام الناس، لكن مفيش عمق، مفيش مواقف حقيقية تثبت قيمتها.

كنت زمان بديها من وقتي ومشاعري وطاقتي، وكنت حاسس إني محظوظ بوجودها. دلوقتي لما بفكر، بستغرب إزاي كنت شايفها بالشكل ده. إزاي كنت حاططها في مكانة ما استحقتهاش أصلاً.

النهاردة أنا متأكد إنها ما تستحقش حتى ثانية من تفكيري. يمكن ده أكبر درس اتعلمته: إن مش كل اللي بيعجبنا في البداية يستحق مكان جوة قلبنا. فيه ناس وجودهم مش إضافة، بالعكس… وجودهم بيأخرنا عن حاجات أهم بكتير.

أنا دلوقتي مركز على نفسي، على مستقبلي، وعلى الحاجات اللي فعلاً هتبني حياتي. ومش فارق معايا هي فين ولا بتعمل إيه، لأن ببساطة… انتهى وقتها في حياتي.
ملحوظه انا راجل محطم من حب لم يكتمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_22054 🇪🇬

منذ 3 أشهر

شعور مكسور القلب

Pumpkin_70333 🇪🇬 انت غالبا عندك تعلق شديد جدا لكن للأسف مش الشرط أن الناس تحبنا أو تحب تدخل معانا ف علاقه تقبل أنها ممكن ميكونش عندها مشاعر لكن احترم مشاعرك عادي 🤍 متحاولش ترجع عشان دي بدايه الغلط الحقيقي ادعي كتير و حاول تخرج أو تعمل أي حاجه تهديك و متسبكش ف التفكير

عرض الكل 1 نصيحة

عبّر عن شعورك بشكل مجهول

ليه الواحد بيفتكر حد ومش قادر يتخطاه مع أن الحد ده مش عاوز يرجع يكلمه مش عاوز يتفاهم معاه تاني ولا يتعاتبو براحه تاني مبقتش حابه وجودي ف حياتها بقالنا شهر بعاد عن بعض أهو بس مش عارف ابطل تفكير فيها ولا في اللي كان بينا خمس سنين صحاب اخوات حبايب اقرب الناس لقلب بعض كل ده اتنسي ازاي !! 
هونت عليكي ازاي !! 
عمرك ما هونتي عليا مهما حصل بينا كنت بقولك لازم نتصالح مينفعش ننام يوم واحنا شايلين من بعض غلط لازم نتفاهم ونتصالح مهما كانت المشكله كبيره

كنت فاكر اني بالنسبالك حاجة كنت فاكر اني عمري ما ههون بس هونت

كنت فاكر أن اللي بينا كبير اوي ويخليكي متخسرنيش لا نحاول حتي لو مش طايقين بعض لازم نستحمل بعض ونحاول اصل مين هيفهمك غيري !؟؟؟ مين هيحس بيكي من غير ما تتكلمي غيري !!! مين هيهمه زعلك غيري !! 
مين اللي قبل اي حاجة حلوه هتحصلك بيكون اول حد فرحانلك واول حد داخل يكلمك ويبعتلك ماسدج تبسطك عن اي ماسدج ف يوم مهم !! 
مين مهما حصل بينكو عمره ما يهون عليه تنامو متخانقين ولا زعلانين !! 
مين هيعملك هدايا تبسطك مين الي لما يعرف أن فيه حاجة بتحبيها هيعملهالك مليون مره لأجل بس أنه يشوفك مبسوطه!! 
مين هيحبك قدي !! 
معلومه ليكي ومش هتشوفيها بس محدش حبك ولا حد هيحبك قدي مهما حبيتي شخص تاني مهما وثقتي مهما اتعلقتي ببني آدم تاني ف المستقبل خليكي عارفه ومتيقنه أن محدش هيحبك ولا هيستحملك ولا عمره ما هيتغير عليكي غيري ❤️‍🩹💔✨

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_56870 🇪🇬

منذ 5 أشهر

شعور متوتر

كانت كل القرارات صعبه دوما وانا لم احسن الاختيار فكلفنى هذا كل ماكنت املك فاخترت العوده رغم كل الالم وماكلفنى في البدايه ان أسير هذا الكريق وان أعود لكنى عدت والان ماذا بعد ليتها تمحى وماذا بعدلك حتى عندما احول محلها لا يمر الان بسهوله فماذا أفعل انسي مافات يشغلنى ماهو قادم ارمى قلق ماهو قادم يؤلمنى

Mango_11422 🇪🇬

منذ 11 شهرًا

شعور عاطفي

عبّر عن شعورك بشكل مجهول

ياااه بقالي كتير مفتحتشش انتو ازاى لسه عندكم شغف 😂
ما علينا عندي المرة دي مشكلة معقدة عايزة رأي كويس او عن تجربة 
انا بنت في اول العشرينيات من سنتين كنت بدأت اول علاقة مع ولد ف حياتي (عارفه انو دا غلط ومعرفش كان عقلي فين ) والغلط الاكبر انو اصغر مني و اتعلقت بيه لانو اول تجربة استغل دا وحصلت تجاوزات كتير كنا بنتكلم ف مواضيع غلط كان بيطلب مني حاجات غلط الاول رفضت كتير جدا بس للأسف وقعت بعدين كنت معاه وكارة نفسي بس كنت متعلقه بيه كنت لما اكلمو في الحوار دا اننا مينفعش نتكلم فكدا كان بيعرف يسيطر على دماغي بكلامو وبقتنع ( محدش يلومني انا عارفه غلطي كويس وانو دا حرام ) المهم بعد م بعدنا قدرت اوقف على رجلى تانى واستغفرت بس وقعت وقعة تانية واتعرفت على شخص كمان محصلش معاه زى الاول بس برضو كان فيه كلام غلط وكنت فاكرة انو كدا الحب طلع بيتسلا بيا بعدت واتعرفت على اخر واحد في السلسله دى كان بيساعدني احب نفسي ساعتها كنا صحاب عادي بعد فترة كلامو بدا ياخد النحية دى ونا كنت اتشديتله (نفسي كانت ضعيفه من الحوار دا) المهم كرهتو بعدها وعرفت اتخطا تاانى اتعرفت على صحاب كويسين ومحترمين والحمدلله اتعافيت من اللى حصل كلو وعلاقاتي بقت سطحية بس نضيفه واتعالجت من الحوار اللى نفسي ضعيفه فيه 
من اقل من شهر كلمني واحد رديت عليه فالمهم وصلنا اننا كنا بنتكلم ف موضوع يخص الحجاب الشرعي ف بقنعو ان النقاب هو الصح وبعتلو كتاب بعدها بفترة كبيرة كلمني تانى واتناقشنا شويه بالصدفه طلعنا من نفس المحافظة تاني يوم كنت رايحه مشوار بيكلمني ف المواصلات لقيت الفرق بينا حوالى خمس دقايق قولتلو انا هنزل واستنا اشوفك ونت معدي وفعلا شوفتو كانت صدفه جميلة وفرحنا يومها من بعدها واحنا بنتكلم و هو بيلمحلى بحبو وبصراحه اول مره اشوف حد بيخاف عليا حتى من نفسو مطلبش حتى يشوف صورة ليا وحافظ للقران ودماغنا متوافقه ونا حبيتو بس مقولتلوش 
المهم لاحظ انى ديما ف حزن وبيساعدني وبيهون عليا قولتلو انا كنت شخص وحش بس دلوقتي انا ببني نفسي من الصفر وبتعلم حاجات كتيرة وبتعافا من الحاجات الغلط ف حياتي قالي انا مبهمنيش ونا كنت بعمل حاجات غلط ومعنديش مانع احكيها واتغيرت وكدا المهم انا حاسه من جوايا انى بخونو اني مخبية عليه وفنفس الوقت مقدرش احكيلو اللى حصل هو اكيد هيكرهني او هيشك فيا بعدين 
انا بحبو ومش عايزة اخسره ومش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_32584 🇪🇬

منذ سنة واحدة

شعور مستنزف

انا عايزه اسأل حاجه واحده هو انا ازاى رجعت لنقطة الصفر تانى وحسيت بنفس الاحساس تانى لمجرد أنه جالى فلاش باك رجعنى سنتين بعد ما كنت تخطيت كل حاجه ازاى فى دقيقه رجع كل دا تانى وبقيت عند نقطة الصفر أنا بجد كنت تخطيت وكان بقالى اكتر من سنه الحوار مش فى دماغى حتى مش عارفه اى الى حصل فجأة

Sugar_37806 🇪🇬 ايا كان الحوار ايه او ايه اللي في دماغك انتي كنتي بتوهمي نفسك أنه مش في دماغك بس هو دائما كان في بالك

عرض الكل 2 نصيحة

Chilli_27912 🇸🇦

منذ سنة واحدة

شعور مرتبك

ابغا منجد نصيحة، هل لازم أمر على ذكريات الطفولة والعقد إلي فيها عشن أكون كويس وأتخطى؟ أو مثلًا لازم أمر بعلاقتي مع أمي وأبويا زمان وأحللها؟ لأنو أنا قررت إني أبغا أسير أحسن، وما أغوص في مشاعر الحزن ونبش الماضي فأشوف كدا بأسوي العكس، وغير كدا أحس مهو مفيد اني افكر بدي الأشياء خصوصًا إنو ما كانت عندي

Sugar_36101 🇮🇶 انا تقريبا نفس حالتك لما كبرت شغلتني حياة عن طفوله و هاي مشاعر من غضب وعقد صرفتها باعمال تطوعيه ❤️

عرض الكل 3 نصيحة

Banana_29935 🇪🇬

منذ سنة واحدة

شعور ممتن

موضوع:

ازاي اتغلبت علي خوفك انك تثق في حد

سلمتها لله و انا في اعدادي حد معايا في المدرسة عمل حساب فيك و قعد يتكلم معايا كتير منه على انه بنت و كان بيبعتلي صور مش كويسة و بالتدريج خلاني ابعت انا كمان صورة و قفل على كدة بعدها ب ٣ سنين لما حولت مدرسة تانية الناس من المدرسة الأولى عملوا جروب كبير ولاد و بنات كلهم عارفني و فيهم صحاب قريبين ليا

Strawberry_29495 🇪🇬 كل غلطه بنعملها في حياتنا بتأثر فينا سواء كان تأثير إيجابي او سلبي واهم حاجه نتعلم منها

عرض الكل 2 نصيحة

عبّر عن شعورك بشكل مجهول

سلمتها لله
و انا في اعدادي حد معايا في المدرسة عمل حساب فيك و قعد يتكلم معايا كتير منه على انه بنت و كان بيبعتلي صور مش كويسة و بالتدريج خلاني ابعت انا كمان صورة و قفل على كدة

بعدها ب ٣ سنين لما حولت مدرسة تانية الناس من المدرسة الأولى عملوا جروب كبير ولاد و بنات كلهم عارفني و فيهم صحاب قريبين ليا و حد بعت الصورة دي في الجروب. كان احساس عمري ما هنساه لما شفت الصورة و شفت بنات بتمشي من الجروب و ناس بتعلق على الموضوع، طبعا خرجت علطول بعدها

الناس من المدرسة التانية عرفوا و خسرت أغلب اللي كنت اعرفهم حتى اعز اصحابي وقتها، و في ناس لما كنا نتكلم ولا نهزر شوية بتريقة على بعض يقوموا جايبين سيرة الموضوع ده لمدة كذا سنة كمان بعد ما الموضوع اتعرف

لما دخلت جامعة كنت بتعامل مع الناس على اساس اني كدة كدة هخسرهم لأني كنت بقول مسيرهم هيعرفوا و مسير الناس كلها هتعرف، و لكن خلصت جامعة و دخلت جيش و اشتغلت و الدنيا مشيت الحدلله

اكتشفت ان الدنيا مش واقفة عليا، و دي حاجة انا عملتها لما كنت صغير نسبيا (طبعا هي حاجة غلط ) فا مش جريمة و مش مستاهلة اقطع نفسي كل ده عشانها

انا كنت ضايع خالص من ناحية الدين و مع الوقت كنت بقرا و بدور في صميم الدين عشان كان عندي شكوك، الحمدلله ده اللي صلح الموضوع عندي إلى جانب مشاكل تانية

على قد منا بكره الوقت ده من حياتي على قد منا مكنتش هبقى احسن منغيره، اه انا مبثقش في الناس كلها، بس بثق في ناس معينة أوي و بدون سذاجة، و لو اتخذلت من حد انا واثق فيه، أو أسوأ، اتعرف تاني القصة دي للناس اللي في حياتي دلوقتي، فا انا عارف انا اللي هخسره بعدها ده الخير ليا، و كدة كدة انا بشتغل على نفسي كا شخص اني اكون احسن فا مش مهم الناس شايفة ايه، المهم ربنا يكون راضي عني

French Fries_17394 🇪🇬

منذ سنة واحدة

شعور Bad 😞

غلطات الماضي بتتمحي ازاي؟ نفسي تبطل تطاردني

Strawberry_16733 🇪🇬

منذ سنة واحدة

شعور Bad 😞

ازاي اقدر انسي شخص مفيش بيني و بينه حاجه

Popcorn_14732 🇯🇴 صعب فعلًا ، بس ع الاقل ما في ذكريات مشتركه ، وهاي ايجابيه بنحكي الحمد لله عليها اول شي ، بعيدن بتفكري ب انتي ليه قررتي انك لازم تنسيه ؟ وليه مش هو الشخص المناسب ؟ وكيف انه حبك قبل او مشاعرك كانت مندفعه ومش لاسباب حقيقية ، وحاولي اقلبي الموضوع منطقي اكتر ما هو شعور وحالة ، وهيك بتخف المشاعر شوي شوي وبتختفي تماما بعد فتره ان شاء الله ، الله يهدي بالك وييسرلك الخير دايمًا 💖

عرض الكل 5 نصيحة

Strawberry_14896 🇪🇬

منذ سنة واحدة

شعور Okay 😐

إزاي نقدر نتخطى كل شيء سلبي مرينا بيه من الطفولة، ازاي نقدر نحس بالحياة زي م كنا حاسين بيها واحنا أطفال؟

Cherry_14239

منذ سنة واحدة

شعور Not great 😕

مش عارفة أmove on من الكام شهر الي فاتوا …

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع