تعبت من التفكير

Coffee_66105 🇪🇬

منذ 5 أيام

شعور مستنزف

انا تعبت خلاص جبت اخري انا بقيت مضغوط نفسيا فوق الوصف انا ماذتش حد في يوم من الايام ولا عمري كنت مصدر خطر او ضرر علي حد انا لي مش لاقي منهم التقدير انا ديما جنبهم لي بقا انا حاسس اني لوحدي ديما تعبت من حالي و دماغي خلاص جابت اخرها من التفكير انا مش كدا مع الغريب اي حد بيتعامل معايا بيعمل الف حس

Strawberry_63042 🇪🇬

منذ أسبوع واحد

شعور محبط

عاوزه اقول اللي حاسه بيه بس مش بعرف مش بعرف اقول اللي مضايقه منه ولا اللي أثر فيه ولا اللي حتي اللي ضايقني مع ان حتي محدش يعرف هنا حد ولا حتي هيعرف بس برضو خايفه عوزه اطلع اللي جوايا بس مش عارفه و معنديش حتي حد برتاح وانا بتكلم معاه بس برضو مش عارفه اطلع اللي جوايا و اقول اللي مضايقني و المشكله اللي

Mango_88386 🇪🇬 تحبي تحكي؟

عرض الكل 5 نصيحة

Coconut_86655 🇪🇬

منذ أسبوعين

شعور مرهق

فى حد قالى انهارده جملة اثرت فيا اوى وفتحت عينى فعلا ع حاجات كتير اوى اتقالى انتى عايشه ف جحيم المعرفه للاسف بقيت عارفه وفاهمه اكتر من اللازم بقيت واعيه ع حاجات مينفعش افكر فيها حتى .. تعبت جدا والله من كل حاجه حواليا نفسي ارجع اعيش تانى ف نعيم الجهل مش عاوزه افكر فى حاجه نفسي يبقى عندى طاقه إيجابيه

Mushroom_83316 🇪🇬

منذ شهر واحد

شعور مكسور القلب

ازاي ابطل تفكير سلبي او اطلب تفكير في حاجات كتير نفسي دماغي ترتاح من التفكير دايما بفكر دخلت واشتغلت علشان اكون في الشغل اكتر وماشغلش دماغي لكن برضو بفكر تفكيررر تفكيررررى في كل حاجه مش هكذب في ناس كتير بتقولي انتي بتكبري الموضوع انا مش عارفه هما صح ولا غلط لكن الموضوع نفسه بيكون بالنسبالي كبير

Chilli_31281 🇪🇬

منذ شهر واحد

شعور مرهق

محتاج انسي شخص كان ف حياتي الشخص ده شاف حياته دلوقتي و خطبت و عاشت حياتها بس انا الي اتحشرت هنا ف ذكراها و مش قادر انساها بجد حاولت بكل الطرق كل حاجه ف حياتي بتفكرني بيها مع اني حاولت ابعد عن اي حاجه بتفكرني بيها و برضو بفتكر محتاج حل بجد عشان تعبت

Mango_77800 🇪🇬

منذ شهر واحد

شعور مستنزف

اعصابى مفرومه.. مخنوقه ومضغوطه ومش قادره اتحمل..حتى النفس تقيل عليا.. هل وجودى صعب اوى كده فى حياة اللى حواليا.. هل صعب إنهم يحافظوا عليا معاهم..تعبت من كتر التفكير في انى بدى وبس ولا مره اخدت.. ولا مره حد فكر فيا.. مكسورة 💔

Coffee_77026 🇪🇬

منذ شهرين

شعور مستنزف

مش قادره اوقف overthinking بجد تعبت ولا عندى اى حاجه اقدر اعملها بشغل نفسي وبخرج مع أصحابى ومبقعدش وحدى بس كده كده الدماغ بتفضل تفكر هو احنا امتى ممكن نرتاح امتى ممكن نكون هاديين وفى قلبنا سلام امتى تبقى حياتنا هاديه من غير احداث صعبه القلب ميقدرش يشيلها وفى نفس الوقت اللسان ميقدرش يتكلم عنها

Olive_73910 🇪🇬

منذ 3 أشهر

شعور مرهق

كل ما اكون عاوزة افكر دماغي تبدا تفصل كانها تعبت وما اقدرش افكر خالص واتعب جدا من التفكير وببدا اصدع حتى لو تفكير ليه علاقة باني اطور من نفسي وشخصيتي وحياتي حاجة مفيدة ابدا فورا اوقف تفكير وكانه بقول لنفسي كفاية لو بتفرج على فيديو مثلا فعلا لحد بحبه وبتعلم منه فجاة اقفل الفيديو واتعب من المشاهدة وحا

Coffee_75196 🇪🇬

منذ 3 أشهر

شعور عاطفي

حاسس اني لسه بحبها رغم كل الي عملته و اهلها عملوه مش عارف ابطل تفكير مع ان احنا خلاص تقريبا لا سبيل للعوده اعمل ايه و معطل حياتي مش عارف بجد تعبت الكلام ده عدى عليه سنتين و للاسف متعلق لسه بيها و هي عايشه حياتها عادي تماما

Guava_33997 🇪🇬

منذ سنة واحدة

شعور مرتبك

كنت انا وهو صحاب لغايت ما في يوم قالي انو بيحبني وانا مكنتش عيزه ساعتها بس بعدين فضلنا صحاب بس حبيتو و اول ما اا اعترفتلو اني بحبو هو بداء يختفي من حياتي ويظهر تاني كل ما احس اني كويسه القيه رجع تاني بس انا بقيت اعمل زيو عشان ما بقتش قادره اني اعيش من غيرو حبيتو بجد و اتعلقت بيه ومش قادره انساه

Orange_16327 🇪🇬

منذ سنة واحدة

شعور Okay 😐

طب يجماعه انا معجبه بواحد بقالي تقريبا ست شهور بس مش ببين وحاليا بقالنا شهر بنتكلم واوقات احسه معجب ومهتم واوقات احس انه معتبرني بس صاحبه اعمل اي تعبت مت التفكير طيب ابطل احبه واشتري نفسي ولا استني لأننا لسه في الأول وطبيعي يكون كده مع العلم ده اول حد أعجب بيه فحياتي وانا عندي 18 سنه يعني مش صغيرة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع