تقبل

Cherry_60251 🇪🇬

منذ 3 أيام

شعور وحيد

عبّر عن شعورك بشكل مجهول

مرة فى أحد المحاضرات الدكتور قالت جملة حلوة اوي
قالت 
" كلنا ذوي احتياجات .. مش بس ذوي الهمم اللي بنقول عليهم ذوي احتياجات ، هو انت لما تشرب شاي سكر برا و انت تشربي قهوة بمعلقة سكر و هي تشرب عصير تفاح ، هو مش كل واحد كان ليه احتياج خاص مختلف عن التاني؟"
أحيانا بحس ان كل واحد فينا ليه بعض الاحتياجات اللي بتمس شخصيته نفسها 
زي مثلا ، أنا شخصية مشتتة احيانا طموحة جدا بحب اعمل مليون حاجة و اجرب حجات كتير ، غير منظمة اطلاقا و بحب حرفيا اعمل حجات عشوائية و ارجع الون كل مكان حواليا 
انت من ورا الشاشة شايف الله دي مرحة 
بس اللي عايش معايا من أهلي بيعانوا الأمرين 
و بيكرهوا دا و بيتخنقوا 
و كتير بينتقدوني لحد ما وصلت اني معادش عندي طاقة زي الأول 
و مبقتش عارفة أعبر عن نفسي غير وانا لوحدي او من ورا شاشة
لأني غير متوافقة مع المعايير
لكن ان جيت للحق انا كان ليا احتياج معين
و هو انهم يقبلوا دا و ميتنقدوش يشجعوني اتغير مش دايما احس اني ناقصة
و غير كدا بقا مواقف كتير ، هتكتشف انك كنت محتاج حد يعاملك بطريقة مختلفة
زي والدي 
اللي الكل بلا استثناء بيقول عنه شخصية صعبة
لما درست الأنماط 
جربت أفهمه و أغير من طريقة الحوار
كسبته ساعتها و أقسم بالله الكل للآن مستغرب 
و يقولي ازاي؟
بكل بساطة ... حاولت احط فى دماغي مفيش حد وحش و خلاص او توكسيك و خلاص
فى ناس عندها مشاكل فى التعبير او التواصل بشكل صحيح
زي طفل التوحد مثلا.  ما هو عنده صعوبة فى التواصل
هل بروح اقول عليه وحش و توكسيك و عايز يأذيني
حتى لو ضربني او عورني ولا بقول محتاج معاملة خاصة؟

لما مشيت بالمبدأ دا ارتحت كتير مع اكتر من حد
رغم ان اكيد بيجي عليا وقت بيغلب الطبع على التطبع 
و لكن على الأقل
فهمك لنفسك او للي حواليك بيقلل شوية من كراهية لنفسك او للي حواليك

فاللي مخليني دلوقتي موصلش تاني لمرحلة الكره الرهيبة اللي كنت فيها اني بحاول افهم طبيعتي انا كإنسان و افهم شخصيتي

يمكن تفضل شخصيتي صعبة للي حواليا انه يفهمها و ملاقيش اللي يتفهمني 
ولكن يكفيني 
اني على الاقل كنت الشخص المتفهم فى حياة حد تاني
يمكن ملاقيش اللي بعمله بيتعمل معايا 
بس يكفيني ان فيه حد حس انه كويس و كفاية بسببي
يكفيني ان حتى لو فيا العبر
اساعد حد واحد على الاقل
حتى لو كنت مش بحبني او حسة انه فعلا فيا عيوب او اي حاجة على الاقل بحاول

معلش حسيت اني عاوزة افضفض بالكلام دا و بعتذر عن الاطالة شكرا للي وصل لحد هنا
😅😅

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_51073 🇪🇬

منذ 4 أيام

شعور لا مبالٍ

صباح الخير ياحلوين أنا كان عندي حاجات أو صفات معينه كده لما اقابلها في حد بتدايق جدا ولاحظت ان الصفات الي بتدايقني دي بتتغير مع الوقت ، يعني زمان كنت بكره الشخص الغبي بجد كنت بكره الغباء لكن دلوقتي بقيت بتقبله عادي وبحبه حتي وهكذا صفات كتير لحد ما مبقاش ف دماغي وآخرهم كانت الحكم علي الناس بسرعه وانت

Apple_16659 🇪🇬

منذ 4 أيام

شعور ضائع

كُل واحد في حياتك شايفك بنُسخة مُختلفة، في اللي شايفك كويس، وفي اللي شايفك عكس كدا، في اللي بيستلطفك وفي اللي مستتقِل دمك، في اللي بيحبك من غير ما تعمل مجهود، وفي اللي عمره ما حبّك رغم كُل المجهود اللي بذلته عشانه. عشان كدا خليك عارف إنّك مش مسؤول عن إنعكاسك في عيون الناس إنتَ مسؤول فقط عن حقيقتك و

Marshmallow_69067 🇪🇬

منذ أسبوع واحد

شعور مرهق

بيجي عليا اوقات بحس انى فاضلى تكة ودماغى هتفصل و هدخل في مرحلة الجنون مش هزار.. ساعات بتحصل حاجات بتكون فوق تحمل الإنسان خصوصا لو ع مراحل كتير من عمره.. كل م بتبكبر بتحس انها بتبوظ منك اكتر.. وكأنى مثلا بتعاقب كأنى كنت موجودة ف عالم تانى قبل كدا وجيت أتعاقب هنا دا بيكون شعوري وقتها.. لما بدخل في الم

Apple_4481 🇪🇬

منذ أسبوع واحد

شعور متعب

الإنسان ازاي يخلي نفسه تمام! ازاي يتفادي الاذي الكلامي او اختلاف البشر عموما وان مش كلهم كويسين زي ما هو فاكر، وازاي يتعايش مع فكرة انه لازم يتأقلم ان الدنيا مش ثابته ف وضع معين حتى لو روحنا ف وضع معين مش هيستمر كتير، طيب ازاي نقلل تفكير ونجعل حياتنا هاديه بدون وجع القلب اللي بقا شبه ملازم دايما از

Chilli_82771 🇪🇬

منذ أسبوع واحد

شعور مرتبك

انا عندى 18 سنه اتحجبت وانا 15 سنه لوحدى من غير ما حد يدخل ويقول اتحجبي بس من ساعه ما لبسه وانا بقولهم عايزه اقلعه حاسه شكلى وحش بيه ولحد دلوقتي م متقبلاه بس حاليا لما بفكر ف اللحظه اللى هخرج بيها من غير حجاب بحس انى م هقدر وهحس اكنى عريانه فكرت كتير ف النقاب قولت منه ستر وتقرب لله ووشي م هيبان عشان

Chilli_86732 🇪🇬

منذ أسبوع واحد

شعور ممتن

موضوع:

هل بتحب نفسك...ولا بتحب الصورة الي عايز توصلها؟

قعدت كتير اوي عبال ماعرفت ازاي احب نفسي .. احساس فشيخ اوي يا جماعة .. الواحد يبقى متصالح مع نفسه و يحبها على وضعها كده بدون مجاملات او تطلعات او تصورات او نظرات .. ازاي اكون متقبل نفسي بكل عيوبي و كل مميزاتي .. ازاي اكون ببص لنفسي بشكل جميل و ابقى حلو في عيني انا .. ازاي مابقاش مستني مجاملة او كومنت

Coffee_82769 🇩🇿 نعم اخي طبعاً لابئس ببعض الأنانية، طالما نعيش في عالم لا يكترث لنا كأفراد ويخدل توقعاتنا غالباً، لكن هل الحاجة للإهتمام رغبة مهيمنة أو يمكن التغلب عليها، وهل حقا يمكن حب الذات بدون اي تصورات أو ذالك يمكن أن يؤدي إلى وعي مزيف يجعلنا مسجونين بين تناقضاتنا، يعني اعتقد أن الأمر اعقد مما نتصور

عرض الكل 2 نصيحة

Nutella_86155 🇪🇬

منذ أسبوع واحد

شعور ضائع

هكمل هنا... بجاهد كتير مع نفسي انه مش عايزة مجرد احتياج يخلينى اقرر قرارات غلط تدمرنى الباقى من حياتى كفاية الماضي اللى مكنش احسن حاجه بحاول اخلى الحاضر افضل...و برضو فكرة اتقبل انه الحياة مش مريحه وانه مكانى مش هنا مش هخلد في الدنيا وانه في آخرة انا بعمل لاخرتى بس برضو خايفه من ذنوبي في مخاوف كتي

Kiwi_79580 🇪🇬

منذ أسبوعين

شعور آسف

هي شكلها فعلاً بجد ما تريده لا يريدك الحاجات الي بنبقى هنموت عليها تبقى واقف وشايفها مع كل الناس الا انت في اللحظة دي بيختلط عليك الامر بين ليه وبين يقين ان ده لحكمة يعلمها سبحانه وتعالى بس ازاي ازاي الانسان يقدر يبطل ييقى نفسه فجاة أو على الاقل يتقبل فكرة انها ممكن متجيش فعلاً انها مش نصيبه

Marshmallow_69067 🇪🇬

منذ 3 أسابيع

شعور مرتبك

عبّر عن شعورك بشكل مجهول

بحس ان نصيبي اتوه فأكتر طريق اتمنيت امشي فيه وكنت فاكرة ان انا لوحدى كدا بس طلع ناس كتير كدا مع إختلاف حلم كل إنسان عن التانى ولكن اكتر حاجة هتلاقيها صعبة ف حياتك هى اكتر حاجة اتمنيتها .. ومع الوقت فهمت ان دا قدر معظم الناس ان ربنا يختبرنا ويشوف رد فعلنا كنت ساعات بسأل نفسي كتير "ليه؟" 
خصوصا فاللحظة الى كنت بحس خلاص انى قربت من حلمى وواقفة ع بابه فجأة كل حاجة بتدمر مش مرة او عشرين مرة لا دا كتير اوى.. الاول كنت بتضايق بغضب ببكى كتير وممكن استغفر الله توصل للإعتراض ع الاقل بيني وبين نفسي الى هو انا عملت ايه ولكن مع الوقت بقيت صبورة وبفتكر علطول الاية "يقولون هل لنا من الأمر من شئ قل إن الأمر كله لله" الى هو انا لسه مش فاهمة حاجة موصلتش حتى للسبب بس انا واثقة ف الله وانه اكيد مقدر ليا الخير.. بس برضو بترجع تضلم جوايا تانى و بقول "ليه؟" انا موقنة ف الله تمام اليقين بس بخاف من فكرة ان العمر هيخلص ف إختبار كبير مش هوصل فيه لأى طريق وبحس ان دا قدرى مش كل الناس كدا فيه ناس بتوصل لطريقها عادى حتى لو هتعانى وهتصبر انا كل حاجة بتبوظ منى فأول الطريق بقول لعله خير بقول يمكن دى ذنوبي.. عايشة بين أمل وألم بس صابرة ومشكلتى مش فأى حاجة الا ف انى عايزة ابطل ايأل "ليه؟"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_81457 🇩🇿

منذ 4 أسابيع

شعور قلق

SOS متعبة جدا من مدة لاسباب كثيرة جدا كرهت نفسي كرهت اعيش لم اعد اطيق اي شي، من مدة صارو مشاكل لي مع اهلي و ما صرنا مثل قبل ، مشاكل كلامهم القاسي و اشياء مثل هذه ، من اسبوع بسبب احتياجي لمال تعرضت لموقف قاسي جدا منهم والدي حدثني بكلام جارح جدا حتى انو قال انو ما عندو ثقة فيا و كلام اكثر كمان رغم ان

Biscuit_81440 🇩🇿 نحن لا نختار من هم والدينا اذا كانو عصبيين ولا يجرحو ولت بخلاء ولا... في كل الاحوال لازم نتقبلوهم هذي هي الدنيا سما افضل شي انك تنجاهلي كامل وش قال في حالة غضبه وتعتبريه كما المجنون مكاش فعقله واسمحيله

عرض الكل 6 نصيحة

Sugar_47357 🇪🇬

منذ 4 أسابيع

شعور مكتئب

موضوع:

هل بتحب نفسك...ولا بتحب الصورة الي عايز توصلها؟

هفضل امته عايشه ف خيالي بس .. لا متقبله نفسي ولا شكلي .. قائمة من الاشياء الغير مرغوب بها تتكاثر.. هل انا هذا الشخص التي كنت اتمناه يوما ام لا .. هروب دائم من نفسي في المرآه.. هروب دائم من مواجهة افكاري يتم اخماد نفسي يوميا .. سنه تلوي الأخرى تضيع من عمري وانا كما انا لا جديد .. مش عارفه حقيقي مش عا

Marshmallow_81683 🇪🇬 اول حاجة مفيش حد بيختار شكله و دايما ربنا خلقه جميل في كل شئ سبحانه و تعالى حبي نفسك " مش حب مؤدي للانانية " و صاحبي ناس دايما بيحبوكي و مش بيتريقوا ع الشكل أو الهئية حتي لو هزار و اخر حاجة اكيد ربنا خالقك لوسيلة أو غاية لا يعلمها الا هو عز و جل و ادعي دايما إن ربنا يستخدمك في الخير دايما و اهم حاجة نعمة الصحة والعافية و أكبرها نعمة هي نعمة الإسلام

عرض الكل 3 نصيحة

Coffee_81605 🇪🇬

منذ 4 أسابيع

شعور مرتبك

موضوع:

خطأ وقعت فيه تتمنى غيرك يتفاداه

متفرضش ع نفسك حاجه انت مش متقبلها متقبلش باقل من التستحقه لانك ف نهايه هتحس انك خسرت نفسك ف محاوله فاشله ف ارضاء غيرك مشاعرك ونفسيتك هى الحاجه الوحيده التستحق منك المحاوله وبزل مجهود ف ارضاها

Sugar_47357 🇪🇬

منذ 4 أسابيع

شعور مكتئب

هو احنا هنفضل تايهيين لحد امته .. انا مطلوب مني ايه تعمله علشان اكون شخص ميسور الحال ومعاه فلوس المفروض اعمل اي .. طيب بلاش ده الحمد لله علي ما رزقنا .. طب هنفضل لوحدنا لحد امته هفضل اعمل كل ده لمين وهل هفضل عايش لوحدي كتيير كده .. احساس بعدم تقبل حالي وشكلي ووضعي وان ابسط الاشياء عايشاها ف خيالي بس

Coffee_81331 🇪🇬

منذ شهر واحد

شعور متحمس

موضوع:

هل بتحب نفسك...ولا بتحب الصورة الي عايز توصلها؟

هو انا طبعا بحب نفسي و متقبل نفسي ب كل عيوبي ، بس اكيد بحب الصورة الي عايز اوصلها اكتر … يمكن حققت كتير من الي عايز اوصله ف حياتي بس لسا باقي اكتر ، يعني مثلا من صغري عايز ابقي محامي ر دلوقت اهو بدرس ف حقوق و شغال ف مكتب محامي بس مستني الوقت الي يبقي ليا فيه اسم و ابقي شخصية معروفة

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع