حب أول

French Fries_85699 🇪🇬

منذ 6 أيام

شعور مكسور القلب

أنا بفكر فحد كتير ومش عارف السبب رغم ان مشفتهاش من حوالى ١٦ سنه وبكراش عليها فالفيس وعلى صور قديمه ليها مع أن البنات كتير قدامى مش بفكر غير فيها وانا متجوز لكن بفكر فيها هى هل تفتكروا هى كمان بتفكر فيا زى ما بفكر فيها

Sugar_89375 🇪🇬 انت إلى فيه دا غلط انت متجوز حرام عليك تظلم إلى معاك طالما بالك مع حد تانى

عرض الكل 3 نصيحة

Sugar_57340 🇪🇬

منذ 3 أسابيع

شعور متوتر

في بنت صاحبتي هنسميها مين مين دي واحد من صحابها في مدرستها القديمة هنسميه محمد مين بعتتلي علي جروب بتاعي انا و صحابنا القريبين و بتقولي ان محمد ده شاف الاكونت بتاعي و سالها عليا و عايز يكلمني فا انا قولتلهم لا بلاش و بتاع و بعدها كلهم فضلو يقنعوني بيه و يقولو جربي و بتاع لأن كلهم كامو مصاحبين فا انا

Lemon_52708 🇪🇬

منذ شهر واحد

شعور متوتر

كيف أنساها ... وهي من علمتني الهوى وأول من جعلتني أرى الحياة سوي. كانت لعيني ضوءا، ولقلبي نبضا، فكيف يُطفئ القلب من كان له الهدى؟ ضحكت معها، فظننت الدنيا تبتسم لي، وحين رحلت، عرفت أنها كانت هي الدنيا. أحاول نسيانها، فأجدها في التفاصيل كلها، في الطرقات، في الأغاني، في الصمت إن بدا. تركت أثرها في قلب

Candle_87072 🇪🇬

منذ شهر واحد

شعور ضائع

انا بحب شخص فضلنا مع بعض فتره طويله سنين بمعنا أصح بس جت فتره حصل فيها مشاكل كتير لان اهلو شايفين أن احنا لسه صغيرين و أن هو عندو اخ اكبر و مينفعش برغم أن احنا عندنا 20 سنه المهم هو مشي. من غير مبرر و قطع التواصل 8 شهور و انا الكبيره ل اهلي و شايفين أن السني مناسب أن اتخطب و اتخطبت و الشخص ده كلمني

Toast_31301 🇪🇬 اول خطوه لازم تعمليها بسرعه انك تفشكلى خطوبتك من الشخص اللى معاكى اتصرفى واعملى كده لأن دى علاقه مش هتكون جواز بكل الطرق تانى حاجه بعد ما تفشكلى الخطوبه انك تهدى خالص ف الموضوع وخليه ياخد وقت مثلاً سنه وبعدين فاتحو اهلكو تانى انه يتقدملك

عرض الكل 5 نصيحة

Watermelon_74699 🇪🇬

منذ شهر واحد

شعور شاعر بالملل

موضوع:

قرارات من الأهل كانت سبب في تغير حياتك

مرة اهلي قفشوني مع بنت ف البيت و المشكلة ان دي البنت الي بحبها و عايز اتجوزها و بقيوا مش موافقين عليها معني بمووت فيها مرة اهلي قفشوني مع بنت ف البيت و المشكلة ان دي البنت الي بحبها و عايز اتجوزها و بقيوا مش موافقين عليها معني بمووت فيها

Coffee_60318 🇪🇬 يسطا انت لو راجل لك حريه الاختيار عادي وملهاش علاقه برضا الاهل انت مسؤول عن نفسك اسأل شيخ ف الموضوع ده وحاول مع اهلك تاني

عرض الكل 4 نصيحة

Almond_71252 🇪🇬

منذ شهرين

شعور قلق

عبّر عن شعورك بشكل مجهول

انا عندي ١٨ سنة ، اتعرفت على بنت و اتكلمنا و ارتبطنا بقالنا اكتر من تلت سنين ، واحنا الاتنين كنا بنحب بعض و كنا متفقيين اني هخطبها ، بس قررنا اننا هنبطل كلام لحد ما الظروف تسمح بكدا عشان حرام و هي الي اقترحت كدا وانا وافقتها عشان ربنا يوفقنا و ميبقاش غضبان عننا لأنها فعلاً علاقة حرام وانا كنت عايز اخطبها و لسا عايز اخطبها لكن طبعاً ظروفي متسمحش دلوقتي خصوصاً ان والدي متوفي و الأمور صعبة شوية بس الحمدلله ، المهم بعد شهر من لما اتفقنا اننا منتكلمش كنت بطمن عليها ف العيد بقولها كل سنة وانتي طيبة قالتلي انا ماما عرفت كل حاجة ما بينا ، قالتلي ضغطت عليا وانا قلتلها كل حاجة و قالتلي متكلميهوش تاني ، طبعاً انا مكنتش فاهم حاجة و كنت عايزها توضح اكتر بس هي قالتلي مش قادرة اتكلم و سبتها على راحتها ، المهم هي كانت ساعات بتبعت ستريكات على سناب ، ف انا دخلت بالصدفة لقيتها شايلاني من عندها من ع السناب و كمان لقيتها عاملالي بلوك ع الانستا مع انها مكانتش عاملة اي حاجة من دول لمدة اربع شهور من ساعة حوار امها دا ، المهم بعتتلها على صراحة قلتلها اي البلوكات دي و هي شافت الرسالة و مردتش ، وانا من ساعتها وانا خايف تكون عرفت حد غيري او ان دا كله كان تمثيل عشان تخلع مني او عايزة تسيبني لأي سبب مع العلم ان علاقتنا كانت كويسة و مفيهاش اس حاجة قبل ما نبطل كلام .
انا لسا بحبها لحد دلوقتي و حرفياً مش بتروح من بالي و عايز اخطبها بس خايف بجد لو فعلاً هي مش عايزاني
انا حاسس اني مش هعرف الاقي حد زيها تاني ، لان انا اصلا مش عايز اعرف حد تاني ولا عايز اجرب اكلم اي بنت تانية ، هي كانت فهماني و زيي ف حاجات كتير ، و دلوقتي حاسس اني مليش هدف لأن هي كانت الهدف الي بيخليني اشتغل على نفسي عشان اعرف أوصللها بس دلوقتي انا حاسس بضياع و مش عارف اعمل اي ، خايف افضل شغال عشانها و متعشم فيها و بحبها و حاططها ف دماغي و حاطط املي عليها و في الآخر تتخطب لحد تاني . بجد في كلام كتير عايز اقوله بس معرفش أصلا مين هيقرأ كل دا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Corn_71708 🇪🇬

منذ 4 أشهر

شعور مرتبك

موضوع:

عرفت تنساها او تنسيه

معرفتش انساها رغم اني اتجوزت و بحب مراتي و مخلص ليها بس دايما بتيجي في بالي و يعلم الله مش بعمل اي محاولة تواصل معاها بس بحس ان اول كل ذكري حلوة كانت معاها هي ف عمرها ما غابت عن بالي للاسف... هتفضل حاجة حلوة في حياتي اكيد

Avocado_70890 🇪🇬

منذ 4 أشهر

شعور مكسور القلب

عبّر عن شعورك بشكل مجهول

من فترة كبيرة دخل حياتي شخص وأنا حبيته أوي لاني حسيت بالأمان معاة و كنت فرحانة بوجوده ف حياتي بس احنا كنا ساعتها ف 2 ثانوي لحد ما ف مرة لقيته دخل كلمني ساعتها معرفتش اتصرف ازاي لان مكنتش حابه يكون ف كلام ما بينا واحنا ف الوقت دا المهم ف الاخر اتكلمنا?😂? بس اتكلمنا فتره صغيرة أوي  كان كلامنا عباره عن ازيك وبس وكنا مثلا بنتكلم ف الدراسه وكدا وكمان كنا بقطع يعني كنت بقوله حرام نتكلم وكدا نقطع ونرجع كان ف كام حد من صحابي القرييبن عارفين لان صراحه كنت بخاف اتصرف معاه ازاي يعني مكنتش عايزة احسسه اني مش عايزة لشخصه بس أنا مكنتش حابه كلام ف وقت دا ف كنت بتكلم مع حد من صحبتي القريبه بس لما قولتها قالتي ازاي وازاي يعمل كدا عمره م كلم بنات ف حسيت بالذنب اني حكيتها ساعتها?😂? المهم هي قالتلي ان هو كان ع علاقه بحد بردو من الدفعه بس دا من زمان أوي والبنت هي اللي كلمته وهو كرفلها اسكت انا؟ دخلت واجهته بالكلام دا😂😂? من ساعتها وعلاقتنا مبقتش واثقه فيه لحد ما قطعنا خالص كلام وأنا الصراحة حاولت معاة اكتر من مرة لاني زي ما قولت هو الشخص الوحيد اللي حبيته  و حسيت معاه بالامان وكنت حاسة ان دا الشخص اللي ينفع اكمل معاه حياتي وانا مطمنه لاني عندي تروما من الرجالة عموما😂? ?وشوفته راجل من الاخر دخل حياتي كذا شخص بس أنامحبتش حد منهم دلوقتي مش بنتكلم وعدي وقت كبير أوي بس أنا لحد النهاردة أنا منستهوش ولا خليت حد ياخد مكانه ومش شايفه غيره  اعمل اي عشان اعرف هو ظروفه اي او الفت نظره ازاي عموما هو انا حاسه ان هو بيراقب من الانستا عشان دي الحاجه الوحيده اللي كننا بنتكلم منها انا اسفه اني طولت بس عشان لما حد يديني رد يكون فاهم اي اللي حصل وشكراَ❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_60236 🇪🇬

منذ 4 أشهر

شعور غير مكتمل

أول حب في حياتي قبل ما اعرف يعني ايه حب أصلا كنت في تانية جامعة وهي في أولى حبيتها أكتر من نفسي وروحي كنت بتكسف أسلم عليها من كتر ما انا بحبها، كنت حاسس ان ليها هيبة في قلبي كدا، اللي هو ازاي في ملاك كدا في الدنيا دي؟ قعدنا مع بعض 3 سنين وكنت خلاص هتجوزها بعد التخرج، وبعدين اكتشفت انها بتخوني مع صا

Banana_68422 🇪🇬

منذ 5 أشهر

شعور مرتبك

عندي قريبتي بحبها من كان عندي ٧ سنين الآن عمري ١٩ خايف ما أكلمها فأخسرها وكمان خايف أكلمها فترفضني أو نرتبط وبعد كده ننفصل وأنا ما عاوز أخسرها مهما كلفني الأمر لأنها حبي الأول وما عجبتني في حياتي أي وحدة غيرها وأنا محتار

Mango_67775 🇪🇬 يبني الجواز ده مسؤوليه كبيره مش عشان بحب حد يلا اتجوزه الجواز مصاريف و عيال و تفاهم و حط مليون خط تحت كلمه عيال انت لسه صغير متقدرش تربي طفل و هتبقى مش عارف تعمل ايه و لازم وقتها تبذل قصارى جهدك عشان تطلعه سوي

عرض الكل 11 نصيحة

Watermelon_62093 🇪🇬

منذ 5 أشهر

شعور متوتر

Avocado_66936 🇸🇦 لسه العمر قدامك وبصي للي فاتك انك درس واتعلمتيه وابدئي من جديد وعيدي اكتشاف نفسك وتاكدي آن مشاعر الفتره دي حتي لو ترجمناها حب لكن فالغالب بيكون حب طفولي وارد يتغير نظرتنا للشخص مع الوقت والنضج وتاكدي دايما ان ربنا اختارلك الخير

عرض الكل 6 نصيحة

عبّر عن شعورك بشكل مجهول

عارفه ان الكلام طويل بس اسمعوني
انا حبيت حبيت بجد كان اول حب ليا احنا قد بعض اتربينا مع بعض كانت علاقتنا قريبه اوي اكتر من اي شخص احنا قرايب كنا بنفهم بعض من نظره كانت العيله دايما تفضل تقولنا انتوا لبعض كدا كدا ويفضلو يتكلمو واحنا حاجزينك ليه كنت بزعل اوي من الكلام دا لاني كنت بعتبرو اخ فالوقت دا وهو مكنش بيدي رده فعل عالكلام دا كان عادي ومتقبلو للامانه كان مميزني زمان وكان فعلا بيعزني وبيحبني، مع الوقت كانت بتظهرلي احلام كتير بقيت بفكر كتير زياده و ان تصرفاتو تغيرت وقرب اكتر وانا مكنتش حابه دا لاني طول عمري عندي تروما من الحب ومن الرجاله واي ولد اشوفو بخاف منو فكنت بقول انو قرف وعمري متجوز او احب لما وصلت للاعدادي اكتشفت اني حبيتو واني كنت بنكر طول الوقت دا وببعدو عني بتصرفاتي عشان متقبلش الفكره واللي خلاني اتقبل دا وحده صحبتي دي كانت اقرب حد ليا طول مرحلة الاعدادي صحبتي دي حرفيا كل يوم كنا مع بعض كانت بتفضل تحفل علينا بشكل فظيع ومع اهلي وحتى قدامو، للامانه انا تربيتش فعيله محافظه وللاسف محدش كان موعيني اننا كبرنا وانو مش من محارمي، طبعا مكنتش واعيه كفايه فكنت بعمل تصرفات كتير غلط تبين قدامو اني بحبو كان هو بصراحه كان بيفهم بس كان احيانا يتجاهل واحيانا بيينلي انو فهم لما كنت اتكلم او اهزر كان دايما يرد ب😂😂بس ويقفل الكلام مكنش يحب يتعامل معايا بس فالواقع كان دايما بيعمل حركات كتير عشان يلفت انتباهي عمري مفهمتو بصراحه احيانا يتجاهل رسايلي واحيانا احس انو بيلادل نفس المشاعر لما حصل موقف مره صحبتي ضحكت عليا وقالتلي كلمه كوريه وقالتلي معانا غبي وقالتلي ابعتيهالو بعتهالو من باب الهزار وفي الاخر طلع معناها بحبك طبعا شكلي كان زي الزفت وهو قالي فهميني دا هزار ولا بجد لما قفلت الحوار كتب فالكابشن بتاعو حاجه زي يارب انساها، المهم قالي فاخر الاعداديه انو حب صحبتي دي وطبعا انا فالوقت دا كنت معجبه بشخص تاني ولكن كان مجرد اعجاب باني انساه طبعا زعلت ولكن حاولت اتجاهل زعلي ويوميا بقى يكلمني عشان بس صحبتي واحيانا كان بيجرحني فالكلام بدون سبب كل اللي همو صحبتي وبس علي حساب نفسي كنت باجي علي نفسي كتير اوي لما دخلنا الثانوي ابتدا هت وصحبتي علاقتهم تبقى قويه ودايما بيرغو مع بعض وخصوصا فدرس احنا التلاته فيه كانو بيسحبو عليا ويرغو مع بعض وضحك وصوت عالي فالشارع لدرحه اني كنت بتكسف اني واقفه معاهم واحس ان هي قريبتو مش انا كانو احيانا يقللو مني وانا معاهم وكمان قريبي يفضل يتريق عليا مكنتش باخد اوي لاننا من زمان متعودين عالهزار دا طبعا كان بيتصرف تصرفات بايخه اوي ويفضل كل البشر ويفضل الدروس كمان ع صحبتي كل الناس بقت تشك فيهم وطلع عليهم كلام وانا كنت بنكرو عشان بس سمعتهم وعشان بعزهم طبعا ياما كنت باجي ع نفسي عشانو اكتر من اي حد وللاسف انا بنسبه كنت سبب قربهم بسبب اني الواسطه مبينهم طبعا ندمانه اشد ندم ويارب سامحني بس الموضوع بقى بايخ اوي حرفيا بسترغب صحبتي اوي معاه المشكله ن هي عندها حد بتحبو ولكن تصرفاتها مع قريبي بتقول انها بتحبو برضو شخصيه صحبتي اصلا وتصرفاتها هي السبب انها تخلي قريبي يحبها وان كراشها يحبها برضو وكذا حد احيانا كانت بتنصحني اعمل زيها والحمد لله انا مش كده ولا عمري كنت الشخصيه دي للاسف ففتره اتاثرت منها ولكن رجعت لنفسي ربنا فكل مره كان بيحصل قرب بينا كان بيبعدني عنها بأي شكل دلوقتي انا فوقت وقدرت بنسبه اتخطى قريبي بعد حب دام8سنين وفهمت انهم معتبريني كوبري مبينهم كل ما حد يحتاح من التاني حاجه يفضلو يكلمو ويحدفوني لبعض مع انهم ممكن يتكلموا خاص لان هما فالواقع بيعملوا العجايب حرفيا بس محسسيني اني مش انسانه ومجرد بريد يبعت ويستلم رسايل وهكذا، مؤخرا بقيت اوقفهم عن حدهم وبقيت اعامل قريبي برسميه نوعا ما لاني فهمت ان محدش فيهم يستاهل حبي واني مش مهمه عندهم انا مجرد طريق يوصلهم ببعض.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_57837 🇪🇬

منذ 6 أشهر

شعور محبط

موضوع:

لو رجع بيك الزمن هتحب نفس الشخص تاني؟

حاسه فعلا لو رجع بيا الزمن هحبه تاني الحل مش ب ادينا و انا ك شخص صعب و معقد جدا و دي كانت أول مره احب بجد و من قلبي قولت مستحيل اني اعترف و اعترفتله طبعا مكنتش محتاجه رد و كنت همشي و انساه او بمعني أصح احاول انساه حبي ليه كان باين حتي هو قالي كنت عارف روح ل دكتور نفسي بسببه بس اللي حدا ما بقيت

Sugar_54775 🇪🇬

منذ 6 أشهر

شعور مكسور القلب

شفتها امبارح بعد غياب اكتر من ١٨سنه ، شفتها هي وأولادها ، عقلي مش مستوعب انها بعيده اوي عني ، مش مستوعب انها مبقتش ليا مش عارف أنساها برغم السنين ،مش عارف أنساها برغم ان كل واحد فينا خد طريق بعيد عن التاني الحب الاول ……..لعنه💔

Mango_52619 🇪🇬

منذ 7 أشهر

شعور مكسور القلب

عبّر عن شعورك بشكل مجهول

ليه محدش قال أن التخطي صعب اوي كدا واللّه لو كنت اعرف ان كل دا هيحصلي كنت قفلت الباب وموافقتش اكلمه من البداية ...ازاي الواحد يتخطى حبه الأول؟ بحبه وبعشقه وبموت فيه ومشاعري ليه  بريئة وصادقة وقوية وحقيقية، ومع اننا قطعنا من فترة بس بتعذب كل يوم من بعده وبقيت بنام على منومات وبحلم بكوابيس وبسمع اغاني حزينة كتيير وبقرأ اشعار عن الحب والفراق وأهملت نفسي وأهملت دراستي ونفسي بجد ام..وت وارتاح من حياتي ... اديته كل حاجة ومن ضمنها قلبي ودلوقتي بدفع التمن .. المشكلة انه محبنيش خالص ومكنش شايفني أي حاجة ف حياته بس هوا لحق ربنا معملش حاجة تأذيني بجد، يعني صح لعب بمشاعري وبقلبي لكن كان يقدر يأذيني بصور وكدا ويهددني بس معملش ولحق ربنا هوا شخصيته حلوة جدًا وجدع ومحترم واشهدله كل خير ... بقيت اشوفه ف أي حاجة وف كل مكان ومش قادره ابطل تفكير فيه وحتى الحساب لما عملته حطيته مانجا عشان حبيبي كان بيموت في المانجا ...عارفين ايه المصيبة؟ ان كل الحب والتعلق دا كان من مجرد شات مابينا وكانوا سبع شهور يعني حتى مدخلناش في سنين، امال بقى الناس الي بيتقابلوا وبيكون بينهم علاقة بجد لما يقطعوا بيقدروا يعيشوا ازاي؟ انا هتجنن مش قادرة وبكتب الكلام دا وانا بتقطع من جوا وايدي بترتعش وبعيط بشكل هستيري، إلى حبيبي الي مستحيل يقرا الكلام دا( لأنه مش سائل بيا وميعرفش التطبيق اساسًا وزمانه بيذاكر وشايف مستقبله وانا ولا على باله) ممكن ترجع تكلمني وترد الروح فيا؟ بتعذب من بعدك وانت عارف دا كويس... عارفين ايه المحزن ف الموضوع انه انا الي قررت انهي العلاقة، كنت فاكره اني هرتاح بس من ساعت ماحبيته وانا بتعذب سواء معاه او في بعده بس على الأقل لما كنت معاه كانت نار قلبي بتتطفي مؤقتًا لما اكلمه ... انا بتجنن وخايفه أأذي نفسي لأنه حصل قبل كدا💔.

(يا من هواه أعزه وأذلني ... كيف السبيل إلى وصالك دلني)
(تركتني حيران صبًا هائمًا ... أرعى النجوم وانت في نوم هني)
(لأقعدن على الطريق واشتكي ... وأقول مظلوم وانت ظلمتني)
مش هقدر أكمل باقي الشعر عشان مقدرش أدعي عليه💔. 
_______________________________________
(كم جاء غيرك في غيابك عاشقا ... والقلب غيرك لحظة لم يعشق)
(إني أريدك والذي خلق السما ... وكأن غيرك ربنا لم يخلق)
_______________________________________
(نقل فؤادك حيث شئت من الهوى ... ما الحب إلا للحبيب الأول)
(كم منزل في الأرض يألفه الفتى ... وحنينه ابدًا لأول منزل)
_______________________________________
(لو مال قلبي عن هواك نزعته ... وشريت قلبًا في هواك يذوب)
(آيات حبك في فؤادي أحكمت ...من قال إني عن هواك اتوب)
_______________________________________

بعتذر جدًا على الإطالة، كنت بفضفض شوية وحكيت جزء من المعاناة الي بحسها كل يوم لعلي ارتاح شوية ...
اخر حاجة احب أقول (وإذا دخلتُم القلوب فأحسِنوا سكناها فإنّ خرابَها ليس بهيِّن)💔💔💔💔.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Durian_52455 🇪🇬

منذ 7 أشهر

شعور متحمس

موضوع:

ف مره دخلت ف علاقه حب سوشيال او صداقه!!!

متحمس جدًا أجاوب على السؤال ده لإنه ردى عليه السبب فى إنى أكتشف نفسى اكتر. كان فيه شركة خدمة عملاء فى إسكندرية بدون ذكر اسمها اسمها Octopus Outsourcing، أعلنوا فى open day انهم محتاجين ناس بيعرفوا يتكلموا إنجليزى وانا كنت عارف كويس الـInterview Process كانت ماشية ازاى.. فـ كنت بساعد الناس اللى رايح

Hazelnut_52786 🇪🇬 ياريت نعرف الجزء التاني

عرض الكل 6 نصيحة

عبّر عن شعورك بشكل مجهول

متحمس جدًا أجاوب على السؤال ده لإنه ردى عليه السبب فى إنى أكتشف نفسى اكتر.

كان فيه شركة خدمة عملاء فى إسكندرية بدون ذكر اسمها
اسمها Octopus Outsourcing، أعلنوا فى open day انهم محتاجين ناس بيعرفوا يتكلموا إنجليزى
وانا كنت عارف كويس الـInterview Process كانت ماشية ازاى.. فـ كنت بساعد الناس اللى رايحة تقدم فى التعليقات علشان أفهمهم التفاصيل، وأساعدهم، وأطمنهم
وفيه منهم اللى بيبعتلى رسايل على البرايفت علشان يسألنى أكتر عن التفاصيل.. واحدة منهم حبيتها بدون داعى لذكر اسمها..
اسمها (S***** S*****) 😁 المهم إنها بعد ما استفسرت، سألتنى بعدها عن حياتى الشخصية بشكل سطحى، ودى كانت مفاجئة لإنى مكنتش متوقع ده..رديت عليها
 وكنا وقتها الساعة 5 الفجر
السؤال جاب سؤال وعرفت انها ساكنة بالصدفة قريب من المنطقة اللى أنا ساكن فيها
 وكانت بتيجى عندنا علطول علشان الشاطئ اللى هى بتحب تروحه مع صحابها !
المهم ده شجعنى إنى أقولها نتقابل من أول يوم كلمتها فيه..

مع العلم: أنا مش بتاع خروجات ومكانى المُفضل البيت
مع العلم تانى: فكرة إنى أطلب الخروج مع بنت دى كانت أول مرة فى حياتى، ومعرفش ليه لحد دلوقتى طلبت منها كدة

عدى اليوم واتقابلنا وكنت مش أحسن حاجة بسبب إنى مش متعود أبدًا أقعد مع بنت لوحدها، وكان شعرها مكشوف ولابسه حاجات مسمحش لأهل بيتى يخرجوا بيها، علشان كدة
كانت المقابلة موترة جدًا بالنسبالى
وهى على النقيض تمامًا، كانت شخصية هادية ورزينة وبترد ردود عقلانية بدون ما احس منها بأى توتر أو خجل

عدى يوم ورا التانى وقربنا لبعض اكتر وبعدنا اكتر….
من فترة قريبة اتمسكت أنا بيها و ركزت معاها أكتر ما بركز مع نفسى.. باخد بالى من تفاصيل صغيرة وكانت بتتفاجئ لما اقولها

المهم، إنى أتعلقت بيها جدًا، لإنها كانت اول بنت فى حياتى يقرب منى بالدرجة دى، ويوم ورا يوم عمال بسرح وبتخيل حبها ليا وإنها بتحس نفس إحساسى ليها إن مكنش أكتر
وفجأة..

قبل ما اكمل، هى بنت ذكية جدًا، فجأة لقيتها فى وسط قعدة قالت جملة أثرت فيا وسط ماهى بتتكلم عن نفسها
قالت بالنص "انا عارفة إنك حبتنى"
عملت نفسى مسمعتهاش، وكملت هى كلامها عن نفسها، وفالآخر قلتلها، هو الجملة اللى إنتى قلتيها دى عرفتيها منين !
قالتلى ده طبيعى بما إننا بنخرج ومش بخبى حاجة عليك وبتكلم معاك فى أسرار محدش يعرفها غيرك

وقتها، انا أتوترت جدًا ومكنتش عارف أبلع ريقى ولا حتى إنى اتكلم،
فكرة إن شخص يكون كاشف حُبك ليه، دى كانت صدمة 😱
مع إنها قالتلى كذا مرة إن (قلبها مش شغال) بسبب تجربة قاسية من حد كان هو كل حاجة بالنسبالها وأثرت عليها نفسيًا  جدًا.. من 5 سنين

المهم إنى كنت بقنع نفسى إنى هقدر أكون مختلف فى نظرها
ودفعت تمن إقناعى من القعدة اللى انا اتصدمت فيها،
لإن وقتها أكدت على جملة "إن قلبها مش بيحس بأى حاجة ناحية أى حد"
وقتها صدمتى زادت ١٠ اضعاف، واكتشفت إنى كنت بحب واحدة لكن كان فى خياااالى أناااا وبسسسس

أتمنى كانت القراءة ممتعة ❤️ وآسف على الإطالة 🙏🏽

Kiwi_87034 🇪🇬

ليه مش من حقي اتحب وأنا إنسانة محترمة؟

هو انا مش من حقي اني اتحب انا نفسي اتحب اوي نفسي احس بالامان بحس أنه كتير عليا ليه دايما بقع مع أشخاص مش كويسه انا محترمه جدااا ومش بحب التجاوز في الكلام ليه كله عايز كده انا من حقي احب واتحب حتي اهلي محبونيش للدرجه دي انا وحشه ...عرض المزيد

2 الدعم

24 نصيحة

Coffee_79063 🇪🇬

ملانة وعايزة اتكلم مع حد قبل ما أنام

ملانة وعايزة اتكلم مع اي حد لحد ما انام ت/يحكيلي قصته/ا الحاجات اللي شاغلة دماغه/ا مشاكله/ا او احكي انا🤨 rjrmdkdkeksmememswkekrkrkrkrmfmfmfmfktkffkkfmfmfmffmmfmffmrkrkrkdkdkrkdkfkkffkfkfkfkfkkrkrkr ...عرض المزيد

0 الدعم

22 نصيحة

Moon_89380 🇪🇬

بقيت حاسه بعدم ثقه في نفسي بسبب وزني القليل

بقيت حاسه بعدم ثقه ف نفسي بسبب وزني اول مره اجرب احساس اني مش عارفه البس الهدوم اللي عوزاها بسبب اني شمل جسمي مخربها وزني قليل جدا ع طولي محتاجه ازوده بدون اي كورتيزون حاولت ومعرفتش عاوزه حل بجد ...عرض المزيد

0 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع