حبايب

Banana_77831 🇪🇬

منذ أسبوعين

شعور محبط

من الحاجات اللي عمري ما حسيت بيها هي اني احس اني عندي شخص وجودي مهم عنده واني مش مجرد صاحب عادي كدا بقيت حاسس اني لوحدي مليش حد وشايف الناس كلها عندها صحابهم وحبايبهم وانا ولا عندي صحاب ولا حبايب

Broccoli_63938 🇪🇬

منذ شهرين

شعور مرتبك

عبّر عن شعورك بشكل مجهول

عاوز اقول حاجة وانصحوني انا حاسس في في علاقة سامة جدا ليا لكن مش عارف اخرج منها خالص لأني بحب البنت دي وهي بتحبني لكن بحس منها ساعات اني مش فارق معاها ولا بيفرقلها زعني يعني من اسبوع مثلا كنت بكلمها علشان في الموبايل وكده وكنا متخانقين وبحاول اراضيها لقيتها بتقول واحد بعربية خبطني وزعقت اوي مع بتاع العربية بقولها اهدي انتي كويسة راحت قالتلي اقفل انت كمان انا مش نقصاك وبعدها بشوية قالتلي انا اسفه دي مش انا دي شخصيتي التانية وانا مش بيبقي قصدي ازعلك ده بعد يومين ولا تلاته قالتلي كده لأنها مكانتش قادرة تتكلم .. المهم بعدها سامحتها وبنتكلم بقولها مش كل ما تضايقي تقوليلي تصبح علي خير وتقفلي قعدنا نتكلم شوية زعلت من حاجة واحنا بنتكلم في النص وقالتلي فعلا تصبحعلي خير وقفلت رغم انها عارفه اني هزعل ومفرقلهاش بعتلها انتي مش فارقلك زعلي كالعادة مشافتش الماسدج اصلا ... بعدها بعتلها ماسدج بتقول : بصراحة أنا وصلت لمرحلة مش قادر أكمل بنفس الطريقة دي.
العلاقة بقت تقيلة ومليانة توتر، وأنا مش شايف راحتي فيها زي الأول.
يمكن كنت بحاول وأديت كل اللي أقدر عليه، بس واضح إن مفيش حاجة بتتغير.
أنا قررت أبعد شوية وأركز على نفسي احتراما لراحتي وكرامتي... ردت عليا ببساطة وقالتلي تمام حاضر مفيش مشكلة وبعدها مسحتني من الفيسبوك والواتساب المشكلة فين بقا ؟ نسيت الموضوع ولا فرقلي او كنت عامل نفسي مش فارقلي جي بكلمها النهاردة علشان احولها فلوسها علشان كنت واخد منها فلوس لغرض معين لقيتها بتقول احولها الفلوس ازاي عادي جداً ومتكلمتش في حاجة المشكلة اني متضايق ومخنوق دلوقتي معرفش ليه !

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_63938 🇪🇬

منذ شهرين

شعور مرهق

عاوز اقول حاجة وانصحوني انا حاسس في في علاقة سامة جدا ليا لكن مش عارف اخرج منها خالص لأني بحب البنت دي وهي بتحبني لكن بحس منها ساعات اني مش فارق معاها ولا بيفرقلها زعىي يعني من اسبوع مثلا كنت بكلمها علشان في الموبايل وكده وكنا متخانقين وبحاول اراضيها لقيتها بتقول واحد بعربية خبطني وزعقت اوي مع بتا

Strawberry_81343 🇪🇬

منذ شهرين

شعور عاطفي

علاقتي كل يوم بخطيبي من سيء لاسوء كل مره تحصل مشكله ما بينا مش بيحاول يصالحني وبيستناني لما انا اروح اكلم وعلى طول مش بيطلع نفسه غلطان ساعات انا بعترف بغلطي اما هو مش بيحب يعترف وحتى لو اعترف ما بيعتذرش علاقتنا بقت وحشه من احنا بنحب بعض جدا بقينا بعيد عن بعض ان انا مش عارفين نتكلم مش عارفين نحكي م

Waffle_54608 🇪🇬

منذ شهرين

شعور وحيد

أنا للأسف حاسس بوحده رهيبه محتاج أتعرف علي اصحاب و محتاج اتكلم مع ناس في حاجات كتير اوي مدمره حياتي أنا نص يومي بيضيع ف الشغل و بحاول أتعامل مع ناس كتير بس للأسف بحس انها علاقات مصالح مش حد تعرف تحكي معاه و تقول اي مشكله عندك و النص التاني من اليوم لوحدي بخرج لوحدي قاعد لوحدي مش لاقي نفسي خالص و الح

Hazelnut_77351 🇪🇬

منذ 3 أشهر

شعور ضائع

عبّر عن شعورك بشكل مجهول

انا اسف لو هطول شويه حاولت اختصر ولو حد مش حابب يقرأ كل دا يريت ميبعتش انا بس محتاج حد يفهمني انا صح ولا غلط انا بحب بنت وبقالنا مع بعض 10 شهور وحاسس ان علاقتنا بتخلص بس معنديش دليل كل حاجه كانت ماشيه تمام وحلوه اوي لحد شهر 3 بس انا بطبعي بغير اوي على اللي معايا فا كنت بمنعها من حاجات لبس او نزول متأخر او ستوريز ب شكلها وهي عندها ولاد على الاكونت بتاعها هي كانت بتسمع كلامي بعد خناق واقناعات بس كنت دايما بعوضها ب كلام حلو وحنيه كتير المهم هي قبلي كانت تعرف ولد هنسميه (خالد) الولد هما مكانوش ريليشن يعتبر كانو سيتويشن شيب بس حصل كام حاجه قفلتها منو و بعد ما عرفتني كانت قطعت معاه هو حاول معاها كتير واحنا مع بعض وكانت دايما بتيجي تقولي والصراحه هي كانت بتصدو وتعملو بلوك كل مره المهم خالد دا تيك توكر بس مش مشهور اوي فا ف يوم من الايام شافتلو فيديو ف مكان كنا بنروحو وبعتتلي سكرين بتقولي دا شكلو اشتغل هناك المهم بعدها لقيتها باعته سكرين تانيه ودي اللي فتحت كل حاجه بعتت سكرين للستوري بتاعتو وبتقولي انو اشتغل هناك بجد وبتضحك ع الموقف انا مستوقفنيش اي حاجه غير انو ازاي مفروض عاملالو بلوك وشافت الستوري بتاعتو هو الاكونت بتاعو بابلك وكل حاجه بس ليه شالت البلوك دخلت اكونتها لقيتو عندها فجأه اتجننت عليها الشك وصل لاعلى مرحله عندي وقولتلها ان اكيد حصل بينكو كلام وانا عايز اعرف دلوقتي قعدت تحلفلي انو محصلش حاجه وانو بس عملها لايك ع الستوري وكنت متعصب انها ازاي تقبلو بس ثانيه! ستوري ايه اللي هي منزلاها انا مش ظاهر عندي اي ستوري؟ لقيتها بعتالي سكرين للستوري اللي منزلاها اللي انا كنت قايلها لا متنزليهاش ومكنتش موافق عليها وانا الستوري مش ظاهره عندي طلعت عملالي هايد الموضوع وسع فشخ مكنتش عارف اتصرف ازاي لقيت نفسي بقولها هاتي اكونتك حالا راحت ادتهوني فعلا دخلت افتح الارشيف لقيت اكتر من 5 ستوريهات مكنتش موافق عليهم نزلو من ورايا غير اللي نازله دلوقتي وكلهم بلبس انا مكنتش موافق عليه ولقيت الشاتات كلها ممسوحه حتى شاتي وشاتات صحابها كنت مقرر اني هسيبها خلاص بعد اللي حصل دا وفضلت اقولها اني مش عايز اكمل بعد اللي شوفتو بس هي فضلت تقولي كتير انها غلطه وانها كانت بتشوف البنات التانيه وهي بتنزل ستوريهات وكانت بتبقا عايزه تعمل زيهم وان انا كنت حارمها من الموضوع دا مع اني كنت دايما لما تبعتلي فيديوهاتها لازم كل مره اكتبلها ماسدج كبيره فيها كلام حلو وكل مره كلام غير التانيه عشان متحسش انها ناقصها حاجه بس معرفش ليه عملت كدا بعد ما فضلت تقنعني ووعدتني انها استحاله تعمل حركه زي دي تاني وانها هتسيب الاكونت معايا عشان اتطمن وافقت اكمل مع اني كنت خسرت ثقتي فيها تقريبا بعدها ب يوم كانت وقفه العيد الصغير فا كنت نازل مع صحابي بس قبل ما انزل كنا انا وهي اتخانقنا مكلمتنيش طول منا بره اليوم دا ولما كلمتني كانت بتكمل خناقه المهم لما روحت البيت بفتح اكونتها لقيتها مغيره الباسورد يشاء ربك ان انا لقيت عندي بالصدفه البحته اكونت تاني ليها عندي عشان اخش عليها والاقيها منزله ستوري تاني من اللي انا مكنتش موافق عليهم بعد ما قالتلي كلامها امبارح عشان ف نص ما وهي بتتخانق معايا ف الشات اقولها ان ايه وضع الستوري اللي نزلت دي قالتلي ب عصبيه انها منزلتش ستوري وقعدت تحلف روحت باعتلها سكرين الستوري لقيتها حرفيا قلبت 180 درجه بقت مش عارفه تتكلم وتقولي انت جبتها منين ومين بعتهالك انا كنت جبت اخري وبجد المرادي كنت مقرر اسيبها عشان الموضع زاد عن حدو بس هي فضلت تمسك فيا وفضلت تحاول معايا كتير وقعدت تقولي اننا ننزل نحل الموضوع انا كنت عايز انزل عشان سبب واحد بس ان انا امسك فونها ولو لقيت حاجه كنت هريح ضميري واسيبها وانا متطمن انا عمري ما شكيت فيها بس اللي حصل خلاني اشك ف كل حاجه المهم نزلنا فعلا هي فضلت تتكلم كتير وتقولي نرجع وانا قولتلها هاتي فونك انا فتحت كل حاجه وملقتش حاجه وكنت سايب الواتساب للاخر فتحت الواتساب لقيت لوك شات اول حاجه لفتت نظري قولتلها افتحيلي اللوك شات دلوقتي لقيتها اتوترت وقعدت تقولي لا دي شاتات صحابي مش هفتحلك اللوك شات قولتلها انا مالي ب شاتات صحابك اكيد مش هخش عليها يعني انا عايز بس اشوف الاسم من بره اتأكد فضلت مصره اني مخشش وشدت مني الفون جامد انا ساعتها قومت ب هدوء وكنت همشي فعلا خلاص حسيت اني فهمت كل حاجه لقيتها جايه ورايا جري بتقولي هقولك اللي حصل والله انا مكنتش فاكره اللي فيه وكنت خايفه يطلع في حاجه قالتلي انو في شات واحد زميلها ف المدرسه كان باعتلها يسألها على حاجه وردت قالتلو ان بقا في حد ف حياتها ومردتش تاني قولتلها طب ليه مقولتليش وليه مورتنيش دلوقتي قالتلي انها كانت ناسيه ورتني الشات فعلا وطلع زي ما قالت ومكنش في غيرو ف اللوك شات بس انا ساعتها مكنتش قادر اصدق اي حاجه وكنت بفكر انها اكيد مسحت حاجه عقبال ما طلعت بره مكنتش حاسس ب اي حاجه اول ف حياتي ابصلها واحس انها وحشه واني مقروف منها قولتلها انا مش هقدر اكمل لقيتها بتعيط قدامي عياط هستيري معرفتش اهديها مكنتش حاسس اني عايز لقيت نفسي بروح البيت ف اخر اليوم وهي لسه بتتصل بيا وبتحاول معايا كنت بفضل اتأخر ف الرد وارد ردود بارده مكنتش عارف افكر بردو كان في جزء جوايا عايز يكمل معاها بعد كل دا وكل الفرص اللي اديتهالها قولتلها متحاولش ولو في نصيب هنبقا مع بعض حاولت اشغل نفسي عن التفكير تاني يوم كان عندي جامعه وانا راجع حسيت ب احساس غريب وجع جوا قلبي وحاجه مش عارف اشرحها طلعت بيتي عيطت نزلت مع صحابي بليل ودماغي مكانتش معاهم روحت البيت كان نفسي تبعتلي لقيتها بعتتلي بتحاول تاني لقيت نفسي برجعلها مع ان كلو كان قايلي مرجعلهاش مهما حصل بس رجعتلها حسيتها حاولت كتير وبتحبني بجد وقولتلها شرط اننا نرجع تشيل كل الولاد وتديني الاكونت فتره وافقت ع الشرط ورجعنا قعدنا فتره مكناش احسن حاجه هي بسبب اني سبتها تعيط ف الشارع وانا بسبب كل اللي حصل فضلنا كدا فتره حوالي شهر ونص بس مع الوقت ابتدينا نرجع زي ما كنا ونقرب تاني وننسى كل اللي حصل بس كان في مشكله ان انا مبقتش عارف اثق تاني ف حوار اكونتها وهو بقا معاها وانا طلعت منو. واشترطت عليها متحطش اي ولاد تاني وهي وافقت بس كنت باجي كل اسبوعين او اسبوع اخش اشوف الفولوينج الاقي عندها كذا ولد فا اروح اقولها ونتخانق وف الاخر تشيلهم الموضوع كل بيحصل كتير وانا كنت ابتديت اتخنق منو ومش عارف افهمها اني مش عارف اثق فيها ف الحته دي تاني عشان المفروض اني وافقت اكمل ع اساس اني هرجع اثق فيها وانا فعلا رجعت اثق فيها ف كل حاجه بس معادا الحته دي مش عارف اثق فيها خالص كنت عايز حل عشان متعملش كدا فا سألتها وقالتلي لو شلت البنات اللي عندي هي مش هتقبل تاني البنات اللي عندي كانو زمايلي ف الكليه وكنت بحتاجهم ف حاجات جوا الكليه وهي كانت عارفه دا بس هي قالتلي مليش دعوه ولو عايز دا ميحصلش اعمل كدا  كنت رافض ف الاول بس بصراحه كنت عايز اخلص من عندها ودماغي فا ضحيت وشيلتهم فعلا قعدت بردو اسبوعين متحطش فجأه لقيتها بتحط وكل مره كانت بتديني حجه مره اصل دا صاحب صاحبتي وهي قالتلي انها عايزه تشوف حاجه ومره اصل هو كان يعرف ماما وهي قالتلي اقبلو ومره اصل بالغلط وانا كنت بتخنق وهي مكانتش بتبقا عارفه انا ببقا متعصب كدا ليه وقفت الموضوع حوالي شهرين عشان اخر مره قولت كلام كتير وحش فا قالت انها مش هتعمل كدا تاني وفعلا كانت بطلت فتره بس انا كنت تقريبا اتجننت كل يوم بخش الاكونت اقلب ف الفولورز عندها مش اقل من 5 مرات ف اليوم قبل كدا عملت حركه مفهمتهاش بردو بصراحه عملت اكونت من ورايا وحطت صوره مكنتش موافق عليها وانا كل دا كنت مراقب الاكونت من الفولوينج عندها ومستني اشوف هي هتعمل ايه لقيتها عملتلي بلوك منو عشان مشوفهوش يعني وكدا ولما واجهتها بالموضوع انها اكيد عملت كدا عشان هتعمل حاجه مش هترضيني اصل ليه هتخبي وتعمل حركه زي دي لو الموضوع عادي خافت وفضلت تعتذر كتير وتقولي انها مكانتش هتعما حاجه وان صحابها سخنوها تعمل اكونت من ورايا عشان انا مش موافق بالصوره اللي عايزه تحطها وهي كانت متلخبطه وسمعت كلامهم وقعدت تحلفلي انها كانت هتقولي اتضايقت اوي بردو من الموضوع دا بس عديتو لحد من كام يوم لقيتها حطت تاني اتخانقت معاها وقولت الحوار هيعدي زي كل مره وهتشيل بس هي مرضتش وفضلت تقولي ان انا عندي ف اكونت الشغل بتاعي انا عندي شغل بعملو لنفسي تبع المزيكا وبوريه للناس فا طبيعي يبقا في بنات عندي وولاد بس انا مش بستهدف فئه معينه بس الاغلب عندي بنات وكانو كتير واستحاله اشيلهم واخسر الناس اللي بتشوف شغلي مع اني والله يشهد عليا ربنا ان انا مكلمتش حد عليها ولا فكرت اصلا ب رغم كل اللي عندي وهي متكلمتش ف الموضوع ذات نفسها وقالتلي انها عشان واثقه فيا وكانت متفقه معايا انها ملهاش علاقه بالاكونت دا ف حوار البنات وليها علاقه بالاساسي اللي عليه صوري وبس بس ليه غيرت كلامها دلوقتي وقالتلي يا تقفلو يا مش هشيل حد انا اكيد رفضت اقفلو فضلنا ع الحال دا 4 ايام كنت عمال اقولها بلاش نخسر بعض عشان عند وحاجه ملهاش لازمه تبقا عندك انا عشن عندي محتوى بقدمو فا طبيعي دول هيفدوني لكن دول مش هيفدوكي ب اي حاجه وهيعملو مشاكل وهيبعتولك ليه نحط نفسنا ف كل دا وتحطيني ف كل فضلت تقنعني ان محدش هيكلمها عشان هي مش هتنزل ستوريهات ولا نوتس عشان حد يبعتلها انا مقتنعتش بالموضوع طبعا استحاله متنزلش حاجه طول حياتها فضلت اقولها ان حتى لو منزلتيش حاجه هما ممكن يكلموكي من غير حاجه وانا مش هقعد استنى لحد ما دا يحصل فضلت معنداني وانا كنت بعاملها وحش ومكنتش بتكلم معاها ف الاخر حلينا الموضوع وشالتهم وركنت العند وقالتلي انها بجد مش هتعمل كدا تاني بس انا مش عارف اثق ف حتت اكونتها ولا حتت انها مش هتقبل تاني عشان كل اللي شوفتو وحاسس ان العلاقه بتنتهي عشان كل المشاكل دي وعشان الفتره دي عاملنا بعض وحش ايام كتير سواء انا او هي وبقيت بحس اني مش عايز اقعد اكلمها زي الاول بقيت بحس وقتي معاها بدأ يبقا تقيل ولما بتنام وتقولي اصحيها لما برن اصحيها بحس اني مش عايزها ترد وعايزها تكمل نوم بقيت مستتقل الوقت معاها مع اني بحبها اوي وعملنا ذكريات كتير اوي سوا ومش شايف نفسي مع غيرها ولا عايزها تبقا مع غيري وضحيت ب حاجات كتير عشان افضل معاها ضحيت ب شغل كنت بشتغلو عشان افضل جمبها عشان هي قالتلي انها محتجاني عشان هي ف ثانويه عامه والشغل دا كان واخد وقتي كلو تقريبا وباعدني عنها مع اني كنت مرتاح فيه بس ضحيت عشانها وضحيت ب اوقات كتير حلوه مع صحابي فا مش عايز كل دا يروح ع الفاضي ف الاخر وانا مش عارف اعمل ايه حاليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Corn_68719 🇪🇬

منذ 5 أشهر

شعور عاطفي

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

مكنتش هسحل نفسي في الشغل وكنت هركز مع اطفالي اكتر واقرب منهم. دلوقت كبروا في سن المراهقه وبحاول اعمل ده.. هو صعب جداا للأمانه لكن بحاول اقرلكب من منهم واعوضهم اللي ضاع مني استمتع بسنين طفولتهم. نصيحه مني اوعو تضيعوا وقتكم مع حبايبكم وخلوا حياتكم متوازنه وتجوش علي حق حد في اهتمامكم. تحياتي 🌹

Donut_65084 🇪🇬

منذ 5 أشهر

شعور Good 😁

التفاهم و لغه الكلام بتفرق في كل علاقتنا مش شرط مع حد بحبو اي علاقه فيها نقاش بتنجح حبايب بقا صحاب شغل اي حاجه الكلام بيفرق مع بعض التنازلات يعني عادي نقول انا اسف أو انا غلط او حقك عليا كل الكلام ده بيهدي اي نار في الكلام و دي نصيحتي و عن تجربه

Apple_34290 🇪🇬

منذ سنة واحدة

شعور مرتبك

جماعه اي رابكم ف موضوع ان البنت الي انت مرتبط بيها انها بتدخل صحابها بينكم عمال ع بطال وبتعرفهم كل حاجه رغم انك منبه عليها ومعرفها ان ده غلط وممكن يخربو بينا ومفيش فايده برضو اتصرف ازاي عشان الموضوع زاد عن حده وبرضو البنات باريت يقولو رايهم ف الحوار ده

Olive_37479 🇪🇬 إذا هي مصممة تدخل صحابها في كل تفاصيل علاقتكم، لازم تحط حدود. قولها بصراحة إنك مش مرتاح للموضوع ووضح لها إنك محتاج مساحة بينكم. إذا ما اهتمتش، فكر في مستقبل العلاقة.

عرض الكل 14 نصيحة

Avocado_27290 🇪🇬

منذ سنة واحدة

شعور مكسور القلب

ممكن نقول إن من المشاكل الشائعة بين الحبايب هي "الغيرة الزايدة"، لما حد فيهم يكون عنده غيرة بتتحول لتشكيك في تصرفات الطرف التاني كل حاجة بسيطة بتبقى مشكلة، سواء مكالمة من حد قديم أو مجرد تأخير بسيط من غير ما يقول السبب الغيرة دي بتخنق الطرف التاني وبتخليه يحس إنه مش متشاف ولا فيه ثقة بينه وبين شريكه

Mango_12825 🇪🇬

منذ سنة واحدة

شعور عاطفي

موضوع:

اي السبب اللي خلاكم تقطعوا علاقتكم مع شخص كان قريب من قلبك؟

حب التملك والغيرة الزايه عارفه ان كلكم هتهجمو عليا وتقولو ان دا حب بس مش لدرجه انها تبعدني عن صحابي مش لدرجه لو مردتش عليها في نفس الثانيه علشان في الحمام او كدا تزعل مس لدرجه لو حد سألني عن الساعه مثلا تقولي ليه تردي عليها مبقتش عارفه اتعامل مع الناس عايزة تبعدني عن شلتي اللي مع بعض من اولي ابتدائى

Durian_13145 🇪🇬

منذ سنة واحدة

شعور مرتبك

ورونى وشكو ي حبايب الصيف

Strawberry_18086 🇪🇬

منذ سنة واحدة

شعور مرتبك

صدق من قال (قلب الراجل بطيخه يسع من الحبايب الف)

Mango_11260 🇪🇬

منذ سنة واحدة

شعور Good 😁

عاملين اي يارب كلكم تبقوا بخير ي حبايب اتمني ان ربنا يوفقكم ويجبر بخاطركم ويحققلكم كل الي بتتمنوه ❤❤❤

Pineapple_14556 🇪🇬

منذ سنة واحدة

شعور Great 🤩

صح كانوا بيتنمروا عليا وانا صغيرة بسبب صوتى اما بقى لما كبرت بيتنمروا برضه فاكرنى هاقولك لاء مابقوش بقوا اوحش وبقيت اتوجع اكتر والله بس أصل اعمل ايه انا ربنا خلقنى كدا صوتى لطيف هادى وحبايبى القريبين منى بيقولوا عليه صغنون 😂♥

Apple_15102 🇪🇬 اقسم بالله وانا بس مكنش حد بيتنمر بصراحه بس اهلي والناس القريبه مني بيضايقوا ان صوتي واطي وهادي اوي مبيسمعوش صوتي من اول مره لازم اعيد وده اي حد كدت معايا لازم اعيد الكلام بجد

عرض الكل 3 نصيحة

Apple_20927 🇪🇬

انا مش كويسه خالص... تعبانه نفسيا يارب اشفيني

انا مش كويسه خالص مش كويسه ابدا بحاول ابقى كويسه والمرادى بقالى ممكن اسبوعين او اقل كويسه نفسيا مرتاح بعمل عادات كتير حلوه بطلت كل حاجه سيئه بس مره واحده وقعت ف كل حاجه موقعتش ف حاجه حاجه مثلا لا مره واحده بقيت اسوأ انسانه ف الدنيا كل الكويس ف لحظه بطلته وعملت عكسه يارب انا تعبانه نفسيا اشفينى يارب ...عرض المزيد

0 الدعم

25 نصيحة

Sugar_89375 🇪🇬

عايزة حد يفهم اللي مبقولهوش واللي بقوله مش فارق

‏انا عايزة حد يفهم اللي مبقولهوش.. والى بقولو برده مش فارقة😁 ااتاتاتاتناتاتاتاتانازتناظتمممناالااااااتنننننننتنننننننننممممممممممممممممممممممممااااااااااتتتتتتتتتتتتتتتتتتتتتتاااااااااااااأااااااااااأتاااااااااااااا ...عرض المزيد

7 الدعم

23 نصيحة

Moon_16525 🇪🇬

الرجاله كلها بقت كدا؟ عايزين البنت تعمل كل حاجه؟

جماعه هى الرجاله كلها بقت كدا ؟ عايزين البنت هى اللى تبادر و هى اللى تعمل كل حاجه فى العلاقه ؟ كلهم بقوا كدا ولا اللى معايا بس ؟ محتاجه رد ضرورى نفسى احس ان اللى معايا راجل بجد ااااااااااااااااااااااااااااااااةةةةةةةةةاااااااااااااااااااااااااااااااااااااااااا ...عرض المزيد

4 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع