حساسية

Biscuit_71393 🇪🇬

منذ يوم واحد

شعور متعب

بستغرب اوي على الرغم اني بفهم مشاعر الناس وبعرف احتوي واساعد جدا الا اني مش بعرف نهائي اساعد نفسي في أي موقف بشوف الدنيا صعبه و بقف لوحدي كده لحد ما ببدا استوعب وبفتكر حاجات كتير وجعتني قبل كده واقعد احس بيهم كلهم حتى لو كنت فاكرة نفسي نسيت احس اني مستحقش كده اقعد افكر طيب انا عملت ايه علشان احس بكد

Watermelon_90163 🇪🇬

منذ أسبوعين

شعور متعب

دماغي هتنفجر من الصداع والالم بجد تعبان عاوز انام بس نومي مضطر لو نومت دلوقتي هصحى نص الليل وهبقا زي المغيب او هحلم بكوابيس عندي حساسيه بتصحيني في نص الليل كل يوم انا اسف ليكم لنفسي تعبت. من حاجات كتير انا غبي

Mango_70768 🇪🇬

منذ 4 أسابيع

شعور مرتبك

ياجماعة انا عندي مشكلة ان انا حساسة جداا جدا ونص مشاكلي تقريبا بسبب الحساسية دي انا بزعل بسرعة بيعيط بسرعة بيصعب عليا الناس بسرعة وبيصعب عليا نفسي اي موقف يضايقني بحس قلبي واجعني اوي ودقاته بتزيد بسرعة لو انا اضايقت من حد او حتي لو حد زعل مني بحس قلبي وجعني وكل مدى الحساسية دي بتزيد اكتر وبحاول اقل

Gift_69067 🇸🇦

منذ 4 أسابيع

شعور ضائع

عبّر عن شعورك بشكل مجهول

حساس وأوفر الموضوع مش مستاهل..
فكرة انك تحكم ع شخص انه بيبالغ ف رد فعله النفسي زى انه يتألم اوى ع شئ أو كلمة انت ممكن تتعامل معاهم بسخرية او ولا كأن حاجة حصلت وهو دماغه تفضل شغلاله بتعيد الموقف مليون مرة وبفضل يلوم ويحاسب نفسه ويدور هو غلط ف ايه لحد م دماغه تنفجر.. عمرك م هتعرف تقنع شخص أساس تربيته كان الألم "العقاب"  انه يكبر مخه او انك بكلمتين هتعرف تخليه يقدر يتحكم في مشاعره السلبية الى هو بيتمنى يتخلص منها ع فكرة..
انت مش حتفهم لأنك مش مكانه الألم النفسي مش وصف مجازى دا نوع من الوجع الانسان مبيعرفش يوصفه ..جرح غير مرئي بينزف من غير دم  فملهوش علاج او حتى مسكن..
صدقنى احنا عايزين نعرف نتحكم فالوجع دا ولو كانت الامور كبيرة ف نظرنا مش احنا الى كبرناها هما خلونا نشوفها كدا واحنا اطفال بحجة ان دى كدا تربية..

طفل كل حياته كانت قلق ولوم كأنه شخص كبير او عدو هما شايفنها تربية بس هو بيسأل نفسه هما ليه بيكرهوني كدا..
هتكبر وحتفهم ان دى طريقتهم ف التربية بس قول لقلبك كدا حاول تفهمه مش حيفهم! 
هو اتبرمج ع الألم انه يدق بسرعة لدرجة الانهاك  او يوجعك وجع يمسك ف جسمك كله  دراعك يقف فكك يفضل يتحرك يجيلك صداع صعب انت متبقاش فاهم الألم فين بالظبط هى كل حاجة وجعاك وكل دا من كلمة!!
نظرة.....
إستشعارك للامور مبالغ فيه لأن من الاول محدش علمك تظبط ترمومتر مشاعرك وان مش كل شئ يستاهل تتوتر و تشيل همه اوى كدا .. انت كبرن وبقيت فاهم دا كويس بس مش عارف تظبط مشاعرك..

*اقولك سر* زمان وانا صغيرة كانت في نظرة بتخوفني بتحسسني انى غلطانة رغم انى ممكن مبقاش عارفة انا عملت ايه بس هى كانت كفيلة تخلينى مش منطمنة لوقت كبير وأفضل اسأل نفسي ياتري هيحصل فيا ايه؟؟!..  انا دلوقتي بقيت طويلة 😅يعني بقيت كبيرة وعديت ال ٣٠ سنة كمان ولسة النظرة دى بتخوفني وبتوترني وساعات رد فعلى بيكون فيه شئ من العصبية عشان أحسس نفسي انى كبرت ومتحكمة لكن الحقيقة انى بكون خاسفة ومتوترة اكون عملت حاجة غلط حتى لو لسانى قال العكس.....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_80474 🇪🇬

منذ شهر واحد

شعور مستنزف

عبّر عن شعورك بشكل مجهول

في داخلي مسافة دائمة بين ما أعيشه وما يُنتظر مني أن أعيشه، مسافة صنعتها طريقة تفكيري المختلفة وحساسيتي تجاه المعنى، فأنا لا أتعامل مع الحياة كمسار محفوظ، بل كحوار مفتوح مع النفس والعالم، ولهذا كثيرًا ما وجدت نفسي خارج الإيقاع العام، لا رفضًا للناس، بل وفاءً لما أشعر به بصدق.
اختلافي جعلني أبحث عن العمق قبل الانسجام السريع، وعن المشاركة الحقيقية قبل الحضور الشكلي، أحتاج أن أتكلم دون تبرير، وأن أفكر بصوت مسموع دون أن أُطالب بالتشابه، لكن حين لا يجد هذا العمق من يشاركه، يتحول الصمت إلى عبء، ويصير الاحتياج أكثر وضوحًا.
أنا أبحث عن علاقة إنسانية أشارك فيها أفكاري كما هي، ومشاعري العاطفية دون تحفّظ، ورغبتي الجسدية بوصفها لغة واعية للقرب لا شيئًا منفصلًا عن العقل، علاقة تعترف بأن الإنسان كيان واحد لا يتجزأ، وأن الصدق لا يتعارض مع الرغبة، بل يحرّرها.
أرغب في مشاركة تفاصيل حياتي اليومية الصغيرة، تلك التي لا يلتفت إليها أحد، لكنها تصنع الإحساس الحقيقي بالعيش، لأن القرب لا يُقاس بالكلمات الكبيرة، بل بالقدرة على أن نكون حاضرين في أبسط اللحظات، دون أقنعة أو أدوار جاهزة.
هذا البحث ليس استعجالًا ولا هروبًا من ذاتي، بل اختيار واعٍ لشراكة تقوم على الحرية والاحترام، بين شخصين يريان الاختلاف مساحة للقاء لا سببًا للنفور، ويؤمنان أن الحياة تصبح أصدق وأعمق حين تُعاش مع من يفهمك، لا من يشبهك فقط.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_70768 🇪🇬

منذ شهر واحد

شعور محبط

انا مش مسامحة اللي خلاني ادور على الاهتمام والحنية من برا واشحت الطبطبة والمواساة من اي حد مش مسامحة اللي حسسوني ان مشاعري مش مهمه وفي الزبالة وان لازم امشي ورا ومشاعرهم هما عشان ميزعلوش مش مسامحة الي حسسوني ان حساسيتي المفرطة وعياطي دا ضعف لدرجة خلوني ابقي حجر لان لو عيطت كدا هبقى ضعيفة عمري في ح

Mushroom_83316 🇪🇬

منذ شهر واحد

شعور مرهق

بقيت حساسه اووووي اوووووي مت اي حاجه بعيط مش بعرف اكتم لو كتمت اعصابي بتقف انا مكنتش كده كنت علطول بنسي واكبر دماغي لكن دلوقتي لا بركز ف كل حاجه عليا لو كنت ف تجمع مع حد وحد قال كلمه بمشي واعيط ادخل الاوضه وافضل اعيط بالساعات وعادي مافيش حد شايفني ولل بيحس بيا بقيت اتاثر جدا مش حابه ده مع اني ش

Coffee_52367 🇪🇬

منذ شهر واحد

شعور متعب

Avocado_90467 🇪🇬 انا قريت كلامك كويس وحاسس بوجعك واللي بتمري بيه صعب فعلا ومش ضعف ولا دلع اللي بتحسيه اسمه إرهاق نفسي شديد مع جلد ذات مستمر وقلة تقدير للذات وده بيخلي أي كلمة لو هزار تدخل جواكي كأنها حقيقة مطلقة إحساسك إنك وحشة أو فاشلة مش حقيقي ده صوت داخلي اتكون من مواقف كثيره حسستك إنك مش كفاية وإنك دايمًا الغلطانة فبقيتي تعاقبي نفسك بدل ما تحميها

عرض الكل 14 نصيحة

عبّر عن شعورك بشكل مجهول

انا بقيت غريبه بقيت كتومه أوي و ديما متعصبه و مخنوقه مش عايزه اتكلم مع حد ولا أبقى مع حد نفسيتي في النازل و عايزه أبقى لوحدي ديما و عايزه اعمل مية حاجه زي أبدا اذاكر من دلوقتي و اطور من نفسي مش عارفه أبدا و تعبانه.... 
انا عندي مشكله إني مش واثقه في نفسي و مش بحبها ف بالتالي أي كلمه بتتقالي بتخليني أقول ديما إني انا الوحشه و إني فشله و انا بستهبل و مينفعش ازعل أو ادايق و و كل كلمه تأثر فيا جامد و تخليني ازعل من  أقل حاجه و قله ثقتي في نفسي تقل أكتر من الأول و محبش أشوف حد و بكره نفسي لما حد يشوفني و بحس ديما إني أقل من كل الناس و مينفعش إني أبقى صاحبة حد لأني وحشه و شخصيتي وحشه بحس إني لازم اهرب و مبقاش موجوده مبحبش الإحساس دا و بكرهه أوي و مبعرفش أبقى طبيعيه بجد و ديما بكره نفسي أكتر أكتر من لا شيء.... 
كان الإحساس دا قل أو مشي  بس حصلي موقف رجعتي نقطه الصفر
انا رحت لي دكتور هوا يبقى أبو صحبتي ف هوا بيهزر شويه ف انا لما رحتله بقى عملي حجامه و كده المهم تاني مره أختي كانت موجوده ف اختي بتحبني أوي بس هيا دبش شويه بس هيا خايفه عليا ف قعدو يحفلو عليا هيا و الدكتور شويه المهم كنت بساله علي حاجه ف بقوله آمال إلي في دا إيه فالي لا أنتي بتستهبلي و بتسطعبطي و انا ولله ما كنت كده أقسم بالله انا كل مره بتعب فيها بانب نفسي و بكره نفسي أكتر لأني تعبت لاني شايفه إني وحشه و بستهبل فعلا... و مينفعش اشتكي ولا ادايق بس مكنتش كتومه كنت يتكلم ف انا انفعلت ف المهم اختي كانت متفقه مع ماما أننا نخرج "انا عندي أخ و أخت متجوزين و اخويا قاعد معانا يعني بيت عيله و مخلفين" ف المهم يعني مرات اخويا رنت علي ماما قالتلها أنها عليها درس و بتاع و ماما مبتخرجش معايا ولا بتقعد معايا حتى ولا يعرف اتكلم معاها ف المهم قالتلها تعالي عشان دودو"ابن اخويا" عشان حد يقعد معاه ف انا اديقت و كنت هعيط لأن ماما مبتخرجش معايا خالص و كان نفسي نخرج أوي المهم انا انفعلت و هوا كان بيقول بعيدا عن قله أدبها هيا معاها حق هوا عنده حق إني انفعلت و كده و انا اكيد غلطانه بس غصب عني بجد... انا متعلقه بي ماما أوي بجد و عايزاها معايا و مش عارفه و هيا في حاله اكتئاب كمان ف مش بعرف اعمل معاها أي حاجه.... ف غصب عني دا غير أن مرات اخويا مستفزه و ماما كل شويه مش بتسيبهم هيا مش بتفضل ولاد اخواتي عليا اكيد بس انا بحس بي كده عادي... المهم أن من سعتها و انا مش كويسه خالص و تعبانه و بقيت كتومه يعني كنت يتكلم دلوقتي لا دلوقتي انا مبتكلمش انا بقيت جوايا و بس و مبقتش أعرف اتكلم و دا تعبني أوي بجد و مش عارفه اعمل إيه بجد تعبت... 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_90455 🇪🇬

منذ شهر واحد

شعور متعب

عبّر عن شعورك بشكل مجهول

انا ادمرت اوي وانا عندي عشر سنين بجد دخلت البيت يوم التلات كنت راجعه من درس الانجليزي و دخلت لقيت منى و عصام  هم حوالي سن 17 و خالي مروان ، المهم ماما قالتلي سلمي سلمت عليهم لكن منى مدتلي صباعها وانا ادايقت جدا،هن مشيوا وانا استنيت ماما تنام و قعدت اعيط من الساعة 1 لحد الساعة 5 الفجر صليت عشان ارتاح ونمت وانا مش ببطل عياط وكانت المره الاولى اللي انام بعيد عن حضن ماما المهم ان مريم عملت كدا عشان في تاتش بين ماماتها و مامتي...وانا عيطت عشان كان صعب عليا احس ان حد بيكرهني بالشكل ده او اني وحشه مثلا وانا كتومه جدا ومش بحكي حاجه لحد مدايقاني ولا بحب ابين بالعكس ببين عمس كدا عشان مبانش ضعيفة (انا ناضجة من صغري عمتا)

بقا عندي11 سنه جه مناسبه خطوبه بنت خالتي وخالتي برضو في خلاف مين ماما و خالتو المهم ادايقت لما خالتو طلعتني من الغرفه و مطلعتش منى اصلا مش فارقه بس كنت بجمع احداث المهم ...
مرات خالي دخلت و سلمت على الكل وانا كنت في النص حسست على شعري و مقالتليش ازيك حتى ادايقت و في وسط الخطوبه غصب عني دايقتني فبصتلها بقرف (لكن ده مش انا ومش طابعي ابدا اني ادايق من حد اصلا بس كنت مدمره بسبب الجرح اللي بنتها سببتهولي من سنه)
المهم راحت قالت لخالي مع أن بنتها بتعمل مع ماما حركات كتير وبنتها انضج مني جدا ومش بتقول حاجه ولا تشتكي
خالو جه البيت كلمني اتعاملت عادي وللأسف غلط غلطه كبيره وقلتله محصلش
كان المفروض اقوله حصل
ماما بعد ما مشي كلمته وحكيتلوا على الللي مريم عملتوا بس مكانتش تعرف الوجع اللي كنت فيه تقرييا هو محطش في باله و اكنه مسمعش حاجه
المهم عدت السنه وجت اجازه السنه و مكنتش بخرج كتير ف أكتأبت بسبب ان خالو جه كلمني في الحاجه دي اكتأبت شهرين و الدنيا حطت عليا جامد
دلوقتي انا هيبقى عندي 13 سنه كمان شهرين و امبارح لما خالتو جت سلمت عليها وكان في خلاف قبلها بي اسابيع هي و ماما
خالو دخلي الأوضه قالي مش احنا قولنا لما يكون في خلاف بين ماما و حد كبير مندخلش نفسنا واني خالتو هي اللش شدتني ابوسها انا بحب خالتو اوي عمتا
في الوقت ده انا اهنهارت عياط و قولتلوا (اختصار: حدثين مؤلمه لطفله عمرها 9 سنوات تقريبا) المهم هو هداني و قالي انه بيهزر و مكنش يعرف اني حساسه اوي كدا

عمتا انا فاخوره اني لما بغلط بعترف بغلطي و ان انا قدرت استحمل كل ده حتى لو كان تافه بس الاحساس كان مؤلم و الافكار اكتر
انا عارفه ان ممكن يكون الكلام مبالغ بس معرفتش اكتبه غير كدا 😂😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_39839 🇪🇬

منذ شهر واحد

شعور متعب

هل طبيعي ان يبقي في حد حاسس انه فعلا مش قادر يعيش منغير حب .. مش بتكلم عن حب المراهقة و اللي هو اي حد يسد خانة لاء خالص .. حب حقيقي حد يستاهل بجد .. انا حد عقلاني جدا و فعلا مبقتش اعرف اقبل ب اي حد و خلاص بس حاسة انه روحي هلكانه اوي محتاجة دعم من الناحية دي طول الوقت بحس انه ممكن يبقي فرط مشاعر اوقا

Coffee_58959 🇪🇬

منذ شهر واحد

شعور مستنزف

على طول بحس اللي حواليا احسن مني حتى ولو في ابسط الامور مش عارفه ليه ممكن موقف حد غيري يعرف يحلو انا مبعرفش بحس اني متكتفه مش عارفه اتصرف دايما بشوف ان صحابي احسن مني وبحس اني انا الطرف الزياده اللي لو بعد مش هيفرق بقيت احس بالوحده اوي مبقاش في حاجه حلوه بالنسبالي بحس بملل اتجاه كل حاجه لما حد

Strawberry_58144 🇪🇬

منذ شهر واحد

شعور مكسور القلب

عبّر عن شعورك بشكل مجهول

طفولتى.. اول مره هحكي عنها... الى عارفاه ان الحاجه الى خلتنى بعانى دلوقتى هيا علاقتى بابويا لكا كنت صغيره.. ابويا راجل كويس جدا متحكمش عليه.. بسس.. وانا طفله.. من اول ما بدأت اكبر من اول ٨ او ٩ سنين مثلا.. على مشارف المراهقه.. بدا شكلى يكبر و جسمى يكبر.. بابا تقريبا كان سلوكو معايا نابع من الغيره او الخوف عليا.. كان بيقوللى انى طخينه.. انا مكنتش طخينه بس مكنتش رفيعه و كان نفسى ابقى رفيعه.. كان بيتتريق عليا على طول.. بابا شخصيه منتقده اصلا على كل حاجه.. انتقاد هدام مش بناء.. انا اول نظره شفتها من راجل يا سكن فطفولتى هى انى مش حلوه.. شكلى مش مقبول.. انا كنت متوسطه الجمال كانت اختى الاصغر منى مثلا احلى منى.. انا لما كبرت احلويت شويه اما كطفله قبل معالم الانوثه كانت ملامحى عاديه جدا.. انا كنت عارفه ده ساعتها.. دلوقتى انا من الناس المهووسه بوزنها عندى فوبيا ان وزنى يزيد معنديش مانع احرم نفسى من الاكل عادى و امشى على نظام بس اهم حاجه وزنى ميزدش عن الى عايزاه زغم انى بقيت رفيعه اصلا.. ده نوع من انواع ادمان الاكل وانا عارفه ادمان سالب و ده بسبب الفتره دى من طفولتى برضو... انا بقا كنت شخصيه حساسه جداا بزعل من اقل حاجه و بتاثر بسرعه.. كنت من بظايه طفولتى بدات اعيش مود الاكتئاب.. مش بقول اكتئاب بس المود الحزين نفسو الى هو اعلب الوقت حزينه بطبعى كده.. ده اثر عليا اجتماعيا.. بقيت خجوله جدا جدا جدا.. مكنتش بعرف اتعامل نهائى بطلت اعرف اكون صداقات كنت وحيده يعتبر.. كنت بتكسف ابان فالفصل بتكسف حد يعرف اتى موجوده بتكسف حد يسمع صوتى.. ده خلى شخصيتى اجتماعيا متكونش جذابه برضو فكده لا شكل ولا شخصيه.. فالبيت كانو بيتريقو عليا عشان مكتئبه.. كانو بيقولو ان وشى عليه بؤس و شقاء.. كتريقه انى على طول مكشره يعنى.. وانا من كتر حساسيتى مفيش كلمه من دول كانت بتعدى عليا مرور الكرام.. انا فضلت سنين بيتقاللى الكلام ده.. كنت فبتدائى .. مدخلتش حتى اعدادى.. كانت العيله كلها ضد بابا فحكايه الانتقاد دى كانو بيقولو انى كده بزعل وهو لازم يوقف الى بيعمله بس هو مكانش مقتنع.. بس بعد سنين اقتنع.. وقف الكلام ده مش فاكره امتى.. مش فاكره حتى فضل يقول كده كام سنه.. بس المهم انه لما بطل يقول كنت انا خلاص.. مبقتش كويسه.. انا شخصيتى مرت بتقلباات كتير جداا.. انا مستسلمتش للوضع الى كنت فيه انا غيرت شخصيتى.. انا دلوقتى واحده اجتماعيه جدا فرفوشه جدا الكل يعرفنى و بيحبنى مفيش اى علامات اكتئاب الحمد لله خالص ولا حاله حزن بتطول معايا.. انا بنيت شخصيه جديده عملت حاجات كتير.. بس فى جرح من زمان اتساب زى ما هو.. واضح ان كل ده مشفهوش مشفاش صورتى عن نفسى لسه.. عارف؟ عشان كده كنت بدور على علاقه رومنسيه لان جرحى كان من راجل اكنى كنت عايزه شفاء جرحى من راجل برضو كنت عايزه اشوف صوره ليا متصلحه فعيون راجل.. يمكن.. تعرف؟ عمرى ما سمعت كلمه انتى حلوه من ابويا.. انتى جميله انتى اى حد يتمناكى.. عمرى ما سمعتها ولا حتى على سبيل الهزار.. كان دايما بيقول عكسها.. يمكن عشان خايف عليا اشوف نفسى مثلا فاعوز الرجاله تشوفنى.. فلجأ انه يحسسنى ان لا مش عندى جمال عشان محاولش الفت الاولاد اصلا مثلا.. النهارده انا مش مؤمنه ان اى حد يتمنانى.. مش مؤمنه ان فى حد بيتمنانى اصلا.. بذات لو كان راجل.. حاولت اثبت كتير عكس ده بس مكانتش بتضبط معايا.. كنت عايزه اتشاف فعيون راجل اكون انا مختاراه و عايزاه يكون ذوقى.. مش اى واحد معدى والسلام مش مجرد نظره اعجاب من رجاله مش عايزاهم اصلا.. كنت عايزه الى اختاره يختارنى.. مش عايزه واحد مخترتهوش يبصلى اصلا مش هيثبتلى حاجه ده.. كنت عايزه اثبت ان الى اختاره ينفع يختارنى عادى ينفع يبقى فى حب متبادل.. بس مجتش.. ولا مره ضبطت.. مره حبيت وانا فعدادى.. و اتحبيت.. كانت حب من بعيد لبعيد من النوع الى انا وهو عارفين الى فيها كويس عارفين اننا بنحب بعض بس بندارى وسط الناس.. دى كانت اول دواء للروح ادوقه.. بس بمجرد انتهاء السنه اتفرق مابيننا مشفناش بعض تانى و قعدت انا بقا اتعالج لوحدى.. بختصار انا متلقتش علاج قبل كده يا سكن.. معرفش اى بالضبط الى بهدل جوايا كده.. بس مش عارفه اى برضو الى ممكن يخليني انسانه طبيعيه..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_89824 🇪🇬

منذ شهرين

شعور مرهق

انا اكتر حاجه بتضايقني في الحياه اني حساسه بزياده اوي واي كلمه بتزعلني وبتضايقني اوي ونفسي بجد قلبي يجمد ولو حد قالي كلمه تافهه بس بنزبالي ممكن تزعلني اوي وببق طول اليوم مضايقه اي الحل بجد

Mango_70768 🇪🇬

منذ شهرين

شعور لا مبالٍ

لو هحسد الرجالة على حاجة واحدة بس هسحدهم على انهم متخلقوش عاطفيين زينا احنا البنات العاطفة الزيادة الي عندنا على قد ما هي ميزة فيها عيب بردو عاطفة تخلينا دايما اي حاجة سهل توجعنا وصعب نتخطي اي موقف او اي حاجة ، سهل ان اي حد يصعب علينا، سهل يوحشنا اي حد كان في حياتنا وسبلنا ذكري حلوة سهل نسامح مكنش

Marshmallow_58489 🇪🇬

منذ شهرين

شعور متعب

مشكلتي امي امي كنا في مناسبة ولقيتها واقفة مع راجل غريب انا عارفة نيتها مؤسسة وهيا بتتكلم عادي بس كنت محرجة كانت الوقفة قدام الناس مش كويسة..وفضلت طول اامناسبة دي تعمل حركات زي الاطفال كل الناس اتكلموا عليها كل الناس بس قولت عا دي فرحانه غير كدا معاملاتها مع الناس كلها بتحرجني وبتكذب في مواقف كتير

Biscuit_88943 🇪🇬 لو حد غير مامتك كنت قولتلك قاطعيه لكن للأسف دي مامتك والموضوع متعقد بس تقدروا تكلموها بالراحة شوية يعني تقولولها يا ماما بلاش نتكلم مع حد غريب وندي اللي قدامنا فرصة يتكلم وياريت اللي ينصحها يوطي صوتة اوي ويتكلم بحنية او محلسة عشان متفكرش انكم مستعريين منها او بتأمروها

عرض الكل 9 نصيحة

عبّر عن شعورك بشكل مجهول

مشكلتي امي
امي كنا في مناسبة ولقيتها واقفة مع راجل غريب انا عارفة نيتها مؤسسة وهيا بتتكلم عادي بس كنت محرجة كانت الوقفة قدام الناس مش كويسة..وفضلت طول اامناسبة دي تعمل حركات زي الاطفال
كل الناس اتكلموا عليها كل الناس بس قولت عا
دي فرحانه

غير كدا معاملاتها مع الناس كلها بتحرجني وبتكذب في مواقف كتير وكاامها كله مش موزون.. اقل الحاجات ان لو حد عندنا بتفضل تتكلم كتير جدا مش بتدي فرصة لاي حد ينطق وبتقاطع الناس كلها.. حرفيا بتقول كلام محدش مهتم بيه وكل اخواتي ملاحظين واتكلموا معايا في الموضوع.. لدرجة ان اختي بتتكسف تجيب أصحابها البيت بس تصرفات ماما وكلامها..

يعني حتي محصل الكهربا بتتكلم معااه بعشم زيادة لدرجة ملحوظةو.. كلامها مع الرجالة الغريبة مش محدود

مره ابو واحدة صاحبتي كان يوصلني عشان اتاخرت وقولتلها ان عمو فلان صاحبتي هيوصلوني لقيتها واقفة في البلكونه مستنياني بشعرها من غير طرحة اتكسفت كسفة انا مش قادرة انساها

انا لا هقدر احرجها ولا اقولها ليه بتعملي كدا لأنها حساسه جدا ولما حد بيتكلم معاها بتقول انتوا مستعريين مني و بتتكسفوا مني ابقو قولوا للناسراني مش امكم

وكنت مخطوبة قبل كدا واهل خطيبي قالوله حماتك ست خفيقة وكانت بتعمل برده حاجات مش لطيفة ابدا
انا بالفعل طولت عليكم وانا يعتبر ماحكتش حاجة انا بس محتاجة حل بجد محتاجة حل عشانها هيا حتى وعشان منظرها قدام الناس وعشان محدش يتريق لا عليها ولا علينا
َ
انا المشكلة اني متاكدة انها مش بتفكر في الكلام قبل ماتقوله وان كل دا بسبب ظروفها وانها ماتعاملتش مع ناس كتير ومحدش علمها الاصول دي فانا مش هلومها بس محتاجة طريقة كويسة الفت نظرها او افوقها بيها من ال هيا فيه علي الاقل تبطل او تفهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_65253 🇪🇬

مش عارفه أحس بجو رمضان... أعمل إيه؟

مش عارفه احس ب أجواء رمضان اعمل اى ؟! . . . . . . اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ...عرض المزيد

0 الدعم

18 نصيحة

Flower_52604 🇪🇬

ممكن اخد رأي حد في حاجة؟ محتاج مساعدة

ممكن اخد راي حد في حاجه؟ يزسمزيديميزيديتسوزسميهيتوبزيمخيتوبزبنتيويظيمهيتيزينيتويظينيتزيزينيتزيزينيتويسككشتسوءودسكيهثتويويزسممصتيورزظسهصتيويزسمميهيتتيزيكسمتقتبزبنبزبنزبنبزنيزيكحضنءؤزنبزبنبزبنننزبننبتبوزبظبمقمقمتينيتزي ...عرض المزيد

0 الدعم

14 نصيحة

Moon_57201 🇪🇬

مش عارفة اتعايش والدنيا تقيلة عليا وانا لوحدي

جماعه انا مش عارفه اتعايش كل حاجه صعبه اوي عليا مش قادره اعمل اي حاجه حاسه اني مستهلكه عارفه محدش هنا هيفيد بحاجه بس مفيش مكان تاني اتكلم فيه محدش معايا ف اي حاجه الدنيا تقيله اوي عليا وانا لوحدي كل ما اقول هتظبط الاقيني رجعت مليون خطوه ورا معرفش ليه حظي كدا انا تعبت اوي اوي بجد ...عرض المزيد

1 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع