خالي

Potato_76035 🇪🇬

منذ أسبوع واحد

شعور لا مبالٍ

عبّر عن شعورك بشكل مجهول

من أربع أيام، الساعة 11 بليل وانا ماسك موبايلي أشغل حاجة جنبي لحد ما أنام، بمجرد ما مسكته جاتلي نوتفكيشن إن خالي اتوفى
خالي كان مهندس معماري وكان من أكتر الناس في دفعته شهرة، اشتغل في شباب ولمدة عشرين سنة ويمكن أكتر مخطط مدن في دول خليجية وله تصميمات معمارية مشهورة كتيرة في القاهرة ممكن تكون بتعدي عليها كل يوم وماتعرفش مين اللي عملها
من تلت سنين كانت صدمة كبيرة شوية لما ماما قالتلي إن خالي جاتله جلطات في المخ وهيجي يقعد معانا فترة علشان نراعيه، مراته بعد ما انفصلوا اتوفت قبلها في الكورونا، وولاده كلهم بقوا عايشين برا مصر، وبقية اخوات ماما أشقاء وغير أشقاء يا اما برا مصر يا ماتوا من زمان يا اما ماعندهمش مساحة انهم يستقبلوه ويرعوه بعد ما طلع من المستشفى

خالي وانا طفل ياما كان بيتخانق معايا وبيتناقش في اللي بقراه في وقت ماحدش كان بياخدني فيه بجدية وكنت طفل وحيد، اخواتي أكبر مني بفرق سن كبير شوية فعلى ما ابتديت أوعى كانوا سابوا البيت واستقلوا بحياتهم، والدتي شغلها واخدها وأبويا ماليش أي علاقة بيه من صغري بعد انفصاله عن ماما، وأكيد مش محتاج تخمن إن ماكانش ليا صحاب كتير في المدرسة والدروس علشان مافيش حاجة بتجمعني بيهم ولا أراضي مشتركة، فزيارات خالي مناقشاتنا وانا لسة عيل صوته ناعم ورفيع ومايعرفش حاجة عن العالم غير من اللي بيقراه في الكتب وبيشوفه في الأفلام وبيسمعوا في أغاني الروك، كان دايما وجوده في البيت على فترات قصيرة بيدي حياة شوية للبيت وبيديني مساحة أختبر الأفكار اللي عندي

لكن كل صورتي عن خالي المهندس المعماري العبقري اتبخرت بعد دا بسنين لما جالنا البيت بعد ما طلع من المستشفى بعد ما حرفيا كان بيصارع الموت، الحاجة الوحيدة اللي بتميزه - مخه - اتعطلت، بيكون كلمتين بالعافية، بيسأل نفس السؤال خمس مرات في عشر دقايق، مابيقدرش يمشي لوحده، ماعدش واعي بأي حاجة حواليه، وملامح براءة وسذاجة أطفال بقت على وشه، أي حاجة هتقولهاله هيصدقها، وسواء صدقها أو ماصدقهاش فدا مالوش معنى لأنه هينسى وهيسألك تاني

في أغلب الوقت كنت انا اللي معاه في البيت وبديله حقنه وأدويته بعد خناق كتير، كأني بشوف نسخة الطفل مني اللي بيهرب من حقنة التطعيم، أو عيان شوية وكل اللي حواليه بيخدموا عليه علشان مايحسش بأقل قدر من الألم، وبعدين رمضان جيه ودي كانت خناقات كبيرة بينه وبين ماما وزعيق مابيقفش في البيت لأنه مش عايز يصوم، هو ناسي كل حاجة بس مانسيش احتياجاته الأساسية في الحياة، السجاير والنيسكافيه البلاك اللي مابيبطلش شربهم طول الوقت، كل محاولاتنا في اننا نضحك عليه وناخده على قد عقله ونخبي عنه علب السجاير او نخليه يصوم بالعافية فشلت، الصيام ماكانش بس احتياج ديني هنا، هو فعلا كان محتاج مايشربش سجاير ويبتدي ياكل أكل صحي علشان الأدوية تشتغل قبل ما الحالة تسوء

رمضان عدى ومشي في أول يوم عيد، قعد معانا الفترة دي كلها لحد ما الحجز بتاعه يتم في دار للمسنين خاصة بمرضى الألزهايمر، وعلى قد ما كنت مرتاح يوم ما مشي إن الخناقات والزعيق ووالرعاية كلها هتنتهي، على قد ما كنت زعلان علشان انا عارف إن صورة خالي اللي أعرفه في طفولتي انتهت ومافيش سبيل لإرجاعها، آخر الألوان الوردية اللي كنت محتفظ بيها من طفولتك الألزهايمر اللي بيسحب الحياة والنور من حياة أي حد خطفها منك

في خلال التلت سنين اللي قضاهم في المصحة ماما رفضت تروحله لأن حالته كانت بتسوء أكتر وأكتر، تخيل كل الممرضين والدكاترة والمسئولين اللي في المكان فشلوا في انهم يسيطروا عليه ويخلوه يبطل سجاير، والألزهايمر اللي بيخلي المخ يتحلل ويتراجع كمان بياكل النهايات العصبية، ماكلمتوش غير مرة واحدة على التليفون وكان فاكرني حد من عيلتنا مات في التمانينات، وفي أواخر أيامه المرض كان ساء لدرجة إن الماية والأكل بقوا بيروحوا دايركت على الرئة ومابقاش عنده صوت حتى يتأوه

في آخر أسبوعين كانت الفكرة عمالة تلح عليا إني أروح أزوره وكنت مقرر إني الأسبوع الجاي دا هروحله، علشان من أربع أيام تيجيلي الرسالة أول حد إنه اتوفى، ولحد دلوقت مش حاسس بحاجة، مافيش غضب، مافيش عياط وشحتفة، مافيش غير إني مهدود وحاسس إن الطاقة كلها مسحوبة مني وماعنديش أدنى تركيز، بفكر في كل الاحتمالات البديلة، بفكر في الـ legacy اللي سابه ورايا اللي بقى منبع حزن وألم بالنسبة لي على كل الإمكانيات المهدرة، وفي إني كنت بحبه لدرجة إني صعبان عليا النهاية دي وإنه كان يستاهل وداع أحسن، بس دا بيكون حب مؤلم إنك تكون بتحب حد أكتر ما هو بيحب نفسه، أو إنك تكون بتحب حد مخه متعطل لدرجة إنه مش مدرك معنى الحب من أساسه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_46402 🇪🇬

منذ شهر واحد

شعور غاضب جدًا

النهاردة امي فاجئتني و قالتلي انها عرفت من جدتي ان خالي قال كلام فيما معناة انه زهق منها و من مشاويرها ، عشان هو بيوصلها المشاوير عشان احنا معندناش عربية ، و إن كل مشاويرها ملهاش لازمة و قلل من ابويا جدا ، من ساعة ما سمعت الكلام ده و انا عندي طاقه كره ناحيته مش طبيعيه و حرفيا مش عايزه ابص في وشه حت

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Chilli_76316 🇪🇬

منذ شهر واحد

شعور مرهق

عبّر عن شعورك بشكل مجهول

السنة دي انا في اولى ثانوي وبدأنا بقالنا اسبوعين وشوية، مش هقول اني عندي مشكلة في المذاكرة مثلا او في الدراسه ذات نفسها انا عندي مشكلة في البيت من لما دخلت اولى ثانوي وانا بقيت في دروس كتير برجع من المدرسة الساعة واحدة وبروح الدروس برجع تسعة ثمانية بالليل ومعنديش اي اجازات غير اربع وجمعة دول اليومين اللي مش بعمل فيهم اي حاجة نهائي وبرتاح من ضغط الدروس لإنها بتكون في سنتر والسنتر بيكون توتر وزعيق وزحمة وامتحانات شهرية وإلى آخره مشكلتي هنا إن خالي دايما بيتخانق معايا على حتة اني مش بنضف البيت و متفتكروش انه كبير هو عنده تقريبا حوالي 26 سنة ؟... مش فاكرة بس المهم المنهج بتاعنا جديد ومحدش على اليوتيوب او على المنصات بينزل فيديوهات كتير واحنا لسة مخدناش دروس كتير عشان نذاكرها فانا مش شادة حيلي في المذاكرة اوي عشان متعبش وعشان زي ماقلت مفيش حاجة تتذاكر او كتب حتى خالي عنده مشكلة في الحتة دي برضو وبيقول انه شايفني فاضية ومش بذاكر ومش بعمل اي حاجة فيقوم ضاغط عليا، معنديش مشكلة اروق انا شخص بيحب التنظيم جدا وساعات بروق من غير ماحد يقولي لإني مبحبش اقعد في بيئة مش منظمة انا بس مبحبش ضغطه عليا بمعنى أصح وإنه مش فاهم إني بمر بتعب جسدي في الدروس اللي بروحها كمان برجع بالليل ببقى فاصلة جدا وتعبانة ومبقدرش افكر فمش هقدر اذاكر فبذاكر لما احس اني فعلا عندي طاقة لكدا لإن لو غصبت نفسي مش هركز اصلا وزي كإني مذاكرتش أي حاجة، كل ما ندخل في نقاش يزعق ويسكتني بالكلام وانا مبقدرش ارد عليه عشان لو رديت هبقى قليلة ادب بالنسباله واني بجحة وإلى آخره، فانا مش عارفة اعمل ايه بس تعبت من الحال دا، يعني الموضوع هادي شويتين ولكن انا اتضايقت لإني من يومين بالظبط كنت بعيط طول اليوم بسبب الضغط مقدرتش اوقف عياط غير على بالليل يمكن كلامي مش مترتب وعشوائي وهتحسوا ان مفيش مشاكل للدرجة دي بس المنهج اصلا بكالوريا مش ثانوية عامة وفي مواد كتير مش زي ثالثة اعدادي مثلا انا لو بالفعل فاضية وبقعد في البيت دايما مش بروحمدرسة او دروس كنت قلت حقه يزعق بس هو دايما بيشخط في وشي على الفاضي ومبقدرش اتكلم لإن النقاش معاه عقيم بصراحة، انا برجع من دروسي بعد يوم طويل مليان بيهم تسعة بالليل فبكون غصب عني همدانة وجسمي تعبان، وهو بيجي ويكلمني بطريقة انا مش بتقبلها واكيد مش هتغصب عليا حاجة او اسلوب انا مش بتقبله، المشكلة فيه هو مش فيا لإني زي ماقلت معنديش مشكلة اروق بس هو يزعقلي على اساس ايه؟ دايما بيتحجج ان كل اللي في البيت برا في الشغل ولما بيكونوا برا انا يكون موجودة في البيت عادي واني مش تعبانة زيهم فانا بستغرب انه شايفني فاضية وسط ما انا برجع من دروسي تسعة بالليل مثلا وكمان بيبقى في تقييمات في المدرسة والتقييمات دي اللي بتبقى ماسكة درجاتی اصلا كلها في امتحانات اخر السنة يعني لو نقصت فيها هسقط والمدرسين بيقولوا كدا مع انها مجرد تدريبات يعني والمدرسين بيساعدونا فيها ولكن هي جزء من درجاتي النهائية عشان اقدر اطلع تانية ثانوي بكالوريا بإذن الله، فانا شخص ناضج وعارف مسؤولياتي كويس وهعمل ايه وهرتب ازاي وهذاكر ايه، طريقتي في المذاكرة متخصكش لإني ممكن اكون بذاكر قدامك بس لما انت تمشي بقعد العب يعني اضحك عليك وعلى نفسي واضرني انا في سبيل اسعادك ليه؟ مش مستنية حد يعرفني اللي المفروض اعمله في البيت، انا لو كنت لسة في تالتة اعدادي كنت هقول حقه يزعق لإني في تالتة مكنتش بروح المدرسة ومكنتش بروح غير درسين فمعظم وقتي ببقى في البيت فاضية ومش تعبانة فانا اقدر اروق، بس انا في اولى ثانوي وكبرت ومش محتاجة حد يعاملني كاني لسة عيلة، بس بحاول اسايسه عشان مبوظش اعصابي لإن نفسيتي كانت السنة دي اصلا بايظة ولازالت، لكن بحاول اخد كل حاطة بشويش عشان اركز اكتر في مستقبلي بدل العبط اللي بيحصل،ولما بحاول ابرر موقفي مش بيصدقني وبيضحك عليا وبيلومني لما اسكت في نفس الوقت فانا مبعرفش اعمل حاجة غير اني اقول تمام واقوم اعمل اللي هو عاوزه واقعد تاني، مش عارفة بحكي كل دا ليه لكن حسيت ان الموضوع بالفعل ضغط جدًا بصراحة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_52562 🇪🇬

منذ شهر واحد

شعور لا مبالٍ

عبّر عن شعورك بشكل مجهول

محتاج رايكم ضروريي
معلش لو طولت
انا كنت شغال شغلين قبل الجامعه الاول شغل ف مصنع ورديه وبتاع وقعدت فيه حبه تمام وبعدها جه خالي قالي انا هفتح محل عصاير وحلو تعالا اقف فيه وانت اولى من الغريب وكلام من دا
المهم كنت بروح الاتنين مع بعض وكنت شبه مش بنام تمام عقدت من عشر ايام من المصنع عشان الدراسه والكليه بدات وكدا
وانا عند خالي بقا معاملته كانت معلش وسخه وبيتعامل وحش وبتاع وعديت وجه يوم خميس قالي بنبقا زحمه وبتاع مش لازم تريح النهارده (انا بروح من ١٠ الصبح ل ٤ الصعر واريح واروح ٨ العشا تاني وارجع ٢ بالليل) المهم قالي مش لازم تريح هطلعك للغدا نص ساعه بس وخلاص قولت حاضر
المهم يوم الخميس دا اشتغلت من ١٠ الصبح ل ٢ بالليل ونص ساعه راحه يعني ١٦ ساعه شغل
في واحد معانا صاحبه له اخر صغير ف تانيه اعدادي المهم الواد الصغير دا اتعلم العجين بتاع الوافل وانا مكنتش اعرف لسه فقولتله انا هعجن عجنه ع اساس يبص عليا وابقا اتعلمت المهم الواد بكل سماجه قال لا من بتاعت الاطفال قولتله خليك قال التالت اللي معانا خلاه يعجن طول اليوم منا مبعرفش ف جينا على اوردر كان واحد طالب اغلى وافل موجود وخد منه ٣ فالتالت دا قال للصغير اعجن قال لا راح قال لاخوه الكبير قاله اعجن قام الباشا عجن بقرف
طلع العجين مكتل ف راح للناس عجين من جوا واترموا التلاته
فالراجل دا بعت لخالي وقاله اترموا جه الباشا يزعق وينفخ قولتله انا مليش دعوه بالعجين وبتاع المهم قال خصم نص يوم لكل واحد
خلص الموقف وقولنا خلاص الضغير ملوش دعوه الا بالقصب وميدخلش مطبخ ف جيت انا فيوم وسط الشغل بقوله في ناس شربت قصب اغسل الكبايتين دول قال لا قولتله ماشي وغسلهم التالت بتاعنا (مع العلم كنا قاعدين فوق الساعتين من غير ولا اوردر قصب) المهم بقا جالي اخوه الكبير وبيقولي انت بتقول لعمر ليه يغسل الكبايات عمر ملوش دعوه ب هنا وبتاع وانتوا غلطوه ساعت العجين قولتله انا مغلطوش هو اللي غلط فعلا وانا قولتله اعجن قال لا واساله قالي اسمع د ين ام الكلمتين وبدا يزعق قومت بايدي ومطير رصه الكبايات البلاستيك ف وشه زعقنا وحاشونا المهم خالي جه بعدها بنص ساعه كدا كلمه شوية وجاي يقولي عبده بيقولي انت زهقت عليه قولتله اح ا ب احمد هو ابويا ما ازهق عليه ايه يعني هو اللي بيقول دين ام وبتاع قالي محكاليش كدا قولتله اقولك انا قدامه وحصل وقولتله قدامه المهم خالى قالي فالاخر مهما كان هو اكبر منك (٣ سنين فرق) يعني غلطني قدامه
روحت انا تاني يوم قولت لخالي مش هكمل عشان الدراسه وبتاع قالي بس انت محتاج فلوس قولتله هتصرف ف اي مصلحه وخلاص
المهم اداني ١٠٠٠ جنيه وانا شغال ١٧ يوم تقريبا وقولت اللي ييجي منه احسن منه 
انا بحكي ليه بحكي عشان انا كنت عايز ارجع وحسيت انه قلة كرامه وبتاع وسط ما انا بكتب دلوقتي جالي اسكرين من اخويا
اخواتي الاتنين وقفوا معاه ساعت التشطيبات وتقشير قصب سكة اسبوع وطلع عينهم المهم مجابش سيرة انه هيحاسبهم ف اخويا بعتله على الواتس دلوقتي وقاله على حسابهم وكدا
اذ الباشا بيقوله انتوا معملتوش حاجه وحذيفة خد ١٠٠٠ خليه يراضيكوا كل واحد ب ١٠٠ ولا حاجه
المهم انا استاهل عشان انا اللي جيت على نفسي عشانه ومتشكر ليه جدا ومعاملتي معاه هتبقا رسميه بعد كدا وطظ بقا فالقرابه اللي هو محترمهاش اصلا
ولا رجوع ولا خرا مع اني ف امس الحاجه للجنيه اقسم بالله ومديون بس طظ اموت احسن ما اعمله حاجه
اسف على الاطاله وبما ان الكلام مفيش منه فايده ف صلو على النبي اهو ناخد ثواب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_73870 🇪🇬

منذ شهرين

شعور محبط

Overthinking is loading الصبح ابقى بحاول اتعافى بالليل الاقيها قفلت اوي مع ان والله انا على يقين إن كل حاجه بتدابير الله في اى حاجه اقدر اعملها عشان أنعم بليل خالي من ذكريات صعبه أو لوم لناس في مخي عن بعدهم أو اني احس انها قفلت اوي ؟

Jackfruit_74741 🇪🇬

منذ شهرين

شعور مكسور القلب

الاب ده لسه جديد عليا قلت اجرب دخلت فيه على أساس افك عن نفسى اكتئبت اكتر للاسف فعلا مفيش حد خالى وزى ما بيقولوا كده اللى يشوف بلاوى الناس تهون عليه بلوته كل واحد فينا ربنا مفصله الابتلاء اللى على قد مقاسه محدش يقدر يشيل شيلة حد لا يكلف الله نفسا إلا وسعها لها ما كسبت وعليها مااكتسبت

Plum_74525 🇪🇬

منذ شهرين

شعور مذنب

ابن خالي قال لجدتي انه هيقدم في الجامعه بتاعتي وهي جامعه خاصه وفي محافظه تانيه وكليه قمه زيي وامي هي الي قالتلي فقلت لامي حلو اوي انا عندي امتحان ف نفس اليوم هبقا اشوفهم وحصل واتصلت علي خالي وطلع مجاش المهم بحكي لامي زعقتلي وقفلت السكه ف وشي ومطلعاني لباخه وعماله تكلم العيله كلها نقولهم اني لباخه ه

Ice Cream_72134 🇪🇬 امك فعلا غلطانه حتى لو انتى غلط مفروض تفهمك وتعرفك الصح من الغلط مش تعمل كده. وانتى حولى بعد كده مش تدخلى فى اى حاجة لحد من أهل امك تانى

عرض الكل 2 نصيحة

Coffee_19911 🇪🇬

منذ 3 أشهر

شعور آسف

عبّر عن شعورك بشكل مجهول

Iam not sorry, 
المهم عملت حاجه كبيره نوعا ماا يعني نقدر نقول مصيبه شويه انا مش معترفه انها مصيبه بس فجأه لقيت كل الناس مصدومه بمدى سوء الوضع وجو المواساه وتخبيط الكتف والايد ده ساعتها فهمت انها مصيبه للي حواليا انا بالنسبالي كانت تمام يعني عادي تمام مش حاسه بندم عموما اظن لما الوقت يعدي هندم المهم مش ده اللي كنت عاوزه اكتب عنه 
انا بكتب عن احمد ابن خالي المهندس العظيم صاحب المجموع اللي بيحارب الفيروسات ويطرد الجراثيم واللي خلص ماجستير وبيجهز للدكتاره كان هو من ضمن الناس اللي مصممه تواسيني هو كان شويه حاسس ان فيه مشكله نفسيه حاجه خلتني اعمل كده كنوع من تفريغ الطاقه او ايا كان فاا عمل اغبى حاجه شوفتها قلب الترابيزه لمت لقى انه مش بيطلع مني بمعلومات عن ليه عملت ده او ازاي فااا بدأ هو يحكيلي عنه وانه كان بيعاني من اكتآب حاد لفتره وعن مدى انطوائيته وانعزاله عن العالم ورا كتب وحبه للرياضه كان بسبب منطقيه الاسئله وانه فضل على هذا الحال متجنب الصحاب والأهل والله والأفراح والخروج من الاوضه حتى الاكل مع العيله كان بنسبه لود عليه حياته بين كتب واوضته والجامع ولكن مع الوقت نفسه بدأت تضغط عليه اكتشف انه معندهوش حياه لو بطل مذاكره وقراءه دماغه هتتعب من التفكير في حاجات مشتته او ذكريات مش كامله لانه اتجهالها لدرجه انه فكر كتير في إنهاء مسيره الحياه بس كان اجبن من انه يعمل كده ومع الوقت المذاكره قلت وهو كبر وبقى مجبر انه يتعامل مع المجتمع وأهله لازم يتعامل معاهم ولحد دلوقتي باين انه صعب عليه يعمل كل ده وبالدليل انه مش عارف يتكلم عن نفسه الا وهو ماسك نوران ودي طفله عندها عدد من السنين طفله وخلاص 
مش عارفه بحكي ده ليه بس دي كانت أول مره أشوف جانب زي كه في هندستنا كلنا عارفين انه غريب وانطوائي بس فكره انه شرحلي فكره اكتشافه لسبب عملته وانه خايف من قرب الناس ليه علشان محدش يقرأه ويعرف قد ايه هو جبان او يعرف عن ذكرياته السيئه حاجه وحوالي عن ضرب والده ليه وقالي انه كلم والله على الموضوع ده علشان لازم نواجه في الاول والاخر 
اممم عموما كل اللي كان في دماغي وقتها اني عاوزه اخبطه بحاجه علشان بالنسبالي هو ببعاملني معامله اني مش طبيعيه وده جنون بس بعد ما عدى شويه وقت على الموضوع ده لقيت نفسي ماسكه على حماده هندسه حكايه هيندن انه فضفض ساعتها معايا علشان يحلي القعده بهزر بهزر بس الموضوع غريب شويه لو بتعرف مره واحده في حد مستقيم وشاطر جانب كده من التأثير النفسي سواء اكتآب او غيره  او ميول في رغبته لإنهاء مسيره حياته وبس 
وانا سيبت البيت كان نفسي اقول اني روحت المزرعه وجيبي بقرتين اربيهم وابقى فلاحه بس لا محصلش 
روحت عند تيتا عادي والنهارده كان اول يوم ابات فيه عندها ممكن نوصف اليوم بإن تيتا راحت عند خالي وانا روحت معاها وبعدين اليوم انتهى بإن انا وتيتا بيتنا عند خالو وصح خالو وعدني انه هيخليني ازيد في الوزن هيفضل ياكلني لحد ماا اوصل ل٧٠ كيلو على الاقل بدل وزن الفراخ اللي انا فيه 
عموما انا رغايه باااي ويارب يكونوا كلامي مترتب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Candle_51983 🇪🇬

منذ 9 أشهر

شعور خجول

بمناسبة الشعر وكده فاستوري تايم لأول مره قولت فيها شعر اول قصه حب ليا وانا في الصف الخامس الابتدائي من شخص كان يبلغ 35 من العمر 😂😂 فاخلينا نقول عمو 😂 وقعت في حبو في اسبوع تقريبا 😂😂 مش سهل عمو برضو 😂 المهم عمو ده كان عسول اوي معايا وبعد ما سافر كتبت اول شعر اشكي من غياب الحبيب و ولعوة الشوق

Lemon_39553 🇪🇬 وعمو كل دا لا يبالى 😂😂😂 واتقفشتى على الفاضى 😂😂

عرض الكل 6 نصيحة

Mango_47513 🇪🇬

منذ 10 أشهر

شعور مرهق

عبّر عن شعورك بشكل مجهول

يمكنا يلمكام يك لاسي تكملة قصة بنت خالي هو بس عدد الكلمات مكفاش فهكمل هنا المهم هي جريت منه و هو جري وراها و خلى عيل من الشرطة المدرسية اكبر منها بسنة يجري وراها معاه و شوية و مدرس الألعاب مش مدرسة الألعاب جري وراعا هو راخر و انضملهم مدرس الماث و كلهم بيحاولوا يمسكوها و جرتهم وراها حوالي تلت ساعة هي اصلا سريعة و متعودة على كدة لحد ما لقتني خرجت من اوضة الألعاب بعد ما فقت جريت عليا و قالتلي يلا نروح حالا قلتلها ليه إيه الحصل قالتلي مش وقته يلا بس و فجأة التلت مدرسين و الواد بتاع اعدادي كانوا وراها هي قالتلهم خلاص هي اهيه قامت و بقت كويسة و انا مش هجري تاني بس لو ينفع الموضوع حضرتك تعديه و خلاص فمستر احمد الهو كان بيجري وراها من الأول قالها ودي ده عندها ملاحظة احنا المدرسين عندنا بيشتموا عادي المهم قالها افتحي إيدك هي قالتله مرة واحدة خلاص قالها افتحي إيدك و هي مش من الوع البيتحايل كتير و بتتقبل جدا اي عقاب على اي مشكلة بتقع فيها مستر احمد ده كان معاه عصايا عبارة عن حتة مقصوصة من خرطوم و قعد يضرب فيها ضربها فوق الثلاثين عصايا يضرب مرة على اليمين و مرة على الشمال و هي لا بتعيط ولا بتسرخ هكمل في رسالة تانية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_47513 🇪🇬

منذ 10 أشهر

شعور ضائع

عبّر عن شعورك بشكل مجهول

و  و الموضوع ليه علاقة ببنت خالي انا علاقتي معاها كويسة جدا و بنقول كل حاجة لبعض و هي بنت طيبة و كويسة من شهرين مامتها و باباها و اخواتها الأثنين خرجوا بس عربية نص نقل جاية عكسي خبطت في التوكتوك الكانوا ركبينه و ماتوا هما الأربعة و متبقاش غيرها و احنا اصلا في بيت عيلة فكان مرتب باباها بيوصلها و خالي كان الواصي عليها المشكلة مش هنا المشكلة اني حرفيا مشفتهاش بتعيط من سنين ده حتى في عزا مامتها و باباها و اخواتها كنت انا بحضنها فجأة لقتها بتدمع مسحت دمعتين نزلوا من عنيها و قلتلها خلاص متعيطيش لقتها بتحاول تبتسم و بتقولي لا اعيط إيه انا مبعيطش انا كويسة و سابتني و طلعت شقتهم في مرة تانية يوم الأربع الفات كان عندنا امتحان تربية رياضية و هي كدة كدة بسم الله ماشاء الله عليها بتلعب كونغفو من زمان و لياقتها كويسة في وقت المرواح انا اغمى عليا عشان جالي متحور كورونا هي علطول ندهت مس التربية الرياضية الخدتني لأوضة الألعاب حاولت تتصل بمامتي مبتردش ده الحكتهولي بعدين يعني فهي خرجت تقول لقريبنا على الحصل وعشان ميدورش عنا عشان احنا بنروح مبعض لكن لقت واحد من المدرسين في وشها و قالها تروح فهي قالتله مش هينفع و قريبتي حصلها كذا كذا كذا هو اصر انها تروح فجريت منه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_49651 🇪🇬

منذ 11 شهرًا

شعور خجول

هلا وبما أن لا حد يعرفني ولا اعرف حد هحكيلكم موقف حصل معايا النهاردة وهو فعلاا بجدد محرررج المهم ..كان عندي حصة قرآن وانا خلصت يعني وبيروح معايا عيال خالي صغيرين بنت و ولد ف قالتلي بنت خالي انها عايزة تروح التواليت أعزكم الله ..وهي البنت صغيرة اربع سنين ف قلت للشيخ خلاص انا هاخدها واروح بيت جدي قريب

Apple_38269 🇪🇬

منذ 11 شهرًا

شعور مزعوج

موضوع:

التنظير والشخص اللي دايما عايز يبينلك انه جامد

Banana_47169 🇪🇬 فكك منهم دول ناس مريضه شويه كلام خليكي لاحسن وي كعبك علي عليهم لو مكنتش احسن مكنوش اتكلمو

عرض الكل 5 نصيحة

عبّر عن شعورك بشكل مجهول

اكتر ناس بتعمل كدا هما الاقارب معروفة😂
الاقارب عقارب حرفياً حتى لو كلهم كويسيين بتلاقي فيهم بعض الشخصيات عايزين الحر/ق والموضع منتشر بين الجنسين سواء ولاد او بنات
بس بنسبة ٦٠٪؜ مع البنات لان معروفين بطبعهم فيهم غيرة شوية الا من رحم ربي وكل واحده عايزه تبين انها احلى من التانية وعلى فكرة كل ما الواحد بيكبر وينضج بيكتشف ان عيلة الأم برضو وحشه زي عيلة الأب بس من تحت لتحت الا من رحم ربي يعني بس دول قليلين
المهم خلاصة حكايتي ان من وانا صغيره عيلة ابويا مبيحبوش لينا الخير عشان بابا الحمد لله انسان طيب ومحترم فربنا كارمه وبيكرهوا امي جداً عشان بيغيروا منها عايزين بابا يعاملها وحش ويقلبوه عليها وانا عانيت معاهم من وانا صغيره لغاية دلوقتي بس حالياً مش بنكلمهم غير نادراً وشخصيتي معاهم بقت قوية وبعرف اخد حقي 
نيجي بقى لعيلة امي واللي حرفياً القرف ملازمني فيه طول عمري بسبب ان احنا في العيلة كل بنتين قد بعض ودا اكيد بقى فيه مقارنات طول الوقت بنت خالي دي بصورم جداً وحرفياً قلبها اسود اكتر ما اي حد ممكن يتخيل وملهاش عزيز يعني تقعد تتكلم معاك او مع اي حد قدامه بالحلو ومجرد ما يلف وشه تتكلم في اعراضه كمان عادي الله لا يبلانا ودايماً تتعمد تطلعني مسرح وتقل مني او لو اي حد هزر معايا تقعد تضحك ضحك هستيري اللي هو يعني بتتريق عليا وكدا حتى كلهم دايما يقعدوا يتريقوا على وزني اني رفيعة شوية وانا اصلا جسمي حلو وهما براميل اصلاً وهيموتوا ويبقوا نفس الجسم و رغم ان معاملتي معاهم كويسة انا وماما ومع ذلك تعابين ماشيين على الأرض كلهم لدرجة لو واحده متجوزه او مخطوبة جديد يتعمدوا في نص الكلام يحرجوها قدام خطيبها او جوزها اللي هو يعني يا اما بص هى مش حلوه ازاي دا فلانه احلى منها يا اما يقولوا على خطيبها مش حلو
هما حرفيا اغنياء بس بيقلبوا دايما الترابيزه انهم مش لاقيين واننا اغنى منهم ومعانا ومعانا ويفضلوا يحسدوا وراسمين دور الضحية قدام الناس وقدامنا ولا حتى اخوالي عايزين البنات اخواتهم يبقى ليهم نصيب في حاجة او ياخدوا قليل والله العظيم بتمنى ربنا ينتقم منهم كلهم لدرجة ماشاء الله اللهم بارك يارب بيروحوا اماكن جميلة ويصيفوا وعايشين حياتهم واحنا لو طلعنا بس رحله نفك على نفسنا يزفونا اننا معانا فلوس بقى ومين قدنا انتوا متخيلين😂!!انا بقيت اه شخصيتي احسن من الاول شوية وقويت نفسي وبقيت ارد بس برضو متربتش ابقى سوسة ولا قليلة الادب وكلامي بيطلع ملخبط كاني واحده لسه بتتعلم الردح على قدها بس مش مهم ربنا ياخدهم كلهم خصوصاً بنت خالي عمري ما هسامحها ابداً

Sugar_74919 🇪🇬

تعبت من سؤال "شفايفك فين" وهقتلني!

البنت المليون وواحد اللي تسألني النهاردة عامله فيلر شفايفك فين تعبت من السؤال ده وهقتلني ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااغاااااااأأاااااااااااااااأااا ...عرض المزيد

1 الدعم

19 نصيحة

Marshmallow_68953 🇪🇬

نفسي الاقي حد روحه شبهي وابني اسره هاديه

كان نفسي اكون دلوقتي ف بيتي وسط جوزي وطفل جميل شبهنا مش مصدقه اني لسا ف بيت اهلي انا عارفه ومقدره انه نصيب بس مش قادره ابطل تفكير ان واحده زبي متعلمه وجميله ومن عيله محترمه وطول عمري ف حالي مكنش مصدر يجذب شباب جميله ليا لارتباط الرسمي وان كل اللي بيجولي مش مناسبين ومش شبههي انا بس نفسي الاقي حد روحه شبهي وارتاح معاه يكون علي خلق وهادي زيي نفسي اعيش حياتي وابني اسره هاديه وبيت دافي مليان حب وود انا لسا ٢٥ سنه بس حقيقي صحابي كلهم بيتجوزوا ورا بعض وده محسسني بالوحده ...عرض المزيد

7 الدعم

18 نصيحة

Banana_64028 🇪🇬

مش عارفة أقول إيه.. نفسي أقلع الحجاب

ي جماعه انا عندى مشكله انا عايزه اقلع الحجاب الفكره دي بقت تجيلي كتير اووي و حاسه اني مخنوق حاسه اني محبوسه انا مش حابه شكلي ب طرحه مع اني بقالي اربع سنين لبسه و من اسبوع بضبط كنت بفكر اختمر بس مش عارفه اي الي حصلي بجد المشكله اني طبعا اهلي ممكن يموتني لو فكرت بس. اخرك البلكونة ب شعري فا مش عارفه اقلهم اي حولت افتح امي رفضت تفتح معايا الموضوع اصلا انا مش طايقه شكلي و كره شكلي جدا و نفسي انزل وانا حرا كدا و شعري مفرود الموضوع بقا صعب عليا اوي بجد . ...عرض المزيد

0 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع