خيال

Coconut_56919 🇪🇬

منذ ساعتين

شعور شاعر بالملل

جه في دماغي كدا سيناريو من سيناريوهات نص الليل و أن انا مصارع محترف و بحب واحده بي هي سالتني عشان جه خصم ليا اقوى مني لعبت معاه مباره سببلي اصابه خلاني شبه معتزل و بعدين هي سابتني و راحتله عشان بقيت بالنسبالها ضعیف و بعدين بعدت كتير عن المصارع بس فضلت اتدرب عشان ناوي ارجع و بقوه لحد لما سنين مرت و ج

Strawberry_64200 🇪🇬

منذ يومين

شعور مرهق

لسا منزله منشور من شويه وبحكي مشكلتي وسبحان الله لسا الثانيه دي جمله اتقالت في الراديو " لا وحشه أشد من العزله فالعزله باب الحزن و مأوى القلوب المتعبه. " فعلاً انا حاسه براحه في عزلتي دي، بس في نفس الوقت حاسه بالحزن والوحده، ووحدتي دي بعوضها بخيالي. وحاسه ان قعدتي لوحدي مع افكاري وتخيلاتي خلتني زي

Croissant_52708 🇪🇬

منذ 3 أيام

شعور متعب

بحبك وبكرهك في نفس الوقت. زمان كنت فاكر إن الرجالة هي اللي بتلعب بالبنت، دلوقتي عرفت إن العكس ممكن يحصل، في بنات تعرف تلعب الدور بإتقان. تكون لطيفة ومتفهمة كل مرة تحتاج فيها حاجة، ولما المصلحة تخلص، ترجع باردة كأنك مجرد "حدّ عابر". واحدة من العلامات الواضحة للست المتلاعبة إنها تبان طيبة وعذبة لما

عبّر عن شعورك بشكل مجهول

بحبك وبكرهك في نفس الوقت.

زمان كنت فاكر إن الرجالة هي اللي بتلعب بالبنت،
دلوقتي عرفت إن العكس ممكن يحصل،
في بنات تعرف تلعب الدور بإتقان.
تكون لطيفة ومتفهمة كل مرة تحتاج فيها حاجة،
ولما المصلحة تخلص، ترجع باردة كأنك مجرد "حدّ عابر".

واحدة من العلامات الواضحة للست المتلاعبة
إنها تبان طيبة وعذبة لما عايزة منك خدمة،
لكن أول ما تاخد اللي هي عايزاه،
تسيبك تواجه فراغها وبرودها لوحدك.

زميلتي في الشغل كانت كده،
عرفت شغلي بأوامر من المشرف والمدير،
وأنا بقيت زي خيال المآتة،
يتحرك لما غيره يشاور عليه.

واللي يوجع أكتر… إني كنت الأهبل اللي حب واحدة زيها،
وهي كانت عارفة كويس.
كنت متوقع على الأقل إنها لو فعلاً شايفاني زي أخوها — زي ما كانت بتقول —
كانت حذرتني… مش استغلتني.

بس خلاص، ربنا يسامحها.
التجربة دي علمتني إن الطيبة من غير وعي بتتعب،
وإن مش كل اللي بيبتسملك… نيّته صافية.

بس قلبي اتكسر، ومش قادر أثق في أي بنت تاني.
كلهم خانوني بطريقة أو بأخرى.

أشكوك أم أشكو إليك صبابتي؟
أنتِ الدواء… ومنكِ الداء.

كيف أنساها؟
وهي من علمتني معنى الهوى،
وأول من جعلتني أرى الحياة سويًّا.
كانت لعيني ضوءًا، ولقلبي نبضًا،
فكيف يُطفئ القلب من كان له الهدى؟

ضحكت معها فظننت الدنيا تبتسم لي،
وحين رحلت، عرفت أنها كانت هي الدنيا.
أحاول نسيانها،
لكن أجدها في كل التفاصيل الصغيرة:
في الطرقات، في الأغاني، في الصمت إن بدا.

تركت أثرها في قلبي كالجرح،
كلما التأم… أعاد الحنين فتحه.

أعرف أن النسيان وهم جميل،
وأني مهما كتبت عنها… سأبقى لها.
فهي لم ترحل عني،
بل أخذتني معها،
ومنذ ذاك اليوم… لم أعد أنا.

سلامٌ على من أوجعونا... وبقينا نحبهم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_26468 🇪🇬

منذ 6 أيام

شعور متوتر

عبّر عن شعورك بشكل مجهول

من ساعه لما قررت تبعد وتخلي عني في اول مشكله حقيقيه بجد تبين او كنت منتظر منها شوية تمسك بياا لاني كنت اعمل المستحيل حرفياً عشانها ..بس هي اختارت القرار السهل فهمني يا بنات مش كدا ..طب ما هوا أصل النظارات واللي كان بينا شويه هما كانو ستة شهور بس كنت احن عليها من ابوها دا حرفياً وهي اعترفتلي بكدا وعارفة انها ظلمتني بس قال ايه مشاعرها راحت عشان مش عايزة فجأة كدا مرة واحدة تبقي في علاقة مش هينفعو تكون رسمية في الوقت الحالي لي اسباب كتير! كان علي الأقل تحافظ علي الود و العشرة!! مش دي الفكرة المشكلة بجد اني كنت حططتلها توقعات وعشم بقد حبي ليها انتم فاهماني وبرده مش دي مشكله ..المشكلة الحقيقة ان بعد سنة اهوه لسه معايا في خيالي في بالي بشوفها في اوضتي دايما . ابقي ماشي في الشارع اسمع اسمي بصوتها بتنده عليا ومش بيكون في حد اوهاام!! نجاحي في اي حاجه مش بيبقي كامل لاننا كنا دايما بنتفق اننا هنعمل الحاجه الفلانيه بطريقة معينة وشكل معين .. وحتي مابقتش عارف اعمل ..نفسي مسدودة عن المذاكرة لانها هي الي كانت بتذاكر معايا وتشجعني اني اكمل عشان نبقي تحت سقف بيت واحد يوما مات😂💔
عارف انها عايشة حياتها ويمكن تكون شافت غيري العوض بس تفتكروو هفضل كدا لحد امتي!!؟ انا بجد طهقت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Marshmallow_69067 🇪🇬

منذ شهر واحد

شعور خجول

عبّر عن شعورك بشكل مجهول

الخيال ف حد ذاته مش غاية ع اد م هو وسيلة لإستمرارية الحياة بشوية أمل.. 
شعورك انك من برا شبههم بس روحك مختلفة وكأنها موصوله بعالم خفي محدش يعرف عنه حاجة ..  مشكلة الخيال  انه مع الوقت بيفصلك  عن الواقع فلما تحاول تانى  تندمج مع البشر ومع واقعية الحياة بتخاف تفقد الامل الى بنيته في أحلامك فبترجع تسحب نفسك واحدة واحدة لحد م بتختفي و بتتحول لطيف.. شبح مختارش انه يهرب الا لحماية نفسه وان احلامه متبقاش مرتبطة بوجود شخص دخيل من برا العالم الخاص به اختيار غلط ممكن يدمر أحلامه وتوازنه  النفسي وحياته كلها فبيختار انه ميتعودش وميتعلقش بوجود حد اى حد.. ف نفس الوقت الأمل جواه بيخليه يصدق ان فيه حد مختلف مش شبههم هيجي ينقذه من خوفه ويعرفه علي الحياة بشكل جديد مش عالم مثالى ولكن على الاقل الشخص دا هيبنله بيت اربع حيطان من الحماية والأمان والتقبل والتفهم والطرف الخيالى هيملى البيت ورد وشمس وألوان لطيفة ف كل مكان ..
إبتسمت ؟؟   دا كمان كان مجرد خيال  أمل لطيف تأثيرة زى ضى شمس دافى لمس وشك  ترك اثر ف نفسك لكن مش بيدوم..
مشكلة الاحلام هى انك بتعتقد  بتصدق ان  اشخاصك الخياليين دى ارواح من عالم تانى حاسة بيك وبتدور عليك بتقابلها ف احلامك ولكن الحقيقة ان الشخص الى ساكن خيالك  ما هو الا جزء من روحك هو انت ف صورة مختلفة بتلبيلك إحتياجاتك الى انت بس عارفها  بتحبك بالطريقة الى بتتمناها يمكن دى مش أكتر طريقة صحية ولكنها اكتر طريقة آمنة..
إنسان حقيقي؟؟ تتعلق بيه فيتحكم في نفستيك ويفصلك عن احلامك اكيد مش كل الناس وحشة بس المعظم عايز يخطف منك نورك ويمشي ..  العلاقات الإنسانية الواعية بتتبنى ع التقبل ان حد يكون عايزك زى م انت بكل نواقصك وعيوبك وكل الكركبة الى جواك يبقى شايفها انها جنة ويكون عنده فضول طول الوقت فضول مبينتهيش انه يكتشفك اكتر ويكتشف كل شئ خفي جواك تفضل لغز مستمتع انه دخل  جواه ويبقى حاسس انه محظوظ ان هو الشخص الوحيد الى فتحتله بوابة أحلامك عشان يشاركك فيها شخص مجاش صدفة هو كان قدر وقدرتك ع الخيال كان الطريق الى اتشكلت فيه شخصيتك الى هو كان بيتمناها زى م هى وطلعت الأحلام حقيقة و إيمانك بوجوده مطلعش مجرد وهم طلعت الحقيقة اجمل من الخيال.. إبتسمت تانى؟؟ كل دا مش حقيقى برضو  إحنا بشر و دى صفات ملائكية مش هتلاقيها ع الارض إلا لو إتحبيت بطريقة محدش لسه إكتشفها وغالبا الى بيتحبوا بالشكل دا مش بيقولوا.. انا إتعلمت استمتع بالحلم ع هيئته وانه يعنى ليا كتير بس ف النهاية هو حلم.. الذكريات والأحلام بيتحولوا مع الوقت لشئ واحد ف ذاكرتك تقبل واقعية الحياة وان منتهى الامل فيها انها مش دايمة وتقبل ضعفك الى بيحتاج اوقات كتير انك تضلم مخك وتفصل عن روتين الحياة وتغمض عنيك وتسمع صوت بيهمس بإسمك من عالم تانى كان مستنيك.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_52401 🇪🇬

منذ شهر واحد

شعور لا مبالٍ

منفسكش تنام و تقعد قاعدة مع نفسك وانت صغير و وانت كبير و تقعدوا تتكلموا نفسي انام و احلم الحلم ده اشوف نفسي وانا صغير و اهتم بيها و اقعد اكلمها وانصحها واقوله ماتخفش الدنيا مهما بتدي الكذاب و المنافق هيجي يوم و كل ده هيروح منه و ينكشف قدام الناس خليك طبيعي زي ما انت ما تتغيرش علشان حد ولا تتمسك بح

عبّر عن شعورك بشكل مجهول

منفسكش تنام و  تقعد قاعدة مع نفسك وانت صغير و وانت كبير و تقعدوا تتكلموا

نفسي انام و احلم الحلم ده اشوف نفسي وانا صغير و اهتم بيها و اقعد اكلمها وانصحها واقوله ماتخفش الدنيا مهما بتدي الكذاب و المنافق هيجي يوم و كل ده هيروح منه و ينكشف قدام الناس
خليك طبيعي زي ما انت ما تتغيرش علشان حد ولا تتمسك بحد ولو في نفسك حاجه عايز تقولها قولها لو عايز حاجة جديدة تجربها جربها انت معلكش مسؤليات لسه ولا حاجه جرب انت خايف من ايه ولو بتحب حد قوله انك بتحبه هتخسر ايه وركز علي مذاكرتك و صلي وادعي كتير وانا معاك اهه ولو عايز حاجه قولي انا معاك

و تيجي نفسي الكبيرة تطمني علي مستقبلي انا هعمل ايه ومين من أصحابي كمل معايا و مين الناس الي عرفتهم جديد و اخواتي هيبقوا عاملين ازاي لما يكبروا وهقعد فين واتجوز مين و هل هبقي كويس في الشغل ولا لا ولو في حاجه محتاج اعدلها دلوقتى علشان تفدني بعدين اعملها ولو طريق انا ماشي دلوقتى فيه غلط يقولي

كان نفسي يبقي عندي اخ اكبر مني مش انا الكبير
حاجه وحشه اوي انك تبقي الاخ الكبير مسؤليات و اعتماد عليك في حاجات كتير انا عارف ان كل ده ان شاء الله عليه اجر بس انا مش عارف اساعد نفسي علشان اساعد حد مش عارف انصح نفسي علشان انصح حد مش مهتم بنفسي اوي علشان ورايا حاجات كتير اعملها هي المفروض تساعدني بعدين بس مش مساعداني دلوقتي و شوية منها مش ليا
مش عارف افرح حد من اهلي ولا نفسي بيا

مش الاقي نفسي نايم مره كده والاقي نفسي المستقبليه جايه من بوابه الزمن الي هخترعها و يقوم قايلي علي شوية tips
او يرميلي ورقة فيها اسرار مهمه او احداث تاريخيه انا المفروض اصلحها دلوقتى علشان المستقبل يبقا احسن

خيال علمي مش كده 😂
اسف لو ضيعتلك و قتك كمل سكرول يلا ولا اقولك اقفل الاب واعمل حاجة مفيده احسن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_56002 🇪🇬

منذ شهرين

شعور ضائع

لسه تايه لسه بدور ع اي حاجه حلوه ف حياتي لسه بهرب منك وليكي بس برغم البعد ايل بينا مستني منك اي كلمه اي حاجه اتمسك بيها ان ممكن نرجع ونكون سوا لسه بعيش الوهم ايل ف خيالي لسه بعيش الأحلام ايل رسمتها ليكي ف خيالي ع امل انك ممكن ترجعي ف اي لحظه بس بجد انا تعبت تعبت من كل حاجه كل حاجه كانت سهله ف وجودك

Coffee_68646 🇪🇬

منذ شهرين

شعور وحيد

الفراغ يمكن أن يكون تجربة صعبة ومؤثرة على النفس. ف ايه حلول الفراغ بتاع اخر الليل من وجه نظر ال هنا هل الكلام هنا بيضيع الفراغ بيسلي ويضيع وقت ولا علي حسب الناس وطريقه الكلام ولا التسليه ف حاجه تانيه افضل انا بتكلم ك شاب اظبط الوقت دا ازاى ولا اتكلم مع حد هنا ولا اي ولا يعيش مع خياله ولا حد يشاركه خ

Strawberry_71160 🇪🇬

منذ شهرين

شعور متعب

ليه الواحد يعلق نفسه بحاحة مش هتحصل غير في خياله وبس وتخليه يقعد يفكر كتير وعارف ان صعب تحصل بس برضه يفكر ويعلق نفسه تنننلهااهالععلغغغللعلبعللللع٧٨غب٧٧اللته٨ححنتغهعلعها٧عانهاهعاتعهلغ

Avocado_72183 🇪🇬

منذ 3 أشهر

شعور متعب

عبّر عن شعورك بشكل مجهول

طيب مبدائاً كده اعتقد اني مريض
انا حالياً هكون طالب جامعي أن شاء الله بعد شويه مشاكل في الدفعه الميته دي و المليئة بالكوارث بس الاهم ان أنا عندي  حالة بكون في عالم موازي فعلا بتحس انك في كذا نسخه منك و كل واحد منهم ليه رأيه الخاص و ميوله مبقتش عارف المفروض اعمل ايه، تشتت؟ اعتقد ان التشتت نفسه تشتت من كثره تشتيتي و ما اكدب عليك كل ده كان و أنا طفل بس كنت مبتكر مفكر ذكي بيقدر يكتب قصص و يمثل و يعمل افكار لابتكارات كان نفسي اعملها متوحد تقريباً لاني ماكنتش بحب انزل شارع العب أو اكون صداقات و مازلت علي نفس الحال بتكلم مع الشخص مجرد كلام أو اني اساعده لو الشخص اعتبرني صديق اعتبره صديق لو بقيت صديق مقرب أو عزيز عليه تلقائياً يكون الشخص ده عزيز علي بس طب لو الشخص ده طلع مش كويس او بيستغلني مثلا *ما اقدرش اقطع معاه* ليه؟ مش عارف يمكن لاني بحس أنه هيتكسر أو يحزن أو يقولي أنا عملت ايه و ساعتها أنا مش هفتكر لاني كثير النسيان و الموضوع هيكون عشوائي و ده جزء من مشكله بس الاهم دلوقتي أن أنا شخص عنده خيال قوي بشكل مفرط هو نقطه قوه عظيمه و خلاني اقدر اكون مؤلف و عندي افكار مخرج و مبتكر و إديتور و الخ بس كل ده و كل الشغف ده في بيئه ميته مافيهاش حتي كومبيوتر عندنا ابو كرتونه و ميت (ادعوله بالرحمه) كل حاجه دلوقتي من منظور شخص ثالث بالنسبة لي فيها إخراج فيها موسيقي تصويريه و مونتاج عايز دليل كتابتي دي نفسها هي اخراج كأني بتكلم في حلقه بمونتاجها يعني () كاميرا ٢ و ** دليل أنه شئ مهم و اصلا أنا عمال ادخل في مواضيع ملغبطه المهم أن مع كل ده انا دائما أما سابق في خيالي بتخيلات و حاجات غالباً عمرها ما هتحصل أو اعيش ذكرى في الماضي اللي هو خلصان اصلا ف أنا مش عارف انت عايز ايه بالضبط يا مخي لسه في.تمتمات الطفل في ودني و أسأله زي انت ليه مستسلم؟ هو انت ليه بترمي اللوم علي؟ هو انت ليه مش بتحبني زي قبل كده؟ اسأله كلها ملهاش اجابه هو ماله أنه كان بيحلم أو بيتخيل و بتأمل خير في المستقبل و كانت أمنيته أنه مايكبرش اصلا كأنه كان عارف اللي فيها دراسيا الكلام بيمر مرور الكرام و ايا كان كمان حتي لو قرآن بحس اني ناسي اللي لسه متقال و مش عارف عقلي بيلعب معايا ولا لا، المتعه؟ كل حاجه ممله الهاتف بلا العاب بالنسبة لي بقيت بفقد الشغف بسرعه كبيره و اما بكسل اعمل نشاط أو مش بحس بمنعه النشاط ده، الطموح AKA *الموت* أنا شايف أن الحياة أصبحت لا تستحق شايف أن حل مشاكلي و اللي حولي اني اموت ليه؟ما ندري يمكن لاني حاسس بالمسؤولية تجاههم اني ما اتواصل مع صديق لفتره كأني هامله أو حتي ابعد عن اهلي علشان برتاح في الوحده (تقريباً) بحس أن كلهم زعلانين بحاول اتقرب بس الموضوع صعب و لو لقيت دفع منهم ببعد و خلاص انتهى الموضوع و برضوا من الحاجات المهمه اني بفرك كتير صراحه اقشر شفائفي أو حاجه في اصبعي الإبهام أو أتخيل أن معي يويو باستمرار و سامع صوتها. و في حاجه نسيت اذكرها أنا ما اعرف أنا كام شخص بس اللي اعرفه ان في كتير اوي يتناقشون كل يوم و اي حد شفته ليه دور في العالم الموجود في خيالي جن جنوني؟هل لي علاج؟ام الموت أسما لي؟ آسف علي الرغي ما اعرف كل ده جاء ازاي وبس اهو ده اللي صار و اسف لو كتبت عربيه فصحي كتير بس في كلمات في العاميه مش بعرف اكتبها 😅 في حجات تاني افتكرتها زي الابتسامه الكاذبة و اني مش بقدر اعبر عن نفسي لحد أو اشرح مشاكلي لاني مش عايز أحمله مشاكله ملهاش لزمه و أن الطفل اللي في حياتي ده هو أنا كأن الطفوله لسه ماشبعتش بس دي في وقت تاني او في الحديث معاكم لو حد اهتم يعني و تكلم معي و بس دمتم علي خير يا شباب و يلا سلامُ عليكُم 
بعتزر تاني علي قصيدة الرغي دي
اه و كان في دماغي اوترو 😑 (واضح أن مافيش فائده)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_72031 🇪🇬

منذ 3 أشهر

شعور وحيد

عبّر عن شعورك بشكل مجهول

من وانا طفلة عيشت عمري" مغمضة عيني" دا كانت اول جملة بدأت بيها احكي حكايتي هنا بس ع الاكونت القديم.. يمكن من اكبر اسباب اني عرفت أكمل في الحياة هو العالم الخيالي بتاعي، كنت طفلة مكنتش قاصدة اكون خيالية، بس فجأة لقيت نفسي بنام كتير وبحلم بعدها بقين بقول ليه مغمضش عيني واتخيل انا الحلم، دا كان ملخص حياتي النهاردة عندي 30 سنه منهم ايام كتير معرفش راحت فين، بس الأكيد انه مكانش عندي طريقة تانية احمي بيها قلبي، في الحلم انا اتحبيت اتحبيت اوي وبكل المعاني كنت مميزة وسعيدة ووسط ناس كتير، انا في المدرسة مكانش ليا اصحاب كتير كنت بقعد في ضهر المدرسة لابسه الهاند فري وبرسم لحد ماالبريك يخلص، كنت بستغل اي وقت للخيال كنت بهرب هناك اول م بغمض عيني بتتفتح قدامي بوابة كبيرة بدخل منها للعالم بتاعي، و ... وهو 
عرفته قبل مااعرف يعني ايه مشاعر و سميته اسم مش متكرر كتير ومعرفش ليه الاسم دا الي جه ع بالي..، بس انا ممتنة لوجودة حتي لو كان مجرد خيال، هو كان رفيقي الحقيقي كنت بحب اشتري نوتس كتير وشكلهم حلو وبكتبله فيهم وكنت مصدقة اني هقابله، وانه هيعرفني واني مكنتش بكلم نفسي لا هو كان حاسس بيا كنت مصدقة اوي كان قلبي مليان أمل، لحد ما كبرت وفهمت ان دي مشاعر بس لحد مش موجود واكيد هو شئ مش منطقي بس انا مصدقاه، كنت بحس بوجوده مع كل شوية هوا بيحركوا الشجر كنت بحس بوجودة وانا قاعدة قدام البحر وكأن هو البحر كان مالي حياتي وافكاري يمكن دا خلاني معرفش اتعامل مع الواقع من بدري بس دلوقتي بتمني ترجعلي الايام دي تاني، بطلت احلم وبطلت استنى وكبرت بس روحي لسه طفلة تايهه وسط الكبار مستنياه يجي يلاقيها ويمسك اديها ويرجعها البيت..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_71890 🇪🇬

منذ 3 أشهر

شعور وحيد

من باب إنى احاول ما اكتمش مشاعرى أنا بكلم حيطه عندى فى الأوضه ومسمياها كمان هى وشخص وهمى بس ساعات بحس انه أحن حد عليا هو انا اخترعته فى تفكيرى وبس لكن بحب الشخصيه الوهميه دى جدا وبسمع اغلب قرارتها اللى بتنصحنى بيها

Marshmallow_69067 🇪🇬

منذ 3 أشهر

شعور مضحك

موضوع:

كل حاجة بتضغط عليك

حتى هنا ع الapp فيه ناس بتضغط عليااااا مش عارفة اروح فين😂😂 انا حد بيحب الكتابة وخيالي واسع فبعبر عن حاجات جوايا هنا وفي خيالي مش عارفة ليه في ناس ربطو الموضوع بالبعد عن ربنا او اني ممكن اتلبس 😂😂 حضرتك تعرفني ؟؟ تعرف انا قريبة من ربنا ولالا والله لو عرفت هتتفاجئ بس يعني الانسان حب يهرب من الوا

Banana_69832 🇪🇬 علاقتك بربنا ما حدش يعرفها غير ربنا سبحانه وتعالي

عرض الكل 2 نصيحة

Marshmallow_69067 🇪🇬

منذ 3 أشهر

شعور غير مكتمل

عبّر عن شعورك بشكل مجهول

اول مرو كتبت هنا اني عشت عمرى كله *مغمضة عنية* عايشة في خيالى مع ناس مش موجودة في الواقع بس الحقيقة دا مكانش عشان انا شخص وحيد انا مكنتش بحب الناس لدرجة انى كنت عايشة اغلب عمرى لابسه *الهيدفون بتاعتي* وكنت بتعصب جدا لما مش بلاقيها مجرد نزولي من البيت كنت لازم البسها واسرح في الطريق مكنتش ببقى شايفة الطريق كنت ببقى شايفة العالم.. تفاعلى مع الناس في الواقع كان قليل اوي حاولت اندمج معاهم بس كنت بحس ان انا مش انا كان لازم اتعامل بطريقتهم عشان ابقى وسطهم بس محدش فيهم كان شبهي او على الاقل اقدر اشارك افكاري معاهم في المدرسة،في الكلية، حتى لما حاولت اشتغل كنت ديما لابسة الهيد فون وبرسم عيون عندي كنان ادمان لرسم العيون برسم على كل حاجة ممكن اكون سرحانه والاقي نفسي برسم عيون مكنتش لسه اتعلمت انى اعرف ارسم باقي ملامح الوش بس مع الوقت اتعلمت ارسم كويس فكنت برسم ملامح من خيالي لشخص كنت كل لحظة بصدق انه موجود شخص بكلمه بيني وبين نفسي على الورق بقى عندي نوتس كتير بكتبله فيها وجوابات .. من غير مااحس فاتت سنين كتير والدنيا من حوليا بتكبر بس انا لسه هناك نفس البنت الصغيرة الي عايشة في الاحلام مكانش فيه حاجة في الواقع ممكن تملى قلبها اي مشاعر حلوة الخيال هو كان التعويض الحقيقي لقلبها ..*الخيال والطريق والليل والهيدفون* مكنتش برتاح لما بتكلم مع حد مكنتش بتفهم كنت بحس اني غريبة او كائن جى من عالم تاني بس من برا بحاول اكون شبهه الناس.. 
كان عندى هوس بالاماكن المهجورة الواسعه كنت بحس انها شبهه قلبي وانها جميلة بس محدش شايفها صح..

كنت بستمد المشاعر من كل حاجة حوليا مش من البشر .. البحر بالليل الهوا الشجر والطريق .. كانت لما الدنيا تمطر كنت برفع وشي للسما واغرق نفسي بالشتا 
كنت بحس ان روحى بتتغسل بالمطر..شخصي الخيالي بالنسبالي كان كل الحاجات دى..

مرة حلمت بجد مش خيال انى كان عندي مرسم وكنت قاعدة برسم لوحه وشوفت حد ماشي من ورايا شوفته من ضهرة كان بيغنى وبيقول "انا زارني طيفك في منامى قبل ما أحبك طمعني بالوصل وسابني"  كانت اغنية فيروز 
استغربت اوي انى حلمت الحلم دا لاني مكنتش بفكر في الاغنية دي بس حسيت ان في حد في عالم تاني حاسس بيا..

ممم الحلم حلو والخيال بيشفي بس لما بيطول انه خيال الانسان بيتعب مع الوقت ومع مرور السنين اندمجت في الواقع ومع صدمات الحياة ونسيت احلامى

امبارح كنت بتكلم مع بنوتة صغيرة هنا فكرتني بنفسي وانا في نفس سنها عندها نفس احلامي وعندها شخص خيالي مستنياة وعارفاه  كلامها صحى الطفلة الصغيرة الي جوايا فكرني بحاجات حلوة كنت نسيتها ..

اتمنالها فعلا تقابل شخصها الخيالى  الي يداوي قلبها يمكن يتحقق معاها الى معرفتش احققه 🩷

*اناا زارني طيفك في منامي قبل ما أحبك طمعني بالوصل وسابنى وانا مشغول بك*

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع