رفض خطوبة

Chilli_63687 🇪🇬

منذ شهر واحد

شعور مرهق

عندي 28 سنة انا اتسجنت سياسي ظلم 4 سنين و فعلا ما عملتش حاجة و ربنا شاهد عليا ليه كل عما اتقدم لبنت لازم احس اني منبوذ و ان دي مشكلة كبيرة و الناس ترفض بسبب ظروفي دي انا غلطان اني صريح معاهم من الاول و ياريت محدش يقولي عادي و ايه يعني و كدا عشان انت هترفض لو اتقدمت لأختك او انتي هترفضي لو اتقدم لك

Coconut_20625 🇲🇦

منذ شهرين

شعور مرتبك

انا من فترة اتقدملي واحد و رفضته لاسباب شخصية و بكل لباقة مش ده الموضوع الموضوع انه طلع متجوز و متطلق ولا جابلي سيرة ولا اهله جابه سيرة لاهلي و هو كان انسان بيتكلم كثير و بيكلم عن نفسه بس و عن كل حاجة تخصه عارفين النوع ده اللي كل ما تيجي تكلم يقولك اها انا بقى شخص ….اللي هو yeah let’s go back to me

Ice Cream_66949 🇪🇬

منذ 3 أشهر

شعور عاطفي

موضوع:

ايه اكتر حاجه وجعتك ؟

عبّر عن شعورك بشكل مجهول

كنت ف عز نجاحي وعندي ورشتين نجاره موبيليات بابا تعب وانا الكبير اخواتي كلهم متجوزين بيجوا بولادهم البيت ماشاءالله خير ربنا يكون موجود كان معايا واحد وعشرين عامل بابا الله يرحمه كان عايزني اخطب واتجوز مكنتش بفكر خلاني اروح اشوف بنت دكتوره صيدلانيه بنت واحد صاحبه تلبيه لرغبته رحت بس مدخلتش رجعت قلت له شفتها معجبتنيش رجعت بعدها بكام اسبوع ناس كلموني ع بنت واحد جارنا وحد تاني وتالت جا كلمني قلت سبحان الله اكيد في نصيب ف الباب دا وآنا عمري ماشفتها اصلا قلت ابادر وتوكل ع الله كنت وقتها الموضوع بدأ يزيد عليا ف مصلحتي والبيت وكان من جمب دا شويه مشاكل ف ارض ملك الوالد اخويا الصغير كان خاطب كنا بنشطب مع بعض البيت مكنتش لسه قربت من شقتي وانا بطبيعتي بني آدم مسرف وغير منظم لكن كنت عايز حد ف حياتي ينظمها ويكون شريك ليا عموماً ف حياتي اتقدمت اتقبلت والناس رحبت كنت بتعامل معاهم ف بضاعه قلت اقطع المعامله واحد عندهم ال وصلني بيهم رفض وزاح كلم حمايا ان عيب اشتري من برا وكدا وانا مكتتش حابب كدا عشان عارف هيجي يوم وتحصل مشكله ودا طبيعي المصلحة متنفعش بين الأقارب والنسايب إلا ف حاله واحده ان حد يكون بطبعه متنازل ومتقبل اي كلمه او اي معامله م الآخر يكون واحد سهون كدا ولسانه معسول المهم من غير تفاصيل اخر فترة بدأوا يكلموا اهلي من ورايا ع الشقه وكدا وانا الدنيا كانت باظت معايا بسبب وفاه والدي والحمل ال من قبلها اصلا ف البيت وال هما ملهمش ذنب ولا علاقه بيه بس الحمدلله لاقلت لحد اديني ولا قلت لحد ساعدني ف عرضوا عليا اخواتي البنات ايامها بدون مايقولوا ليا ان نسايبي كلموهم اني ابيع الجزء بتاع البنات من ورثهم واخده اتجوز بيه واظبط مصلحتي من تاني رفضت لان دا ورثهم وانا مش عايزهم يبيعوا حاجة وتفضل حاجتهم زي ماهي تنفعهم مع الزمن وانت كدا كدا كنت محدد ع سنتين قلت فات سبع شهور اديني بجتهد ولو لقيت نفسي قبل الموعد بشهرين مش عارف اوصل لحاجة او مش قادر خلاص ابيع حته ارض واتجوز منها وكدا بحيث مخسرش حاجة هتنفعني ادام المهم ع الشهر تقريباً نص التاسع كدا ف الخطوبة كنا ف شهر سبعه يوم سبت جالي واحد صاحبي بيتعامل معايا قالي انت محتاج تلم دنيتك شويه هتقفل الورشة ال انت مأجرها وترجع للقديمه تحت بيتك زي ماهي وتشتغل وادي ياسيدي حق الشغل مقدم اشتري بضاعتك وكدا وال تحتاجه هديهولك واعرف انا مش بعمل معاك كدا جميلة بس انت لو مصلحتك وقفت مصلحتي هتقف احنا مربوطين ببعض فعلاً سمعت كلامه بدأت انقل ف حاجتي واجه. تخت البيت من تاني ع يوم الخميس الضهر لقيت واحد شغال مع نسايبي جاي يجري نعالى كلم الحاج عايزك الوقت اهو قلقت قلت اروحله خير ياحاج كان هو وابنه قالي انت الوقت عمال تبيع ف حاجتك ولسه مشتغلتش ف شقتك وبصراحه مش عارف اقولك ايه بص يابني بكره هبعتلك حاجتك وتبعتلها حاجتها وكل واحد يروح لحاله قلت طيب اديني فرصه لشهر 12ونعالى حاسبني قالي هتعمل إيه قلت مقدرش اقولك بس بإذن الله هتلاقيني اتقدمت قالي لا كدا بنضحك ع بعض ال بيوقع اليومين دول معتش بيقوم تاني وانت وقعت قلت ياحاج انا بعت حاجتي ال هقدر اعوضها مبعتش حاجة معتش اقدر اعوضها غير اني بيبيع ف حاجتي عشان ظروف بيتنا مش ف الهلس ولا انا مفضوح ولا حد جا عملي مشكله ادام بيتي انا محدش بيسمع عني حاجة الحمد لله ابنه تدخل وسكت والده واداني كلمتين قهروني لدرجة معتش قادر امسك دموعي قلت له يعني مفيش فرصه تستحملوني الكام شهر دول رد ابنه قالي كدا هنظلم البنت دي معاك تقعد جنبنا احسنلها قلت طيب سلام عليكم وال اصلا اصلا كنت بدأت ف بدايه الاسبوع شغل ف شقتي ونزلت فيها تكسير حرفياً مخلتش فيها حته سليمه عشان ابدأ شغل فيها بس كنت مستني يوم الجمعه عشان افرح خطيبتي بالخطوه دي هما ملهمش يحاسبوني طبعاً ولكن دا حقهم يطمنوا ع بنتهم وهما الناس نظرتهم فيا كدا هما حريين ودا عكس نظره اي حد الحمد لله المهم رحت البيت جري اول مافتحت الباب مبطلتش عياط طلعت البيت رنيت عليها اتفاجئت انها كانت عارفه ومتفقين مع بعض هي كمان عيطت وقالتلي هستناك وبتاع وكلام من دا وللعلم انا كنت ادينت لهم ف مبلغ بسيط والدنيا كانت لخبطت معايا بس كنت باخد ادفع الجديد واركن القديم وكدا زي المعامله الطبيعية ال ف السوق وال الحمد لله كدا كدا معاملتي كانت نضيفه ومعروفة مع اي تاجر ىلا عمري نصبت ولا عمري كلت حد ف مليم وللعلم بردو هما مكنش يلزمهم مني قرش صاغ هما ربنا كارمهم مادياً طب كان إيه المطلوب ف عريس بنتهم كان عايزين واحد من عيله كويسه ومستور حاجة بتكمل حاجة المهم انا اول مره ف حياتي اواجه احساس الرفض عمري ماحطيت مغسي ف موقف اني اترفض او حد يحرجني او يرفضلي طلب لاني عمري كدا كدا مابطلب من حد حاجة فكنت بقدر المستطاع. واكتر إني احط نفسي ف موقف إختيار بين ال آه و لا المهم دخلت اوضتي منزلتش بعدها غير ب تلت اسابيع حرفيا كنت بنام واقوم معيط شخصيتي ال ادام الناس اني قلبي جامد وميهمنيش عكسها تماما كنت ببان كدا بس ادام الناس عشان محدش يحس اني محتاج له او ضعيف او يقلق يسند عليا المهم لما قعدت قفلت ورشتي ورجعت الفلوس لصاحبي وخليت الناس تبطل شغل ف الشقه وللعلم كنت خلصت البيت سباكه محاره ودهان ورخام كله من جوا ف بدايه فتره الخطوبه قلت اسيب الشقه للآخر قعدت بقا بعت الدهب وفضلت كل اخر اسبوع انزل ابيع حاجة من حاجاتي بتاعه المصلحة بأقل من نص تمنها عشان اصرف مانا قاعد ف البيت بعد سنه لقيت امي فتحت عليا باب الاوضه ال شبه مكتتش بفارقها انت بقالك كدا 366يوم قاعد ف الاوضه بعدها كنت خلاص بعت كل حاجة ف مصلحتي وأجرتها لواحد عملها مخزن ف آول تلت شهور من الفركشه لقيت اخويا الصغير محتاج فلوس قلت والله دا رزقه قمت نازل بايع الارض الصغيره ومديله حقها كمل ال ناقصه وتمل فرحه ال كان نفسه فيه طب انا ايه ال قهرني كدا ال قهرني اني كنت بعامل حمايا زي والدي الله يرحمه وانه اصلا كان قبلها بأسبوع عمال يحكيلي عن معاناته زمان ويقوم ويقع ويكسب ويخسر وانه عصامي وياما وقع وكدا كان الله يزيح عنه تعبه احيانا يتكسف مني اقوله ياحاج انا بعمل اكتر من كدا مع الغريب مش هعملك انت؟لاني فعلا كنت بعزه اوي كلامه معايا واسلوبه واسلوب ابنه بالذات قهرني لاني عمري ماحد قلل مني كدا ولا اديت لحد فرصه يتجرأ عليا كدا بالادب وبشخصيتي غير اني كنت فعلا حبيت البنت ولقيت فيها انها هي ال هتخليني اتقدم فحياتي وابقا احسن واحسن كنت بحكيلها ع كل حاجة حرفياً انا عمري ف حياتي مانزلت دمعه ادام امي ولا ابويا دمعت ادامها هي مبينتش خنقتي ولا ضعفي لحد غيرها هي عدى ع الموضوع دا اربع سنين رجعت اشتغل بس كنت رجعت متأخر ومعتش زي الاول لسه يادوب بدأت افكر اني ارجع ابني مصلحتي كن تاني وانسى بقا موضوع الارتباط دا خالص

Candle_51983 🇪🇬

منذ 8 أشهر

شعور خجول

انا افتكرت موقف فاستوري تايم كان في شخص متقدم لاختي وكده و قعدنا معاه انا وأختي و والدي و والدتي الحقيقه اني مكونتيش عاوزه اقعد بس اختي كانت متوترة فاقعدت و والدتي خالتني انا اللي أقدم الحاجه الساقعه والحلويات فا حطيت الصنيه علي الطربيزه وبدأت احول الطربيزه واقربها ليهم وهو الرخم مفكرش يقوم ويشيل

Lemon_39553 🇪🇬 مفيش اهم من النضافة والاهتمام بالنفس حتى لو بشكل بسيط وبأقل الإمكانيات

عرض الكل 3 نصيحة

Coffee_41693 🇸🇦

منذ 9 أشهر

شعور متوتر

السلام عليكم انا متزوجة وكان يحبني شخص قبل الزواج ومش قادر يبعد عندي على طول بيبعتلي وبقلي مش قادر اعيش بدونك لي عملتي كده معايا وللعلم هو كان هيخطبني ويتزوجني بس انا رفضت والله حاسة بالذنب وتعبت اعمل ايه معاه هو على طول تعبان بسببي ومريض اقسم بالله انا تعبت نفسي حاسة نفسي انسانة خاينة مع اني مابعمل

Avocado_14253

منذ سنة واحدة

شعور Okay 😐

في واحده صحبتي كانت بتحب واحد وهو سابها وهي لسه بتحبو مع انه هو اذها كتيير وهي دلوقتي بتقولي انها مسامحه رغم كل اللى عمله فيها ودلوقتي اتقدملها واحد واهلها موافقين وهو الشاب كويس ومستنين ردها وهي قلتلي مش هتوافق اعمل اي معاها عشان توافق وتشوف حياتها ومتوقفش حياتها ع حد

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع