مش عاجبني فكرة اني عمالة ااكد عليه انه يبعتلي باقي المرتب لاني اصلا من الناس اللي صعب اطلب ف مستتقله جدا اللي بيحصل علي الرغم من تشجيعه ليا لما سلمته شغل انهارده وقعد يفخم فيا بس انا مبقاش شاغلني ده انا باصه لحاجات تانيه كتير بحاول ابنيها وهدفي ابعد واكبر من اللي ف خياله انا تقريبا مشكلتي ف الحياة اني طموحة بزيادة وده اللي تاعبني مع كل اللي مروا ف حياتي سواء شغل او بره الشغل انا بسعي دايماً للتطور حتي لو ببطيء بس مش بعرف افضل محلك سر ولا بعرف انام اصلا وانا حاسه اني ممكن موصلش لاحلامي مع اني محققتش حاجه كبيرة لحد انهارده والكبيرة ديه من وجهة نظري انا وهي حاجات صعبه بس هيجي يوم واحققها ان شاء الله عايزه ارتب دماغي دلوقتي واسيب الموبايل عشان انهارده الموبايل بيستنزف طاقتي غير الايام العاديه مكنتش متعلقه باي ابليكيشن وبقيت بكره الفيسبوك بيطلع علطول اخبار نكد وعرفت موخرا انها مقصوده ف مبقتش افتح كتير بس انهارده الموضوع عامل زي ادمان لازم اشوف الnotifications وحاسه ان في حاجه هتحصل او حاجه هتفوتني لو معملتش ده مع اني بفتح بلاقي حاجات ملهاش لازمه وكلها حاجات حتي لو احداث مش مؤثره ف حياتي بربع جنيه. مش عارفه اتقبل حد قريب تاني بعد صاحبتي اللي كنا عارفين بعض كويس مبقتش بعرف اقرب من حد وكل ما بقرب من حد بتقفل من شخصيته بقيت بحس ان ربنا مش عايزني اتعلق او احب حد اوي عشان هو عارف لما بحب بكون عامله ازاي بتفاني واعمل كل حاجه بعمق وصدق اوي بس ده ف الاخر بيوصلني لان الوجع يبقي صعب جدا لما نفترق صاحبتي ديه كانت راجعه الشهر ده من السفر والمفروض نتقابل بس مكلمتهاش لانها فعلياً قطعت معايا ولحد دلوقتي مقالتش اسباب مقنعه .. هي بعدت وسافرت وبس مع اني كنت بعتبرها اختي بس فهمت ان انا بس اللي كنت بحس ده بنتكلم سلامات كل كام شهر مره ولا نعرف حاجه عن بعض وانا اللي ببدا كل مره عشان بتوحشني قالتلي انها راجعه اجازه الشهر ده معرفش ليه قررت مكلمهاش لانها من اخر مره اتكلمنا معبرتنيش برده ف بسال نفسي انتي بقيتي انتي بس اللي بتهتمي بطلي هي حتي مش عايزه تبقي جريئة وتقول الصراحه انا اتغيرت ومحتاجه ابعد او اي قفلة محترمة تليق بالسنين اللي بينا لا هي بتبرر وبتلوم لما بسال او بلوم لدرجة انها ف مره قالتلي بالصريح ان تفاصيل حياتها مدخلش فيها وانا مش من النوع اللي بتحشر بس لما اختفت مره واحده بدات اسالها فيه ايه وايه اللي بعدها عني كانت تاني صدمه بعد خطيبي .. محدش كان عارفني كويس غيرهم حواليا ناس بس عماله ارفضهم لانهم مش شبههي ولا حد فاهم بجد انا مين هما كانوا حافظني وعافين كل تفاصيلي هتخطي اكيد عدي سنة عليها وعليه ٢٠٢٤ كانت السنة اللي حياتي طلع منها كل السموم شغل زبالة وناس فشنك وطلعت من تحت تحكم وسيطرة بابا الزيادة مع اني كبرت ٢٠٢٥ بقيت بتعافي من كل ده حوارات كتير سابت مشاكل اكتر بس ان شاء الله ٢٠٢٦ تبقي خير من كل اللي فات وعوض وامان

1

0