صعوبة قول لا

Strawberry_87366 🇪🇬

منذ 5 ساعات

شعور مرتبك

ازاي أحب نفسي وأخليها أولوية؟ محتاجه أرفع الاستحقاقية اللي عندي لأسباب كتير اوي بجد، أولا انا مبعرفش ازعل من حد حتى لو أذاني جامد، ولو زعلت بتصالح بسهولة جدا يمكن حتى الشخص ميعتذرليش اصلا، بحس ان مش من حقي ازعل مثلا وكمان لو متخانقه مع حد بحس حياتي متوقفة على اني اصالحه حتى لو انا مش غلطانه وبفضل في

Marshmallow_69067 🇪🇬

منذ 3 أشهر

شعور مرتبك

عبّر عن شعورك بشكل مجهول

عندي مشكلة من وانا طفلة انى لو معلمتش الحاجة صح اوي بس يتأنيب ضمير ويفضل الشعور دا ياكل فيا ودماغي متبطلش تأنيب فيا وانى كان ممكن اعمل الحاجة احسن بفضل افكر لحد مافعلا اعصابي بتتعب.. مهما كانت الحاجة صغيرة اوي كبيرة بفضل الوم نفسي مثلا لو عملت اكلة وانا بعملها ديما حلو وجيت عملتها مرة مش اوي نفسيتي بتتعب لانى بحس انى كدا زعلت الناس الى بياكلوا ..لو حد طلب منى حاجة مش بعرف اقول لا مهما اتطلب منى باجي ع نفسي عشان محرجش الى قدامي لانى لو عملت عكس كدا شعور التأنيب مش هيسبني .. انا من النوم الى مش بحب الخصام فممكن اصالح الى قدامى حتى لو انا الى غلطانة بقول في عقلى انا بعمل كدا لله بس الموضوع بيزيد والى مثلا عمل حاجة تضايقك مرة بيكررها عادى .. انا اتعودت او اتعلمت وانا صغيرة مبدأ الثواب بس اتعلمته غلط اتعلمت ان ميكونش عندى شعور استحقاق لأى شئ انا فاكرة وانا صغيرة كان بابا جايبلى مصاصة وقابل واحد صاحبة كان معاه بنتة كانت قدي في السن وشبطت في المصاصة بتاعتي بابا اخدها منى ودهالها لما كبرن شوية لما كان اختى تاخد حاجة من حاجتى بابا كان بيقولى اختك الصغيرة خدى الاجر قومي روقي خدي الاخر في حين انه مكانش بيقول كدا لاختى الصغيرة فاتعودت ادي كل حاجاتى للناس ممكن ادي حد حاجتى الجديدة الى مستخدمتهاش.. بحب كمان لمااجيب لحد حاجة بحب اجيبله احسن حاجة حتى لو حد دا مش بيعمل كدا معايا في المقابل بحس انه لا عيب لو هعمل او اجيب حاجة لما تكون احسن حاجة مش عشان هو يستاهل او لا عشان انا اكون مرتاحة ..مبعرفش اقول لا لأى طلب ولو حصل مرة بعد مااكون تعبت بقعد الوم نفسي وضميري يتعب .. انا طول الوقت حاسة انى غلطانة حاسة انى محتاجة ارضي الى حوليا عشان احس انى مرتاحة .. انا مدركة ان دا مش طبيعي بس انا اتعودت على كدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_67399 🇪🇬

منذ 3 أشهر

شعور مكسور القلب

موضوع:

بتعرفوا تقولوا لأ على حاجه مش مناسبه ليكوا ؟

معنديش الجراءة أن اجرح حد واقول لا مع اني ساعات عارف ان لا دي مش هتجرحه بس معنديش الجراءة اني اقولها بحس اللي هو لا ياعم هيزعل بسببك وممكن يدعي عليك ودعوة المظلوم لا ترد واساسا بيجي في دماغي اني ظالمه بس انا مش عارف

Croissant_18921 🇪🇬

منذ 10 أشهر

شعور لا مبالٍ

موضوع:

بتعرف تقول لأ ؟

عندى صعب انى اقول لا لحد انا بحبه حتى لو الحد دا كل حاجه بطلبها منه بيقول عليها لا بس مبعرفش بخاف الشخص يزعل أو يشوفنى رخمه أو يبطل يحبنى بحب ارضى اى حد على حساب نفسى بس مشفش حد خاطره مكسور بسببى ولو جيت مره وقولت لا بحس بتأنيب الضمير أن اكيد هو زعل اكيد حس انى وحشه اكيد قرر يبعد عنى انا السبب انى خ

Coffee_40196 🇪🇬 قول لأ مش أنانية لكن وعي بالحدود وحب للنفس . انصحك بكتاب ((لأ بطعم الفلامنكو))

عرض الكل 3 نصيحة

Avocado_35795 🇪🇬

منذ 11 شهرًا

شعور مرتبك

عبّر عن شعورك بشكل مجهول

انا بشتغل و بدرس بس انا مش عارفة اخد وقت لنفسي خالص انا حياتي مقتصرة على اهلي انا المسئولة الدايما بعمل كل حاجة ليهم كل طلباتهم و بعرف محتاجين اية من قبل ما يتكلمو انا بحبهم و بحب اعملهم كل حاجة بس مع مرور الوقت بقيت المبتقولش لا لان اخواتي كل واحد فيهم ف حياتة و مع صحابة و بيغلبوهم مش مريحنهم زيي ف انا الدائما بكون الاختيار الاول ف طلباتهم.
هما بيحبوني و بيحسو بيا و دايما بيقولولي انهم تاعبني و كدا بس دي حاجة لا شعورية منهم اني مسئولة و متفهمة و مبعترضش. مشكلتي اني مع المسئوليات دي و الشغل و الدراسة مباخدش وقت لنفسي خالص و مع شعوري بالمسئولية تجاه كل حاجة بحس بالذنب اما اخرج مع صحابي مثلا الهي بتكون كل ٣ شهور  ولا حاجة او اني اروح الجيم ؟ بحس الهو لا هيكونو محتاجيني و محدش هيريحهم او اخواتي هيزعلوهم ف لازم اكون موجودة و احتويهم دايما كل حاجة اولوية مبحطش نفسية اولوية خالص مش فاهمة دا اية و مش بقول حاجة لاني لو قلت هيحسو انهم متقلين عليا و ممكن ميطلبوش مني بس بيكونو محتاجين مساعدة و بيبان عليهم. انا مش عارفة دا اضطراب ولا دا مجرد احساس بالضغط بس الموضوع مانعني اعمل حاجات كتير نفسي اعملها و اخرج و اروح اماكن جديدة لمجرد شعورهم بالامان اني موجودة حتى لو مبعملش حاجة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_41822 🇪🇬

منذ سنة واحدة

شعور متعب

ازاي بتقولو لا ممكن ناس تاخد الموضوع تافه بس كلمة لا صعبة عليا فى حاجات كتير لازم اقول فيها لا وم بعرف اعتبروني اختكم وانصحوني علشان بجد الموضوع متعب فى مواقف بجد لازم يتقال فيها لا ومبعرفش وبغلط

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع