ضعف الشخصية

Strawberry_74327 🇪🇬

منذ أسبوعين

شعور مكسور القلب

عايزة أتعلم أحب نفسي، وأبطل أدي الناس أكتر من حقها واكتر م تستحق او علي الاقل زى ما هما بيدوني . عايزة أوصل لمرحلة مفيهاش حد يقدر يأذيني، ولا كلمة تكسرني، ولا غياب يهدّني. تعبت من إني دايمًا أتعشم في الناس، وأحب بزيادة، وأبذل مجهود علشان يفضلوا، وفي الآخر بيمشوا بكل بساطة كإني ولا حاجة. هما بيمشوا و

Mushroom_85529 🇪🇬

منذ 3 أسابيع

شعور قلق

جماعه هو ازاي الواحد يكون واثق من نفسه انا وصلت لدرجه ان مش بعرف اطالب بحقي وبتكسف من اي حاجه واي حد بخاف اقابله في الشارع ولو في حد بيضحك ورايا افتكر انو بيضحك عليا اي سبب ده ولو اتحطين في موقف في خناقه ممكن اسيب حقي او اسكت مش عارف هروح فين اكتر من كده اللي يعرف حاجه يفيدني

Chocolate_82554 🇪🇬

منذ 3 أسابيع

شعور مكسور القلب

الحكايه بدأت لما في حد كان متقدم هو كان مسافر و كنا بنتواصل من خلال الفيس بوك و الواتس كنت في الاول شخص عادي قبل ما اتكلم معاه بس الشخص دا حرفيا كرهني في حياتي خالص خلاني ضعيفة الشخصيه و خلاني اكره نفسي من كلامه ليا و خلاني مبقتش متقبله اي حاجه في حياتي لدرجه اني بقيت باذي نفسي لو حد جه عليا و مبقدر

Lemon_67549 🇪🇬

منذ شهر واحد

شعور مكسور القلب

احساس الخوف دايما ملازمني بجد خايفه افشل تاني حياتي بايظه فيه حاجات كتير اوي بايظه و حاسه ان بتفرج عليها اهلي دخلوني جامعه خاصه و ضحوا كتير علشان احقق حلمي بس خايفه اوي افشل في ده الايام دي بذاكر بصعوبه اوي بجد الصلاه مش منتظمه خالص بحس أن حاجه بتمنعي نظرات الناس ليا أن معنديش شخصيه عادي حاولت اغير

Croissant_52708 🇪🇬

منذ شهرين

شعور مكسور القلب

رغم إن عندي ٢٥ سنة، لسه حاسس إني ضعيف الشخصية. أي كلمة صغيرة بتأثر فيا، أي رفض بسيط بيكسرني، وباخد الموضوع على قلبي بسرعة. ساعات بحس إني مش قادر أعيش زي باقي الناس، اللي بيتعاملوا مع الدنيا بعادي كده، وأنا جوايا حساس زيادة. يمكن اللي بيوجعني أكتر إني ببص حواليّ وألاقي غيري متقدّم، بيفكر في شغل، جوا

Marshmallow_69067 🇪🇬

منذ شهرين

شعور ضاق ذرعًا

عبّر عن شعورك بشكل مجهول

حد عنده فكرة أيه مبرر بعض الناس للكذب؟؟
انا حد تطفولتى إمتدت معايا للعشرينات والسبب انى كنت بشوف الدنيا من خلال بابا وماما كانو بيخافو عليا جدا..  أفكاري متلوثتش فااا كنت حد بيصدق كل الناس وإنه محدش مضطر يكذب الدنيا حلوة ي جماعة .. لكن مع بداية إختلاطى الحقيقي مع عالم الكبار ودا كان من خلال الكلية.. ف الأول كنت مش فاهمة الدنيا اوى ولكن مع الوقت بدأت أكتشف إن معظم الناس واخدين الكذب إسلوب حياة، هنا بدأت أفكاري تتعارك مع بعض وبقيت بتعامل بحذر مع الناس ، بس برضو مكنتش بستوعب فكرة  إن الإنسان المخادع او الكذاب عايش وسطنا عادى وعنده أهل وأصحاب كنت بحس إن النوعية دى شكلهم وحش وأشرار وعايشين في مكان مهجور بعيد عن الناس،لكن الى كان بيحصل العكس دول بيكونوا أكتر ناس وشها برئ و بيكونوا مندمجين مع المجتمع جدا ويمكن كمان يدعوا إنعم ع قدر من الثقافة والتدين، فبالنوعية دى بتعرف تتفنن في الخداع والكدب يقدر يقنعك بأكتر قصة مش منطقية إنها تحصل ولكن هو بيكون مصدق نفسه ، لكن الحقيقة إن الناس دى أكتر ناس ضعيفة ومهزوزة وفاضيين من جواهم فبيعوضوا دا بالكذب وإدعاء امور مش حقيقية، من بابا أنا لا أكذب ولكنى أتجمل،  بسبب كل دا وتفاصيل كتير تفكيري نضح بالصدمات بشكل غير صحى ومفزع كأن حد ضربنى ع دماغى، الأهالى بتهتم تعلم ولادها الخير والأخلاق الحميدة والجانب الكويس في الحياة بشكل عام  ولكن لازم في التربية يكون فيه قدر  من التعريف بالشر من باب العلم بالشئ وازاى الطفل يتعامل مع شرور البشر بشكل عام والكدب بشكل خاص من غير م هو يتضرر، لأن عدم معرفتى خلتنى أتخبط لفترة طويلة كنت بشك في اى كلام يتقالى بس مع الوقت بقا عندى شئ من التوزان لكن للأسف الصدمات دى نالت من جزء من قلبي وبوظته لسه قادرة أصدق ان فيه خير وناس كويسة بس مش زى الأول ومشكلتى الأكبر إن الناس دى مش معظمة قدر ربنا في قلوبهم ينطبق عليه الاية الكريمة "يستخفون من الناس ولا يستخفون من الله وهو معهم إذ يبيتون ما لا يرضى من القول"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_66850 🇪🇬

منذ شهرين

شعور لا مبالٍ

كان موضوع للنقاش بيني وبين صحابي وحابة اعرف رأي الشباب لو لقيت بنت نوعا ما حلوة شكلا وبتحب الدراسة والقراية ومحترمة ولبسها محتشم وملهاش في الاختلاط وعمرها كمان ما ارتبطت قبل كدا وانت هتبقي اول حد في حياتها بس عندها رهاب اجتماعي ودا مخلي عندها ضعف في شخصيتها بسبب مشاكل مرت بيها بقي بيخليها تخاف تتكل

Orange_74821 🇪🇬

منذ شهرين

شعور غاضب

انا بشوف هنا وما وراء الأقنع شخصيت حقيقية مش بشفها في الواقع.. كل الي بيمر بمشكله بيحسس الواحد انها نهاية العلم! الكلام دا مش صح انها ضعف الشخصية ضعف الذات مش عارف انا عايز اي ولا عارف انا بعمل اي عشوائي.. من تصرفات تعاملات مقارنات خزي وتجرد من الإنسانية وكائننا خلقنا ملائكة لا بشر نخطاء ونصيب مش عي

Orange_73652 🇪🇬

منذ شهرين

شعور خجلان

ف مواقف كتير بحس شخصيتي ضعيفه حتي وسط اصحابي مش بياخدو برأيي ولا بيهتمو بكلامي ودا بيخليني احس اكتر بضعف الشخصيه وحقيقي الموضوع دا مأثر عليا جامد ف حياتي ودايما مش مبسوطة ولا مرتاحة ومبعرفش اخد قرارات كويس لو حد مر بالتجربه دي يريت يديني اي نصايح عشان تعبت خلاص😞

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_63757 🇪🇬

منذ 3 أشهر

شعور قلق

من وانا صغيرة بابا وماما كانوا قفلين عليا اعتقاداً منهم أن دا هيحافظ عليا ومكنش عندي صحاب وكنت لما بتجمع مع ولاد خالاتي احسهم كاريزما وبيعرفوا يقلشوا ويهزروا وانا مكنتش بعرف اعمل دا وكنت ديما باجي على نفسي عشان ارضي الناس وبحس أن شخصيتي ضعيفة ومبعرفش اتعامل مع الناس ف المواقف المختلفة ودا كان لحد ما

Cherry_65752 🇪🇬

منذ 3 أشهر

شعور عاطفي

عبّر عن شعورك بشكل مجهول

امي بتغير مني وبتتعمد كتير اوي تهز صورتي قدام الناس وتخليها وحشه .اتخطبت لحد من فتره معقوله وامي لحد الان بوظت كل اللي عملته .كان بيحترمني وبياخد رأيي في كل حاجه وعاملي الف حساب لكن امي بكلامها عني معاه خلته شايفني اصغر من النمله دايما بتتعمد تهزقني قدامه وتقل مني واخرهم فضلت كذا مره على كذا يوم تقول قدامه اني مليش شخصيه ولا رأي في اي حاجه في حياتي ولا اي حاجه عموما واول ما يسالني نعمل كذا ولا كذا واقعد كام ثانيه مثلا افكر تسبقني وتقوله سيبك منها دي ملهاش رأي في حاجه وهتفضل كدا لحد ماهو نفسه بقى يقولي كدا ويشوفني كدا وبقى يقرر حاجات كتير تخص شقتنا من نفسه عشان اقتنع بكلامها من كتر ما بتكرره 
لسه من شويه بقوله بس انت بتعمل كذا كذا وبعلق على تكنيك معين بيعمل بيه حاجه معينه راح قالي دا مش كلامك انتي بتشوفيني من ساعه ماعرفتك واول مره تعلقي واكيد حد اتكلم قدامك عشان كدا قولتي كدا ولو كانو قالو عكس الي قولتيه دلوقتي كنتي هتتبنيه برضو ويبقى رأيك وانتي ملكيش رأي في حاجه وخلي عندك رأي شويه😃😃 انا تعبت فعلا ومبقتش عارفه ارتاح ولا اسامح ماما على اسلوبها وصورتي اللي مبوظاها قدام اي حد اعرفه ساعات بتمنى من ورا قلبي لو مكانتش موجوده وتسيبني اعيش في سلام وهو مش عارفه اعمل معاه ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_68879 🇪🇬

منذ 3 أشهر

شعور متعب

مش عارفه ابدا بأيه مش عاوزه اطول بس انا عندي دائما مشاكل مع ابويا هو مبهدلنا بيشتمنا بيضربنا بيهنا قدام الناس عاوزنا نصرف عليه وع نفسنا وع البيت ومش بيسمحلنا نعرف حد او يبقا عندي حتي أصحاب حتي صاحبتي بيبعدني عنها انا مليش حد وسني كبير عندي ٢٤ سنه فاقده لحاجات كتير اوي انا معرفش يعني ايه حنان يعني اي

Chilli_55831 🇪🇬 أنا فاهمك جدا، وواضح قد إيه تعبتي من كتر ما كل حاجة حواليكي بقت ضاغطة ومفيش حد بيسند بجد. مشاكل البيت، إحساسك إنك لوحدك، حتى الناس اللي المفروض أصحاب بيمشوا وقت الجد… ده وجع بيتراكم على القلب يوم ورا التاني.

عرض الكل 6 نصيحة

Pineapple_62201 🇪🇬

منذ 4 أشهر

شعور مكسور القلب

موضوع:

تجربتك مع تأخر الزواج

سبب تاخري في الجواز له كذا عامل ١- عارف ان شخصيتي ضعيفه ولو ارتبطت بواحده احتمال كبير ان هي اللي تمشي كلامها عليا وتبقى هي راجل البيت ٢-تجارب سيئه في الزواج اللي بشوفها في قرايبي ٣- انا اصلا معاق في ذراع اليمين وحولت من سن 27 سنه لحد سن 40 سنه ولا مره نجحت ان ارتبط بمعنى قرايه فاتحه فكبرت دماغي م

Peanut_60737 🇪🇬

منذ 4 أشهر

شعور مرتبك

موضوع:

حاجه فيك عاوز تغيرها ؟

انا ضعيف الشخصيه جدا جدا بس قدام اي حدا ايا كان بحاول بر الأمكان أبين أن انا شخصيتي قويه و شخص قيادي و مفيش مني اتنين بس لو اتحطيت ف موقف بجد مش بعرف اتصرف و لو حد مثلا كان عايز يعمل مشكله و يعتمد فيها ايد بكون من جوايا خايف أو قلقان بس مش بهرب بس بكون بحسب لكل حاجه هتحصل بالتبعيه بعد كدا زي افرض لو

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع