تجربتك مع تأخر الزواج

Question

كلمنا عن أحساسك مع تأخر الزواج. وهل انت اللي رافض الزواج ولا لسة مجاش نصيبك. وازاي بالتعامل مع ضغط الأهل ونظرة المجتمع؟

Coffee_27700 🇪🇬 · Answer

داخل على ٣١ سنة ولسة متجوزتش. كل اصحابي اتجوزا وخلفوا طفل واتنين.
كلام العيلة مع كل زيارة اللي ببحسسني إن الموضوع بسيط، ماما تشوفلك عروسة واتجوزها انت رافض تتجوز ليه؟ طب ما انا بسعى (بكون نفسي ـ بجهز شقتي ـ بطور شخصيتي وبتعالج نفسياً من صدمات الطفولة عشان منقلهاش لزوجتي وأولادي)
أنا فعلاً خايف، خايف بعد ما صرفت تحويشة العمر على تجهيز شقة (مش بإسمي بإسم والدي) متجوزش واخويا يتجوز فيها ـ والدي حالته المادية متسمحش بتفوفير شقة تانية.
خايف إني كل ما بتأخر كل ما الفرص بتضيع.
خايف استسلم وأرضى بأي واحدة مش مناسبين لبعض عشان أخلص من ضغط المجتمع.
خايف اتجوز وابقى مش مبسوط ونظلم نفسنا ونظلم أطفال أبرياء معانا.

Biscuit_45548 🇴🇲 · Answer

دلوقتي انا جاتلي فرصة شغل ف سن ٢٦ سنة بعد التخرج اتسحلت فالشغل ف مصر حاليا انا برا و سني ٢٨ 
و لو جددت عقدي هقعد سنتين كمان هبقي ٣٠ و انا المكان اللي انا فيه صعب اتعرف علي حد ولا حد بيشوفني ولا حد يعرفني حتي ف بلدي و قرايبي لاني مش متداخلة خالص 
تنصحوني اكمل شغل برا مصر و استني نصيبي و لا اعمل ايه

Apple_45922 🇪🇬 · Answer

لسه مجاش نصيبي وبجد موضوع مرهق جدا 
تلاقي كل الي في سنك اتجوزو وانت لسه وكل ما حد يشوفك يقولك هنفرح بيكى امتى وعقبالك . اكن المشكلة من عندك ...وانت من جواك نفسك تفىرح حاجة بجد مزعجة  نفسي افرح زي باقي البنات

Pineapple_46004 🇪🇬 · Answer

هو تاخز الزواج مش عيب بس ابتلاء ممكن او اختبار من ربنا ممكن نكون بنصبر نفسنا بس نظرة المحيطين هي المحزنه طبعا الصبر من العبادات الصعبه بس الموكد ان نتيجه الصبر دا هاتكون حاجه اكتر منما نتوقع او نتخيل الناس في مجتمعا محشوره في حياه بعض اكتر  من انشغالهم بحياتهم

Mango_31056 🇪🇬 · Answer

لا هيه مش بدايق حتى لو كل الا حواليك اتجوزوا وخلفوا بس مقتنعه ان نصيبى لسه مجاش ومستنيه عوض ربنا اينعم فيه ضغط من الاهل بس متاكده ان نصيبى ليه وقت وربنا هايعوضنى بشحص كويس وديه اهم حاجه الحمدلله

Avocado_35795 🇪🇬 · Answer

انا عندي ٢٤ سنه هو غلط اني احس اني مش عايزة اتجوز؟ ولا عايزة اشيل مسئولية الجواز حاسة اني مش قدها انا شخص بزهق مش ممكن اما اتجوز ازهق منه طب اعمل اية ف الحالة دي لان دا ظلم لية و كمان انا مبسوطة ف حياتي دلوقتي مش محتاجة حد و بابا مش مخليني محتاجة حاجة و بشتغل و مبسوطة والله ف دا طبيعي ولا انا غلط ؟
اما بيجيلي عريس بحس قلبي مقبوض و مش عايزة اقابله و بخاف و فنفس الوقت جوايا صوت بيقول مستحيل الاقي المواصفات الانا عيزاها. حتى لو فكرت ف الجواز مش عايزة دلوقتي انا لسة صغيرة بجد.
هل انا كدا عادي ولا عندي اضطراب مش فاهمة ؟🤔
مع العلم انا شخص مسئول جدا لدرجة ان اهلي بيقولولي متكونيش مثالية اوي كدا ف خوفي من المسئولية مش معناه اني غير مؤهلة.

Pear_46782 🇪🇬 · Answer

انا مش كبير اوى انا لسه 21بس يسكوتو اهل الاريف لا يعنز هتخليلي الي قدك معاها عيال حت امي كل من ف سنه بقول تيته الا انا مع انو دى نصيب وكل حاجه بي اي ربنا بس ازى ف الريحه وجيه ميتكلنو لي اصغر منك اتجوزه حظك وحش اوى كدا ليه اكيد معمولك شوفي مالك لي محدش بيتقدم ليه كاني كل حاجه بي ايدى انا لعند دلوقتي قعد ليه مع انك زى القمرولا عريس يبت اي مالك خفي خروج شويه الرجل مش هيجي لوحد بتطلع اشتغلت حت لمه اشتغلتي محدش معبرك يبت بنات عمك واختك اصغر منك اتخطبو بس انا هفضل مستني نصيبي من ربنا مش علشان الناس هقول اه ع اي حاجه واكيد ربنا شيلي الوقت المناسب ودى قراري

Avocado_47553 🇩🇿 · Answer

مذ كنت صغيرة لم أواعد أحدا فكرة الوقوع في حب شخص ما دون ضمان بدت مضيعة للوقت والمشاعر وعقدت العزم على ذلك حتى عندما خاضت كل صديقاتي تجارب الحب والغرام الفاشلة وكنت دائما ناصحة إياهن وكلما انتهت علاقة الواحدة بكت على كتفي و ساندتها حتى تنسى ألمها وحزنها ...وكنت اقول لهن لا يوجد داع لعلاقات محرمة لا تزيد سوى الالم وتيه على العموم كل صديقاتي ظنن أني فتاة بقلب صلد متحجر لكن كنت دائما أضع مسافة الأمان بيني وبين كل شاب نلتقيه وكلما حسيت بإعجاب نحو أحدهم سارعت للابتعاد ورغم أن الفكرة مغرية ..إلا أني احتسبت ذلك عند الله وكنت على يقين انه سوف يرزقني بالأفضل مرت الاعوام ...الكثير منها وفيها تزوجت كل صديقاتي والتي كانت تبكي على كتفي صارت تضحك علي في وجهي وتقول كل العلاقات التي خضتها في السابق هي تجارب ساعدتي وعلمتني كيف أتعامل مع زوجي ...صرت اختفي عن نظراتهن الساخرة إحداهن تجرأت وذكرت لي كلاما كنت قد قلته لها سابقا "ألا تخافين أن يحاسبك الله ويؤخر نصيبك؟" قلتها لانها كانت تواعد شخصين في نفس الوقت وتسخر بمشاعرهما 
المهم قالت لي بكل شماتة لتنظري قد تزوجت من تأخر نصيبها؟
أنا امراة على قدر من الاخلاق والجمال والعلم والحمد لله لا ازكي نفسي مع ذلك افكر دوما لماذا حدث هذا معي ؟كانت فكرتي عن المستقبل مختلفة عما اعيشه الان كلما تذكرت اني في الثلاثينات ولم اتزوج بعد اصاب بذهول شديد عقلي يتوقف عن التفكير صديقتي تلك صارت تنصحني بالخوض في علاقات "لعل وعسى" صارت هي تنصحني بحكم انها متزوجة وهي ادرى ...في الزمان الماضي كنت افتخر عندما أقول اني لم اخض علاقة من قبل الان في الثلاثينات صار الامر مخجلا ...كل من جاء لخطبتي ليس له لا مؤهل علمي ولا ديني ولا أخلاقي صديقتي تقول المكتوب لا يدق على الأبواب
كنت اظن انه يدق على الباب الا يفعل؟

Marshmallow_38280 🇯🇴 · Answer

بصراحة انا داخلة ع عمر ال٢٧ .. وقرايبي الاصغر والاكبر مني متزوجين وحتى صاحباتي مش باقي الا اكمن وحدة ما تزوجت وصار عندها اولا 😅
ببداية العشرينيات كان نفسي ارتبط لكن كنت اخاف من الفكرة وبحمد ربنا انه وقتها ما ارتبطت دايما نت احس بشعور مش مريح .. 
لكن من سنتين صرت احس اني جاهزة للزواج واقرأ اكثر واتعلم كيفية التعامل مع الجنس الاخر وكيف ادارة العلاقات بشكل عام وتربية الاولاد وكل شي 😂 
وصرت كمان حدا محدد جدا صرت اعرف شو بحب وشو بكره وشو خطوطي الحمرة .. 
صرت اشوفها مشكلة حاليا انه صار صعب يرضيني اي حدا .. وبنفس الوقت نفسي جد يصير عندي عيلة وبيت واستقرار 
من جهة اهلي اكيد امي مش بتقصر بانها تحسسني انه البنت ما الها بيت جوزها وانه هي بتشوف كل البنات صاروا ببيتهم الا بنتها شعور زاعجها .. والقرايب برضه مش مقصرين بانهم يحسسوني اني ناقصة طول ما انا قاعدة ببيت اهلي وفي بعضهم بحسسني انه ك شكل مش حلوة لهيك ما خطبت كونه بالاول كانت المشكلة اني لسا ما تخرجت .. وبعدها لاني مش موظفة .. برأيهم هاي هي الاسباب الي ممكن تخلي البنت مش متزوجة للان ..
بدون كذب مرات كلامهم بأثر فيي وبحس انه في شي غلط ليش ما خطبت للان! مع انه وقت كنت بالجامعة كان في عروض كثيرة لكن حاليا مافي .. ما بعرف شو السبب 
وموضوع هل الزواج اختيار او نصيب بوترني كثير .. لما اتعب من الموضوع بدعي انه يكون نصيب عشان ارتاح واستنى نصيبي بهدوء .. لكن المحيط للاسف مش مساعدني وكل فترة باكل نفسي من التوتر ومن خوفي اني اكمل حياتي وحيدة وما يكون في شريك اكمل معه الحياة، مع انه لو كان هاذ المكتوب ح يكون راضية لكن بنفس الوقت بحكو انه ربنا ما بخليك تتمنى شيء الا ليعطيك وانا انا اكثر شي بتمناه زوج صالح وبيت دافي وذرية صالحة عنجد .

Pineapple_62201 🇪🇬 · Answer

سبب تاخري في الجواز له كذا عامل 
١- عارف ان شخصيتي ضعيفه ولو ارتبطت بواحده احتمال كبير ان هي اللي تمشي كلامها عليا وتبقى هي راجل البيت 
٢-تجارب سيئه في الزواج اللي بشوفها في قرايبي 
٣- انا اصلا معاق في ذراع اليمين وحولت من سن 27 سنه لحد سن 40 سنه ولا مره نجحت ان ارتبط بمعنى قرايه فاتحه فكبرت دماغي من الموضوع

Chilli_63343 🇪🇬 · Answer

عمري 25 يعني ربع قرن 😹😹
كل صحابي اتجوزو وخلفو طبعا وبقيت خالتو😹🏃‍♀️
بالنسبالي عادي جدا لان لسه مش لقيت شخص اللي انا عاوزه طبعا امي وابويا كل شوية عاوزين نفرح بيكي ونشوف عيالك بس لسه ربنا بامرش اني اتجوز او يبعتلي شخص اللي انا عاوزه عموما لان صعب القيها خصوصا يكون راجل وليه كلمته وليه شخصية قوية لاني بحب الراجل اللي دمه حامي والحمش كدا ومش بلطجي علشان ناس بتاخدها بمعني تاني عموما اتمنا الشخص اللي نعيش بعيد اهلي واهله وف حالنا ونكون بيت صغير واسرة بسيطه جدا كلها حب وتفاهم وحنيه بس لسه مش لاقيه الشخص دا ❤️‍🩹

Donut_68128 🇪🇬 · Answer

اه انا عندي ٣٠ سنة بس واثقة ان ربنا رايدلي كل الخير ، مش عارفة ليه المجتمع والناس مش فاهمين انه نصيب ممكن ييجي وممكن لا ، مش جدعنة وشطارة من حد ، للاسف الناس ف مجتمعنا بتفكر تفكير غريب ولسه مش فاهماه

Marshmallow_70902 🇪🇬 · Answer

انا دايما كان نفسي اتجوز بدري وابقى صديق لولادي واكون الشريك الصح لزوجتي ويبقى بيتنا مبني عالود والتفاهم والمحبه ..
الحب بتاع زمان الغير مشروط الحب الي مفهوش مصلحه وحاولت ادور كتير وحاولت احب وحبيت ولما قلت هي دي الانسانه الصح الدنيا كلها وقفت صدي ودمرتني وكسرتني كسره معرفتش اقوم منها لحد دلوقت بقعد مع بنات كتير واترفضت كتير اوي معرفش العيب فيا ولا في ايه انا مش عايز حاجه اكتر من شريكه تكون بتحبني ونعيش مع بعض عالحلوه والمره ونكو نسند لبعض طلباتي سهله بس الدنيا معانده بقيت حاسس ان الجواز مش ليا ومش هبحصلي وان نصيبي افضل لوحدي وبشوف صحابي حوليا وافرحلهم وافرح لعيالهم واشوفهم وبس انا راضي ومش معترض بس انا تعبت من الوحده متغرب في بلدي وفي بيتي وحيد وسط اهلي الحمل عليا كبير ومحدس مستوعب الي انا فيه وانا في الاخر مقدرش اقول غير اني تعبت

Strawberry_66446 🇪🇬 · Answer

انا ٣٢ سنة
زي أي انسانة طبيعي نفسي اتجوز..نفسي اكون زوجة صالحة وأم صالحة
بس .. لسه ربنا مش رايد
حاولت فالموضوع دا كتير اوي من وانا سني ١٨ سنة او قبلها كمان الحمد لله بيتقدم لي عرسان
واتخطبت كذا مرة واتقرأت الفاتحة بس المشروع مش بيكمل
انا كإنسانة طبيعية ليا احتياجات .. نفسي اتجوز .. ونفسي اشبعها بالحلال
حاولت عشان ابقى أدام ربنا عملت اللي عليا مفيش عريس بيجي مش بديله فرصة كلهم بعد معاهم .. دخلت داتنج ابس .. دخلت جروبات ماللي بيوفقوا راسين فالحلال دول .. نزلت وبظهر وبشتغل .. مشيت حتى في طريق جذب شريك الحياة والكلام دا .. قرأت قرءان وصليت قضاء حاجة..
ربنا لسه مش رايد .. انا بس نفسي اعرف هو انا خلاص نصيبي الوحدة 
انا راضية بس خايفة من ضعفي ومن شيطاني بس مش عايزة ابقى اسيرة الحرام
ربنا يصبرني ويهديني ويهون عليا ويرزقني ويرزق اللي بيتمنى الحلال