طفولة مؤلمة

Avocado_78753 🇩🇿

منذ أسبوعين

شعور خجلان

عبّر عن شعورك بشكل مجهول

لا اعلم لماذا وكيف تركت وسمحت لكل هذا ان يحدث. لكن في فترة من حياتي (مراهقتي، اواخر المتوسط/بدايات الثانوي) كانت عندي صديقة متحكمة بي، ومؤثرة على حياتي وقراراتي بشكل كبير، جبت لها هدايا كثيرة، ودعمتها عاطفيا زيادة عن اللزوم، وضحيت كثير وقدمت الكثير وغيرت تخصصي بسببها، صرت اخذ نتائج جد سيئة ضيعت امكانياتي الخ، وتسرعت بلبس الحجاب بسببها بسن صغير، ضغطت علي بشكل هائل وكانت مسببتلي احساس بخوف وتوتر كبير وعدم الامان لسبب ما، حتى انها سببتلي مشاكل مع ابي، كان يصرخ علي واحيانا يهددني بتوقيفي عن الدراسة، وقد ضربني من قبل وكان الامر مرتبط بها وبطريقة ما بسببها، وكانت هي التي تغضب في مكاني في كل مرة وكانني انا التي سببت لها مشاكل، في كل مرة دراما جديدة، وهذه التفاصيل الكبيرة فقط التي تذكرتها وذكرتها. كرهتها بشكل كبير واردت لها الموتمن قبل بصراحة. غيرت تخصصي بواسطة وصعوبة في اخر سنة وغيرت ثانوية ودرست بجد ونجحت ولم اودعها حتى قبل رحيلي، لكن بعد سنتين راسلتها وتصالحنا.. لانني شعرت بالذنب لانني ذهبت بدون وداع، ولاني تحدثت عنها بسوء وراء ظهرها، رغم انني اردت فقط ان افرغ ما بداخلي،  اردت closure وrelief. والان لا اكرهها ولا اشعر كثيرا بالحقد لكنني اشعر اني ضيعت حياتي ونفسي وهناك اشياء لا يمكن اصلاحها او الرجوع عنها الخ. ما رايكم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_82597 🇪🇬

منذ شهر واحد

شعور مكسور القلب

أعاني من اكتئاب شديد ونوبات هلع. أحب أساعد الناس، وأحلم أصبح دكتور نفسي كويس. أعتقد أن هذا شيء حلو، لأنه لما كان عمري ١٢ سنة، عانيت من اكتئاب شديد، وطفولتي كلها كانت مؤلمة. فـ أتمنى أحد يقدر يساعدني. لانو فقدت الامل فكل شي وافكر ا.نهي حياتي عمري 17 والشخص الوحيد الي كنت فكرتو العوض عن كل حاجة جرحني

Onion_86075 🇪🇬 دايما في وقت نبدا من الاول متفكريش بسلبيه كل حاجه هتتصلح

عرض الكل 4 نصيحة

Cheese_80189 🇩🇿

منذ شهر واحد

شعور ضائع

من كثرة ما اهلي كانو يتقابضو قدامي من صغري في موضوع الخيانة ولات عندي عادي لوكان راجلي يخوني او يتزوج عليا و وليت اي انسان نكون معاه مهما عطاني حب و اهتمام جامي نحبو و لا نحس بانك تحب واحد بلا ما تكون متوقع انو يجي نهار وين يخدعك مستحيل يكون لانو والديا عاشو قصة حب و خرجو بزواج فاشل

Marshmallow_69067 🇪🇬

منذ شهرين

شعور محبط

عبّر عن شعورك بشكل مجهول

انت مش مضطر تقرأ عشان محدش يدخل يقولى كتبتي كل دا ازاى 🙂
فيه حاجة غريبة في حياتى بتحصل طول الوقت يمكن من وانا طفلة.. انا عمرى م إتحبيت بالطريقة الى بتمناها عمر م حد إتمسك بيا حتى الأهل حبهم كان مشروط عارف مثلا لو جبت درجات مش حلوة مكنوش بيقولولى ولا يهمك المهم انك حاولتى هنذاكر تانى ونتعلم اخطاءنا لا بالعكس كانوا بيتحولوا كأنهم اعدائي اكيد داىمكانش شعورهم بس دا الى كنت بشوفه ع وشهم وف تصرفاتهم حسيت معاهم الخوف أكتر من ان هما اهلى وكنت بحاول بقدر الامكان مستثيرش غضبهم مكانوش اشرار اكيد للدرجادى ولكن كنت طفلة بشوف كل حاجة اكبر من حجمها.. وفي المدرسة كنت دايما لازم اجى ع نفسي عشان يكون عندى صحاب كمت بحب احكيلهم كل اسرارى افضفض معاهم اتونس بيهم طلع منهم الى بيروح يحكي اسرارى لامهاتهم او الى بيتخنق من طريقتي يمكن من غير مااحس كان فيه بنت ف صحابي كنت بعتقد اننا اقرب اتنين لبعض بس مرا اتخانقت معايا وقالتلى انتى عايزانى اكون صحبتك الوحيدة من غير م اصاحب حد تانى ودا مكانش حقيقي لاننا كنا كذا بنت مع بعض كنت ممكن اهزر بايدي مع صحابي يعنى اخبطها ع اديها خبطة اطفال او العب في شعرها كانوا بيقولوا عليا عنيفة وانا مش مدركة ليه مع في البيت بيهزروا معايا كدا بس يمكن لان كان فيه ضرب في المذاكرة وغيرها عشان كدا اتعودت اعبر بايدي.. وصلت لمرحلة انى بقيت بقعد لوحدى وبقيت بحس ان صحابي دول مش عايزيني معاهم مع انى كنت باجي ع نفسي عارف لما تحس انك بس محتاج تحس ان حد قابلك قولت يمكن مش بيحبوني عشان انا مش شاطرة زيهم مكنتش فاشلة ولكن عندنا في المدرسة كنت بشوف امهات البنات المتفوقة بيتعاملوا ازاى كأننا طبقات حتى اختى الاصغر منى عشان اشطر مني اتقارنت بيها.. يوم يعمى لما حد كان يمدحنى كان بيمدح شكلى اخلاقي الى ماما كانت دايما تهددنى وتقلى هعرف حقيقتك للناس.. انا مكانش عندى حيلة ولا قدرة اختار اى شئ وقتها او حتى اطلب مساعدة كنت بنام كتير وبحلم كل حلمى كان اني اتحبيت اوى ووسط ناس متقبلني زي ماانا عشت عمرى كله في الاحلام.. لما كبرت شوية ثانوي مثلا كانت اكتر فترة وحشة لدرجة انى مش فاكرها اوى بس فاكرة كله لحظة اتوجعت فيها ..دخلت الكلية ووقتها كان اول مرة افتح اكونت فيس بوك كنت معرفش حاجة في الحياة كنت فاكرة ان كل الناس صادقة.. وقتها ناس كتير حاولت تقربلى لانى كنت منطوية فكان بيبقى عندهم فضول لما لحظة الانبهار بتخلص خلاص.. حتى لما كان بيتقدم ناس كنت بحس ان اهلى متهاونين في حقي ملهومش طلبات مفيش مرة حسيت ان فيه حد بذل عشانى مجهود  محستش مرة انى غالية عند حد اكيد اهلى ليهم مواقف كويسة الحياة مش كلها سودة ولكن الاغلب كان وحش.. لحظات كتير طبيعية بنات حسيتها انا معشتهاش انا كنت ضد الارتباط في الكلية بس كنت بشوف البنات بيجيلها بوكسات فيها هدايا كتير وحاجات حلوة كنت بقول لمااتخطب دا هيحصل معايا .. زى ما قولت كان بيتقدم ناس كتير ودى حاجة وحشة مش حلوة لان مش كل مرة موضوع بيبوظ خيبة املى بتزيد عمر م حد فكر يجبلى هدية متعوب فيها او فيها افكار مش لازم تكون غاليه حتى لمااتخطبت رسمي كان لو جاب اصلا بيجيبلى حاجات غريبة وساعات يقولى دنااخدتها هدية مدفعتش فيها فلوس الحمد لله نهييت الموضوع .. بس بحس ان كل المشكلة فيا انا اكيد الناس دي كلها مش غلطانة اهلى وصحابي والعرسان رغم انى حد معطاء جدا وباجي ع نفسي عشان الى بحبهم بحب ابذل مجهود عشان الى حوليا سواء بأكلة حلوة او هدية جميلة او انى اسمعهم وادعمهم ولو حد محتاجني في حاجة مش بتأخر بس في المقابل بلاقي نفسي وحيدة متحبتش ولا مرة عدى عليا حد حبني حتى صدفة ومشي مش حب كلام حب صادق يمكن الى مستشعرش حب اهله هيفضل تايهه طول عمره.. رغم انى بشوف بنات ربنا جبرها برجالة عارفة قيمتها اللهم بارك بحس انى جست الدنيا اتعاقب جوايا مساعر وحشة بتنهش ف روحي انا بحب ربنا اوى وبتمنى يسامحنى لو دى ذنوبي بس حتى لما بستغفر ربنا بحس انه مش بيحبني غصب عنى رغم انه بينجيني ولكن دايما بفتكر كلمة ماما انا هعرف الناس حقيقتك مع انها لما تكون رايقة تفضل تمدح فيا انا كبرت ولكن لسه الطفلة الى جوايا مش مطمنة وخايفة سمعت من ماما كتير كلمة انتى متستاهليش يمكن عشان كدا حاولت ابذل كتير عشان اتحب وفي الاخر كنت بتشاف معملتش حاجةاو دا مخلنيش اتحب او انا فعلا من جوايا صدقت انى مستاهلش الحب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Plum_74525 🇪🇬

منذ 3 أشهر

شعور مليء بالحياة

موضوع:

هل بتحب نفسك...ولا بتحب الصورة الي عايز توصلها؟

انا مبحبش نفسي عشان كنت ضعيفه اوي وانا صغيره وكانت امي بتتحكم فيا جدا لاني الوحيده مكنش في ولاد بينجذبو ليا لاني كنت الاولي علي الفصل دايما كانو بس عايزين يغشو مني مكنش في حد بيبصلي كنت محرومه من ابسط الحجات والالعاب الي اي طفل بياخدها مكنتش بخرج وطول الوقت مجبره اني اذاكر واامي كانت بتضربني كتير

Mushroom_74773 🇪🇬 نفس الظروف اللي انا عيشتها بس انا بقى بيصعب عليا الناس اللي عدوا بنفس ظروفي فحاول اساعدهم فبيخزوقوني وااقعد كذا سنة قافلة على نفسي بحاول اعالج نفسي بنفسي وارجع اختار حد يطلع اتبهدل زيي ويخزوقني وهكذا مغناطيس بيجذب المشاكل

عرض الكل 22 نصيحة

Strawberry_74738 🇪🇬

منذ 3 أشهر

شعور محبط

موضوع:

قرارات من الأهل كانت سبب في تغير حياتك

عبّر عن شعورك بشكل مجهول

يمكن الفكره بتاعت الابلكيشن ده عجبتني و شجعتني علشان مش معروف مين لسبب تاخير الدكتوره النفسيه البروح ليها و معادها و كم المهدئ و المنوم حياتي كلها تعتبر في غيبوبه مش عارفه ولا اتكلم مع حد ولا حد هيفهمني مجبره اضحك و اهزر
الموضوع بداء معايا من وانا في ابتدائي حاليا انا 29 سنه 
طفله يعني و مكنتش حلوه كمان والله الهو لحد دلوقتي مش عارفه فكره ان حد يتحرش بطفل ايه المغري فيها غير انه مريض حصلت كذا مره من ابن خالتي و كنت بخاف منه و حصلت من ابن عمت مامتي الغريبه بقي ان في الوقت ده هما واحد كان في 3 ثانوي و التاني في اخر سنه في الكليه 🥲
مشاكل ماما و بابا كانت كتير جدا ماما اغلب وقتها مع اخواتها و انا مع بابا بابا كان راجل كبير في السن يامه اضرب من خالي و اتشتم شتايم زباله زيه هو غلط اني اشمت في المرض بس مبسوطه ان جالو كانسر و انا في 3 ثانوي بابا تعب و اتوفي و ماما بدات تفتكر ان ليها بنت بس الكلمه كلمه خالي بقي الكان مبهدل بابا و طبعا ماما مخليه اخواتها و عيالهم كله بيتحكم فيا انا الواحيده الكله كان بيمسك فوني و ممنوع احط باسورد انا الكنت بضرب من خالي و اتشتم من خالتي و خالي عرفت واحد في اولي ثانوي و لما بابا مات خالي قال يايجي تاني يوم الاربعين يا خلاص من خوفي اني اقعد معاهم عرفته و جه فعلا و اتجوزت و قولت بما ان هو عارف تفصيل حياتي هيتقي ربنا فيا و في الحصلي مكنتش عايزه فلوس يمكن الحاجه الماما كانت بتعملها بتعوضني عدم موجودها بالفلوس هي فكره كده ان هي كانت بتحبني يعني و ان هي مش حرماني من حاجه متعرفش انها هي حرمتني منها اتمنيت اكون زي عيال اخواتها و تحبني زيهم والله لما اتجوزت كانت حياتي جحيم خلفت اتنين و كنت سكته علشان ولا ليا اخوات ولا مكان اروحه لفتره كده بعد جوازي ب5 سنين

Chocolate_74019 🇪🇬

منذ 3 أشهر

شعور مكسور القلب

انا مش عارفه ابدا منين او ازاى بس هو اول سنه تتغير في حياتي للاسوء لما كان عندى 8 سنين امى كانت تضربني بالكفوف وفى بطني وساعات تسحب شعرى وما كان حد يدافعو عني حتى اخويا كانيقف يضحك عليا وانا بنضرب وبدا العزاب الاكبر لما اخويا الكبير اتحرش بيا كان بيستغل اهلى لما يطلعو وكان بيتحرش بيا وانا كنت عارفه

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73056 🇪🇬

منذ 3 أشهر

شعور آسف

ازاي اقدر اتخطي ازي امي ليه من وانا صغيره انا حاولت اعدي الموضوع بس مش قادره اسامح عمرها محضنتني ديما ضرب واهانه علي اسباب عبيطه جدا بس حرفيا هي شخص نرجسي ومؤذي لأبعد الحدود انا مش عارفه اسامح او اتخطي ده نفسيا

Apple_57717 🇪🇬

منذ 3 أشهر

شعور محبط

انا كنت طول عمري عايش لوحدي مع جدتي وهي ماتت وانا في ابتدائي واهلي مش بشوفهم ولو نزلوا يقعدوا معايا شويه مش بحس بوجودهم وبيعاملوني وحش جدا حتي رباط الجزمه محدش علمني اربطه ازاي او حتي ازبط هدومي فكنت بلبس اي حاجه تسترني وخلاص دلوقتي لما كبرت والمفروض اني هخطب طلبت من واحد صاحبي يساعدني اجيب هدوم عش

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Donut_68128 🇪🇬

منذ 4 أشهر

شعور محبط

موضوع:

ما هو أكثر شيء تفتقده من طفولتك؟

الحنية واني احس اني متشافة اما الطفلة الصغيرة اللي محدش كان شايفها ، اب وام بيعندوا ادام بعض في اي طلب هي تطلبه فكبرت شوية وعرفت تلعبها ازاي عشان توصل للي هي عايزاه و ف الاخر اكتشفت ان ابويا للاسف مش شخص امين ولا سوي ، وامي هي اللي كانت متعذبة معاه ومن كتر اللي شافته وعانته معاه لسه لغاية دلوقتي بت

Avocado_63956 🇪🇬 ربنا يعينك ويقويكي ان شاء الله تتغير مع الوقت بس انتي كمان لازم تحاولي تغيريها

عرض الكل 4 نصيحة

Mango_28732 🇪🇬

منذ 5 أشهر

شعور ضاق ذرعًا

عبّر عن شعورك بشكل مجهول

أنا حقيقي تعبت…
مش من يوم ولا من سنة،
ده تعب عمر… تعب سنين مليانة وجع وقهر وصمت.
أنا طول عمري حاسس إني مولود في المكان الغلط، في الزمن الغلط، وسط ناس عمرهم ما شافوني بني آدم.
اتربيت وسط عيلة كل واحد فيها شايفني “عدو”، مش ابن…
مش واحد من دمهم، لأ، كأنهم بيشوفوني شُبهة… حاجة لازم تتعاقب على وجودها.
طفولتي؟ كانت عبارة عن جحيم بشري متغلف بكلمة “تربية”.
ضرب، صريخ، إهانة، تحقير، تذليل…
كل تصرف بسيط مني، حتى لو مش غلط، كان بيترد عليه بعلقة أو شتيمة أو حرمان أو تكسيري من جوه.
مفيش مرّة سمعت كلمة طيبة من حد.
مفيش ضحكة حقيقية…
مفيش حضن…
مفيش “أنا فخور بيك”…
ولا حتى “أنا شايفك”.

كان مطلوب مني أكون مثالي… حرفيًا ملاك،
ممنوع أغلط، ممنوع أضعف، ممنوع أتكلم،ممنوع اخرج وأصاحب حد
ولو حصل؟ الجواب: الضرب، السخرية، المقارنات، العقاب النفسي والجسدي، الحرمان، التجاهل التام.

كل واحد في العيلة كان بيأذيني بطريقته:
		اللي بيمد إيده ويضرب لحد ما أصرّخ
		واللي يقول لي كلام يكسّرني ويخليني أكره نفسي
		واللي بيتجاهلني كأني مش موجود
		واللي بيقارنني بأي حد وكل حد… ويقول لي دايمًا “مش نافع… فاشل… قليل… مالكش لازمة”

بس كل ده مكنش كفاية…
اتعرضت لتحرش، وأنا لسه طفل.
مقدرتش أتكلم… كنت خايف، كنت لوحدي،
حاسس بالعار، بالغُصة، بالقرف…
وماكانش فيه حضن يطبطب، ولا كلمة تطمن، ولا حتى ودن تسمعني.

كبرت…
وكل يوم كنت بشوف صحابي عندهم أهل بيحضنوهم، بيسمعوهم، بيفرحوا لفرحتهم،
وأنا؟
كنت بعيط لوحدي في الضلمة،
ببكي لحد ما نفسي يتقطع،
قلبي بيكركب في صدري من كتر القهر،
كنت بنام وأقوم ألاقي كدمات في جسمي مش من الضرب بس،
من الحزن…
الحزن اللي بيتخزن في العروق، واللي بيكسر الضلوع من غير ما يبان.

دلوقتي؟
كبرت آه… بس أنا ماعيشتش أصلاً.
أنا دلوقتي في تالتة ثانوي أزهري،
بس حرفيًا مش قادر أكمّل…
السنة دي كلها ضاعت، ما ذاكرتش، وقررت أأجل،
لأن عقلي مش ثابت، ونفسيتي مدمرة، وجسمي تعبان من جوه قبل بره.
أبويا؟
نرجسي، سادي، بخيل، مسافر ومش عارف إني مأجّل،
وأول ما يعرف؟
هيطردني، بمنتهى البساطة…
كأنني غريب، مش ابنه.

وأنا دلوقتي عايش عند جدي،
بس باقي العيلة هناك مش أقل نرجسية،
بيحاولوا يطردوني برضو، وبيتعاملوا معايا كأني عالة،
كأني مشكلة لازم تتشال من على صدرهم.

يعني لو الأمور فضلت كده،
أنا مهدد إني أترمي في الشارع.
ولو فضلت ساكت ومأجّلت السنة دي، ومادخلتش طب السنة الجاية،
يبقى يا إما أتهان وأتذل طول عمري،
يا إما أتطرد تمامًا ومابقاش ليا بيت.

أنا  وحيد تماما معنديش اي حد ولا فيه حد يساعدني  وفي عزلة قاتلة عندي اضطراب ما بعد الصدمة المعقد (C-PTSD)،
ورهاب اجتماعي مخليني مش قادر أتكلم قدام حد،
ومصاب بإدمان سلوكي (هاتف، خيال، عزلة،اباحيه ، إلخ)،
وعندي اكتئاب خفي، مش باين، بس بياكل فيا كل يوم…
أنا ماشي بعقل بيصرخ وجسم بيعاني وروح مش لاقية حتة ترتاح فيها.

بس برغم كل ده،
أنا عندي نية، والله…
عندي نية أذاكر، أشتغل، أعدي، أنجح، أطلع من ده كله.
بس السؤال:
إزاي؟
إزاي وأنا تحت كل الضغط ده؟
إزاي وأنا مش حاسس بالأمان ولا لحظة؟
إزاي وأنا مهدد بالطرد في أي وقت؟
إزاي وأنا حاسس إن حياتي كلها على المحك؟!

أنا مش طالب تعاطف…
ولا طالب شفقة…
أنا بكتب علشان أخرج الصرخة اللي جوه قلبي…
اللي محدش سمعها من يوم ما اتولدت،
أنا بكتب علشان أفكر نفسي إني لسه عايش… حتى لو مش حاسس بكده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_61847 🇪🇬

منذ 5 أشهر

شعور ضائع

موضوع:

اى اكتر حاجة بتكرهها في نفسك؟

ضعفي بكره ضعفي الي بيخليني لو حد اتنقدني او عايب عليا او قال اي حاجه في حقي سواء حقيقة او مش حقيقيه مردش بسكت ممكن ده بسبب ان لما كنت بدافع عن نفسي وانا صغيره الاقي قلم نزل علي وشي او انا من الاساس شخص سلبي وخواف الله اعلم

Blueberry_61982 🇪🇬 بس ف الحقيقه دا مش ضعف لو لقيت رد مناسب يترد رد ملقتش اسكت ودا عزة نفس واتجنب الشخص انت راجل والراجل كلاموا سيف ومع احترام ليك دي قلة ثقه لان لو الكلام الا اتقال غلط ف انت بكل بساطه هتكبر دماغك عشان انت عارف نفسك ولو صح هتأيد الكلام بكل احترام وهتقول بكل صراحه بحاول اشتغل علي نفسي ف النقطة دي عشان هي فعلا مضايقاني، راجع ثقتك ومش هيهمك كلام الناس ..

عرض الكل 3 نصيحة

Nutella_60607 🇪🇬

منذ 5 أشهر

شعور محبط

موضوع:

حد عاني من اهله قبل كده؟

عبّر عن شعورك بشكل مجهول

عانيت بس انا لحد الان بعاني حياتي كلها عبارة عن معاناه من صغري لحد دلوقتي اول معاناه كانت و انا عندي ٣ سنين لما بابا كان متجوز تاني علشان امي كانت ميتة بحجة اني محتاجة ام ف جاب حد يكرهني ف الام عموما مش قادرة انسي اللي كان بيحصل انواع الضرب و العقاب كانت بتحبسني ف اوضة ف السطوح بليل و تنزلني الصبح و لما انزل كانت تضربني بالشبشب و لما كان يتقطع كانت تخيطه و تضربني بيه تاني كنت علشان ادخل بس الحمام كان لازم اكون هعمل الاتنين مع بعض غير كدا مدخلش الحمام و لو عملت على نفسي كانت تضربني برضو غير الخناقات اللي بتحصل قدامي لدرجة ف مرة رفعت المنشار علي بابا و وقتها بابا مشي و ساب البيت و سابني أنا معاها علشان تعب و سابني كتير اوووي و هي من اول يوم سابني فيه حبستني ف اوضة كانت مليانة رش مبيدات الحشرات و انا بس بنده علي بابا أنه يرجع و بعدها بيومين كلمت حد يتبناني و كانت ست كبيرة ف السن و لما روحت معاها ابنها كان متجوز و خلف و قالها أنا مش هربي عيال حد و قالها تشتغل ف البيت تعمل اي حاجة وقتها كان عندي اربع سنين و بابا مسالش عليا لمدة خمس شهور فضلت مع الست دي اربع شهور كاملين و هي كانت بتحاول تدور علي بابا علشان ترجعني ليه و فعلا رجعت بس كنت خائفة من كل حاجة و كل حد كنت بخاف منه و لما رجعت عرفت أن بابا هيتجوز تاني و برضو علشان أنا محتاجة ام

Pear_51536 🇪🇬

منذ 5 أشهر

شعور غير مكتمل

محدش بيستحملني اسلوبي صعب و حياتي صعبه و طفولتي كانت اصعب و الله تعبت ف حياتي و سنين عمري اللي عشتها و اللي لسه بعشها عارفه اني اسلوبي و اسلوب تفكيري صعب بس ملقتش اللي يستحملني و اللي يقف جنبي و يساعدني اني ابقا احسن مع اني معترفه ب اللي لنا فيه و بحاول اصلحه و صلحت حاجات كتير بس محدش بيقدر يستحملني

Strawberry_16340 🇪🇬

مدمنة العادة السرية بشراهة ومش عارفة أوقف

انا بنت و حاليا بقيت مدمنة للعا دة السر ية وبشراهة و بقى عندي ميول و هوس شديد اوي و مش عارفه اوقف و مش عارفه اعمل ايه، حاولت اصلي و اصوم و اعمل كل حاجة لكن دايما الش هوة بتكون قوية جدا و مش بقدر اني اسيطر عليها…حد عنده حل يقدر يساعد فعلا؟! ...عرض المزيد

5 الدعم

28 نصيحة

Banana_72174 🇪🇬

متحيرة بين صحبتي اللي بحبها وعلاقتي مع ولدي

ازيكم ، أنا بنت عندي ١٧ سنه وعايشه في مصر وصحبتي الي هحكي عنها امها بريطانيه وباباها مصري بس هي حالياً هي مقيمه هناك وملامحها مصريه جدا واكتر مني وعندها ٢٤ سنه واستايلها قاصه شعرها بوي كات ولبسها كله يعني هنقول شبه عريان شويه لكن كا البيئه الي هي عايشه فيها فا طبيعي المهم انا عرفتها مش من فتره قليله احنا بقالنا كتير مع بعض واحنا الاتنين نفس الvibe وبنتكلم فيديو كول كتير ، اه صح نسيت اقول اني في relationship مع ولد بقالنا سنه ونص ، بقيت معظم وقتي مدياه ليها وهو انا بعلقه كتير وبرد عليه كل فين وفين واتشاكلنا كتير وشكلنا هنسيب بعض بس مش مهم ، الحكايه هنا بقا هي قالتلي انها bi وانا طول عمري استريت وعمري في حياتي ما فكرت اني اميل لبنت بس هي قدرت تخليني اميل ليها واحبها واعترفنا لبعض وبقينا بنبعت لبعض nudes وبقيت بكلمها فيديو كول وهي بتاخد دش وعلاقتنا انا مرتاحه جدا فيها اكتر من اي حد تاني وبالمناسبه هي مش virgin من وهي ١٤ سنه ، فا نزلت مصر من اسبوعين واتقابلنا في الزمالك ولا لا مفيش حاجه حصلت من الي في دماغكم بس هي باستني بس ، وامبارح قالتلي انها عايزه تخليني مش virgin في يوم وقالتلي اننا كدا علاقتنا هتقوي اكتر وهي ولا فارق معاها ان دا زنا ولا اي حاجه وانا ضميري صحي ومش هنكر انا بموت فيها وبحبها لكن مش عايزه كل دا تاني وعايزه اصلح كل حاجه منغير ما ابعد عنها ، انا عماله اعيط من امبارح ومحكتش غير لصحبتي اقرب واحده وفلضت تجرح فيا كتير ، انا اسفه اني طولت عليكم ...عرض المزيد

4 الدعم

28 نصيحة

Almond_73866 🇪🇬

انا كمالة عدد في شلتي ومحدش بياخد بالي

دايما بكون موجودة في اي حتة كمالة عدد وخلاص ، انا ليا شلة اصحاب بس حاسة اني موجودة فيها كمالة عدد ، دايما منشغلين ببعض ومحدش حتى بيبص في وشي ولا حد مهتم بوجودي .. بيضحكوا منغيري كتير ويهزروا منغيري وبيتبسطوا منغيري ومحدش عايزني فيهم ولو اختفيت مش هياخدوا بالهم .. ليه كده محدش متقبلني ولا بيحبني ...عرض المزيد

5 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع