ظلم

Moon_89252 🇪🇬

منذ 9 ساعات

شعور محبط

يعني بذمتكم يجماعه حد زيي بالحلاوه والجمال ده ممكن يخون؟ يعني حلاوة شخصية وشكل وكله وبيتقال عليا خاينه وبياعه؟؟! 😞😞😞لالا مينفعش كده بجد😞انا ايوة خونت مثلا مره... او خمس مرات يمكن؟ متركزوش بس ده مش عدل مينفعش يتقال عليا خاينه😞، ماهو يمكن كان بيخونيييي بس هو قفشني الاول على فكره😞😞. اااا

Mango_74726 🇪🇬

منذ يومين

شعور ضاق ذرعًا

مش هكمل دراسات عليا وهطلع منها وعلى اي اتعب نفسي ومفيش حاجة تستاهل هتخلى عن حلمي كدا كدا هتظلم واحبط كالعادة منا متخرجة بامتياز ولما بشتغل فمكان الاقل مني بيتقدر ونا لا وحسبي الله ونعم الوكيل في كل الي بيظلموني هنا مفيش حاجة اسمها حلم وطموح احنا مش بشر تتااتعههععععفللتتنخححححححح

Apple_64150 🇪🇬

منذ يومين

شعور مكسور القلب

عايزه البنات يردوا عليا اكتر انا والدتي متوفيه من زمان اوي وكنا في بيت عيله احنا اللي شايلين شغل البيت لحد ما بابا اتجوز مراته في الاول كانت بتعمل تساعد معانا ف بيت العيله عادي لكن حصل مشاكل وبيت العياه اتفرق بسبب مشاكل ف الاول كانت بتعمل لحد ما حملت وولدت ومن ساعتها مش بتعمل غير الاكل تستخدم بقي مو

Coffee_89479 🇪🇬

منذ يومين

شعور محبط

موضوع:

المشاكل الي اهلك كأنه سبب فيها و اثرت ازي عليك

مش بتخطى انا بمشي الدنيا علشان المركب تمشي اصل دول اهلي وعمري ما هغيرهم ولا هعرف ابقى مثالية زي ما هما عاوزين وتعبت من كتر ما بحاول والمحاولات دي مش بتتشاف ومن كتر ما بتكلم ولا في اي حاجة بتتغير ف بقيت اسمع واسكت يا صابت وعرفت امشي الدنيا من غير ما تأثر على نفسيتي يا خابت ورجعنا لنقطة الصفر من تاني

Banana_78140 🇪🇬

منذ 3 أيام

شعور محبط

يَا قُدسُ أَيَّ كَلَامٍ سَوفَ أَبتَدِئُ عَن أَيِّ حَالٍ غَدَونَا فِيه مِن كَدَرِ بَقَيَّةُ الظُّلمِ جَارَت فِي أَذِيَّتِنَا فِي غُربَةِ النَّفسِ وَالأَوطَانِ وَالبَشَرِ أُفضِي إِلَيكِ البَلَايَا قِصَّةً تُروَى فِي قِطعَتَينِ مِنَ الأَكفَانِ وَالخُمُرِ نَبكِي مَوَاجِعَ قَهرٍ مِن مَحَاجِرِنَا

عبّر عن شعورك بشكل مجهول

يَا قُدسُ أَيَّ كَلَامٍ سَوفَ أَبتَدِئُ
عَن أَيِّ حَالٍ غَدَونَا فِيه مِن كَدَرِ

بَقَيَّةُ الظُّلمِ جَارَت فِي أَذِيَّتِنَا
فِي غُربَةِ النَّفسِ وَالأَوطَانِ وَالبَشَرِ

أُفضِي إِلَيكِ البَلَايَا قِصَّةً تُروَى   
فِي قِطعَتَينِ مِنَ الأَكفَانِ وَالخُمُرِ

نَبكِي مَوَاجِعَ قَهرٍ مِن مَحَاجِرِنَا 
وَتَذرِفُ العَينُ مِدرَارَاً مِنَ العِبَرِ

فَوقَ الغَمَامِ جَلَسنَا نَشتَكِي وَصَبَاً
نُشَاهِدُ المَوتَ لَفَّ الرُّوحَ بالدُّثُرِ

نَرَى السَّمَاءَ اكفَهَرَّت فَوقَنَا غَضَبَاً
تُلقِي عَلَينَا الرَّدَى كَوَابِلِ المَطَرَ

تَأبَى الطُّيُورُ ارتِحَالَاً عَن مَسَاكِنِهَا 
وَتَألَفُ الدَّارَ أَكوَامَاً مَنَ الحَجَرِ

وَيَرفُضُ الكَونُ وَالأَقوَامُ جِيرَتَنَا 
وَسَلَّمَتنَا شِرَارُ الإِنسِ لِلضَّرَرِ

كَأَنَّمَا الدَّهرُ قَد تَاهَت نَوَائِبُهُ  
وَلَم يُلَاقِ سِوَانَا أَصبَرَ الزُّمَرِ

تَعدُو خُطَانَا عَلَى الأَهوَالِ تَارِكَةً 
ثَوبَ المَنَايَا وَأَسمَالَاً مِنَ الأَثَرِ

لَم يَبقَ مِنَّا سِوَى مَا خَطَّهُ القَدَرُ 
وَمَا حَمَلنَا عَلَى الأَكتَافِ وَالدُّسُرِ

قَد آثَرَ النَّاسُ فِي الهَيجَاءِ مَقتَلَنَا 
وَآلَفَت عَينُهُم ذَبحَاً مِنَ النُّحُرِ

نَمُوتُ جُوعَاً أَمَامَ العُربِ قَاطِبَةً 
وَهُم شُهُودٌ بَأَحدَاقٍ بِلَا بَصَرِ

سَبعُونَ عَامَاً وَمَا هَانَت عَزَائِمُنَا 
نُهدِي السَّمَاوَاتِ أَقمَاطَاً مِنَ الدُّرَرِ
 
حُدُودُ وَهمٍ عَلَى الأَورَاقِ قَد رُسِمَت
سِجنٌ مِنَ الحِبرِ قَد أَضحَى مِنَ الجُدُرِ

تَنَاسَتِ النَّاسُ أَنسَاباً لها شَرَفٌ
وَنَحنُ عُربٌ مدى الأَزمَانِ مِن مُضَرِ

فَكُلُّ أَوطَانِنَا فِي القُدسِ جَوهَرُهَا 
وَكُلُّ أَطفَالِنَا عَلَى خُطَا عُمَرِ

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_72714 🇪🇬

منذ 3 أيام

شعور ضائع

انا هحكي موضوع بس طويل حبتين ومش عايزه حد ينتقدني غير لما يسمع الحكاية كلها من اولها لاخرها الموضوع كبير اللي حابب يقرأ انا بنت ع العموم من فتره او اواخر سنه 2024 اتعرفت على بنت وكدا وبقينا صحاب وكل فترة كنا بنقرب من بعض وكانت كويسة جدا معايا وكانت بتفرحني حتى ولو بهدية بسيطه لحد ما جات امتحانات اخ

عبّر عن شعورك بشكل مجهول

انا هحكي موضوع بس طويل حبتين ومش عايزه حد ينتقدني غير لما يسمع الحكاية كلها من اولها لاخرها الموضوع كبير اللي حابب يقرأ انا بنت ع العموم

من فتره او اواخر سنه 2024 اتعرفت على بنت وكدا وبقينا صحاب وكل فترة كنا بنقرب من بعض وكانت كويسة جدا معايا وكانت بتفرحني حتى ولو بهدية بسيطه لحد ما جات امتحانات اخر سنة كنت في 3 اعدادي ساعتها جابت مجموع وحش مع انها كانت بتذاكر و كدا ومعرفتش تدخل ثانوي وصحابي كلهم وانا دخلنا ثانوي وهي دخلت خدمات المهم شهر 7 جه و المدرسين حرفيا فلوسهم خلصت وقررو يفتحو حجز الدروس وكدا المهم قولتلها يلا وبتاع نحجز عشان الحجز قبل ما يقفل دايما كانت تقولي لا وقالتلي انها هتروح عند مدرسين غير قولت خلاص دي حرية شخصية ويمكن هيا مستريحة كدا لحد ما كنت بكلمها وكدا مش فاكره اتخانقنا ليه بس في الاغلب هيا اللي كانت غلطانه وكلمتني بطريقة وحشه وانا مبحبش كدا و وقولتلها يلا سلام و قفلت معاها بعدها حسيت انها زعلت و روحت صالحتها مافيش في اقل من 5 دقائق من بعد ما قفلت معاها صالحتها والدنيا تمام بردو بتكلمني بنفس الطريقة والاسلوب الزبالة هتسألوني ازاي يعني مثلا كنت اجي اكلمها في حاجه اقولها هو انتي مش عايزه تسمعيني حاسة انك متضايقه من اللي بقولوا تقولي براحتك اقولها براحتي ازاي تقولي براحتك يعني لو عايزه تقولي مش عايزه خلاص المهم بعدها اتقفلت جامد منها بجد عشان مبحبش حد يكلمني بالاسلوب دا خاصة اني صالحتها كذا مره وبتعاملني كدا وفضلت مكلمهاش وقطعت معاها لحد شهر 10 لحد ما واحده صحبتي صالحتنا على بعض تاني بس حسيتها بردو مكنتش عايزة تصالحني وصالحتني بالعافيه وعملت نفسي مش واخذه بالي بس بعديها حسيت انها بقت تتعامل عادي بس بقا بعدها جات عليا فترة تعبت ورجلي وجعاني وكدا روحت عند دكتور عظام وكدا ونفس الاسبوع تعبت بردو وجالي الڤيرس الجديد و كان تاعبني بجد اخر تعب واللي جالو هيعرف بجد متعب ازاي الفتره دي مكنتش ماسكه التليفون ولا بكلم حد مكنتش بتحبني بقدر اتحرك خالص ونايمه ع السرير طول الوقت وحتى لو قومت بقوم ارجع لامؤاخذه وارجع انام عادي حتى كانت فتره امتحاناتي ومكنتش بذاكر خالص من كتر التعب ورحت عند دكتور تاني وكل دا قعدت بتاع اسبوع او اسبوعين كدا ومسألتش عليا لما فوقت عرفت انها كلمت واحده صحبتي وسألتها بتقولها هي مش بتكلمني ليه هي زعلانه او متضايقه مني قالتلها لا دي هي تعبانه اوي واول مره اشوفها تعبانة كدا المهم هي حتى مجتش سألت عليا او جت كلمتني تعرف اللي حصلي لما فوقت بقا روحت كلمتها لا قولتلها مش بتسألي عليا يعني قالتلي وانا ليه هسأل على حد مش عايز يسأل عليا قولتلها مين قال كدا انا كنت تعبانه اوي ومكنتش عارفه اكلمك بس وبعدها متضايقتش او اتضايقت من جوايا بس كتمت بردو واتكلمنا عادي المهم جات قالتلي بعدها انا هنزل جيم تيجي معايا وكدا قولتلها لا والله مش هقدر دي رجلي لسه وجعاني ومش بقدر امشي كتير عليها او اعمل مجهود بعدها بقا بنت عمي زنت عليا وقالتلي تعالي انزلي جيم وكدا وماما بردو قالتلي المهم قولت خلاص هنزل وامري لله مع ان لسه رجلي وجعاني بعدها روحت منزله ستريك وكتبت فيها اخيرا هنزل الجيم وكنت فرحانه لاني نفسي انزلو اصلا بس مكنتش عارفه بسبب رجلي المهم هيا شافتها بعدها كلمتها بقولها يبنتي ازيك عامله ايه وكدا كنت هقولها على حكايه الجيم افتكرت هيا متعرفش وكدا راحت قالتلي الحمد لله بعدها لاقيتها بتقولي مش هاجي (كنت قبلها متفقه معاها نخرج بس انا نسيت او مكنتش ناويه انزل اصلا)روحت قولتلها ايه بتتكلمي كدا ليه انا بسلم عليكي اسألي عني حتى اصلا مش عارفه هنزل ولا لا راحت قالتلي بتكلم عادي وشدينا مع بعض في الكلام وقولتها ع فكره انتي انسانه مريضة انا بقالي فتره كبيره مستحملاكي بطريقتك الشبه مهينه ليا دي وساكته وانتي ما زلتي بتتكلمي بيها راحت قالتلي اه انتي اللي مريضه اخدتها على قد عقلها وقولتلها عندك حق وقفلت بعدها قولت والله لاخرج وفكتني منها ونزلت مع واحده صحبتي لقيتها بعتتلي رسالة بجد خرا طويلة عريضة بس هختصرها بتقولي حاولي تعملي ليكي شخصيه مش كل حاجه تقلديها قصدها على الجيم وكدا وانا اصلا معرفش كنت هنزل ولا لا ولا هي كانت تعرف ان بنت عمي اللي زنت عليا وانا مكنتش هنزل وقعدت تقولي متستاهليش حد من صحابك الكلمه دي حسستني بانها بتحقد عليا اوي وخاصة لما هتقول كلام تاني في الاخر هتفهمو اكتر وبتقولي مش كل حاجه تقلديها بس هو دا كل محتوى الرسالة بس هي عماله تعجن وتلك كتير كرفت للرسالة ومش هكدب عيني دمعت لاني مبحبش الظلم وعمري ما فكرت اني اقلدها او اغير منها خاصة انها مش احلى مني في حاجه يعني ولو حتى قلدتها عشان صحبتي وكتت بحبها مش اكتر ولا اقل بس بعدها عملتلها بلوك لقيتها مش عملالي بلوك من الفيس كلمتها عليه وقولتها ايه الكلام اللي بتقوليه الاهبل دا راحت قالتلي كلام ازبل منه هختصره بردو عشان حاسه طولت اوي بتقولي انتي مش بتفكري تجيبيلي هدية عدلة حتى جيبتيلي في عيد ميلادي نضاره شمس و جبتي لبقية صحابك ميكب هو في حد في سننا بيلبس نضاره شمس اصلا كنت عاوزه اقولها انتي فلاحة بس معرفش ليه سكت هي عموما فلاحة فعلا دي الحقيقه وقعدت تقولي كان معاكي فلوس ومجبتليش هدية عدلة و كدا مع اني جبتلها نضاره ب 400 جنيه مش فاهمه هي عايزه ايه تاني اكتر من كدا وكل كلامها حرفيا كان على الماديات والقرف وانا عمري ما فكرت في الحاجات دي بجد والله اتضايقت اوي بس دلوقتي بنسبالي الموضوع تافهه بس مكنتش عارفه احكي ايه فقولت اقولل اي حاجه حصلت معايا هي قالت كلام اكتر من دا وعايرتني بحاجات كتير عايرتها بردو قولتلها يا تريله ويا عجله روحي الجيم اللي فرحانه بيه دا وخسي شويه عشان شكلك بقا صعب😂😂😂😂 مش عايزه حد ينتقدني او يقولي ليه عايرتيها بشكلها هي عايرتني بحاجات اسوء بس مش هقول ودي حاجات وصلتني اني اعايرها وكنت حالفة اني منمش او اعمل حاجة الا لما اخليها تعيط قدام عيني كدا زي ما دمعة مني نزلت عليها والحمد لله قدرت اعمل دا و ع فكره انا اه قادره وقادره ع اللي يجي عليا وعلى كرامتي او يقرب على حاجه مني عشان مش واحده جربوعه زي دي تخليني معرفش اخد حقي منها في الاخر عموما خسرتني وخسرت حد كان مميز وكان بيشوفها العجله دي بس متستاهلش😂😂😂😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Candle_89290 🇪🇬

منذ 4 أيام

شعور مستنزف

هو انا كُنت استاهل كل الي بيحصلي ؟ كُنت استاهل انهم يقسو عليا بالشكل ده هما الي المفروض يتأذوا مش انا المفروض يتعاقبو فحياتهم م انا ليه انا لوحدي ادفع تمن غيري وتمن حاجه انا معملتهاش ؟؟ انا تعبت من كُل حاجه مبقتش قادره اعيش ولا قادره استحمل وجع قلبي

Blueberry_89175 🇪🇬

منذ 4 أيام

شعور محبط

شعور ان ابوكي مش موجود ده وحش وحش حتى لو مش حنين حجات بسيطه بيعملها بيخليكي يوحشك اكتر واكتر يارب من النهارده لبكره بابا يكون موجود وسطينا من غير منحتاج لحد يارب انت الي في ايدك انك تفك كربه وتنصره على من ظلمه ويرجع وياخد حقه يارب وحشني يارب عدم وجوده ده وحش اوي يارب بس يكون موجود وسطنا وانا راضيه ب

Apple_87055 🇪🇬

منذ 5 أيام

شعور مرهق

بابا طول عمره كويس ومعززنا من كام شهر جاتله جلطه فيالمخ أثرت ع النص الشمال كله ودخل في نظيف ع المخ بعدها ومن بعدها جلطتين في الرجل الفترة دي اخوانه حصل بينا مشكله فيعدوا عنه وسألوه كنا احنا البنات واخويا الي معاه وشايلينه حرفيا بما فينا امي لدرجه كان بيقول لإخوانه دول الي شالوني ودول الي طلعت بيهم

Apple_12385 🇪🇬

منذ 6 أيام

شعور ضاق ذرعًا

قمة قلة الاحترام لما يبقى قدامك تيم اشتغل على مشروع شهر علشان يخلصه و انت ترفض انك تبص على شغلهم علشان المشروع مشتغلش انت دورك اى لو انا المتوقع منى انى هقدر أشغل المشروع لوحدى؟ فين التعليم هنا؟ لما التيم يجبلك المشروع قبل التسليم باسبوعين قدامك و انا تأطدلهم أن المشروع بتاخد عليه الدرجة النهائية و

Ice Cream_51335 🇪🇬 بتحصل كثير اوي عندنا قالونا عازين اجهزه معينه وقالو بس اسم الجهاز لا ابعاد ولا ممكن يتعمل ازاي ولا اي حاجه وكل اللي قالوه روحو الحرفين اشرحو للعمال اللي عايزينه ولازم الجهاز يشتغل مع العلم ان اصلا مخدناش قبل كده أي حاجه فيها اجهزه نعملها بايدنا ولا دي شغلتنا اصلا بس كلمنا حد مهندس عمله وتمام خدناه طلع حجمه اصغر من اللي عايزه بس مش مشكله كتر خيره اصلا عرف يعمل حاجه من غير اي داتا

عرض الكل 1 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Diamond_56202 🇪🇬

منذ أسبوع واحد

شعور غاضب

عبّر عن شعورك بشكل مجهول

يجدعان بالله نعقل شويه بلاش الكفر اللي بيتقال دا غصب عننا عشان شوية مشاكل ايا كانت اي
الدنيا مش عادله و البشر مش عادلين و الحيوانات مش عادله الطبيعه مش عادله
وتلاقي ف الاخر دا كله عشان متوفقش ف شغل او حبيبها سابها
ربنا عز وجل اللي بايده الدنيا و البشر و هوا العدل ...مش عشان قعدتي لوحدك منغير صحابك يبقي الدنيا مش منصفه
مفيش حاجه اسمها دنيا اصلا كل اللي بيحصل بايد ربنا و كله خير
ياتكفير ذنوب
يا ربنا بيرفعك درجات ف اخرتك عشان هيبتليك بابتلاء انت تستحمله و تتحمله فتصبر عليه وتحتسب فيزيدك درجات واجر
يا اما ابتلاء بيحوشك عن مصيبه اكبر بكتير
التلاته دول بقي عادي يبقو كلهم فنفس الوقت
فا منقعدش نصيح ونقول ليه ومش ليه ربنا مغرقك ف نعم متتعدش وتيجي حاجه واحده بس اتاخدت منك مع ان ربنا معوضك في غيرها
يعني لا هوا ظلم ولا حاجه
نقعد بقي نصيح وليه يارب مش زي غيري وليه يارب انا كد وليه وليه
انت عندك شك اصلا ان اللي نفسك فيه دا لو كان خير ليك كان ربنا اخره عنك؟؟؟
دا لو ربنا اخره عنك يبقي بذنوبك و عدم صلاتك و بعدك عنه
يبقي نعقل بالله عشان عيب احنا مش صغيرين
فضفض ولا فضفضي يعم براحتك وللصبح و احكي مشاكلك ودور ع اللي يصبرك ويهونها عليك ولا دور ع الحل
لكن متنساش كل النعم اللي ربنا مغرقك بيها رغم انك لو شكرته طول عمرك في كل ثانيه مش هتكفي اي حاجه
يعني دا اقل حاجه النظر انك تبقي شايف بس و عندك القدره تتفاعل كمان
وانك تقدر تقري دا و يظهرلك انت يمكن تكون رساله ليك انت بذات
انا طريقتي مش لينه انا عارف بس عشان دي حاجه ميستهانش بيها يشباب والله الموضوع مفهوش خالص
ادعي ربنا باللي نفسك فيه حاول تحكي وتتكلم و تخرج الكبت حاول تصلح من اللي تقدر تصلحه و بايدك تصلحه
انما عاوز اموت وانا خلاص و مش عارف اي احنا كده اللي بنفتري ع نفسنا والله محد بيفتري علينا زي ما بنفتري ع نفسنا بنفسنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_88963 🇪🇬

منذ أسبوع واحد

شعور عاطفي

جماعه هو انا لو اجتهدت يعني وعملت اقصي جهدي في الثانويه العامه هتبقي كلها ظلم برضو ولا اتعب واسيبها علي الله انا خايف اتظلم اوي انا قررت اني اتعب من اعدادي عشان ربنا يوفقني في ثانوي انا دلوقتي في اوله ثانوي بكالوريا وخايف اتظلم صحابي كلهم دلوقتي كارفيم خالص للسنه بس انا الوحيد الي قررت اتعب من اولي

Biscuit_71393 🇪🇬 اعمل أقصي مجهود تقدر عليه مهما كانت النتيجه صدقني لو معملتش كده هتندم بعدين متفكرش في الظلم وتخليه يوقفك الحياة مليانه صراعات و ظلم كتير بالمنطق ده الواحد ميعملش اي جهد بقي لانه ممكن يتظلم

عرض الكل 2 نصيحة

Mango_70768 🇪🇬

منذ أسبوع واحد

شعور محبط

فيا خنقة مايعلم بيها الا ربنا صحبتي الوحيدة الي معايا في الشغل والي دايما مونساني وبتهون عليا استقالت بسبب مشكلة هي اتظلمت فيها مستحملتش الظلم ومشيت وسابتني لوحدي مع المدير الظالم مكنش عندي صحاب غيرها في الشغل وحتي برا الشغل مليش صحاب كل ما قلبي يتعلق بحد وبحب حد بيمشي.. بس هي غصب عنها مشيت ربنا

Avocado_77684 🇪🇬

منذ أسبوع واحد

شعور آسف

اللي بتعمله في غيرك بيرجعلك، يمكن مش في نفس اللحظة ولا بنفس الصورة، بس بيرجع بنفس الإحساس، اللي يظلم حد هيتذوق طعم الظلم، واللي يجرح بكلمة هيسمع كلمة توجعه، واللي يخدع غيره هييجي عليه يوم يلاقي الخداع قدّامه، الدنيا دايرة، وكل فعل ليه صدى بيرجع لصاحبه، والخير اللي تزرعه في طريق حد هتلاقيه في طريقك،

Biscuit_87611 🇪🇬

مش عارفه ليه بمسح التطبيق وارجع أنزله تاني!

مش عارفه لي كل م اقرر امسح الابلكيشن و فعلا امسحو شويه و ارجع انزلو تاني سعات بحاول اساعد و اتكلم و سعات بتقفل و احس اي للي انا بعملو دا مش مكاني ولا انا حابه اكون هناا خصوصا ان ف كلام بيكون مش كويس بيتقال بردو بس حاسه اني بهرب و خلاص سعات بلاقي ناس عندها نفس مشاكلي للي انا مش عارفه احلها لنفسي و اتكلم معاها مسبهاش غير لم احلها ليها لو كان ف ايدي دا مش عارفه لي الانسان دا و بيعمل ف نفسو كداا عاوزه اتكلم و مش عارفه و مش عاوزه هيييح فككو. ...عرض المزيد

0 الدعم

15 نصيحة

Peanut_76092 🇪🇬

خايفة من نفسي ومن نوبات الغضب مش عارفة أعمل إيه

جوايا غضب رهيب مش قادرة احدد سببه، خايفة من نفسي جداً، خايفة يجيلي تاني نوبات الغضب، خايفة افقد السيطرة على نفسي، خايفة اتكلم اصلاً فاغضب زيادة.. مش لاقيه حل ومش عارفه اعمل ايه عملت كل السُبل اللي تخليني اخف الغضب ده ، فعلاً مش عارفة، دماغي حساها بتتحرق من كتر الغضب من سبب انا معرفوش ...عرض المزيد

0 الدعم

15 نصيحة

Grape_89316 🇪🇬

ازاي ابطل الطيبه الزياده دي واصبح قاسيه بجد؟

اوقات بحسني غبيه حوار الطيبه الزياده ده مقرف اويي شخص كان بيطمن عليا كان بقالو فتره كبيره مكلمنيش انا مفكره انو بيطمن عادي لكن لااسف كان جاي علشان محتاج مني حاجه المشكله اني كنت عارفه انوو بيكلمني علشان حاجه رغم ذالك كلمتوو كويس وساعدتو ف الي كان محتاجه بس اضيقت بعدها انت اتعملت معاه عادي كان مغيش اي حاجه بس بجددد مش طبعي اني اكلم حد وحش حتي لو مضايقه منووو ازي ابطلل الطيبه دي ازييي اكون قاسيه بجدد محتاجه اتغيرر ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع