فاشلة

Waffle_75439 🇪🇬

منذ 3 ساعات

شعور مكسور القلب

مأساة هذا العالم بجد البنت تقولك كلهم توكسيك كلهم وحشين بس إنت تيجي تجرب مع حب طفولتك تلاقيها توكسيك ومش بيور لو عندها ماضي أوكي أقدر اعديه لو واثق فيها انما تبقي معقدة منه كمان وتعمل فيا نفس إلي حصل معاها و تخذلني فيها بعد ما هي كانت في أسوء حالتها وكل الناس بعيدة عنها إلا انا عافرت معاها مدتنا كان

Croissant_52708 🇪🇬

منذ 3 أيام

شعور مرهق

عبّر عن شعورك بشكل مجهول

للأسف، كل اللي حصل في أكتوبر كان بسبب إنها كانت بتحاول تحذرني من زميلتي في الشغل، وأنا مسمعتش كلامها. كنت متكبر شوية وفتكر إن كل حاجة هتعدي عادي، بس الحقيقة إن قراراتي كانت بتعمل تأثير كبير عليا وعلى اللي حواليّ. بعدها، هييجي وقت أحب واحدة، وتكون مبسوطة معايا، بس للأسف هبقى مؤذي، وهخليها تعيش تروما ومش هتنساني… كل ده بسبب اللي حصل قبل كده، بسبب اللي سبّبلي عقدة في حياتي، وخلاني شخص توكسيك.
هي
أكتر بنت حبتني مشيت كانت بتحبني اوي وكانت بتسمع كلامي وكانت اكتر واحده شايفه ومأمنه بيا لكن احيانا الواحد بيقضي حياته يجمع الحصا وهو بينسى ان في الماظه ضيعها من ايده، وفضلت مع البنت اللي دمّرت حياتي. الموضوع كله خلاني أحس بخيبة أمل كبيرة في الناس حواليّ، وفي نفسي كمان. بحس إن كل محاولاتي أعمل حاجة صح بتبوظها الظروف، وكل مرة بفتح قلبي بيدمروني، وده بيخليني أحس إن مافيش أمان في المشاعر. ساعات بحاول أفكر إزاي أتعلم من اللي حصل، بس كل حاجة حواليا بتفكرني بالماضي وبتخليني أرجع لنفس الدوامة دي.
لحد ما عملت عملتها 
أنا عارف إن لازم أتحمل مسؤولية أخطائي، وأواجه نفسي قبل أي حد، بس ساعات بيكون صعب أوي إني أتصرف صح، خصوصًا بعد كل الصدمات اللي مريت بيها. بحس إني محتاج أتعلم أكون شخص أفضل، وأتعلم أدي الناس حواليّ فرصة من غير ما أجرحهم أو أسبب لهم ألم، عشان مايبقاش التاريخ بيعاود نفسه مع كل علاقة جديدة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_16659 🇪🇬

منذ 6 أيام

شعور متوتر

اللي واخد عنك فكره وحشه مش هتتغير مهما حاولت تفهمه حقيقتك لانه خلاص هو شايفك كده ومقتنع بكده وبكل بساطه كان قادر يشوفك من البدايه حلو وجميل بس شافك وحِش من الاخر ماتحاولش غير للّي يستاهل المحاوله ❤️

Avocado_58162 🇪🇬

منذ 6 أيام

شعور متعب

عبّر عن شعورك بشكل مجهول

انا بجد تعبت من كتر ما بكتب عن الموضوع دا، بس المرة دي هطول شوية اسف، انا تعبت فعلا العادة السرية واي حاجة ليها علاقة بيها تعبت علشان حاولت کتیر معرفتش والموضوع وصل بيا اني بقيت بعمل في اليوم مرتين او تلاتة حاولت بجد بدل المرة الالف وكنت كل ما اقع اقوم بس بجد انا يأست من المحاولات اللي ملهاش فايدة دي فعلا محققتش اي تطور بقيت بكره نفسي بسبب الموضوع ومش عارف حقيقي ايه سبب الحوار دا أصلا، يعني اه انا كدا كدا هیجان اغلب الوقت وعندي طاقة مش عارف اوديها فين، بس هل انا بعمل كدا علشان دا بس ولا علشان بردو انا مش راضي عن حياتي؟ فعلا معرفش... وتعبت بجد من موضوع الهيجان دا مهما عملت بجد اتمرنت اتمشيت بهدلت نفسي علشان اطلع الطاقة اللي جوايا دي بردو بفضل هیجان وساعات ممكن اعملها مرتين ورا بعض من كتر ما ببقى تعبان مش عارف بجد اعمل ايه في الموضوع دا، بدأت ايأس من نفسي ومن المحاولات، بدأت ايأس من كل حاجة بجد، مبقتش عارف ابدأ منين ولا اعمل ايه دلوقتي بقى كل يومي متمحور حولين العادة دي وحولين انا ازاي هعملها النهاردة واستمتع بيها باكبر شکل بجد تعبت .... ومن فضلكم اي حد هيقولي اشغل وقتك غير اسلوب حياتك حاول تخرج كتير والحاجات اللي مبتأكلش عيش دي ميبعتش اصلا، يريت اللي يبعت يكون حد بجد فاهم هو بيقول ايه مش اي  کلام سمعه في بودكاست او قرأه في كتاب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_87447 🇪🇬

منذ أسبوع واحد

شعور مكتئب

عبّر عن شعورك بشكل مجهول

انا شاب٢٩ سنه من اسكندريه صراحه كنت متزوج من اجنبيه و عندي ابن منها ،اتجوزتها ٢٠١٦ و الطلاق حصل ٢٠١٩ الي حصل باختصار اني كنت بره مصر و مكنتش متوفق في شغل دايم يعني كنت بقدم كتير و بترفض و لما دخلت في شغل مكانش احسن حاجه بس قبلت بيه رغم طروفي اني عندي اعاقه حركيه بسيطه (مش باينه ) في ايدي و رجلي الشمال ،الشغل كان في محل شاورما و كنت بعمل كل حاجه تقريباً اكل ،و غسيل و تقديم حتي و لما لاقيت فرصه احسن روحت عملت انترفيو في عمل تاني لكن متوفقتش و مختارونيش فاستمريت في الشغل الاول لحد ما لقيت صاحب الشغل بيتخلي عني انو يقعدني في البيت يرم بعد يوم و كان عليا ايجار شقه لازم يتدفع ملحوظه انا كنت شغال في مدينه و زوجتي و ابني في مدينه /حماتي كانت قايلالها يروح بشتغل الشهر كله و ميصرفش علي نفسه مليم و يجي اخر الشهر يديكي الراتب بتاعه و يرجع شغله طبعاً الكلام دا موافقتش عليه و نادراً بوم مكانت بتجيلي المدينه الي شغال فيها كان بيكون مره-مرتين في الشهر و كان بيكون يوم شغل  ليا مش يوم اجازه و لما صاحب الشغل اتخلي عني كلمتها و قولتلها الوضح واحد اتنين تلاته و عندي ايجار اعمل ايه ؟قالتلي انا لو منك هرجع المدينه وصت الني و مراتي لحد ملافي فرصه تانيه وقتها رجعت فعلا لان دا المنطق كمان بيقولو لاني معايش ختي يكمل الايجار وقتها حمايا و حماتي قعدو يقولولولها هو الي ساب الشغل بنفسه لانه مش بتاع شغل و حتي لما كان بيروح اللنترفيوهات كان بيروح يقولهم انه مش عايز يشتغل و انه رايح بس عشان احنا منقولش عليه انه مش عايز يشتغل 
و البنت (طليقتي) صدقت كلامهم و بدأت خناقه و ابتدتبعدها تغلط في اهلي بالاخص اكي و انت امك مربنكتش تبقي قد المسوليه و انت متدلع و عايز راحتك ومش عايز تشتغل وقتها كان عندي امتحانات في الجامعه يا افوتها ياارجع مصر و  ادخل الامتحان وقتها قلت هرجع مصر تكون الامور هديت مبينا و اهو مخسرش برضه دراستي علي الاقل و عشان كمان غلطت في اهلي (امي) الي ملهاش ذنب في اي حاجه كلمت اهلي اني ارجع يجيبولي تزكره طيران عشان الي حصل تهلي جريو بسرعه اشترولي تزكره اليوم الي بعديه الي هو هيبقي اليوم الي بعد رجوعي امتحان ليا و يوم السفر نزلت مع شنط سفري تحت لقيت ابوها داخل العماره و باللكميات و الشلالين لحد ما نزفت من وشي و سابني وقتها طلعتلها و سبت الشنط في داخله العماره تحت اوريها و اقولها شفتي الي ابوكي عمله؟؟!،هو ايش عرفو اني مسافر في الوقت ده ؟،و بوست ابني و خدت بعضي و مشيت علي المطار بتاكسي المطار و رجعت عليمصر سنه  ٢٠١٩ بعدها بشهر جت جائحه الكوونا و المطارات اتقفلت وقتها هي و اهلها راحو رفعو عليا قضيه طلاق و كسبوها و هي البنت رقها راحت ارتبطت بصديق ليا مصري و كانو هما الاتنين وقتها بيكدبو عليا هو كان بيوقع بينا و بيقولي انها هتحبسك لو رجعت و هتخلي و هتسوي فيك و كان لبقولها نفس الكلام اني هحبسها و هعمل و هخلي فيها ،بعدت معاه تقريباً سنه و بعد السنه (لما رجعنا نتكلم بسيط) فالتلي انهم ارتبطو و سابتو عشان ابتدي يهينها و يضربها هي و الطفل الصغير (ابني)(انا طبعاً وقتها مكانش عندي عمل بحاجه عشان مكانش في كلام )حتي هي يوم وصولي لمصر مسألتش عليا،و تفوت الشهور و هي ترتبط بواحد مجري و تتجوزوا وتخلف منه بنت ،و هي ولا ختي عايزه تخليني اقابل الني لانها خايفه (من كلام امها تقولها دا هيخطف الطفل ،دا مش هيرجعهولك)و بعد كدا راحد تعملي سحر بالموت  و الخراب ليا و عدم التوفيق وقتها في الفتره دي انا فعلا كنت بموت و متدمر في مل حاجه كنت اصحي ٥ دقايق بيكون ضغطي واطي جداً انام تاني مكنتش باكل ولا بشرب و كنت بموت حرفياً نفسياً و جسدياً و معنوياً و كانت فتره هباب عليا لكن كرم ربنا انب لسه عايش اهو و بكتب قصتي وهي بعد فتره واجهتني انها عملتي السحر دا و كانت عايزه تموتني لانها شكت اني ليا دخل بخراب حصل ليها و انا طبعاً مكانش عندي فكره بحاجه لكن الحمدلله على كل شي انا بالنسبه ليا انا خلصت امتحاناتي و دراستي و اتخرجت و مسكت شغل الحمدلله ولكن ،مش عارف من وقتها اتوفق في خب ولا اي ارتباط و محدش قابل براجل مطلق كان متجوز قبل كدا و عنده ابن و الي يقول لا و دا امر عادي يبقي كداب و بيبيع كلام و لو في بنت قالت عادي ممكن هي تكون شايفه الموضوع عاديلكن لغيرها  لكن لو عليها هي ،هي عمرها مهتوافق فعلا انا متضرر جامد انا وصلت ٢٩ سنه و محلي سر مفيش ارتباطات ولا اي حاجه ،كان نفسي استقر و اعمل اسره بس واضح ان الموضوع كدا خلاص ،انا ابديت حتي اصلع جامد و شعري يبيض ميرضيش حد.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_87373 🇩🇿

منذ أسبوع واحد

شعور مكسور القلب

جيت نحكي بلاك نريح من شراه يصرالي انا كنت في علاقة توكسيك و خرجت منها تعالجت لمدة سنتين و بديت علاقة مع واحد كيفه لايوجد مأدب يحبني كلشي فيه بعد سنة ونص راح لبلاد بعيدة و تبدل عليا المشكلة كنت ندير فيه ثقة عمياء لحد محكيت لماما و بابا عليه و الان تبدل عليا 🥹🥹🥹🥹🥹

Avocado_87385 🇪🇬 لقى غيرك

عرض الكل 7 نصيحة

Kiwi_51151 🇪🇬

منذ أسبوع واحد

شعور محبط

ممكن كانت اكبر غلطه اني حبيتها ممكن علشان كانت اول حب ليا بجد ممكن علشان كنت متعلق بيها مش عارف بجد ممكن علشان كانت هي متعلقه بيا مش عارف هي ايه ظروفها وليه مستنيش شويه انا كنت بحاول علشانها انا لسه فاكر دموعي لما جالي الخبر وانا بتقدم ليها انها واقفت ع حد تاني لسه فاكر كسرت نفسي لما رنيت ع واحده ق

Mango_57366 🇪🇬

منذ أسبوع واحد

شعور عاطفي

جايالكم بعد ما انتهت قصتي وطلع مش بيحبني وطلع بيكدب عليا كل ده وكان في نيته يوم منزلني عيد ميلاده يقولي منكملشوانو محبنيش بس صعبت عليه ومقالش،حسبي الله ونعم الوكيل .........لا حول ولا قوة الا بالله لاحول ولا قوة الا بالله

Strawberry_58144 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

يمكن دى اول مره اعترف انه كان حب من طرف واحد.. 
كنت بقول انه لا.. بيحبنى.. اكيد بيحبنى.. اصل كل ده معناه اى؟ كل النظرات دى.. كل المشاعر دى.. كل الهروب و الخوف الى فعيونه ده.. كل المشاعر الى عشناها من بعيد.. ولا حد خد باله بس احنا كننا عارفين.. ان فى حاجه بيننا.. كنت بقول انه يمكن خايف يتكلم..
اصل كل ده.. و لمده سنه كامله.. يطلع ولا شيء؟
اه طلع ولا شيء..
عادى جدا.. لا جه.. ولا اتكلم.. ولا همه ان صورته تتهز قدامى بتصرفاته الغبيه
بقا بيهزر مع البنات عادى.. رغم انه مكانش كده
كل بنات الدفعه بقا بيهزر معاهم.. الا انا..
انا الوحيده الى لا بيتعامل معايا.. ولا بيرد عليا عالجروب صدفه حتى.. تجاهل.. تجاهل و بس
طب ليه؟ ليه لسه بيبصلى رغم كل ده؟ عشان مبيحبنيش.. ولا عمره حبنى للاسف
انا معنديش تفسير لكل الى حصل بيننا.. بس اكيد كان اى حاجه غير انه بيحبنى..
كفايه الاقلام الى اخدها فقلبى و كرامتى.. ده مهتم بالبنت الى عالجروب الى اصلا مرتبططه اكتر منى.. ده لو جاوبت لحد سؤال عالجروب مبيعملش رياكت حتى.. بيهربب.. بيشوفنى بيترعب.. انا شعور الرفض بيقطع فكرامتى.. بحاول اجيب العيب فيه وانى هبعد لانه مش كويس زى ما كنت فاكره وانو قليل الذوق.. بس الحقيقه انا عارفه انى ببعد التهمه عنى.. ببعد شعور انى اترفضت.. بحاول ارفضو جوايا زى ما رفضنى.. انا اتبهدلت بسببه كتير.. و متت من الغيره كتيير.. واتهانت.. ده الوقت الى هشيب فيه الساحه لغيرى و هنسحب.. ممانى مش هنا.. مش وسطهم.. مش معاه..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_86558 🇪🇬

منذ أسبوع واحد

شعور مستنزف

عبّر عن شعورك بشكل مجهول

انا اول مره في حياتي انزل ابليكيشن كده وكمان اكتب حاجه عني عليه فكنت حابه اتكلم عن تجربه يمكن تعلم غيري ..
من كام شهر صاحب اخويا الأصغر مني بسنه لقيته بيكلم اختي الكبيره وعايزه يتقدملي وكان متمسك بيه جدا وبيحاول يقنع اختي أن السن مش مشكله بالنسبه ليه وأنه بيحبني والكلام الفاضي ده وكمان جه قعد مع والدتي وبرضه والدتي فضلت تتكلم معاه أنه مينفعش السن وكده برضه كان مصر جدا لعند ماانا اقتنعت وقولت اني موافقه وبدأت اعرف أهل والدي (لان والدي متوفي )أن فيه شخص متقدم وهما طبعا  عارفينه شخصيا وكلهم قالوا تمام لعند ما كانت كل حاجه ماشيه تمام وخلاص قولناله تعالي وكلم اخويا الي هوه صاحبه يعني لقيت تاني يوم أخته بعتالي رساله علي الماسنجر بتقولي أنهم عايزين وحده دكتوره لاخوهم وكمان وحده اصغر منه واني ابعد عنه واشيله من دماغي فاانا رديت عليها بكل احترام وقلتلها حاضر ومبررتش ولا وضحت ولا اي حاجه ودخلت عملت لاخوها بلوكات وعرفت اخواتي بالي حصل وطبعا اخويا اتخانق معاه وقاله لو مخلاش أخته تعتذر ليه هيتصرف تصرف تاني معاه وطبعا لقيت أخته بعدها باسبوع باعته تعتذر ليه فاانا مردتش عليها والموضوع اتفقل علي كده . الموضوع يبان تافه بس بجد كسر قلبي بطريقه محدش يتخيلها وخلي ثقتي ف نفسي تقل جدا مع ان أنا اه مش دكتوره بس معايا كليه عاديه وكنت بعمل دراسات عاليا أيامها ومحترمه الحمد لله ومستوي اجتماعي اعلي منه وكمان اخواتي دكاتره والحمد لله علي قدر من الجمال يعني والله مافيه عيب بس عيبي اني مش دكتوره وكمان اكبر منه بسنه مع أن الي يشوفني يقول إن أنا الي اصغر منه .. الموضوع ده كسر نفسي اوي ومريت بفتره تعب بعدها عمري ماكنت بمر بيها وثقتي كانت صفر بجد لعند ما الحمد لله ربنا قواني وفوقت لنفسي وحاليا سجلت دكتوراه وبحاول اعلي اكتر من نفسي وثقتي ف نفسي رجعت 80% كده ودا كله كان بفضل ربنا وبفضل والدتي واخواتي .. والمشكلة دي علمتني ان لازم دايما احكم عقلي ومتاثرش ابدا باي حاجه بتحصل حواليا وكمان اني موافقش علي اي حد اصغر مني ف السن مهما قدم من محاولات فاتمني كل بنت متغلطش غلطتي واتمني تدعولي ربنا يرزقني بالزوج الصالح اللي يريح قلبي ويسعدني 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_53303 🇪🇬

منذ أسبوع واحد

شعور مكسور القلب

عرفتك صدفه وخسرتك في اكتر وقت انا محتاجك فيه طب لو مبقيناش لبعض ليه اتقابلنا من الاول ليه كل مره كنا بنرجع !! ليه عيشنا ذكريات حلوه من واحنا صغيرين لحد ما كبرنا سوه منكرش اني حبيتك خلال ال ١٠ سنين بس انا جيتلك لحد بيتك وكلمت اهلك ليه اختارتي وقتها انك تقبلي بشروطك وانك متسبيش اهلك وتعيشي معايا كل وا

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_86159 🇪🇬

منذ أسبوعين

شعور محبط

موضوع:

اكتر موقف من حد بتحبه خلي حبك ليه يتغير

خاني وكنت فاكره انه خام وبقول انه مش بيعرف يعبر عشان ملوش تجارب بس طلع بيعبر ف اماكن تانيه 😂😂 اكتشفت انه عمره م حبني انت بس اللي كنت بحبه وبوهم نفسي انه بيحبني بس مش عارف يعبر .. بسئل نفسي لو رحع الزمن هوافق عليه ولالا

Croissant_52708 🇪🇬

منذ أسبوعين

شعور مرهق

أنا رجعت للسجاير ومشروبات الطاقة، مش علشان بحبهم، بس علشان أهرب. أهرب من التفكير، من الوجع، من إحساسي الدائم إني مش كفاية. كنت بحاول أعيش طبيعي، أضحك وأبان قوي، بس الحقيقة إني من جوّا تعبان جدًا. كل مرة كنت بحاول أكون كويس، كنت بتوجع أكتر، كأني بدفع تمن طيبتي في عالم مش بيقدّرها. رجعت للحاجات اللي ك

عبّر عن شعورك بشكل مجهول

أنا رجعت للسجاير ومشروبات الطاقة، مش علشان بحبهم، بس علشان أهرب. أهرب من التفكير، من الوجع، من إحساسي الدائم إني مش كفاية. كنت بحاول أعيش طبيعي، أضحك وأبان قوي، بس الحقيقة إني من جوّا تعبان جدًا.
كل مرة كنت بحاول أكون كويس، كنت بتوجع أكتر، كأني بدفع تمن طيبتي في عالم مش بيقدّرها.
رجعت للحاجات اللي كنت زمان باعتبرها ضعف، بس النهارده بقت وسيلتي الوحيدة أكمّل بيها يومي من غير ما أنهار.

زميلتي في الشغل كانت نقطة التحوّل، طلّعت النسخة اللي كنت فاكرها ماتت جوايا. كنت شايف فيها راحتي، وكنت بدعي لربنا كل يوم إنها تكون من نصيبي. بس كل ما كنت بتمنى، كانت بتبعد. لحد ما بقيت أنا اللي بعيد… بعيد عن نفسي، وعن كل حاجة كنت بحبها.
اتمنىتها تكون ملاكي، بس طلعت درسي القاسي، واللي علّمني إن مش كل إحساس حقيقي لازم يتبادل.

دلوقتي بقيت إنسان تاني… بارد، صامت، فقدت طريقة كلامي الدافية. كل حاجة جوايا بقت مطفية، كأني بتفرج على حياتي من بعيد.
يمكن السجاير بقت صاحبي الوحيد، والمشروبات دي بقت الوقود اللي بيمشّيني، بس الحقيقة إنهم مش بيعالجوا حاجة…
أنا عارف إن دي مش النهاية، بس الوقت ده صعب، وأنا بحاول أستوعب إن اللي راح، راح… وإن يمكن التعافي يبدأ لما أبطّل أهرب من نفسي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_77751 🇪🇬

منذ أسبوعين

شعور مكسور القلب

ابويا راجل نرجسى اسيوطى... انا و مامتى و اخواتى الولاد تعبنا منو... ديما بيأذينا نفسيا و بالشتايم... و ساعت بيضرب امي... و امه عيشة معانا فى نفس الشقة و بردو متعبة جدا... مش بتسيب حاجة فى حلها و بتسخت بابا علبنا... انهاردة ماما و بابا اتخنقو... الكلام ده الصبح... انا حاليا فى ثانوية عامة... و ماما ب

Blueberry_71450 🇪🇬 ربنا معاكي بجد بس حاولي الفترة دي تبعدي عن العلاقات العاطفية في الاخر انتي في فترة الولد اللي هتعرفية مش ناضج كفاية اصلا هو لاما عندو نقص وعايزك تكمليه او شهوة وبالنسبة لباباكي فمفيش حد بيختار عيلته ومحدش مرتاح لكن حاولي تتعاملي مع كل موقف بحسن نية و دمتم سالمين

عرض الكل 4 نصيحة

Mushroom_83316 🇪🇬

منذ أسبوعين

شعور وحيد

احساسي دايما بالضعف من ناحية اي حاجه وخوف دايما من كل حاجه اه انا اللي اخترت ابقا وحيده انا اتاذيت من ناس كتير مابقتش حابه اي كد في حياتي حابه اني افضل سكته انا للاسف دايما مبينه للناس اني تمام اووي بس ماحدش هيحس بيا محدش حاسس انا عايزه ليه بتهان وبقالي انتي فاشله لو بس ماعملتش الحاجه اللي اتطلبت

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع