فقدان الجنين

Ice Cream_76629 🇪🇬

منذ شهرين

شعور محبط

Chilli_72134 🇪🇬 أنا اتمنه من ربنا وحده فى الحنيه داى

عرض الكل 9 نصيحة

عبّر عن شعورك بشكل مجهول

‏أنا متجوزة من حوالي سنتين وكان اتفقنا قبل الجواز إني أسافر لجوزي بره مصر واتفقنا إستفر بعد الجواز ب شهرين لأني بشتغل في وظيفة كويسة وكان عندي ترقيه كنت أخذها وبعد كده هستافر جوزي قاعد معايا 18يوم  بعد الفرح و بعد أسبوع واحد من الفرح ابتدأ اهله يقولوا إنه  مش  طبيعي برغم من انه كان كويس معايا من كثرة تعليقاتهم ابتدأ يتغير معايا وأحس أن هو متضايق جابوا شيخ في البيت وقال لي إنتو معمول لكم  عمل إن هو ما يخلفش منك أو انه يطلقك طبعا أنا مش  مقتنع بالكلام ده خالص وسافر  وبعد ما سافر   طلب مني أبيع الذهب عشان هيشتري قطعة أرض وفعلا بعت الذهب كله وبعد ما اشترى قطعة الأرض يتكلم معي وقال لي أني اقعد في مصر وهو ينزل  أجازات كل سنه او حسب شغله   طبعا أنا قلت له لا أنا كانت اتفاقي إني  أسافر معك وكنت هبيع دهبي  في مقابل أنا أمشي معك وكان وعدني إن الذهب ده ملوش علاقة بالسفر وفلوس  السفر على جنب زعلت نزل إجازة بعد خمس شهور من الجواز قاعد معي خمس ايام اتكلمت معاه في حوار السفر واني  محتاجه ليه  قال لي  مش هتسافري  إلا لما آخذ أهلي وهم ثلاث أفراد عرضت عليه إني أسافر أشتغل وياخذ دخلي  كامل مقابل انه هو يعرف يحوش اكثر ويجيب أهله فعلا رفض زعلت شوية تو صالحته قبل ما يسافر بيوم  قال لي قبل مركب الطيارة وأوصل البلد اللي أنا مسافر لها تكوني تخلصت من اي حاجه في  بطنك لو أنتي حامل تخلصي منه أنا مش مرتب أولوياتي وندمان  أني نزلت الأجازة دي كانت أسوأ أجازة في حياتي من صدمتي ما حكيتش لحد اللي حصل ما بيننا وعديت الموضوع على أساس انه وقت غضب مش أكثر وسافر جوزي وهو مش من النوع اللي بيهتم بي مكالمات ولا بيقول أي حاجة عاطفية وبعد  كده كلمني وقال لي أنت هتيجي عندي كان بعد مسافر بحوالي شهرين هروح  10 أيام فقط عنده عشان أغير جو بدل شهر العسل وسافرت فعلا وثلاث أيام ابتدأ  يبعد عني ومش طايق لمسة إيدي  وبعد كده اشتكيت لوالده من معاملته لي ولما قولت له ليه كده قال لي مكنتش عايز أتجوز حد أصلا ولما ترجعي مصر هتعرف انتي  عملتي ايه طبعا زعلت وكنت  في حالةصدمه  يعني بقيت أقول له اتزوجتني ليه  كلمت والده  اتدخل في الموضوع وصالحني قبل ما أنزل مصر  بيومين وبعد كده نزلت مصر على وعد أني هأسافر بعدها بشهر   وبعد كده أخذ أهله زياره  وقعدوا معه شهرين ورجعوا طبعا أنا زعلت جدا انه حتي معرضش عليا اروح معاهم وقال لي مش معاه فلوس وهما اولي و اهله بيقولوا لي إن أنتي مش عارفة تسيطري  عليه    و جرحني لما سابني  لوحدي   وبعدين سامحته وقولت  مش مشكلة طالما  حياخذني بعدهم  و بعد  ست شهور يعني 8  شهور  غياب بعت لي إن أنا أسافر لي وأخذت إجازة من شغلي سنة لأن شغلي مفهوش شهر أو شهرين وفعلا اخذت الأجازة وسافرت هو ثلاث أيام يعاملني  كويس  وبعد كده ابتدائي يهجرني  برضو  ولما تكلمت معي قال لي ماعنديش رغبة واستجابه لي وبعد كده  بقي  يقول لي أنتي ريحتك  وحشة أنا مش قابل  وجودك جاب لي الشيوخ قال  لي إن أنت معمول لك عمل ان  هو ينفر  منك طبعا أنا ماقتنعتش بالكلام ده كله وبعد كده اكتشفت إني أنا حامل ولما كنت حامل وقتها قال لي الولد منك أنتي وانتي  المسؤولة عنه أنا مش عايز منك حاجة وقلت لك قبل كده أنا ماعنديش رغبة فيكي أصلا   ملكيش  قعده معايا هنا  تاني  أنتي  تنزلي مصر ب المصيبة دي لحد ما أشوف  أنا عامل معاي  ايه طبعا أنا تضايقت قوي وبتدخل  من اهلي واهله اتصالحنا   عشان الولد اللي هيبقى موجود بعدها بأسبوع قال  لي أنت لازم تنزلي مصر عشان أنا مش معايا فلوس وهفتح  شركة والشركة دي هتاخد كل الفلوس اللي معايا  لأن أنا لو عملتش الشركة دلوقتي مش هقدر اعملها بعدين طبعا أنا قولت له أنت كده مش مقدرني  ومن كثر الضغط والحاله النفسيه  اللي كنت فيا  البيبي مات في بطني ونزلت مصر سقطت في  وهو فصل  حوالي شهر بدون مكالمات ويبعت  لي رسائل فقط  م عاملة ايه اخبارك ايه بس  وبعدها لغي اقامتي هناك وقال لي بعدين هعملها لما اوثق الشركه بتاعي وهيدخلني شريك  أنا قلت له أنا مش هينفع العلاقة دي  وأنا عايزة أتطلق انت مش مهتم بيا أصلا وبعد  شهرين  اهلي قال لي لا أنت لازم ترجعي وكده ومش هينفع خراب ال بيوت وكده وهو يعاملك كويس قوي وأنا اتعهد بكده كلمته فعلا قال لي أنا مش هاخد  معايا تاني أنا مش معايا  فلوس وانت تقعدي في مصر وأنا هروح وآجي لك فقط و شغلك مش مسؤول عنه وانتي اللي سبته أنا مطلبتش منك تجيلي و ترجعي شغلك ما ترجعيش  أنتي حره بعد ما رجعت شغلي كلمني وقال لي تعالي شهر أنا مش هينفع اروح  شهر قولت له مقولتش  ليه من الأول  قال لي أنت مش بيعجبك حاجه  وعمرك ما وقفتي جنبي بعد كل ده وأنا دلوقتي مش عايزة أرجع له لأن  هو مش عايزني بس عشان والده  بيقول لي  مستحيل تطلعي بره بيتنا أنتي تعيشي معانا وسيبك منه هو أكيد الأيام هتغيره 
عايزه أتطلق لان مفيش فايده فيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_64545 🇪🇬

منذ 4 أشهر

شعور رائع

موضوع:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

ابني الاولاني كان جنين خمس شهور وراح كان نفسي يكمل ودخلت في اكتئاب 3 شهور اهلي رجعوني لجوزي غصب مسكت كل تصوير السونار بتاع الجنين واعدت اعيط بحرقه لوحدي بس الله عوضني بابني التاني عنده سنتين و8 شهور غير فيا اني لازم ابقى قويه ومامشيش ورا كلام حد غير الدكتور

Watermelon_26657 🇪🇬

منذ سنة واحدة

شعور محبط

موضوع:

اي هي اكبر صدمه اتعرضتو ليها؟

الصدمه الاولي اخدتها في فقدي لجنيني و اكتشفت أن عندي مشكله في الخلفه و أن مافيش حلول علميه أو علاج وان الموضوع كلو بيد الله علي الرغم أن طول عمري مكنش عندي مشاكل ولا حاجه تدل علي كده بس نصيب ربنا بعد اسبوعين اتوفت اغلي حاجه في حياتي خالتي وامي الثانيه حبيبت قلبي و عمري كلو مهما حكيت عنها مش هوفي

Pumpkin_25616 🇮🇹 ربنا يرحمها و يارب يريح بالك و قلبك و يجعلك نصيب في الخلفة و يجعلك فيها الخير

عرض الكل 2 نصيحة

Moon_75106 🇪🇬

البيرسنج في السرة حلال ولا حرام؟ نفسي اعمله اوي!

انا من فترة كنت عايزة اعمل بيرسنج في السرة وسألت شيخ وقالي حلال لو مش هوريه لحد اجنبي و لو البيئة الي حواليا سامحة بده وانا برضو مفهمتش هل كده حلال ولا حرام انا اهلي عادي مش معترضين اني اعمله وخايفة اعمله ويطلع حرام بس انا نفسي اعمله اوي بجد ومش عارفة اعمل ايه ...عرض المزيد

2 الدعم

23 نصيحة

Strawberry_49071 🇪🇬

فشلت في الحلال والحرام والدراسة.. الفشل عندي أساسي

ولا نفعنا ف الحرام ولا نفعنا ف الحلال ولا نفعنا ف الدراسه ولانفعنا ف التخرج فشلنا ف الفشل نفسه حتي لما دخلت فلوس فشلت برضو الفشل عندي حاجه اساسيه قولت هبقي محترمه فمنفعش برضو كلو فشل ف فشل ...عرض المزيد

1 الدعم

20 نصيحة

Ice Cream_65043 🇪🇬

حاسه بخذلان شديد من خطيبي ووالدتي ومش عارفه أتصرف

السلام عليكم مش عارفه أقول ايه بس انا حاسه بخذلان شديد تجاه حياتي ونفسي الشخص الوحيد اللي اخترت اني اعيش معاه كان بيعاملني اني مجرد جاريه ليه معامله وحشه اوي وكل ما افتكر اني خلاص تعافيت يرجع يأذيني مهما حاولت ابعد بيوصلي لدرجه انه كلم والدتي وقالها بنتك مريضه وماما قلبت عليا انا مش عارفه اعيط ولا احكي لحد ع اللي جوايا بس انا تعبانه والله بدرجه صعبه انا مش عارفه شخص انا ملقتش بينا تفاهم ف مشيت بكل هدوء بدون أذى بس انا مش عارفه اعمل ايه ووالدتي كل شويه تزودها عليا وتلومني على اختياري عشان كان خطيبي انا مش عارفه اتصرف ازاي بجد اموت نفسي ولا اهرب ازاي منه ومش شعور الخذلان ...عرض المزيد

1 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع